ଢାକା,୭।୨: ୱେଷ୍ଟଇଣ୍ଡିଜ କ୍ରିକେଟ୍ ଦଳ ଇତିହାସ ସୃଷ୍ଟି କରିଛି। ପ୍ରଥମ ଟେଷ୍ଟ ମ୍ୟାଚରେ ଆୟୋଜକ ବାଂଲାଦେଶ ପକ୍ଷରୁ ଦିଆଯାଇଥିବା ୩୯୫ ରନ୍ର ଲକ୍ଷ୍ୟ ହାସଲ କରି ସେ ଐତିହାସିକ ବିଜୟ ରେକର୍ଡ କରିଛନ୍ତି। ଟେଷ୍ଟ ଇତିହାସରେ ଏହା ପଞ୍ଚମ ଥର ହୋଇଛି, ଯେତେବେଳେ ଏକ ଦଳ ୩୯୫ କିମ୍ବା ତା’ଠାରୁ ଅଧିକ ଲକ୍ଷ୍ୟ ହାସଲ କରିଛି। ୱେଷ୍ଟଇଣ୍ଡିଜ ବିଜୟର ହିରୋ ଥିଲେ କାଇଲ ମେୟର୍ସ। ସେ ୨୧୦ ରନର ଅପରାଜିତ ଇନିଂସ ଖେଳିଥିଲେ। ଏହା ହେଉଛି କାଇଲ ମେୟର୍ସଙ୍କ ପ୍ରଥମ ଟେଷ୍ଟ ମ୍ୟାଚ। ସେ ପ୍ରଥମ ଟେଷ୍ଟ ମ୍ୟାଚରେ ଦ୍ୱିଶତକ ହାସଲ କରିଛନ୍ତି। ପ୍ରଥମ ଟେଷ୍ଟ ମ୍ୟାଚ ଫେବୃଆରୀ ୩ରୁ ଚିଟାଗଙ୍ଗ ଆୟୋଜକ ବାଂଲାଦେଶ ଏବଂ ୱେଷ୍ଟଇଣ୍ଡିଜ ମଧ୍ୟରେ ଖେଳାଯାଇଥିଲା। ପ୍ରଥମ ଇନିଂସରେ ବାଂଲାଦେଶ ୪୩୦ ରନ ସଂଗ୍ରହ କରିଥିଲା। ଏହାର ଜବାବରେ ୱେଷ୍ଟଇଣ୍ଡିଜ ଦଳ ୨୫୯ ରନରେ ଅଲଆଉଟ୍ ହୋଇଥିଲା। ଏହିପରି ଭାବରେ ବାଂଲାଦେଶ ପ୍ରଥମ ଇନିଂସରେ ୧୭୧ ରନର ଏକ ବଡ଼ ଅଗ୍ରଣୀ ହାସଲ କଲା। ପରେ ଦ୍ୱିତୀୟ ଇନିଂଶରେ ବାଂଲାଦେଶ ୮ ଉଇକେଟ ହରାଇ ୨୨୩ ରନ ସ୍କୋର କରି ଦ୍ୱିତୀୟ ଇନିଂସ ଘୋଷଣା କରିଛି। ଫଳରେ ୱେଷ୍ଟଇଣ୍ଡିଜକୁ ୧୩୦ ଓଭରରେ ୩୯୫ ରନର ବିଜୟ ଲକ୍ଷ୍ୟ ମିଳିଥିଲା।
