ନୂଆଦିଲ୍ଲୀ,୧୭।୮: ଭାରତୀୟ ଜନତା ପାର୍ଟି (ଭାଜପା)ର ରାଷ୍ଟ୍ରୀୟ ଅଧ୍ୟକ୍ଷ ନୀତିନ ନବୀନଙ୍କ ଦ୍ୱାରା ଘୋଷଣା କରାଯାଇଥିବା ନୂତନ ଦଳରେ, ପୂର୍ବତନ ଏମ୍ପି ଏବଂ କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ସାମିଲ ଅଛନ୍ତି। ଉତ୍ତର ପ୍ରଦେଶର ଆମେଠି ନିର୍ବାଚନମଣ୍ଡଳୀରୁ ପ୍ରତିନିଧିତ୍ୱ କରନ୍ତି। ତାଙ୍କ ଜାତୀୟ ସାଧାରଣ ସମ୍ପାଦକ ଦାୟିତ୍ୱ ଦିଆଯାଇଛି। ଏହି ତାଲିକା ଅଗଷ୍ଟ ୧୭ରେ ପ୍ରକାଶିତ ହୋଇଥିଲା। ଏହି ନୂତନ ଦାୟିତ୍ୱ ସହିତ ଇରାନୀଙ୍କ ପ୍ରାୟ ଦୁଇ ବର୍ଷର ରାଜନୈତିକ ବ୍ୟବଧାନର ଅନ୍ତ ଘଟିଛି।
ଯଦିଓ ସେ ୨୦୨୪ ମସିହାରେ ଆମେଠିରୁ ନିର୍ବାଚନ ହାରିବା ପରେ ରାଜନୈତିକ ଭାବରେ ସକ୍ରିୟ ରହିଥିଲେ। ତାଙ୍କ ରାଜନୈତିକ ଭବିଷ୍ୟତକୁ ନେଇ ଅନେକ କଳ୍ପନାଜଳ୍ପନା ଚାଲିଥିଲା। ଆଜିର ନିଷ୍ପତ୍ତି ଏପରି କଳ୍ପନାଜଳ୍ପନାର ସମ୍ପୂର୍ଣ୍ଣ ଅନ୍ତ ଘଟାଇଛି।
ସ୍ମୃତି ଇରାନୀ ଭାରତୀୟ ଜନତା ପାର୍ଟିର ପ୍ରମୁଖ ନେତାମାନଙ୍କ ମଧ୍ୟରେ ଅନ୍ୟତମ। ସେ ୨୦୦୩ ମସିହାରେ ଭାଜପାରେ ଯୋଗ ଦେଇଥିଲେ ଏବଂ ପରବର୍ତ୍ତୀ ସମୟରେ ଦଳୀୟ ସଂଗଠନ ମଧ୍ୟରେ ଅନେକ ଗୁରୁତ୍ୱପୂର୍ଣ୍ଣ ଦାୟିତ୍ୱ ଗ୍ରହଣ କରିଥିଲେ। ସେ ୨୦୧୧ ମସିହାରେ ରାଜ୍ୟ ସଭାକୁ ନିର୍ବାଚିତ ହୋଇଥିଲେ ଏବଂ ୨୦୧୯ ମସିହାରେ ଆମେଠି ଲୋକ ସଭା ନିର୍ବାଚନମଣ୍ଡଳୀରୁ ଏମ୍ପି ହୋଇଥିଲେ। ରାଜନୀତିରେ ପ୍ରବେଶ କରିବା ପୂର୍ବରୁ ସେ ଜଣେ ଟେଲିଭିଜନ ଅଭିନେତ୍ରୀ ଏବଂ ମଡେଲ ଭାବରେ ଜଣାଶୁଣା ଥିଲେ। ସେ କେନ୍ଦ୍ର ସରକାରଙ୍କ ଅନେକ ଗୁରୁତ୍ୱପୂର୍ଣ୍ଣ ମନ୍ତ୍ରଣାଳୟର ଦାୟିତ୍ୱ ଗ୍ରହଣ କରିଛନ୍ତି।
ସ୍ମୃତି ଇରାନିଙ୍କ ଜନ୍ମ ୨୩ ମାର୍ଚ୍ଚ ୧୯୭୬ରେ ନୂଆଦିଲ୍ଲୀରେ ହୋଇଥିଲା। ରାଜନୈତିକ କ୍ଷେତ୍ରରେ ପ୍ରବେଶ କରିବା ପୂର୍ବରୁ ସେ ଜଣେ ଅଭିନେତ୍ରୀ ଭାବରେ ଜଣାଶୁଣା ଥିଲେ। ୨୦୦୦ରେ, ଏକତା କପୁରଙ୍କ ଦ୍ୱାରା ପ୍ରଯୋଜିତ ଶୋ ‘କ୍ୟୁଙ୍କି ସାସ ଭି କଭି ବହୁ ଥି’ତାଙ୍କ ଭାଗ୍ୟ ବଦଳାଇ ଦେଇଥିଲା। ସେ ଘରେ ଘରେ ପରିଚିତ ହାସଲ କରିଥିଲେ ଏବଂ ଟେଲିଭିଜନ ଜଗତରେ ଜଣେ ଷ୍ଟାର ହୋଇଯାଇଥିଲେ। ସେ ୨୦୦୧ ମସିହାରେ ଜୁବିନ ଇରାନିଙ୍କୁ ବିବାହ କରିଥିଲେ, ତାଙ୍କ ନାମ ସ୍ମୃତି ମାଲହୋତ୍ରାରୁ ସ୍ମୃତି ଜୁବିନ ଇରାନି କରିଥିଲେ।
୨୦୧୧ ମସିହାରେ ରାଜ୍ୟ ସଭାକୁ ନିର୍ବାଚିତ ହେବା ପରେ, ସ୍ମୃତି ୨୦୧୪ ଲୋକସଭା ନିର୍ବାଚନରେ ଆମେଠିରୁ କଂଗ୍ରେସ ନେତା ରାହୁଲ ଗାନ୍ଧୀଙ୍କ ବିପକ୍ଷରେ ପ୍ରତିଦ୍ୱନ୍ଦ୍ୱିତା କରିଥିଲେ। ସେ ସେହି ନିର୍ବାଚନରେ ପରାସ୍ତ ହୋଇଥିଲେ। ପରବର୍ତ୍ତୀ ସମୟରେ ସ୍ମୃତି ୨୦୧୯ ଲୋକ ସଭା ନିର୍ବାଚନରେ ଆମେଠି ଆସନ ପାଇଁ ରାହୁଲ ଗାନ୍ଧୀଙ୍କୁ ପରାସ୍ତ କରି ଏକ ବଡ଼ ରାଜନୈତିକ ବିପର୍ଯ୍ୟୟ ଆଣିଥିଲେ। ରାଜନୈତିକ ଦୃଶ୍ୟପଟରେ ଏବଂ ଭାଜପା ଭିତରେ ନିଜକୁ ଜଣେ ପ୍ରମୁଖ ବ୍ୟକ୍ତିତ୍ୱ ଭାବରେ ପ୍ରତିଷ୍ଠିତ କରିଥିଲେ। ୨୦୨୪ ଲୋକସଭା ନିର୍ବାଚନରେ ସେ ଆମେଠି ନିର୍ବାଚନମଣ୍ଡଳୀରେ ପରାଜୟର ସମ୍ମୁଖୀନ ହୋଇଥିଲେ। କଂଗ୍ରେସ ପ୍ରାର୍ଥୀ କିଶୋରୀ ଲାଲ ଶର୍ମାଙ୍କଠାରୁ ଆସନଟି ହାରି ଯାଇଥିଲେ।
Dharitri – Odisha’s No.1 Odia Daily
