ବଦଳୁଛି ସ୍ବର୍ଗଦ୍ୱାର ଚିତ୍ର

ପୁରୀ ଅଫିସ, ୧୧। ୧୦:  ବଦଳୁଛି ସ୍ବର୍ଗଦ୍ୱାର ଚିତ୍ର। ପୁରୁଣା ସ୍ବର୍ଗଦ୍ୱାରକୁ ସୁବ୍ୟବସ୍ଥିତ ଢଙ୍ଗରେ ଦିଆଯାଉଛି ନୂଆ ରୂପ। ମୃତଦେହକୁ ଉଚିତ ସମ୍ମାନ ଓ ପରିଜନଙ୍କୁ ଅତ୍ୟାଧୁନିକ ସେବା ସୁବିଧା ଉପଲବ୍ଧ କରାଇବା ଲକ୍ଷ୍ୟରେ ଚାଲିଛି ନବୀକରଣ କାର୍ଯ୍ୟ। ପ୍ରତିଟି ହିନ୍ଦୁଙ୍କର ସ୍ବର୍ଗଦ୍ୱାର ପ୍ରତି ରହିଥିବା ଆସ୍ଥା ଓ ବିଶ୍ୱାସ ଯେପରି ଅତୁଟ ରହିବ ତାହାକୁ ନଜରରେ ରଖାଯାଇଛି। ସ୍ବର୍ଗଦ୍ୱାର ସହ ସଂସ୍କୃତି ଓ ପରମ୍ପରା ଜଡ଼ିତ ଥିବାରୁ ଜଗଦ୍‌ଗୁରୁ ଶଙ୍କରାଚାର୍ଯ୍ୟଙ୍କ ପରାମର୍ଶ ନିଆଯାଇଛି।
ରହିଛି, ସ୍ବର୍ଗଦ୍ୱାରରେ ମୃତଦେହ ଦାହ କଲେ ଆତ୍ମା ମୋକ୍ଷ ପ୍ରାପ୍ତି ହୋଇଥାଏ। ଏଥିଲାଗି ଦୈନିକ ବିଭିନ୍ନ ଅଞ୍ଚଳରୁ ବହୁ ସଂଖ୍ୟାରେ ମୃତଦେହ ସତ୍କାର ପାଇଁ ଆସିଥାଏ। କିନ୍ତୁ ଏଠାକାର ଅନେକ ସମସ୍ୟା ସମ୍ପର୍କୀୟଙ୍କୁ ଅସ୍ତବ୍ୟସ୍ତ କରିପକାଏ। ବେଳେବେଳେ ଶୋଷଣ ସାଙ୍ଗକୁ ଦାହ କାର୍ଯ୍ୟରେ ବି ହଇରାଣ ହେବାକୁ ପଡ଼ିଥାଏ। ତେଣୁ ଏହି ସମସ୍ୟାର ସ୍ଥାୟୀ ସମାଧାନ ଏବଂ ଅବହେଳିତ ଅବସ୍ଥାରେ ଥିବା ସ୍ବର୍ଗଦ୍ୱାରରେ ସବୁକିଛି ସୁବ୍ୟବସ୍ଥିତ କରିବା ଲାଗି ରାଜ୍ୟ ସରକାର ନିଷ୍ପତ୍ତି ନେଇଥିଲେ। ଗତବର୍ଷ ନଭେମ୍ବରରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ସ୍ବର୍ଗଦ୍ୱାର ପୁନରୁଦ୍ଧାର ଲାଗି ୫ କୋଟି ଟଙ୍କା ମଞ୍ଜୁର କରିବା ସହ ପ୍ରବାଦ ପୁରୁଷ ବିଜୁ ପଟ୍ଟନାୟକଙ୍କ ସମାଧି ପୀଠ ହଟାଇ ଦିଆଯିବାକୁ ଘୋଷଣା କରିଥିଲେ। ଏହାପରେ ଏ ଦିଗରେ ତତ୍ପରତା ପ୍ରକାଶ ପାଇଥିଲା। ତେଲଙ୍ଗାନାର ମହାପ୍ରସ୍ଥାନମ୍‌ ଢାଞ୍ଚାରେ ଏହାର ପୁନରୁଦ୍ଧାର ଲାଗି ନକ୍ସା ପ୍ରସ୍ତୁତ କରାଯାଇଥିଲା। ସ୍ବର୍ଗଦ୍ୱାର କାର୍ଯ୍ୟ ସଂରଚନା ଏବଂ ନିର୍ମାଣ ନକ୍ସା ହାଇଦ୍ରାବାଦସ୍ଥିତ ଫୋନେକ୍ସ ଫାଉଣ୍ଡେଶନ କରିଥିଲା। ସେହି ଅନୁଯାୟୀ ଏବେ କାମ ଜାରି ରହିଛି।
ଏଠାରେ ୧୪ଟି ମୃତଦେହ ଦାହ ପିଣ୍ଡି ସହିତ ଗୋବର୍ଦ୍ଧନ ମଠ ଅଧୀନରେ ପରିଚାଳିତ ଶିବ ମନ୍ଦିରର ପୁନରୁଦ୍ଧାର କାମ ଚାଲିଛି। ପୂର୍ବରୁ ମୃତଦେହ ଆସିଲେ ତଳେ ରଖାଯାଉଥିଲା। ଗହଳି ସମୟରେ ବେଳେବେଳେ ପାର୍ଥିବ ଶରୀରରେ କାହାର ବି ଗୋଡ଼ ବାଜିଯାଉଥିଲା। ତେଣୁ ମୃତଦେହକୁ ସମ୍ମାନ ଦେବା ଲାଗି ସ୍ବତନ୍ତ୍ର ଭାବେ ୬ଟି ଉଚ୍ଚ ପିଣ୍ଡି ନିର୍ମାଣ ହୋଇଛି। ପରିଜନଙ୍କ ପାଇଁ ପାନୀୟଜଳ, ଶୌଚାଳୟ ଓ ବିଶ୍ରାମ ପାଇଁ ସୁବନ୍ଦୋବସ୍ତ କରାଯାଇଛି। ସ୍ବର୍ଗଦ୍ୱାର ପରିବେଶକୁ ସୁନ୍ଦର କରିବା ଲାଗି ଗଛ ଲଗାଯାଇଛି। ନିଜ ଆତ୍ମୀୟଙ୍କୁ ହରାଇଥିବା ସମ୍ପର୍କୀୟଙ୍କ ମନକୁ ଆନମନା କରିବା ଲାଗି ବାଜୁଛି ରାମଧୂନ ଓ ଗୁଞ୍ଜରିତ ହେଉଛି ଆଧ୍ୟାତ୍ମିକଭରା ଭଜନ। ଉଜ୍ଜ୍ୱଳ ଆଲୋକ ବ୍ୟବସ୍ଥା ସାଙ୍ଗକୁ ସୁରକ୍ଷା ବ୍ୟବସ୍ଥା ପାଇଁ ଲୁହା ବାରିକେଡିଂ କରାଯିବା ସହ ୮ଟି ସିସିଟିଭି କ୍ୟାମେରା ଖଞ୍ଜାଯାଇଛି। ସବୁ ବ୍ୟବସ୍ଥାର ତଦାରଖ ଲାଗି ୨୪ ଜଣିଆ ଟିମ୍‌ କାର୍ଯ୍ୟ କରୁଛି।
ସମ୍ପର୍କରେ ଉପଜିଲାପାଳ ଭବତାରଣ ସାହୁ କହିଛନ୍ତି, ଏଠାକୁ ମୃତଦେହ ଦାହ ପାଇଁ ଆସୁଥିବା ଲୋକେ ଯେପରି ହଇରାଣ ନ ହେବେ ସେଥିଲାଗି ସେବା କେନ୍ଦ୍ର ଖୋଲାଯାଇଛି। ଆଗାମୀ ସମୟରେ ଏହି ସେବା କେନ୍ଦ୍ର ମାଧ୍ୟମରେ ସିଙ୍ଗଲ ୱିଣ୍ଡୋ ବ୍ୟବସ୍ଥା ଚାଲୁ କରାଯିବ। ଗୋଟିଏ କାଉଣ୍ଟରରୁ ଟୋକନ ନେଇ ପରିଜନମାନେ ସମସ୍ତ ସୁବିଧା ପାଇପାରିବେ। ଦାହକ ଏବଂ ଶ୍ରାଦ୍ଧ କର୍ମ କରୁଥିବା ବ୍ରାହ୍ମଣଙ୍କ ପ୍ରାପ୍ୟ ସ୍ଥିରୀକୃତ ହେବ। ସେହିପରି ସ୍ବର୍ଗଦ୍ୱାରରେ ଉପଲବ୍ଧ ଦ୍ରବ୍ୟ ମୂଲ୍ୟ ସ୍ଥିର କରାଯାଇ ଏକ ଚାର୍ଟ ମାଧ୍ୟମରେ ସର୍ବସାଧାରଣଙ୍କ ଅବଗତି ନିମନ୍ତେ ଲଗାଯିବ ବୋଲି ସାହୁ ପ୍ରକାଶ କରିଛନ୍ତି।
ଅନ୍ୟପକ୍ଷରେ ୧୬ ଏକର ପରିମିତ ସ୍ବର୍ଗଦ୍ୱାର ଜମି ଏବେ ମାତ୍ର ୪୬ ଡେସିମିଲରେ ସୀମିତ ରହିଛି। ଏହି ୪୬ ଡେସିମିଲ ଜମିରେ ହିଁ ବିକାଶ କାମ ଚାଲିଛି। ଜବରଦଖଲ ଜମିକୁ ମୁକ୍ତ କରିବା ଲାଗି ଦାବି ହେଉଥିଲେ ମଧ୍ୟ ତାହା କରାଯାଇପାରିନାହିଁ। ସଚେତନ ନାଗରିକ ମଞ୍ଚ ସଭାପତି ଆଇନଜୀବୀ ପ୍ରସନ୍ନ କୁମାର ଦାଶ କହିଛନ୍ତି, ସରକାର ଶ୍ରୀମନ୍ଦିର ଚତୁଃପାର୍ଶ୍ୱରୁ ଶହ ଶହ ବର୍ଷ ଧରି ରହିଥିବା ଲୋକଙ୍କ ଭିଟାମାଟିକୁ ଆଣିପାରିଲେ। ମାତ୍ର ସ୍ବର୍ଗଦ୍ୱାର ଜମିକୁ ଅନେକ ବଡ଼ବଡ଼ିଆ ମାଡ଼ି ବସିଥିଲେ ମଧ୍ୟ ମୁକ୍ତ କରୁନାହାନ୍ତି। ଏହି ଜମିକୁ ମୁକ୍ତ କରାଗଲେ ସ୍ବର୍ଗଦ୍ୱାର ବିକାଶ ଆହୁରି ପରିବ୍ୟାପ୍ତ ହୋଇପାରନ୍ତା।


Enter your email to get our daily news in your inbox.

All Right Reserved By Dharitri.Com

ନିଖୋଜ ଯୁବକଙ୍କ ମିଳିଲା କଙ୍କାଳ

ପୋଲସରା,୨୦ା୯(ଡି.ଏନ୍‌.ଏ.): ଗଞ୍ଜାମ ଜିଲା ପୋଲସରା ଥାନା ମନ୍ଦାର-କେନ୍ଦୁବାଡ଼ି ରାସ୍ତା ନିକଟ ରତନେଇ ପାହାଡ଼ରୁ ପୋଲିସ ସୋମବାର ଜଣେ ନିଖୋଜ ଯୁବକଙ୍କ କଙ୍କାଳ ଜବତ କରିଛି। ମନ୍ଦାର...

ବିବାହ ବନ୍ଧନରେ ବାନ୍ଧି ହେଲେ ଦୁଇ ଏଚ୍‌ଆଇଭି ସଂକ୍ରମିତ, ଗଞ୍ଜାମ ଜିଲାପାଳ କଲେ କନ୍ୟାଦାନ; ମୁଖ୍ୟମନ୍ତ୍ରୀ ଦେଲେ ଆଶୀର୍ବାଦ

ବ୍ରହ୍ମପୁର ଅଫିସ,୨୭।୨: ଗଞ୍ଜାମ ଜିଲା ଗୋପାଳପୁରସ୍ଥିତ ଶ୍ରଦ୍ଧାସଞ୍ଜିବନୀ ନାମକ ଶିଶୁଗୃହରେ ଶନିବାର ଏକ ନିଆରା ବିବାହ ଅନୁଷ୍ଠିତ ହୋଇଯାଇଛି। ଏହି ବିବାହ କାର୍ଯ୍ୟରେ ସହଯୋଗର ହାତ...

ପାଣି ଯୋଗାଣରେ ବିଳମ୍ବ ଯୋଗୁ ସଂଗରୋଧ କେନ୍ଦ୍ରରେ ଭଙ୍ଗାରୁଜା: ୩ ପ୍ରବାସୀଙ୍କ ନାମରେ ଏତଲା

ଜି.ଉଦୟଗିରି, ୨୧।୫(ଡି.ଏନ୍‌.ଏ.): କନ୍ଧମାଳ ଜିଲା ଜି.ଉଦୟଗିରି ଶ୍ରୀରାମପଦାସ୍ଥିତ ଅନ୍ବେସା ସଙ୍ଗରୋଧ କେନ୍ଦ୍ରରେ ରହିଥିବା ୩ ଜଣ ଅନ୍ତେବାସୀ ବୁଧବାର ସେଠାରେ କାର୍ଯ୍ୟରତ କର୍ମଚାରୀଙ୍କ ସହ ଗଣ୍ଡଗୋଳ...

ନୀଳଗିରି ଉପଖଣ୍ଡ ଚିକିତ୍ସାଳୟର ୫୦ ଶଯ୍ୟା ବିଶିଷ୍ଟ ଗୃହ ନିର୍ମାଣର ଶିଳାନ୍ୟାସ କଲେ କେନ୍ଦ୍ରମନ୍ତ୍ରୀ, ବିଧାୟକ

ସଜନାଗଡ଼,୨୧।୧୦(ଡି.ଏନ୍‌.ଏ.): ବାଲେଶ୍ୱର ଜିଲା ନୀଳଗିରି ଉପଖଣ୍ଡ ଚିକିତ୍ସାଳୟ ୫୦ ଶଯ୍ୟା ବିଶିଷ୍ଟ ଅର୍ନ୍ତବିଭାଗ ଓ ବର୍ହିବିଭାଗ ଗୃହ ନିର୍ମାଣର ଶୁଭ ଶିଳାନ୍ୟାସ କରିଛନ୍ତି କେନ୍ଦ୍ରମନ୍ତ୍ରୀ ଓ...

ନନ୍ଦନକାନନରେ ବାଘ ସଂଖ୍ୟା ବୃଦ୍ଧି, ୨ ଛୁଆ ଜନ୍ମଦେଲା ବାଘୁଣୀ ସ୍ନେହା

ବାରଙ୍ଗ,୯।୧(ଡି.ଏନ୍‌.ଏ.): ଗୁରୁବାର ନନ୍ଦନକାନନ ପ୍ରାଣୀ ଉଦ୍ୟାନରେ ଧଳାବାଘୁଣୀ ସ୍ନେହା ୨ଟି ଛୁଆ ଜନ୍ମ ଦେଇଛି। ହାଇଦ୍ରାବାଦରୁ ଆସିଥିବା ଜଙ୍ଗଲି ମହାବଳବାଘ ସେଫ୍‌ ସହ ତା’ର ମିଳନ...

କୁନ୍ଦୁଲି ବଳାତ୍କାର ଘଟଣା : କମିଶନଙ୍କ ରିପୋର୍ଟ ନେଇ ବିରୋଧୀ ଗରମ

ଭୁବନେଶ୍ୱର,୫ା୮(ବ୍ୟୁରୋ): କୁନ୍ଦୁଲି ରିପୋର୍ଟ ବିଧାନସଭାରେ ଉପସ୍ଥାପିତ ହେବାପରେ ବିରୋଧୀଙ୍କ ଟାର୍ଗେଟରେ ରାଜ୍ୟ ସରକାର। କାହାକୁ ସୁରକ୍ଷା ଦେବାକୁ ଏଭଳି ରିପୋର୍ଟ ପ୍ରସ୍ତୁତ କରାଯାଇଛି ବୋଲି ବିରୋଧୀ...

ମୁଖ୍ୟମନ୍ତ୍ରୀଙ୍କୁ କୃତଜ୍ଞତା ଜ୍ଞାପନ କଲା ଜିଲା ଶିକ୍ଷା ବିକାଶ ପରିଷଦ

ଭବାନୀପାଟଣା,୨୮।୧୦(ଡି.ଏନ୍‌.ଏ.): ରାଜ୍ୟ ସରକାର କଳାହାଣ୍ଡି ବିଶ୍ୱବିଦ୍ୟାଳୟ ପ୍ରତିଷ୍ଠା ସମ୍ପର୍କରେ ବିଧିବଦ୍ଧ ବିଜ୍ଞପ୍ତି ଜାରି କରିଥିବାରୁ କଳାହାଣ୍ଡି ଶିକ୍ଷା ବିକାଶ ପରିଷଦ ପକ୍ଷରୁ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ...

ଚଢ଼ାଉ ନାହିଁ, ଓଜନରେ ଠକେଇ ବଢ଼ୁଛି

କଟକ ଅଫିସ,୯।୧୦: ରାଜ୍ୟରେ ଏବେ ନକଲି ସାମଗ୍ରୀଠାରୁ ଆରମ୍ଭ କରି ବିଭିନ୍ନ ପ୍ରକାର ଠକେଇ ଚାଲିଛି। ବିଶେଷକରି କିଛି ଲାଭଖୋର ମନୋବୃତ୍ତିର ବ୍ୟବସାୟୀ ଓଜନ ଓ...

Advertisement


Archives

Model This Week