ଭଦ୍ରକ, ୫।୧୨(ସନାତନ ରାଉତ): ଭଦ୍ରକ ଜିଲା ଭଣ୍ଡାରିପୋଖରୀ ଥାନା ବଡ଼ ନପଙ୍ଗ ଗାଁରେ ସଶସ୍ତ୍ର ଡକାୟତି ହୋଇଛି l ଗାଁର ମାଧବ ସେଠୀଙ୍କ ଘରେ ପଶି ଦୁର୍ବୁତ୍ତମାନେ ଭୁଜାଲି ଦେଖାଇ ଭୟଭୀତ କରିବା ସହିତ କୋଦାଳରେ ଆକ୍ରମଣ କରି ଡକାୟତି କରିଛନ୍ତି l ମାଧବ ଓ ତାଙ୍କ ମଝିଆ ପୁଅ ରମେଶ ସେଠୀଙ୍କୁ ଆକ୍ରମଣ କରି ଗୋଟେ ଘରେ ଭର୍ତ୍ତି କରିଦେଇଥିଲେ l ଏହି ଡକାୟତି ଦଳରେ ୮ ଜଣ ଥିଲା ବେଳେ ଘର ଭିରରେ ମାରଣାସ୍ତ୍ର ଧରି ପଶିଥିଲେ ୬ ଜଣ ମୁଖା ପିନ୍ଧା ଦୁର୍ବୁତ୍ତ l ଘର ବାହାରେ ବନ୍ଧୁକ ଓ ଭୁଜାଲି ଧରି ଜଗି ରହିଥିଲେ ୨ ଜଣ l ରାତି ପ୍ରାୟ ୧୨ଟା ପରେ ମାଧବଙ୍କ କୁକୁଡ଼ା ଭାଡି ଖୋଲି ଦେଇଥିଲେ l କୁକୁଡ଼ାଙ୍କ ଶବ୍ଦ ଶୁଣି ଘର ଲୋକ ବାହାରକୁ ଆସିଥିଲେ l ଏହି ସୁଯୋଗରେ ଘରେ ପ୍ରବେଶ କରି ଘରର ମହିଳା ଓ ଛୋଟ ପିଲାଙ୍କ ବେକରେ ଭୁଜାଲି ଲଗାଇ ଭୟଭୀତ କରି ଆଲମାରିରୁ ଲକ୍ଷ ଲକ୍ଷ ଟଙ୍କାର ସୁନା ଅଳଙ୍କାର ଓ ବାକ୍ସରେ ଥିବା କିଛି ଟଙ୍କା ଲୁଟି ନେଇ ଯାଇଥିଲେ।
ଖବର ପାଇ ଘଟଣାସ୍ଥଳରେ ଭଣ୍ଡାରିପୋଖରୀ ପୋଲିସ ପହଂଚି ତଦନ୍ତ ଆରମ୍ଭ କରିଥିଲା ବେଳେ ଗ୍ରାମଠାରୁ କିଛି ଦୂରରେ ସୁନା ଅଳଙ୍କାରର ଖାଲି ଖୋଳ ଓ କପଡା ଏବଂ ବ୍ୟାଗ ପଡ଼ିଛି l ଏହି ବଡ଼ ଧରଣର ଡକାୟତିଜୁ ନେଇ ଲୋକମାନେ ଅଧିକ ଭୟଭୀତ ହୋଇ ପଡିଛନ୍ତି l
