ସର୍ଭେ ନାହିଁ, ଚାଲିଛି ପ୍ରକଳ୍ପ ନିର୍ମାଣ

ନୟାଗଡ଼ ଅଫିସ,୨୭।୧୧: ନୟାଗଡ଼ ବ୍ଲକର ସୁନାଲଟି ଗଁା ନିକଟରେ କୁସୁମୀ ନଦୀ ଉପରେ ନିର୍ମାଣଧୀନ କୁସୁମୀ ବ୍ୟାରେଜକୁ ବିରୋଧ କରାଯାଇଛି। ବୁଡ଼ି ଅଞ୍ଚଳର ସର୍ଭେ କରା ନ ଯାଇ ବ୍ୟାରେଜ ନିର୍ମାଣ କରାଯାଉଥିବାରୁ ଗ୍ରାମବାସୀ ତାତିଛନ୍ତି।  ବ୍ୟାରେଜ ପ୍ରଭାବରେ ଉପର ମୁଣ୍ଡରେ କୃଷ୍ଣପ୍ରସାଦ, ସୁନାଲଟି ଓ ଲାଠିପଡ଼ା ଆଦି ୩ ଗଁାର ପ୍ରାୟ ୨୫୦ ଚାଷୀଙ୍କ ୫୫ ଏକରରୁ ଊର୍ଦ୍ଧ୍ୱ ଜମିର ଫସଲ ବୁଡିବାକୁ ଯାଉଛି । ଜଳସମ୍ପଦ ବିଭାଗ ଠିକ ଭାବେ ଅନୁଧ୍ୟାନ କରି ନ ଥିବାରୁ ପ୍ରତିବାଦ ଉଠିଛି। କ୍ଷତିଗସ୍ତ ହେବାକୁ ଥିବା ଚାଷୀଙ୍କୁ କ୍ଷତିପୂରଣ ନ ଦେଇ ଜଳସମ୍ପଦ ବିଭାଗ ଜୋର ଜବରଦସ୍ତ ନିର୍ମାଣ କାର୍ଯ୍ୟକୁ ତ୍ୱରାନ୍ବିତ କରିଥିବାରୁ ଚାଷୀଙ୍କ ମଧ୍ୟରେ ଅସନ୍ତୋଷ ବଢ଼ି ଚାଲିଛି। ପ୍ରଶାସନ ନ ଶୁଣିଲେ ଆନ୍ଦୋଳନ ତ୍ୱରାନ୍ବିତ ହେବ ବୋଲି ଚାଷୀମାନେ ଚେତାବନୀ ଦେଇଛନ୍ତି।

କୁସୁମୀ ବ୍ୟାରେଜ ପାଇଁ ୩୨୯ କୋଟି ଟଙ୍କା ମଞ୍ଜୁର ହୋଇଛି । ପ୍ରକଳ୍ପ ନିର୍ମାଣ ହେଲେ ନୟାଗଡ଼, ଖଣ୍ଡପଡ଼ା, ଭାପୁର ଓ ଖୋର୍ଦ୍ଧା ଜିଲାର ସୀମାନ୍ତ ଅଞ୍ଚଳର ୩୮ ଗଁାର ଚାଷୀ ଉପକୃତ ହେବେ। ମରୁଡ଼ି ସମୟରେ ୩୭୪୫ ହେକ୍ଟର ଜମିରେ ଜଳସେଚିତ ହୋଇ ପାରିବ । ୨୦୧୪ରେ କୁସୁମୀ ବ୍ୟାରେଜ ପାଇଁ ମୁଖ୍ୟମନ୍ତ୍ରୀ ଭିତ୍ତିପ୍ରସ୍ତର ସ୍ଥାପନ କରିଥିଲେ।
୨୦୧୯ରେ ପ୍ରକଳ୍ପର କାର୍ଯ୍ୟ ଆରମ୍ଭ ହୋଇଛି। ୧୦୦ ମିଟର ଲମ୍ବ ଓ ୬୮ ମିଟର ବନ୍ଧ ବାନ୍ଧିବା ପାଇଁ ବ୍ୟାରେଜ କାମ ଆଗେଇ ଚାଲିଛି। ବ୍ୟାରେଜରୁ ପାଣି ନିଷ୍କାସନ ପାଇଁ ରହିଛି ୮ଟି ସ୍ଲୁଇଜ୍‌ ଗେଟ। ଜମିକୁ ଜଳଯୋଗାଣ ପାଇଁ ବ୍ୟାରେଜରୁ କୋନାଲ ପରିବର୍ତ୍ତେ ହୋମ ପାଇପ୍‌ର ବ୍ୟବସ୍ଥା ରହିଛି । ବ୍ୟାରେଜ ନିର୍ମାଣ ପାଇଁ ୧୧ ଏକର ବେସରକାରୀ ଜମି ଯାଉଛି । ଏଥିପାଇଁ ଜମି ଅଧିଗ୍ରହଣ ଶେଷ ହୋଇଛି। ତେବେ କେତେ ଜମି ବୁଡିବ ସେନେଇ ସର୍ଭେ ହୋଇ ନ ଥିବାରୁ ଚାଷୀମାନେ ନିଜ ଜମିର ସ୍ଥିତି ସମ୍ପର୍କେରେ ଜାଣି ପାରୁ ନାହାନ୍ତି । ଏହାକୁ ନେଇ ବ୍ୟାରେଜ ନିର୍ମାଣ ପ୍ରତି ଚାଷୀଙ୍କ ସନ୍ଦେହ ବଢ଼ାଇଛି । ୨୦୨୩ ସୁଦ୍ଧା ପ୍ରକଳ୍ପ କାର୍ଯ୍ୟ ଶେଷ ହେବ ବୋଲି ଲକ୍ଷ୍ୟ ରହିଛି।

ପ୍ରକଳ୍ପର କାର୍ଯ୍ୟକୁ ଚାଷୀ ବିରୋଧ କରୁ ନାହାନ୍ତି। କିନ୍ତୁ ପ୍ରକଳ୍ପ ନିର୍ମାଣ ହେଲେ ଚାଷୀଙ୍କ ଜମି ବୁଡିବାକୁ ଯାଉଥିବାବେଳେ ଜମି ଅଧିଗ୍ରହଣ ନ କରି ଓ କ୍ଷତିପୂରଣ ନ ଦେଇ ପ୍ରକଳ୍ପ କାମ ଚାଲୁ ରହିଛି । କୃଷ୍ଣପ୍ରସାଦ ଗଁାର ଚାଷୀ ଗୌରାଙ୍ଗ ପ୍ରଧାନ ଓ ଶରତ ଚନ୍ଦ୍ର ଚମ୍ପତି କୁହନ୍ତି, ବ୍ୟାରେଜ ହେଉ, ଆମର ପ୍ରତିବାଦ ନାହିଁ । କିନ୍ତୁ ବ୍ୟାରେଜ ଯେଉଁ ଅଞ୍ଚଳରେ କରାଗଲା ଯେପରି ସର୍ଭେ ହୋଇ ଜମି ଅଧିଗ୍ରହଣ କରାଗଲା ସେପରି ବୁଡି ଅଞ୍ଚଳ ପାଇଁ କରାଯାଉ ନାହିଁ । ବ୍ୟାରେଜ ଦ୍ୱାରା କେତେ ଜମି ବୁଡ଼ିବ ସେନେଇ ଜଳସମ୍ପଦ ବିଭାଗ ରିପୋର୍ଟ ଦେଇ ପାରୁ ନାହିଁ। ଏଣୁ ବେସରକାରୀ ଭାବେ ଆମେ ଅନୁଭବ କରୁଛୁ ଆମ ୩ ଗଁାର ୫୫ ଏକରରୁ ଊର୍ଦ୍ଧ୍ୱ ଚାଷ ଜମି ବ୍ୟାରେଜ ଯୋଗୁ ବୁଡିବାର ଆଶଙ୍କା ରହିଛି। ସେଥିପାଇଁ ଆମେ ପ୍ରତିବାଦ କରୁଛୁ। ନ୍ୟାୟ ନ ମିଳିଲେ ଆମେ ଆନ୍ଦୋଳନକୁ ତ୍ୱରାନ୍ବିତ କରିବୁ।

ଧାନକଟା ପରେ କରାଯିବ ସର୍ଭେ

ଧାନକଟାଯିବା ପରେ ସର୍ଭେ କରାଯିବ ବୋଲି ଜିଲା ପ୍ରଶାସନ ଓ ଜଳସମ୍ପଦ ବିଭାଗ ପକ୍ଷରୁ କୁହାଯାଇଛି । ଏନେଇ ଜଳସମ୍ପଦ ବିଭାଗର ନିର୍ବାହୀ ଯନ୍ତ୍ରୀ ଭଗବାନ ଚନ୍ଦ୍ର ଦାଶ କୁହନ୍ତି, ପ୍ରକଳ୍ପ ପାଇଁ ବୁଡି ଅଞ୍ଚଳ ପାଇଁ ସର୍ଭେ ହୋଇ ନ ଥିଲା। ଏଣୁ ଧାନକଟା ଶେଷ ପରେ ବୁଡି ଅଞ୍ଚଳର ସର୍ଭେ କରାଯିବ। ଯେଉଁମାନଙ୍କ ଚାଷ ଜମି କ୍ଷତି ହେବ ସେମାନଙ୍କ ଜମି ଅଧିଗ୍ରହଣ କରାଯାଇ କ୍ଷତିପୂରଣ ଦିଆଯିବ। ବ୍ୟାରେଜ ନିର୍ମାଣ ପରେ ଯଦି ଚାଷ ଜମି କ୍ଷତି ହୁଏ ତେବେ ମଧ୍ୟ ସେ ସମୟରେ ପୁଣି ସର୍ଭେ କରାଯାଇ କ୍ଷତି ଭରଣା କରାଯିବ। ଏନେଇ ଚାଷୀଙ୍କ ସହ ଆଲୋଚନା କରାଯାଇଛି । ଚାଷୀ ଆମ କଥାରେ ସହମତି ପ୍ରକାଶ କରିଛନ୍ତି ବୋଲି ସେ କହିଛନ୍ତି । ଜିଲାପାଳ ରବୀନ୍ଦ୍ର ନାଥ ସାହୁ କୁହନ୍ତି, କାମ ଚାଲିଛି । ମୁଁ ନିର୍ମାଣସ୍ଥଳକୁ ଯାଇ ଅନୁଧ୍ୟାନ କରି ଆସିଛି । ଜମିରେ ପାଣି ମାଡିବାର ଚାଷୀମାନେ ଯେଉଁ ଆଶଙ୍କା କରୁଛନ୍ତି ସେନେଇ ଜଳସମ୍ପଦ ବିଭାଗର ନିର୍ବରହୀ ଯନ୍ତ୍ରୀଙ୍କ ସହ ଆଲୋଚନା କରିଛି। ଟେକ୍‌ନିକାଲ କାଲକୁଲେଶନ ପରେ ଜମିରେ ପାଣି ମାଡିବ କି ନମାଡ଼ି ବୋଲି ଜଣା ପଡିବ । ଏହାପରେ ଜମି ଅଧିଗ୍ରହଣ କରାଯାଇ କ୍ଷତିପୂରଣ ଦିଆଯିବ। ଏଥିପାଇଁ ସରକାରୀ ବ୍ୟବସ୍ଥା ରହିଛି ବୋଲି କହିଛନ୍ତି। ତେବେ ବ୍ୟାରେଜ ନିର୍ମାଣ କାର୍ଯ୍ୟକୁ ବିରୋଧ କରା ନ ଯାଉ ବୋଲି ଚାଷୀଙ୍କୁ ସେ ଅନୁରୋଧ କରିଛନ୍ତି ।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?