ଜଗି ବସୁଛନ୍ତି ରୋଗୀ

ଅନୁଗୋଳ ଅଫିସ, ୧୦ା୯ ଅସହ୍ୟ ଯନ୍ତ୍ରଣା ଅଥୟ କରିଦେଉଛି। ତଥାପି ରାତିଅନିଦ୍ରା ହୋଇ ପୂର୍ବଦିନରୁ ଡାକ୍ତରଙ୍କୁ ଜଗି ବସୁଛନ୍ତି ରୋଗୀ। କାରଣ ପ୍ରତି ସପ୍ତାହରେ କେବଳ ଗୁରୁବାର ଦିନକ ପାଇଁ ବିଶେଷଜ୍ଞ ଡାକ୍ତର ଆସୁଥିବାବେଳେ ମାତ୍ର ୫୦ ଜଣଙ୍କୁ ଟିକେଟ୍‌ ମିଳୁଛି। ତେଣୁ ଦିନକ ଆଗରୁ ଆସି ଚ୍ୟାମ୍ବର ବାହାରେ ଧାଡ଼ି ନ ଲଗାଇଲେ ଚିକିତ୍ସା ମିଳିବ ନାହିଁ। ସେଥିପାଇଁ କିଏ ଅପରାହ୍ନରେ ତ କିଏ ସନ୍ଧ୍ୟାରେ ପହଞ୍ଚି ହେଲମେଟ, ବ୍ୟାଗ ଆଦି ଲାଇନରେ ଥୋଇ ଅପେକ୍ଷା କରିବାକୁ ବାଧ୍ୟ ହେଉଛନ୍ତି। ସ୍ନାୟୁଜନିତ ରୋଗର ଚିକିତ୍ସା ପାଇଁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ରୋଗୀମାନେ ଏପରି ହନ୍ତସନ୍ତ ହେବା ଉଦ୍‌ବେଗର ବିଷୟ ହୋଇଛି।
ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ବିଭିନ୍ନ ବିଭାଗର ଡାକ୍ତର ରହିଛନ୍ତି। କିନ୍ତୁ ସ୍ନାୟୁ ବିଭାଗରେ ସ୍ଥାୟୀ ଡାକ୍ତର ନ ଥିବାରୁ ଦୈନିକ ରୋଗୀଙ୍କ ଚିକିତ୍ସା ସମ୍ଭବ ହେଉନାହିଁ। ତେଣୁ ମେଡିକାଲ କର୍ତ୍ତୃପକ୍ଷ ପ୍ରତି ସପ୍ତାହରେ ଜଣେ ବିଶେଷଜ୍ଞ ଡାକ୍ତରଙ୍କୁ ବାହାରୁ ଡକାଇ ରୋଗୀଙ୍କୁ ସେବା ଯୋଗାଇ ଦେଉଛନ୍ତି। ସମ୍ପୃକ୍ତ ବିଶେଷଜ୍ଞ ମାତ୍ର ଦିନକ ପାଇଁ ଆସୁଥିବାରୁ ସମସ୍ୟା ସୃଷ୍ଟି ହେଉଛି। ଅନୁଗୋଳ ସମେତ ଆଖପାଖ ଜିଲାର ଶତାଧିକ ସ୍ନାୟୁ ରୋଗୀଙ୍କୁ ମାତ୍ର କେଇ ଘଣ୍ଟା ମଧ୍ୟରେ ଚିକିତ୍ସା ଦେବା ଅସମ୍ଭବ ହୋଇପଡ଼ୁଛି। ସେଥିପାଇଁ ଡାକ୍ତରଖାନା ପକ୍ଷରୁ ମାତ୍ର ୫୦ ଜଣ ରୋଗୀଙ୍କୁ ଟିକେଟ୍‌ ଦିଆଯାଉଛି। କିନ୍ତୁ ଉକ୍ତ ଦିନ ସକାଳ ୮ଟା ସୁଦ୍ଧା ଟିକେଟ୍‌ ଶେଷ ହୋଇଯାଉଥିବାରୁ ଅଧିକାଂଶ ରୋଗୀଙ୍କୁ ଯନ୍ତ୍ରଣା ନେଇ ଫେରିବାକୁ ପଡ଼ୁଛି। ଫଳରେ ଡାକ୍ତରଙ୍କ ନିକଟରେ ଚିକିତ୍ସିତ ହେବାକୁ ରୋଗୀମାନଙ୍କୁ ଦିନକ ଆଗରୁ ମୁଖ୍ୟ ଚିକିତ୍ସାଳୟକୁ ଆସିବାକୁ ପଡ଼ୁଛି। ସେମାନଙ୍କ ସହ ଆସୁଥିବା ସମ୍ପର୍କୀୟମାନେ ବିଭାଗୀୟ ଡାକ୍ତରଙ୍କ ପ୍ରକୋଷ୍ଠ ସମ୍ମୁଖରେ ଅପେକ୍ଷା କରୁଥିବାବେଳେ ରୋଗୀଙ୍କ ନାମ କାଗଜରେ ଲେଖି ନିଜ ହେଲମେଟ, ବ୍ୟାଗ ଆଦି ଲାଇନ୍‌ରେ ରଖୁଛନ୍ତି। ଦୂର ଦୂରନ୍ତର ରୋଗୀମାନେ ଏପରି ହଇରାଣ ହେଉଥିବା ବେଳେ ସ୍ଥାନୀୟ ଅଞ୍ଚଳର ରୋଗୀଙ୍କ ସମ୍ପର୍କୀୟ ଧସେଇ ପଶୁଥିବାରୁ ଅନେକ ସମୟରେ ଏକ ଅପ୍ରୀତିକର ପରିସ୍ଥିତି ସୃଷ୍ଟି ହେଉଛି। ତେଣୁ ରୋଗୀଙ୍କ ସଂଖ୍ୟା ଦିନକୁ ଦିନ ବଢ଼ୁଥିବାରୁ ମେଡିକାଲ କର୍ତ୍ତୃପକ୍ଷ ସ୍ନାୟୁ ବିଭାଗରେ ସ୍ବତନ୍ତ୍ର ଡାକ୍ତର ନିଯୁକ୍ତି ପାଇଁ ଦାବି ହେଉଛି। ଏପରି କି ସପ୍ତାହରେ ଦିନକ ପାଇଁ ଆସୁଥିବା ବିଶେଷଜ୍ଞଙ୍କୁ ୨ରୁ ୩ ଦିନ ପାଇଁ ଡକାଗଲେ ଏପରି ଅସୁବିଧା ରୋଗୀମାନଙ୍କୁ ଭୋଗିବାକୁ ପଡ଼ନ୍ତା ନାହିଁ ବୋଲି ସମ୍ପର୍କୀୟମାନେ ମତ ଦେଇଛନ୍ତି।
ଆବଶ୍ୟକତା ଅନୁଯାୟୀ ବ୍ୟବସ୍ଥା ହେବ
ଜିଲା ମୁଖ୍ୟ ଚିକିତ୍ସାଳୟକୁ ଆସୁଥିବା ସ୍ନାୟୁ ରୋଗୀମାନଙ୍କୁ ଚିକିତ୍ସା ଯୋଗାଇଦେବାକୁ ଜଣେ ଡାକ୍ତର ପର୍ଯ୍ୟାପ୍ତ କି ନୁହେଁ, ତାହା ଅନୁଧ୍ୟାନ ପରେ ବ୍ୟବସ୍ଥା କରାଯିବ। ଏ ନେଇ ଏନ୍‌ଏଚ୍‌ଏମ୍‌ ଡିପିଏମ୍‌ଙ୍କୁ କୁହାଯିବ। ସମସ୍ତ ରୋଗୀଙ୍କୁ ଉତ୍ତମ ଚିକିତ୍ସା ଯୋଗାଇ ଦେବାକୁ ମେଡିକାଲ କର୍ତ୍ତୃପକ୍ଷ ସର୍ବଦା ଚେଷ୍ଟା କରୁଛନ୍ତି।
-ଡାକ୍ତର ମାନସ ରଞ୍ଜନ ବିଶ୍ୱାଳ, ଏଡିଏମ୍‌ଓ (ମେଡିକାଲ), ଅନୁଗୋଳ
ଦିନଟିଏ ନୁହେଁ, ୩ ଦିନ ଆସନ୍ତୁ
ସ୍ନାୟୁଜନିତ ସମସ୍ୟା ଥିବାରୁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ଆସିଥିଲି। କିନ୍ତୁ ପୂର୍ବରୁ ଟିକେଟ୍‌ ସରିଯାଇବାରୁ ୨ ଥର ନିରାଶରେ ଫେରିଛି। ସେଥିପାଇଁ ବୁଧବାର ଅପରାହ୍ନ ୧ଟାରୁ ଆସି ଲାଇନ ଦେଇଛି। ସପ୍ତାହରେ ଦିନଟିଏ ପରିବର୍ତ୍ତେ ୩ ଦିନ ଡାକ୍ତର ଆସିଲେ ବହୁ ରୋଗୀ ଉପକୃତ ହୋଇପାରନ୍ତେ।
-ପ୍ରସନ୍ନ ଭୂତିଆ,
ରୋଗୀ, ହିନ୍ଦୋଳ
ସ୍ଥାୟୀ ଡାକ୍ତର ନିଯୁକ୍ତି ଦିଆଯାଉ
ସପ୍ତାହରେ ମାତ୍ର ଦିନଟିଏ ଡାକ୍ତର ଆସୁଥିବାରୁ ବହୁ ରୋଗୀଙ୍କୁ ଚିକିତ୍ସା ମିଳିପାରୁ ନାହିଁ। ସାମାନ୍ୟ ବିଳମ୍ବ ହେଲେ ଟିକେଟ ସରିଯାଉଛି। ଏହି କାରଣରୁ ଥରଟିଏ ମୋତେ ଫେରିବାକୁ ପଡ଼ିଛି। ତେଣୁ ବୁଧବାରଠାରୁ ଆସି ଲାଇନ୍‌ ଦେଇଛି। ସ୍ଥାୟୀ ଡାକ୍ତର ନିଯୁକ୍ତି କରାଗଲେ ଏପରି ସମସ୍ୟା ସୃଷ୍ଟି ହୁଅନ୍ତା ନାହିଁ।
-ଭୋଳେଶ୍ୱର ବିଶ୍ୱାଳ, ରୋଗୀଙ୍କ ସମ୍ପର୍କୀୟ, ଭୂଷଣ ଗଣ୍ଠିଗାଡ଼ିଆ
ମାତ୍ର ୫୦ ଜଣଙ୍କୁ ଟିକେଟ୍‌ ମିଳୁଛି
ସ୍ନାୟୁଜନିତ ସମସ୍ୟା ନେଇ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟକୁ ସପ୍ତାହରେ ଶତାଧିକ ରୋଗୀ ଆସୁଛନ୍ତି। କିନ୍ତୁ ଦିନଟିଏ ପାଇଁ ଆସୁଥିବା ବିଶେଷଜ୍ଞ ଡାକ୍ତର ମାତ୍ର ୫୦ ଜଣଙ୍କୁ ଚିକିତ୍ସା କରୁଥିବାରୁ ଅନ୍ୟମାନଙ୍କୁ ଫେରିବାକୁ ପଡ଼ୁଛି। ସେଥିପାଇଁ ବୁଧବାରଠାରୁ କାଗଜରେ ନାମ ଲେଖି ହେଲମେଟ ସହ ଧାଡ଼ିରେ ରଖିଛି।
-କେଦାର ବେହେରା,
ଆମ୍ବପାଳ


Enter your email to get our daily news in your inbox.

All Right Reserved By Dharitri.Com

ଭାରତୀୟ ବୃତ୍ତଚିତ୍ର ଉସତ୍ବ ଉଦ୍‌ଘାଟିତ

ଭୁବନେଶ୍ୱର,୨୮।୯(ବ୍ୟୁରୋ): ଭାରତୀୟ ବୃତ୍ତଚିତ୍ର ଉସତ୍ବ ୨୦୧୯ (ଇଣ୍ଡିଆନ୍‌ ଡ଼କ୍ୟୁମେଣ୍ଟାରୀ ଫିଲ୍ମ ଫେଷ୍ଟିଭାଲ୍‌) ଶୁକ୍ରବାର ଉଦ୍‌ଘାଟିତ ହୋଇଛି। ଏହା ୩ଦିନ ଚାଲିିବ। ଓଡ଼ିଶୀ ଗବେଷଣା କେନ୍ଦ୍ର ପ୍ରେକ୍ଷାଳୟରେ...

ଅଜିତ ଦାସଙ୍କୁ ‘ଜୀବନବ୍ୟାପୀ ସାଧନା’ ପୁରସ୍କାର

ଭୁବନେଶ୍ୱର, ୨୮।୩ (ବ୍ୟୁରୋ): ଓଡ଼ିଶାର ଅଗ୍ରଣୀ ମ୍ୟାନେଜମେଣ୍ଟ ପ୍ରତିଷ୍ଠାନ ହ୍ବାଇଟ୍‌ କାନ୍‌ଭାସ ପକ୍ଷରୁ ଶନିବାର ସ୍ଥାନୀୟ ଏକ ହୋଟେଲରେ ୧୦ମ ରୁଚି ଓଫା ଆଓ୍ବାଡର୍‌ସ ଉତ୍ସବ...

ଟ୍ରାଫିକ୍‌, ପାର୍କିଂ ବ୍ୟବସ୍ଥା ହେବ କଡ଼ାକଡ଼ି

ଅନୁଗୋଳ ଅଫିସ, ୨୬।୧୧ – ଅନୁଗୋଳ ଜିଲାରେ ସଡ଼କ ଦୁର୍ଘଟଣାର ହାର ହ୍ରାସ କରିବା ପାଇଁ ଗୁରୁବାର ଜିଲା ସଡ଼କ ସୁରକ୍ଷା କମିଟି ବୈଠକ ଜିଲାପାଳ...

ଟ୍ରାଫିକ ଜାମ୍‌ରେ ଫସିଲେ: ସ୍କୁଲ ଯାଇ ନ ପାରି ଫାଣ୍ଡିରେ ବସିଲେ ଛାତ୍ରୀଛାତ୍ର

ଯୋଡ଼ା, ୩।୮(ଡି.ଏନ୍‌.ଏ.): କେନ୍ଦୁଝର ଜିଲା ଦେଇ ଯାଇଥିବା ୫୨୦ ନମ୍ବର ଜାତୀୟ ରାଜପଥର ବିଲେଇପଦା, ଯୋଡ଼ା, ଭଦ୍ରାସାହି, ବଡ଼ବିଲ ରାସ୍ତାରେ ଟ୍ରାଫିକ ସମସ୍ୟା ଦେଖାଦେଇଛି ।...

ସରକାରୀ ସ୍କୁଲରେ ମିଠା ଦହି ଖାଇ ୨୫ ଛାତ୍ର ଅସୁସ୍ଥ

ଭୁବନେଶ୍ୱର,୩ା୧୨(ବ୍ୟୁରୋ): ଶହୀଦନଗର ଥାନା ଅଞ୍ଚଳରେ ଥିବା ଏକ ପ୍ରମୁଖ ସରକାରୀ ସ୍କୁଲ ହଷ୍ଟେଲରେ ମିଠାଦହି ଖାଇ ୨୫ ଜଣ ଛାତ୍ର ଅସୁସ୍ଥ ହୋଇପଡିଥିଲେ। ପ୍ରଥମେ ବାନ୍ତି...

ରାଜ୍ୟ ସଭା ନିର୍ବାଚନ ପାଇଁ ନିଯୁକ୍ତ ହେଲେ ରିଟର୍ନିଂ ଅଫିସର

ଭୁବନେଶ୍ୱର,୨୮।୨(ବ୍ୟୁରୋ): ରାଜ୍ୟ ସଭା ନିର୍ବାଚନ ପାଇଁ ନିର୍ବାଚନ କମିଶନ ରିଟର୍ନିଂ ଅଫିସରଙ୍କୁ ନିଯୁକ୍ତି ଦେଲେ। ବିଷ୍ଣୁ ପ୍ରସାଦ ମିଶ୍ରଙ୍କୁ ରିଟର୍ନିଂ ଅଫିସର ଓ ଗଙ୍ଗାଧର ମଲ୍ଲିକଙ୍କୁ...

ଦେଇଥିବା କଥା ରଖିଛୁ: ମୁଖ୍ୟମନ୍ତ୍ରୀ

ଭୁବନେଶ୍ୱର,୮ା୧(ବ୍ୟୁରୋ): ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ଶୁକ୍ରବାର ଭିଡିଓ କନ୍‌ଫରେନ୍ସ ଜରିଆରେ ରାଜ୍ୟର ଗ୍ରାମୀଣ ଗୃହ ନିର୍ମାଣ ଯୋଜନାରେ ଘର ପାଇଥିବା ହିତାଧିକାରୀମାନଙ୍କୁ ୩ ହଜାର ଟଙ୍କା...

ଡିଜିପିଙ୍କୁ ଏନ୍‌ଏଚ୍‌ଆର୍‌ସିଙ୍କ ଜବାବ ତଲବ

ଯାଜପୁର ଅଫିସ,୨୦।୮: ଯାଜପୁର ଜିଲା ବିଞ୍ଝାରପୁର ଥାନା ମଧୁସୂଦନପୁର ପଞ୍ଚାୟତ ରଥସାହି ଗ୍ରାମର ୨ ବର୍ଷ ବୟସ୍କା ଶିଶୁକନ୍ୟା ପିହୁ ଓରଫ ଲକ୍ଷ୍ମୀନାରାୟଣ ନାୟକ ନିଖୋଜ...

Advertisement
Archives

Model This Week