ଶ୍ମଶାନ ଭୂଇଁ ପାଲଟିବ ଶାରୀଶୁଆ ପାହାଡ

ଖଇରା, ୧୯ା୭(ଡି.ଏନ.ଏ.)-ଲକ୍‌ଡାଉନ, ଶଟ୍‌ଡାଉନ କଟକଣା କେତେକଙ୍କ ପାଇଁ ଅଭିଶାପ ପାଲଟିଥିବା ବେଳେ ଆଉ କେତେକଙ୍କ ପାଇଁ ଆଶୀର୍ବାଦ ପାଲଟିଛି। ଏହି ଆଶୀର୍ବାଦ ଗୋଷ୍ଠୀ ମଧ୍ୟରେ ଅଛନ୍ତି ବାଲେଶ୍ବର ଜିଲା ଖଇରା ତହସିଲ ଓ ମୟୂରଭଞ୍ଜ ଜିଲା କପ୍ତିପଦା ତହସିଲ ଅଧୀନରେ ଥିବା ଶାରୀଶୁଆ ପାହାଡରେ ବେଆଇନ ଖଣି ବ୍ୟବହାରକାରୀ। ଲକ୍‌ଡାଉନ ଆରମ୍ଭ ହେବା ଦିନଠାରୁ ସେମାନେ ୪ମାସ ଧରି ୧୪୪ ଧାରା ନିୟମକୁ ଊଲ୍ଲଂଘନ କରି ଓଡିଶାର ବିଭିନ୍ନ ସ୍ଥାନକୁ ବେଆଇନ ଭାବେ ଟନ ଟନ ପଥର ଚାଲାଣ କରି ଆସୁଛନ୍ତି।
ଖଇରା ତହସିଲର କେତେକ କର୍ମଚାରୀ ମଧ୍ୟ ଏଥିରେ ପରଦା ପଛରେ ରହି ସମସ୍ତ ସହାୟତା ଯୋଗାଇ ଆସୁଥିବା ଅଭିଯୋଗ ହୋଇଛି। ଖୋଦ ମୁଖ୍ୟମନ୍ତ୍ରୀ ଏହା ଉପରେ ହସ୍ତକ୍ଷେପ ନ କଲେ କରୋନା ମହାମାରୀ ସାଙ୍ଗକୁ ଲକ୍‌ଡାଉନ ହଟିବା ବେଳକୁ ଶାରୀଶୁଆ ପାହାଡ ଶ୍ମଶାନ ଭୂଇଁ ପାଲଟିବ ଏଥିରେ ସନ୍ଦେହ ନାହିଁ। ଉକ୍ତ ପାହାଡର ୯୭ଟି ଖଣି ନିଲାମ ଦିଆଯାଇଥିଲା। ହେଲେ ଉକ୍ତ ଖଣି ମଧ୍ୟରୁ ଅନେକ ହାତୀ ଚଲାପଥ ଓ ଜୈବ ସମ୍ବେଦନଶୀଳ କ୍ଷେତ୍ର ମଧ୍ୟରେ ଆସୁଥିବା ଦର୍ଶାଇ ୨ଟି ସ୍ବେଚ୍ଛାସେବୀ ସଙ୍ଗଠନ ଅକ୍ଟୋବର ୨୦୧୯ରେ ଜାତୀୟ ଗ୍ରୀନ ଟ୍ରିବ୍ୟୁନାଲର ଦ୍ବାରସ୍ଥ ହୋଇଥିଲେ। ଅକ୍ଟୋବର ୧୬ତାରିଖରେ ଟ୍ରିବ୍ୟୁନାଲ ତାଙ୍କ ରାୟରେ ଉକ୍ତ ଖଣି ଅଞ୍ଚଳ ଜୈବ ସମ୍ବେଦନଶୀଳ କ୍ଷେତ୍ର ମଧ୍ୟରେ ଆସୁଥିବାରୁ ଏହାକୁ ବନ୍ଦ ରଖିବାକୁ ନିର୍ଦ୍ଦେଶ ଦେଇଥିଲେ। ରାୟ ମୁତାବକ ସମସ୍ତ ଖଣିରେ ୧୪୪ ଧାରା ଲାଗୁ କରାଯାଇଥିଲା। ହେଲେ ଖଣି ମାଲିକମାନେ କେତେଜଣ ଅଧିକାରୀଙ୍କୁ ହାତ କରି ଖଣି ଖୋଳା ଅବ୍ୟାହତ ରଖିଥିଲେ। ବିଭିନ୍ନ ସମୟରେ ବନ ସଂରକ୍ଷକ, ଜିଲା ବନାଞ୍ଚଳ ଅଧିକାରୀ, ଜିଲାପାଳଙ୍କ କ୍ରମାଗତ ପରିଦର୍ଶନ ଖଣି ବନ୍ଦ ଉପରେ କୌଣସି ପ୍ରଭାବ ପକାଇ ପାରି ନ ଥିଲା ା ଘଟଣାକ୍ରମେ କ୍ରାଇମବ୍ରାଞ୍ଚର ଏକ ସ୍ପୋଶାଲ ଟାସ୍କଫୋର୍ସ(ଏସଟିଏଫ) ଅତିରିକ୍ତ ଏସ୍‌ପି ତେଜତାଜ ପଟେଲଙ୍କ ନେତୃତ୍ୱରେ ଫେବୃୟାରୀ ୨୩ତାରିଖରେ ଖଣି ଅଞ୍ଚଳରେ ଚଢାଉ କରିଥିଲେ। ସେମାନଙ୍କର ଆଖି ପ୍ରଥମେ ୭୭ ନମ୍ବର ଖଣି ଉପରେ ପଡିଥିଲା। ଖଣି ମାଲିକ ଖସି ପଳାଇବାକୁ ସମର୍ଥ ହୋଇଥିବା ବେଳେ ଖଣିରେ କାର୍ଯ୍ୟ କରୁଥିବା ଅନ୍ୟ ୫ଜଣଙ୍କୁ ଗିରଫ କରାଯାଇ କୋର୍ଟଚାଲାଣ କରାଯାଇଥିଲା। ଏହି ଘଟଣାରେ ଏକ ମାମଲା(ନଂ. ୪୧/୨୦) ରୁଜୁ କରାଯାଇ ଖଣି ମାଲିକଙ୍କୁ ଗିରଫ ଦାୟିତ୍ୱ ଖଇରା ଆଇଆଇସି ସୁବ୍ରତ ବେହେରାଙ୍କୁ ଦିଆଯାଇଥିଲା। ଏବେ କୋଭିଡ-୧୯ ନିୟମ ଉଲ୍ଲଂଘନକାରୀଙ୍କୁ ସାବାଡ କରିବାରେ ପ୍ରଶାସନ ବ୍ୟସ୍ତ ଥିବା ବେଳେ ଖଣି ମାଫିଆଙ୍କୁ ସୁହାଉଛି। ଯଦି ବା କାଁ ଭାଁ ଅଧିକାରୀମାନେ ଖବର ପାଇ ଖଣିରେ ପହଞ୍ଚିବା ପୂର୍ବରୁ ଖଣି ମାଲିକମାନେ ସାବଧାନ ହୋଇ ଖସି ପଳାଉଛନ୍ତି। ସେପଟେ ଖଣି ମାଲିକଙ୍କ ଉପରେ କାର୍ଯ୍ୟାନୁଷ୍ଠାନ ନେବାକୁ ଅଣ୍ଟା ଭିଡିଥିବା ଜଣେ ଅତିରିକ୍ତ ତହସିଲଦାରଙ୍କ ବଦଳି ହୋଇଯାଇଛି। ତହସିଲ କାର୍ଯ୍ୟାଳୟରୁ ସମସ୍ତ ସୂଚନା ଖଣି ମାଲିକମାନେ ପାଇ ଯାଇଥିବାରୁ ଅଧିକାରୀମାନେ ପହଞ୍ଚିବା ପୂର୍ବରୁ ଖଣି ମାଫିଆମାନେ ଖସି ପଳାଉଥିବାର ଅଭିଯୋଗ ଆଣିଛନ୍ତି ପାହାଡତଳି ବାସିନ୍ଦା ବିଜୟ କୁମାର ବାରିକ। ଏ ସମ୍ପର୍କରେ ଖଇରା ତହସିଲଦାର ପ୍ରଦୀପ କୁମାର ସାହୁଙ୍କ ମତାମତ ନେବାରେ ଚଢାଉ ଜାରି ରହିଛି। କାଁ ଭାଁ ଯେଉଁଠି ଖଣି ଖୋଳାଯାଉଛି ସେ ଖବର ପାଇବା ମାତ୍ରେ ସେଠାକୁ ଯାଉଛନ୍ତି, ହେଲେ ଖଣି ବ୍ୟବହାରକାରୀମାନେ ଖସିଯିବାକୁ ସକ୍ଷମ ହେଉଥିବା କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଆଗ୍ନିକ କର୍ମଚାରୀଙ୍କ ଆନ୍ଦୋଳନ ପ୍ରତ୍ୟାହୃତ

ଭୁବନେଶ୍ୱର,୨୩।୨(ସତ୍ୟଜିତ୍‌ ରାଉତ): ରାଜ୍ୟ ଅଗ୍ନିଶମ ସେବା ସଂସ୍ଥାର ଆଗ୍ନିକ କର୍ମଚାରୀମାନେ ଦୁଇଦଫା ଦାବି ନେଇ ଚଳାଇଥିବା କାର୍ଯ୍ୟବନ୍ଦ ଆନ୍ଦୋଳନକୁ ଶୁକ୍ରବାର ପ୍ରତ୍ୟାହୃତ କରିନେଇଛନ୍ତି। ଏନେଇ ସଂଘ...

ଓଡ଼ିଶାବାସୀଙ୍କ ପାଇଁ ଖୁସିଖବର: ୨୧ଟି ଅମୃତ ଷ୍ଟେଶନ ଶିଳାନ୍ୟାସ କରିବେ ପ୍ରଧାନମନ୍ତ୍ରୀ

ଭୁବନେଶ୍ୱର,୨୩।୨(ଅନୁରାଧା ମହାରଣା) :ଦେଶର ରେଳ ଭିତ୍ତିଭୂମିରେ ପରିବର୍ତ୍ତନ ବ୍ୟାପକ ପରିବର୍ତ୍ତନ ହେଉଛି। ଆସନ୍ତା ୨୬ ତାରିଖରେ ୫୫୪ଟି ରେଳ ଷ୍ଟେଶନ, ୧୫୦୦ ରୋଡ୍‌ ଓଭର ବ୍ରିଜ...

ସୁନ୍ଦରଗଡ଼ ଜିଲା ବିଧାନସଭା ନିର୍ବାଚନ ମଣ୍ଡଳୀ ପାଇଁ ପର୍ଯ୍ୟବେକ୍ଷକ ନିଯୁକ୍ତ

ଭୁବନେଶ୍ୱର,୨୩ା୨(ଅନିଲ ଦାସ): ସାଧାରଣ ନିର୍ବାଚନ ପାଖେଇ ଆସୁଥିବାରୁ ରାଜନୈତିକ ଦଳଗୁଡ଼ିକ ନିଜର ସଙ୍ଗଠନକୁ ମଜଭୁତ କରିବାରେ ଲାଗିଛନ୍ତି। ଏହି କ୍ରମରେ ବିଜେଡି ସଭାପତି ତଥା ମୁଖ୍ୟମନ୍ତ୍ରୀ...

ବିଜେଡିରେ ଯୋଗଦେଲେ ପୂର୍ବତନ ଭାଜପା ରାଜ୍ୟ ସମ୍ପାଦକ

ଭୁବନେଶ୍ୱର,୨୩ା୨(ଅନିଲ ଦାସ)- ଯାଜପୁର ଜିଲା ଧର୍ମଶାଳାନିର୍ବାଚନମଣ୍ଡଳୀ ଅନ୍ତର୍ଗତ ରସୁଲପୁର ବ୍ଲକର ପୂର୍ବତନ ଭାପା ରାଜ୍ୟ ସମ୍ପାଦକ ତଥା ରାଜ୍ୟ କାର୍ଯ୍ୟକାରିଣୀ ସଦସ୍ୟ ସୁରେନ୍ଦ୍ର ପଣ୍ଡାଙ୍କ ସହଶତାଧିକ...

ଶ୍ୱଶୁର ଘର ଜାଳିଦେଲେ ଜ୍ୱାଇଁ

କାମାକ୍ଷାନଗର,୨୩।୨(ସୁଧୀର ପରିଡ଼ା): ଢେଙ୍କାନାଳ ଜିଲା କାମାକ୍ଷାନଗର ଥାନା ନୂଆଁ ଆଳତୁମା ଗାଁରେ ଗୁରୁବାର ରାତିରେ ଏକ ଅଭାବନୀୟ ଘଟଣା ଘଟିଯାଇଛି। ପାରିବାରିକ ସମସ୍ୟାକୁ କେନ୍ଦ୍ରକରି ଶ୍ୱଶୁର...

କିନ୍ନରଙ୍କୁ ପ୍ରେମ କରି କରିଥିଲେ ବିବାହ, ପରେ ପ୍ରତାରଣା କରି…

କାମାକ୍ଷାନଗର,୨୩।୨(ସୁଧୀର ପରିଡ଼ା): କିନ୍ନରଙ୍କୁ ପ୍ରେମ ବିବାହ ପରେ ଜଣେ ଯୁବକ ପ୍ରତାରଣା କରିଥିବା ଅଭିଯୋଗ ହୋଇଛି। ଏ ନେଇ ସମ୍ପୃକ୍ତ କିନ୍ନର ଶୁକ୍ରବାର ଢେଙ୍କାନାଳ ଜିଲା...

ତାତିଗଲେ ଲୋକେ ବୋହି ନେଲେ କୁକୁଡ଼ା

ପରଜଙ୍ଗ,୨୩।୨(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ବ୍ଲକ ଜୟପୁରାକାଟେଣୀ ଗାଁରେ କୁକୁଡ଼ା ଚିଆଁ ବଣ୍ଟନ ବେଳେ ହଟ୍ଟଗୋଳ ହୋଇଛି । ଉତ୍ତ୍ୟକ୍ତ ଲୋକେ କୁକୁଡ଼ା ଚିଆଁ...

ରାଜଧାନୀରେ ଲାଗିପାରିବ ନାହିଁ ଦଳୀୟ ପୋଷ୍ଟର, ଲାଗିଥିଲେ…

ଭୁବନେଶ୍ୱର,୨୩।୨: ଏଣିକି ରାଜଧାନୀରୁ ହଟାଯିବ ଦଳୀୟ ପୋଷ୍ଟର ବ୍ୟାନର। କାନ୍ଥରେ ଲେଖାଯାଇଥିବା ଦଳୀୟ ସ୍ଲୋଗାନକୁ ମଧ୍ୟ ହଟାଯିକୁ ବିଏମ୍‌ସି କମିଶନର କହିଛନ୍ତି। ଆଗକୁ ନିର୍ବାଚନ ଆସୁଥିବାରୁ...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri