ରାଜନଗର,୧୪ା୭(ଡି.ଏନ.ଏ.): ପାଟ୍ଟଶାଳା ନଦୀର ଜୁଆର ଗୁରୁବାର ବନ୍ଧ ଡେଇଁ ଭେଡାକୁ ପଶିଛି। ଉଚ୍ଚ ଜୁଆର ରଙ୍ଗଣୀ ପଞ୍ଚାୟତର ପଟ୍ଟାପାରିଆ ଓ ଭେକ୍ଟାମୌଜାର ପ୍ରାୟ ୪ଶହ ଏକର ଚାଷ ଜମିରେ ମାଡି ଯାଇଛି। ଖରିଫ ଧାନ ଚାଷ ପାଇଁ ଚାଷୀମାନେ ତଳି ପକାଇଥିବା ବେଳେ ଲୁଣି ଜୁଆର ମାଡି ଯିବାରୁ ଚାଷୀମାନେ ମୁଣ୍ଡରେ ହାତ ଦେଇ ବସିଛନ୍ତି ାଡ୍ରସ୍ ବୁଧବାର ପୂର୍ଣ୍ଣିମା ଓ ଗୁରୁବାର ପ୍ରତିପଦ ତିଥି ଥିବାରୁ ଉଚ୍ଚ ଜୁଆର ଉଠିଛି ା ପଟ୍ଟାପାରିଆ ଗାଁର ବିଶ୍ୱାଳ ଛକଠାରୁ ଭେକ୍ଟା ଛକ ଯାଏଁ ଘେରି ବନ୍ଧ ଡେଇଁ ଲୁଣି ପାଣି ଭେଡାରେ ପଶିଛି। ଏହି ୧େ ଘେରି ବନ୍ଧରେ ଶିବସେଠୀଙ୍କ ଘର ନିକଟରେ, ସ୍ଲୁଇସ ନିକଟରେଏବଂ ସୁବିମଳ ଖଟୁଆଙ୍କ ଘିଶୁଥି ୩ଟି ସ୍ଥାନରେ ଜୁଆର ବନ୍ଧ ଡେଇଁ ଭେଡାକୁ ପ୍ରବେଶ କରିଛି। ସେହିପରି ଭେକ୍ଟାବ୍ରିଜ ନିକଟ ମଞ୍ଜୁକଳାଙ୍କ ଦୋକାନ ନିକଟରୁ ସରୋଜ ମାଇତିଙ୍କ ଘର ମଧ୍ୟରେ ୨ଟି ସ୍ଥାନରେ ଜୁଆର ବନ୍ଧ ଡେଇଁ ଭେଡାକୁ ପ୍ରବେଶ କରି ଚାଷଜମିରେ ମାଡି ଯାଇଛି। ଶୁକ୍ରବାର ଦ୍ୱିତୀୟା ତିଥି ଥିବାରୁ ଅଧିକ ପାଣି ଉଠିବାର ଆଶଙ୍କା ଥିବାରୁ ଚାଷୀଙ୍କ ମଧ୍ୟରେ ଆତଙ୍କ ଖେଳି ଯାଇଛି। ତୁରନ୍ତ ଯୁଦ୍ଧକାଳୀନ ଭିତିରେ ଏହି ଘେରି ବନ୍ଧର ମରାମତି କରିବା ସହ କ୍ଷତିଗ୍ରସ୍ତ ଚାଷୀଙ୍କୁ କ୍ଷତିପୂରଣ ଦେବାକୁ ଦାବି ହୋଇଛି।
