Advertisement

ହେତୁବାଦୀ, ପରମ୍ପରାବାଦୀ ପିଟାପିଟି

ବ୍ରହ୍ମପୁର ଅଫିସ,୯ା୧୧: ବ୍ରହ୍ମପୁର ସହର ହନୁମାନ ବଜାର ଛକରେ ହେତୁବାଦୀ ସଂଗଠନ ପକ୍ଷରୁ ମଙ୍ଗଳବାର ଚନ୍ଦ୍ର ଗ୍ରହଣ ଯୋଗୁ ଏକ ସଭା ଓ ସାମୂହିକ ଭୋଜନ ବ୍ୟବସ୍ଥା କରାଯାଇଥିଲା। ଏହି ଖବର ପାଇ ପରମ୍ପରାବାଦୀ ତଥା ବଜରଙ୍ଗ ଦଳ ଓ ଭାଜପା ଏବଂ ବିଭିନ୍ନ ଧାର୍ମୀୟ ଅନୁଷ୍ଠାନ ସଦସ୍ୟ ଓ ସମର୍ଥକମାନେ ପହଞ୍ଚି ବିରୋଧ କରିଥିଲେ। ଫଳରେ ଉଭୟ ପକ୍ଷ ମଧ୍ୟରେ ଉତ୍ତେଜନା ଦେଖାଯିବା ସହ ଗଣ୍ଡଗୋଳ ଘଟିଥିଲା। ବ୍ରହ୍ମପୁର ଏସ୍‌ଡିପିଓ ରାଜୀବ ଲୋଚନ ପଣ୍ଡା, ବଡ଼ବଜାର ଥାନାଧିକାରୀ ପ୍ରଶାନ୍ତ ଭୂପତି ଓ ପୋଲିସ ଟିମ୍‌ ସେଠାରେ ପହଞ୍ଚତ୍ ଉଭୟପକ୍ଷଙ୍କୁ ବୁଝାଶୁଝା କରିଥିଲେ। ହେତୁବାଦୀମାନେ କାର୍ଯ୍ୟକ୍ରମ ବନ୍ଦ ନ କଲେ ପରିସ୍ଥିତି ଭୟଙ୍କର ହେବ ବୋଲି ବଜରଙ୍ଗଦଳ କାର୍ଯ୍ୟକର୍ତ୍ତାମାନେ କହିବା ସହ ସେଠାରେ ଧାରଣାରେ ବସିଥିଲେ। ପୋଲିସ ଯେତେ ବୁଝାଶୁଝା କରିଥିଲେ ମଧ୍ୟ ଉଭୟପକ୍ଷ କିଛି ନ ଶୁଣି ନିଜ ନିଜ ଜିଦ୍‌ରେ ଅଟଳ ରହିଥିଲେ। ପରେ ଅତିରିକ୍ତ ଏସ୍‌ପି ଅସୀମ ପଣ୍ଡା ଘଟଣାସ୍ଥଳକୁ ଯାଇ ଉଭୟପକ୍ଷଙ୍କୁ ବୁଝାଶୁଝା କରିଥିଲେ ମଧ୍ୟ ତାଙ୍କ କଥା କେହି ନ ଶୁଣିବାରୁ ସେଠାରେ ମୃଦୁ ଲାଠିଚାଳନା କରାଯାଇଥିଲା। ଉଭୟପକ୍ଷ ଘଟଣାସ୍ଥଳରୁ ଛତ୍ରଭଙ୍ଗ ଦେବା ସହ ପରିସ୍ଥିତି ଶାନ୍ତ ପଡ଼ିଥିଲା।
ଅଖିଳ ଭାରତୀୟ କିଷାନ ମଜଦୁର ସଭା ଜାତୀୟ ସମ୍ପାଦକ ତଥା ହେତୁବାଦୀ ସଂଘଠନର ସଭ୍ୟ ଭାଲ ଚନ୍ଦ୍ର ଷଡଙ୍ଗୀଙ୍କୁ ପଚାରିବାରୁ ହନୁମାନ ବଜାର ଛକରେ ଆମେ ମଙ୍ଗଳବାର ଚନ୍ଦ୍ର ଗ୍ରହଣ ସମୟରେ ବିଜ୍ଞାନ ସମ୍ମତ ଏକ ସଭା କାର୍ଯ୍ୟକ୍ରମ ଓ ଭୋଜନ ବ୍ୟବସ୍ଥା କରିଥିଲୁ। ଭାଜପାର କେତେକ କୁଚକ୍ରୀ ଅସାମାଜିକ ଗୋଷ୍ଠୀ ସଭାସ୍ଥଳକୁ ଆସି ପରମ୍ପରା ନାମରେ ଗୁଣ୍ଡାଗିରି ଦେଖାଇଛନ୍ତି। ସଭାପାଇଁ ପଡ଼ିଥିବା ଟେଣ୍ଟ ଭଙ୍ଗାରୁଜା କରିବା ସହ ଆମ ଉପରକୁ ପଥର ଓ ଗୋବର ମାଡ଼ କରିଛନ୍ତି, ଯାହାକି ଗଣତନ୍ତ୍ର ରାଷ୍ଟ୍ରରେ ଏକ ନିନ୍ଦନୀୟ ଘଟଣା। ସେମାନଙ୍କର ଏଭଳି ବ୍ୟବହାରକୁ ଆମେ ଦୃଢ଼ ନିନ୍ଦା କରୁଛୁ। ସେହିପରି ହେତୁବାଦୀ ସଂଗଠନର ସଭ୍ୟ ମଧୁସୂଦନ ସେଠୀ ଏନେଇ ବଡ଼ବଜାର ଥାନାରେ ଏତଲା ଦେଇଥିବା ସେ କହିଛନ୍ତି। ରାଜ୍ୟ ଲୋକଶକ୍ତି ଅଭିଯାନ ସଭାପତି ପ୍ରଫୁଲ୍ଲ ସାମନ୍ତରା କହିଛନ୍ତି, ଚନ୍ଦ୍ରଗ୍ରହଣ ଓ ସୂର୍ଯ୍ୟୋପରାଗକୁ ନେଇ ପରମ୍ପରାବାଦୀ ଜନସାଧାରଣଙ୍କୁ ଅନ୍ଧବିଶ୍ୱାସରେ ରଖିଛନ୍ତି। ଜନସାଧାରଣଙ୍କ ମନରୁ ଏହାକୁ ଦୂରେଇବା ପାଇଁ ହେତୁବାଦୀ ସଂଗଠନ ସଚେତନ କରୁଛି। ଏହି ଅବସରରେ ଆମେ ଖାଦ୍ୟ ଗ୍ରହଣ କରୁଛୁ ଏବଂ ଏହାକୁ ପ୍ରମାଣିତ କରିବା ପାଇଁ ଜନସାଧାରଣ ମଧ୍ୟ ଖାଦ୍ୟ ଗ୍ରହଣ କରନ୍ତୁ ବୋଲି କହୁଛୁ। ସମାଜରୁ ଅନ୍ଧବିଶ୍ୱାସ ଓ ଧର୍ମାନ୍ଧତାରୁ ଜନସଧାରଣଙ୍କୁ ମୁକ୍ତ କରିବା ପାଇଁ ହେତୁବାଦୀ ଏକ ଜନଜାଗରଣ ଅଭିଯାନ ଆରମ୍ଭ କରିଛନ୍ତି ବୋଲି ସେ କହିଛନ୍ତି। ଏହା ବିଜ୍ଞାନ ସମ୍ମତ। ଗଣତନ୍ତ୍ର ରାଷ୍ଟ୍ରରେ ପ୍ରତ୍ୟେକ ଲୋକଙ୍କ ମୌଳିକ ଅଧିକାର ରହିଛି। ଯେଉଁ ସଂଗଠନଗୁଡିକ ଆଜି ଯେଉଁଭଳି ଭାବେ ଆଇନଜୁ ହାତକୁ ନେଇ ହେତୁବାଦୀ ସଦସ୍ୟଙ୍କୁ ଆକ୍ରମଣ କରିବା ସହ ହିଂସାତ୍ମକ ପଦକ୍ଷେପ ନେଇଛନ୍ତି ତାହାର ଦୃଢ଼ ନିନ୍ଦା କରୁଥିବା ସେ କହିଛନ୍ତି।
ଗଞ୍ଜାମ ଜିଲା ସାଧୁସନ୍ଥ ସମାଜ ସଦସ୍ୟ ଚିନ୍ମୟାନନ୍ଦ ମହାରାଜ କହିଛନ୍ତି, ହେତୁବାଦୀ ସଂଗଠନ ଚନ୍ଦ୍ର ଗ୍ରହଣ ଦିନ ଯେଉଁ ସାମୂହିକ ଭୋଜନ ବ୍ୟବସ୍ଥା କରିଥିଲେ ତାହା ହିନ୍ଦୁ ବିରୋଧୀ। ଏଣୁ ଆମେ ତାକୁ ବିରୋଧ କରୁଛୁ। ହିନ୍ଦୁମାନେ ସନାତନ ଧର୍ମୀ ଅଟନ୍ତି। ଜଗନ୍ନାଥ ସଂସ୍କୃତି ଆଧାରରେ ଚନ୍ଦ୍ରଗ୍ରହଣ ଓ ସୂର୍ଯ୍ୟୋପରାଗ ପାଳନ ପାଇଁ ଯେଉଁସବୁ ନିୟମ ରହିଛି, ତାହାକୁ ଆମେ ସମସ୍ତେ ପାଳନ କରୁଛୁ। ଏହାକୁ ହେତୁବାଦୀ ସଂଗଠନ ଚକ୍ରାନ୍ତ କରି ହିନ୍ଦୁ ସଂସ୍କୃତିକୁ ବିକୃତି କରିବା ସହ ପରମ୍ପରାକୁ ଯେଉଁଭଳି ଧ୍ୱଂସ ପାଇଁ ପ୍ରୟାସ କରୁଛନ୍ତି ତାହାକୁ ଆମେ ବିରୋଧ କରୁଛୁ ବୋଲି ସେ କହିଛନ୍ତି। ହେତୁବାଦୀମାନେ ହିନ୍ଦୁ ନୁହନ୍ତି, ସେମାନେ ଏଭଳି ଧର୍ମ ବିରୋଧରେ ଚକ୍ରାନ୍ତ କରୁଛନ୍ତି, ଯାହାକୁ ହିନ୍ଦୁ ସମାଜ ବିରୋଧ କରୁଛି। ଯଦି ଆଗାମୀ ଦିନରେ ସେମାନେ ଏଭଳି କାର୍ଯ୍ୟକ୍ରମ ସାଧାରଣରେ କରିବେ ତେବେ ମାଡ଼ ଖାଇବେ ବୋଲି ସେ ଚେତାବନୀ ଦେଇଛନ୍ତି। ସେଠାରେ ହେତୁବାଦୀମାନେ ଏଭଳି କାର୍ଯ୍ୟକ୍ରମ କରିଥିବାରୁ ତାଙ୍କ ଉପରକୁ ଗୋବର ପକାଇ ତାଙ୍କୁ ପବିତ୍ର କରାଯାଇଛି ବୋଲି ସେ କହିଛନ୍ତି।
ବ୍ରହ୍ମପୁର ଅତିରିକ୍ତ ଏସ୍‌ପି ଅସୀମ ପଣ୍ଡା କହିଛନ୍ତି, ବଡ଼ବଜାର ଥାନା ଅନ୍ତର୍ଗତ ହନୁମାନ ବଜାର ଛକରେ ଗୋଟିଏ ଗୋଷ୍ଠୀ ଚନ୍ଦ୍ରଗ୍ରହଣ ସମୟରେ ସାମୂହିକ ଭୋଜନ ବ୍ୟବସ୍ଥା କରିଥିଲେ। ସେହି ସମୟରେ ଅନ୍ୟ ଏକ ଗୋଷ୍ଠୀର ଲୋକମାନେ ଏହାର ପ୍ରତିବାଦ କରିଥିଲେ। ରାସ୍ତା ଉପରେ ଉଭୟ ଗୋଷ୍ଠୀ ଗଣ୍ଡଗୋଳ କରିବା ସହ ସେଠାରେ ଉତ୍ତେଜନା ସୃଷ୍ଟି କରିଥିଲେ। ପରିସ୍ଥିତି ନିୟନ୍ତ୍ରଣ କରିବା ପାଇଁ ପୋଲିସ ସେମାନଙ୍କୁ ଘଉଡ଼ାଇଥିଲା ବୋଲି ପଣ୍ଡା କହିଛନ୍ତି। ଉଭୟ ଗୋଷ୍ଠୀ ପକ୍ଷରୁ ଥାନାରେ ପୃଥକ୍‌ ପୃଥକ୍‌ ଭାବେ ଅଭିଯୋଗ ହୋଇଥିବା ବଡ଼ବଜାର ଥାନାଧିକାରୀ ପ୍ରଶାନ୍ତ ଭୂପତି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ପାନ ଛେପ ପକାଇବା ପଡ଼ିଲା ମହଙ୍ଗା: ୫୦୦ ଜରିମାନା ଗଣିଲେ ବ୍ୟକ୍ତି

ରାଉରକେଲା ଅଫିସ,୨୮।୨: ରାଉରକେଲା ଆଞ୍ଚଳିକ ପରିବହନ କାର୍ଯ୍ୟାଳୟ ଭିତରେ ପାନ, ଗୁଟ୍‌ଖା ଖାଇବାକୁ ଶୁକ୍ରବାରଠାରୁ ବାରଣ କରାଯାଇଛି। କର୍ମଚାରୀଙ୍କ ସହ କାର୍ଯ୍ୟାଳୟକୁ ଆସୁଥିବା ସାଧାରଣ ଲୋକ...

ନୂଆପଡା ପ୍ରିମିୟର ଲିଗ ଫୁଟବଲ:ମହାମାୟା, ଖଡିଆଳ ଦଳ ଫାଇନାଲକୁ ଉନ୍ନୀତ

ନୂଆପଡା ଅଫିସ,୩୧ା୮ ସ୍ଥାନୀୟ ମିନିଷ୍ଟାଡିୟମରେ ଚାଲିଥିବା ନୂଆପଡା ପ୍ରିମିୟର ଲିଗ ଟୁର୍ନାମେଣ୍ଟର ଶୁକ୍ରବାର ଅନୁଷ୍ଠିତ ୨ଟି ସେମିଫାଇନାଲରେ ମହାମାୟା ଦଳ ଏବଂ ଖଡିଆଳ ଦଳ ବିଜୟୀ...

ଗଞ୍ଜେଇ ଚାଲାଣ ବେଳେ ଧରାପଡ଼ିଲେ ଦମ୍ପତି

ଟିଟିଲାଗଡ଼,୧୩ା୬(ଡି.ଏନ୍‌.ଏ.): ଟିଟିଲାଗଡ଼ ଷ୍ଟେଶନ ପରିସରରେ ସନ୍ଦେହଜନକ ଅବସ୍ଥାରେ ବୁଲୁଥିବା ଦମ୍ପତିଙ୍କଠାରୁ ଆରପିଏଫ ୧୧.୦୭କେଜି ଗଞ୍ଜେଇ ଜବତ କରିଛି। ଗଞ୍ଜେଇ ଚୋରାଚାଲାଣ ଅଭିଯୋଗରେ ମଧ୍ୟପ୍ରଦେଶ ଛିନ୍ଦବାଡା ଅଞ୍ଚଳର...

ଶହୀଦ ମେମୋରିଆଲ କ୍ରିକେଟ: ଫିରିଙ୍ଗିଆ, ରାଇକିଆ ବିଜୟୀ

ଫୁଲବାଣୀ ଅଫିସ,୩ା୧- ଫୁଲବାଣୀ ମାଦିକୁନ୍ଦାସ୍ଥିତ ରିଜର୍ଭ ପୋଲିସ ପଡିଆରେ ଶହୀଦ ମେମୋରିଆଲ କ୍ରିକେଟ ଟୁର୍ନାମେଣ୍ଟ ଆରମ୍ଭ ହୋଇଛି। ଏସ୍‌ପି ପ୍ରତୀକ ଗୀତା ସିଂ ମୁଖ୍ୟଅତିଥି ଭାବେ...

ଏନ୍‌ଜିଟିରେ ହାଜର ହେଲେ କେନ୍ଦୁଝର ଜିଲାପାଳ

କେନ୍ଦୁଝର,୩୦ା୪(ସ୍ବ.ପ୍ର.): ଜାତୀୟ ସବୁଜ ପ୍ରାଧିକରଣ (ଏନ୍‌ଜିଟି) କୋଲକାତା ବେଞ୍ଚରେ ଶୁକ୍ରବାର କେନ୍ଦୁଝର ଜିଲାପାଳ ଆଶିଷ ଠାକ୍‌ରେ ଏବଂ ଘଷିପୁରା ତହସିଲଦାର ବାବୁଲି ପେରେଇ ହାଜର ହୋଇ...

ବ୍ୟାସନଗରକୁ ଭାରି କଠିନ ବର୍ଜ୍ୟବସ୍ତୁ

ଯାଜପୁର ରୋଡ୍‌,୬ା୯(ଡି.ଏନ.ଏ.):ରାଜ୍ୟର ସମସ୍ତ ପୌର ଓ ପଞ୍ଚାୟତ କର୍ତ୍ତୃପକ୍ଷଙ୍କୁ କଠିନ ବର୍ଜ୍ୟବସ୍ତୁର ଠିକ୍‌ ପରିଚାଳନା ପାଇଁ ନ୍ୟାଶନାଲ ଗ୍ରୀନ୍‌ ଟ୍ରିବ୍ୟୁନାଲ(ଏନ୍‌ଜିଟି) ନିର୍ଦ୍ଦେଶ ଜାରି କରିଛନ୍ତି। କୌଣସି...

ଶିଳ୍ପ ସମୃଦ୍ଧ ଜିଲାରେ ବେକାରଙ୍କ ସଂଖ୍ୟା ବଢୁଛି

ଯାଜପୁର ଅଫିସ/କଳିଙ୍ଗନଗର (ଡି.ଏନ୍‌.ଏ.),୩୦।୧୨: ଓଡ଼ିଶା ଦକ୍ଷତା ବିକାଶ ପ୍ରାଧିତ୍କରଣ ଓ ଯାଜପୁର ଜିଲା ପ୍ରଶାସନ ମିଳିତ ଆନୁକୂଲ୍ୟରେ ବ୍ୟାସନଗର ସ୍ବୟଂଶାସିତ କଲେଜ ପରିସରରେ ଏକ କ୍ଷୁଦ୍ର...

ଭିଜିଲାନ୍ସ ଜାଲରେ ବଲାଙ୍ଗୀର ଜିଲା କୃଷି ଅଧିକାରୀ

ବଲାଙ୍ଗୀର ଅଫିସ, ୨୮।୯: ବଲାଙ୍ଗୀର ଜିଲା କୃଷି ଅଧିକାରୀ ହିମାଂଶୁ ଶେଖର ପାଢ଼ୀ ଲାଞ୍ଚ ନେଇ ମଙ୍ଗଳବାର ଭିଜିଲାନ୍ସ ହାତରେ ଧରାପଡିଛନ୍ତି। ପଣ୍ଡକିଟାଲ ଗାଁର ସାର...

Advertisement
Archives

Model This Week