ପାଳଲହଡା,୯ା୭(ଦିବ୍ୟଜ୍ୟୋତି ଦାଶ): ଅନୁଗୋଳ ଜିଲା ପାଳଲହଡା ମାଲ୍ୟଗିରି ପାହାଡକୁ ଟ୍ରେକିଂ କରିବାକୁ ଯାଇ ଫସି ରହିଥିବା ୩ ଯୁବକଙ୍କୁ ସୁରକ୍ଷିତ ଭାବେ ଉଦ୍ଧାର କଲା ଅଗ୍ନିଶମ ବାହିନୀ ।
ସୂଚନା ଅନୁଯାଇ, ବୁଧବାର କେନ୍ଦୁଝର, ବଡ଼ବିଲ ଓ ଚମ୍ପୁଆ ଅଞ୍ଚଳର ୧୩ ଜଣ ଯୁବକ ଏକା ସାଙ୍ଗେ ମାଲ୍ୟଗିରି ପାହାଡକୁ ଚଢ଼ିଥିଲେ । କିଛି ବାଟ ଯିବାପରେ ୬ ଜଣ ତଳକୁ ଫେରି ଆସିଥିଲେ। ଅନ୍ୟ ୭ ଜଣ ଯୁବକ ଉପରକୁ ଯାଇଥିଲେ । ତେବେ ସେମାନଙ୍କ ମଧ୍ୟରୁ୪ ଜଣ ଯୁବକ ବୁଧବାର ସନ୍ଧ୍ୟାରେ ତଳକୁ ଉହ୍ଲାଇ ଆସିଯାଇଥିବା ବେଳେ ଅନ୍ୟ ୩ଜଣ ଯୁବକ ରାସ୍ତା ଭୁଲି ପାହାଡ଼ ଭିତରେ ଫସି ରହିଥିଲେ । ତଳକୁ ଓହ୍ଲାଇ ଥିବା ସାଙ୍ଗମାନଙ୍କୁ ଫୋନ କରି ଫସି ରହିଥିବା ସୂଚନା ଦେଇଥିଲେ । ଗୁରୁବାର ସକାଳୁ ୧୧୨କୁ ସୂଚନା ଦେବା ପରେ ଉକ୍ତ ୩ ଯୁବକଙ୍କୁ ଉଦ୍ଧାର ପାଇଁ ପାଳଲହଡା ଅଗ୍ନିଶମ ବାହିନୀ ପାହାଡ ଉପରକୁ ଯାଇଥିଲା । ପାଖାପାଖି ୭ କିଲୋମିଟର ପାହାଡ ଉପରେ ଏକ ଚଟାଣ ମଝିରେ ୨୫ ଫୁଟ ଖାଇରେ ଯୁବକମାନେ ଫସି ରହିଥିଲେ । ତାଙ୍କୁ ଉଦ୍ଧାର କରି ସୁରକ୍ଷିତ ଭାବେ ତଳକୁ ଅଣାଯାଇଛି । ଘଟଣା ସ୍ଥଳରେ ପାଳଲହଡା ଥାନା ଅଧିକାରୀ ଉପସ୍ଥିତ ଥିଲେ । ଏହି ଘଟଣା ବର୍ତ୍ତମାନ ସ୍ଥାନୀୟ ଅଞ୍ଚଳରେ ଚର୍ଚ୍ଚାର ବିଷୟ ପାଲଟିଛି ।
