ସାଉଥାମ୍ପଟନ୍,୨୪।୫: କେନ ୱିଲିୟମସନଙ୍କ ଅଧିନାୟକତ୍ୱରେ ନ୍ୟୁଜିଲାଣ୍ଡ ଦଳ ପ୍ରଥମ ବିଶ୍ୱ ଟେଷ୍ଟ ଚାମ୍ପିଅନସିପ ମୁକୁଟ ଜିତିଛି। ଐତିହାସିକ ବିଜୟ ପରେ ୱିଲିୟମସନ ବିରାଟ କୋହଲି ଏବଂ ଭାରତୀୟ ଦଳକୁ ପ୍ରଶଂସା କରିଛନ୍ତି। ବର୍ଷା ବାଧାପ୍ରାପ୍ତ ଡବ୍ଲୁଟିସି ଫାଇନାଲରେ ନ୍ୟୁଜିଲାଣ୍ଡ ଦଳ ଭାରତକୁ ୮ ଉଇକେଟରେ ପରାସ୍ତ କରି ଚାମ୍ପିଅନ ହୋଇଛି। ଟେଷ୍ଟ କ୍ରିକେଟ ଇତିହାସର ୧୪୪ ବର୍ଷ ମଧ୍ୟରେ ଏହା ପ୍ରଥମ ଥିଲା ଯେତେବେଳେ ଏହି ଚାମ୍ପିଅନସିପ ଆୟୋଜିତ ହୋଇଥିଲା।
ଆଇସିସି ଟ୍ରଫି ଜିତିବା ପରେ ୱିଲିୟମସନ କହିଛନ୍ତି ଯେ, ମୁଁ ବିରାଟ ଏବଂ ଭାରତୀୟ ଦଳକୁ କୃତଜ୍ଞତା ଜଣାଉଛି। ସେମାନେ ଏକ ଅବିଶ୍ୱସନୀୟ ଦଳ, ଆମେ ଜାଣିଥିଲୁ ଏହା କେତେ ଚ୍ୟାଲେଞ୍ଜ ହେବ। ମୁଁ ଖୁସି ଯେ ଆମ ଦଳ ଏହି ବିଜୟ ସକ୍ଷମ ହୋଇଛି। ଏହା ଏକ ବିଶେଷ ଅନୁଭବ। ଆମର କ୍ରିକେଟ ଇତିହାସରେ ପ୍ରଥମ ଥର ପାଇଁ ଆମେ ଏକ ବିଶ୍ୱ ଟାଇଟଲ ଜିତିଛୁ। ଗତ ଦୁଇ ବର୍ଷ ମଧ୍ୟରେ ଆମ ଦଳ ସହିତ ଜଡିତ ପ୍ରତ୍ୟେକ ଖେଳାଳି ଏଥିରେ ଏକ ବଡ଼ ଭୂମିକା ଗ୍ରହଣ କରିଛନ୍ତି। ଏହା ଏକ ବିଶେଷ ସଫଳତା।
