ହାତୀ କରୁଛନ୍ତି ହନ୍ତସନ୍ତ

ଭାପୁର, ୭।୧୧(ଡି.ଏନ.ଏ.)

ଜଙ୍ଗଲ ଛାଡ଼ି ଜନବସତି ଆଡ଼କୁ ମୁହଁାଇଛନ୍ତି ହାତୀ। ଚାଷ ଜମିରେ ଗଜ ଉପଦ୍ରବ ରାତିକ ଭିତରେ ଚାଷୀଙ୍କ ବର୍ଷକର ଆଶାକୁ ଧୂଳିସାତ୍‌ କରିଦେଉଛି। ଆଖି ଆଗରେ ସୁନାର ଫସଲ ଉଜୁଡ଼ି ଯାଉଥିବାବେଳେ ବିଲ ହୁଡ଼ାରେ ନିରୂପାୟ ହୋଇ ଚାହିଁ ରହିବା ଛଡ଼ା ଅନ୍ୟ କିଛି ପନ୍ଥା ନାହିଁ। କରୋନା ମାଡ଼ରେ ଶୋଚନୀୟ ହୋଇପଡ଼ିଥିବା ଆର୍ଥିକସ୍ଥିତି ସୁଧାରିବାକୁ ଚାଷକୁ ମାଧ୍ୟମ କରିଥିଲେ ଚାଷୀ। ଧାରକରଜ କରି ସବୁ ସମ୍ବଳ ଲଗାଇଥିଲେ ଫସଲରେ। ହେଲେ ହାତୀଙ୍କ ଉତ୍ପାତ ସେମାନଙ୍କ ମୁଣ୍ଡରେ ଚଡ଼କ ପକାଇଛି।
ଢେଙ୍କାନାଳ ସଦର ବନଖଣ୍ଡ ଅଧୀନ ଭାପୁର ବନାଞ୍ଚଳ ବଣୁଆ ହାତୀଙ୍କ ନୂଆ ଠିକଣା ପାଲଟିଛି। ୧୦ବର୍ଷ ତଳେ ଏହି ଅଞ୍ଚଳ ହାତୀମୁକ୍ତ ଥିଲା। ଥରେ ଅଧେ ଅଞ୍ଚଳକୁ ପଶି ଆସୁଥିବା ହାତୀପଲ ଦିନେ ଦୁଇଦିନ ଭିତରେ ନିଜର ଆବାସସ୍ଥଳୀକୁ ଫେରିଯାଉଥିଲେ। ହେଲେ ଏବେ ପରିସ୍ଥିତି ବଦଳିଯାଇଛି। ଅଞ୍ଚଳର ବିସ୍ତୀନ୍ନ ଆମ୍ବ, କାଜୁ ତୋଟା, ସଂରକ୍ଷିତ ଜଙ୍ଗଲର ନିରାପଦ ଆଶ୍ରୟ ଏବଂ ଶୀତ ଦିନେ ଅଞ୍ଚଳରେ ହେଉଥିବା ପ୍ରଚୁର ଧାନ ଫସଲ ହାତୀଙ୍କୁ ଆକୃଷ୍ଟ କରୁଛି। ଫଳରେ ଦୀର୍ଘଦିନ ହେଲା ଅଞ୍ଚଳରେ ୧୨ରୁ ୧୪ ହାତୀ ବିଭିନ୍ନ ପଲରେ ବିଭକ୍ତ ହୋଇ ଉପଦ୍ରବ ସୃଷ୍ଟି କରି ଚାଲିଛନ୍ତି।
ଛଦେଶ ଅଞ୍ଚଳର ଚନ୍ଦ୍ରଶେଖରପ୍ରସାଦ, କାଳିକାପ୍ରସାଦ ମୌଜାର ଅର୍ଦ୍ଧେକ ସୀମା ମାଟିଆମୁଣ୍ଡିଆ ସଂରକ୍ଷିତ ଜଙ୍ଗଲକୁ ଲାଗି ରହିଛି। କଟକ ଜିଲା ବଡ଼ମ୍ବା ବନଖଣ୍ଡ ସୀମାବର୍ତ୍ତୀ ହୋଇଥିବାରୁ ଅବାଧରେ ଏହି ଦୁଇ ସଂରକ୍ଷିତ ଜଙ୍ଗଲ ମଧ୍ୟରେ ଅବାଧରେ ହାତୀପଲ ବିଚରଣ କରୁଛନ୍ତି। ଫଳରେ ସଂରକ୍ଷିତ ଜଙ୍ଗଲ ନିକଟରେ ଥିବା ଚାଷଜମି ସେମାନଙ୍କ ଉପଦ୍ରବର ପେଣ୍ଠସ୍ଥଳୀ ପାଲଟିଛି। ଏବେ ଧାନରୁ କେଣ୍ଡା ବାହାରୁଥିବାବେଳେ ହାତୀ ଫସଲ ଖାଇଯିବା ଚାଷୀଙ୍କୁ ବେଶି ବାଧୁଛି। ଗୋବିନ୍ଦପ୍ରସାଦ, ବିମ୍ବୋଳ, ଭାଗୀରଥିପୁର, କଳାଙ୍ଗ, କୋତ୍ତମ, କୋଟବେରେଣା, କରଡ଼ାମଡ଼ା, ମହୁଲପୁଞ୍ଜି ଅଞ୍ଚଳର ଚାଷୀ ଶୀତକାକରରେ ରାତି ଅନିଦ୍ରା ରହିବା ସତ୍ତ୍ୱେ ଫସଲକୁ ସୁରକ୍ଷା ଦେଇପାରୁନାହାନ୍ତି। ସେହିପରି ଭାପୁର-ଢେଙ୍କାନାଳ ରାସ୍ତା, ଘିଟିପିରି, କଳାଙ୍ଗ, ଭାପୁର, ଚନ୍ଦ୍ରଶେଖରପ୍ରସାଦ, ମହୁଲପୁଞ୍ଜି, ଟେଣୁଆ ଗ୍ରାମାଞ୍ଚଳ ରାସ୍ତା ହାତୀଙ୍କ ଚଲାପଥ ପାଲଟିଛି। ଫଳରେ ସଞ୍ଜ ନଇଁଲେ ଯାତାୟାତ ଠପ୍‌ ହୋଇଯାଉଛି। ଜରୁରୀ କାମରେ ପଦାକୁ ବାହାରିବା ମୁସ୍କିଲ ହୋଇପଡୁଛି। ହାତୀ ଉପଦ୍ରବ ଚରମସୀମାରେ ପହଞ୍ଚତ୍ଥିବାବେଳେ ବନ ବିଭାଗ ସହଯୋଗ ନ କରିବା ଅଞ୍ଚଳବାସୀଙ୍କ ମଧ୍ୟରେ ଅସନ୍ତୋଷ ବଢ଼ାଉଛି।
ଏ ସମ୍ପର୍କରେ ସଦର ରେଞ୍ଜର ଧରିତ୍ରୀ ମୁର୍ମୁ କୁହନ୍ତି, ଭାପୁର ବନାଞ୍ଚଳ ଅନ୍ତର୍ଗତ ଓଡ଼ାପଡ଼ାର ତାମଣ୍ଡା ଏବଂ ଇନ୍ଦିପୁର ଅଧିକ ଦୂରରେ ଅବସ୍ଥିତ। ଫଳରେ ପୃଥକ ଅଞ୍ଚଳରେ ଏକା ସଙ୍ଗରେ ହାତୀ ଉପଦ୍ରବ କଲେ ନିୟନ୍ତ୍ରଣ କରିବା କଷ୍ଟକର ହୋଇପଡୁଛି। ତଥାପି ହାତୀଙ୍କୁ ଘଉଡ଼ାଇବାକୁ ରାତ୍ରକାଳୀନ ପାଟ୍ରୋଲିଂ କରାଯାଉଛି। ହାତୀ ସ୍କ୍ବାଡ୍‌ ବୁଲୁଛନ୍ତି। ସ୍ଥିତି ନିୟନ୍ତ୍ରଣରେ ରହିଛି। ଫସଲ କ୍ଷତିପୂରଣ ରାଶି ସପ୍ତାହକ ମଧ୍ୟରେ ପ୍ରଦାନ କରାଯାଉଛି। ଅଧିକ ସମସ୍ୟା ହେଲେ ରେଞ୍ଜ୍‌ ଅଫିସରୁ କର୍ମଚାରୀଙ୍କୁ ନିୟୋଜିତ କରାଯାଉଛି। ଚାଷୀଙ୍କୁ ସତର୍କ ରହିବା, ହାତୀଙ୍କ ବିଚରଣ ଉପରେ ନଜର ରଖିବା ଏବଂ ବନ ବିଭାଗକୁ ଅବଗତ କରିବା ଲାଗି ପରାମର୍ଶ ଦିଆଯାଉଛି।
ସହାୟତାକୁ ଅପେକ୍ଷା
୪ମାସ ହେଲା ପରିଶ୍ରମ କରି ୧ ଏକର ଜମିରେ ଧାନ ଚାଷ କରିଥିଲି। ଧାନରୁ କେଣ୍ଡା ବାହାରିବା ସମୟ ହୋଇଥିବାରୁ ମାସେ ହେଲା ରାତି ଅନିଦ୍ରା ହୋଇ ଫସଲ ସୁରକ୍ଷା କରି ଆସୁଥିଲି। ହେଲେ ରାତିକରେ ହାତୀପଲ ସବୁ ଉଜାଡ଼ି ଦେଲେ। ଏବେ ନିରୁପାୟ ହୋଇ ସହାୟତାକୁ ଅପେକ୍ଷା କରିଛି।
-ଲୋଚନ ନାଏକ, ଟେଣୁଆ
କମିଲାଣି ଅଧା ଅମଳ
ହାତୀପଲ ବ୍ୟାପକ ଧାନ ଫସଲ କ୍ଷତି କରୁଛନ୍ତି। ସେମାନଙ୍କ ନଜରରୁ କାଜୁ ଏବଂ ଆମ୍ବ ବଗିଚା ମଧ୍ୟ ବର୍ତ୍ତୁନି। ଆମ୍ବ ବଗିଚାରେ ଦିନ ତମାମ ଡେରା ପକାଉଥିବା ହାତୀ ଦଳବଦ୍ଧ ହୋଇ ରାତିରେ ଧାନ ଜମିରେ ପ୍ରବେଶ କରୁଛନ୍ତି। ଫଳରେ ଶ୍ରମିକ କାମ କରିବାକୁ ଡରୁଛନ୍ତି। ଗତ ୨ବର୍ଷ ହେଲା କାଜୁ ଏବଂ ଆମ୍ବ ଅମଳ ଅଧା କମିଗଲାଣି।
-ଅରୁଣ ପଣ୍ଡା, ଓସ୍ତପାଳ
ସନ୍ଧ୍ୟା ପରେ ଜରୁରୀ ସେବା ବନ୍ଦ
ଗ୍ରାମାଞ୍ଚଳର ବ୍ୟସ୍ତବହୁଳ ରାସ୍ତା ହାତୀଙ୍କ ଚଲାପଥ ପାଲଟିଛି। ସନ୍ଧ୍ୟା ଗଡ଼ିଲେ ଅଞ୍ଚଳରେ ଭୟ ଆତଙ୍କର ବାତାବରଣ ସୃଷ୍ଟି ହୋଇଛି। ଯାତାୟାତ ସମେତ ଅନ୍ୟ ଜରୁରିକାଳୀନ ସେବା ବନ୍ଦ ହୋଇଯାଉଛି। ଜଙ୍ଗଲ ଛାଡ଼ି ଜନବସତି ଆଡ଼କୁ ହାତୀଙ୍କ ଆଗମନ ଆଗାମୀ ଦିନରେ ଅଧିକ ସମସ୍ୟା ସୃଷ୍ଟି କରିବ।
-ବ୍ରହ୍ମାନନ୍ଦ ନାୟକ, କରଡ଼ାମଡ଼ା


Enter your email to get our daily news in your inbox.

All Right Reserved By Dharitri.Com

ଢେଙ୍କାନାଳ ଲୋକ ସଭା ନିର୍ବାଚନମଣ୍ଡଳୀ: ବିଜେଡିରୁ ଅବିନାଶ ସାମଲ, ଭାଜପାରୁ ରୁଦ୍ର ପାଣି ପ୍ରାର୍ଥୀ

ଢେଙ୍କାନାଳ,୨୮ା୩(ରତନ ନାୟାର)ଚଳିତ ସାଧାରଣ ନିର୍ବାଚନ ପାଇଁ ଢେଙ୍କାନାଳ ଲୋକ ସଭା ଆସନ ନିମନ୍ତେ ବିଜେଡି ଓ ଭାଜପା ପକ୍ଷରୁ ପ୍ରାର୍ଥୀ ଘୋଷଣା ଶେଷ ହୋଇଛି। ବିଜେଡିରୁ...

ଢେଙ୍କାନାଳରୁ ସୁଧୀର, କାମାକ୍ଷାନଗରରୁ ପ୍ରଫୁଲ୍ଲ ଓ ପରଜଙ୍ଗରୁ ନୃସିଂହ

ଢେଙ୍କାନାଳ,୨୮ା୩(ରତନ ନାୟାର)ଢେଙ୍କାନାଳ ଜିଲାର ୪ଟି ବିଧାନସଭା ନିର୍ବାଚନ ମଣ୍ଡଳୀରୁ ୩ଟି ବିଧାନସଭା ନିର୍ବାଚନମଣ୍ଡଳୀ ପାଇଁ ବିଜେଡି ପକ୍ଷରୁ ବୁଧବାର ପ୍ରାର୍ଥୀ ଘୋଷଣା କରାଯାଇଛି। ଢେଙ୍କାନାଳ, କାମାକ୍ଷାନଗର...

ପ୍ରଫୁଲ୍ଲଙ୍କୁ ପଞ୍ଚମଥର ପାଇଁ ମିଳିଲା ବିଜେଡି ଟିକେଟ୍‌

କାମାକ୍ଷାନଗର,୨୭।୩(ସୁଧୀର କୁମାର ପରିଡା): ଢେଙ୍କାନାଳ ଜିଲା କାମାକ୍ଷାନଗର ୫୭ ବିଧାନସଭା ପାଇଁ ପ୍ରଫୁଲ୍ଲ କୁମାର ମଲ୍ଲିକକୁ ପୂନର୍ବାର ବିଜେଡି ଚଳିତ ନିର୍ବାଚନ ପାଇଁ ପ୍ରାର୍ଥୀ ଘୋଷଣା...

୨ ଭାଇଙ୍କ ମଧ୍ୟରେ ହାତାହାତି, ଚାଲିଗଲା ବଡ଼ ଭାଇଙ୍କ ଜୀବନ

ଓଡ଼ାପଡ଼ା,୨୪।୩(ରଞ୍ଜିତ ନାୟକ): ଢେଙ୍କାନାଳ ସଦର ଥାନା ଗୁଣଦେଇ ପଞ୍ଚାୟତ ଅଧୀନ କାଉଁରିଆପାଳ ଗ୍ରାମରେ ରବିବାର ଏକ ଅଭାବନୀୟ ଘଟଣା ଘଟିଛି। ଜମିବାଡ଼ି ସମସ୍ୟାକୁ କେନ୍ଦ୍ର କରି...

କପିଳାସ, ବଳରାମ ମନ୍ଦିର ପ୍ରସାଦ ପାଇଁ ଟେଣ୍ଡର ପଡ଼ିଲାନି

ଢେଙ୍କାନାଳ,୨୨ା୩(ରତନ ନାୟାର): ଢେଙ୍କାନାଳ ଜିଲା ତଥା ରାଜ୍ୟର ପ୍ରସିଦ୍ଧ ଶୈବପୀଠ କପିଳାସ ସମେତ ଢେଙ୍କାନାଳ ସହରସ୍ଥିତ ଶ୍ରୀ ସିଦ୍ଧ ବଳରାମଙ୍କ ମନ୍ଦିର ଅବଢ଼ା ତଥା ପ୍ରସାଦ...

ଆମ୍ବକୁ ବିପଦ ରେଡ୍‌ବ୍ୟାଣ୍ଡ୍‌ ପୋକ

ଢେଙ୍କାନାଳ,୧୯ା୩(ରତନ ନାୟାର):ଆମ୍ବ ଚାଷରେ ଢେଙ୍କାନାଳ ଜିଲା ଦେଶରେ ସ୍ବତନ୍ତ୍ର ପରିଚୟ ସୃଷ୍ଟି କରିଛି। ଜିଲାର ଜଳବାୟୁ ଫଳଚାଷ ପାଇଁ ଉପଯୁକ୍ତ ହୋଇଥିବାରୁ ପ୍ରତିବର୍ଷ ପ୍ରାୟ ୪୦ରୁ...

ନୀରବ, ନିମଶ୍ଚଳ ହାତୀ ଉଦ୍ଧାର କେନ୍ଦ୍ର

ଢେଙ୍କାନାଳ,୧୭ା୩(ରତନ ନାୟାର) ଖାଁ ଖାଁ ଲାଗୁଛି ପୂରା ପରିବେଶ। ସବୁଠି ଯେମିତି ଛାଇଯାଇଛି ନୀରବତା। ନିଶ୍ଚଳ ହୋଇଯାଇଛି ସବୁକିଛି। ଚୁପ୍‌ଚାପ୍‌ ହୋଇଯାଇଛନ୍ତି ମାହୁନ୍ତ ଦୀପୁଙ୍କ ସମେତ...

ଗାଧୋଉଥିବା ବେଳେ ନଦୀରେ ବୁଡିଗଲେ ଇଞ୍ଜିନିୟରିଂ ଛାତ୍ର

ପରଜଙ୍ଗ,୧୪।୩(ନିଗମାନନ୍ଦ ଦଳବେହେରା): ଢେଙ୍କାନାଳ ଜିଲା ପରଜଙ୍ଗ ଥାନା ସରାଙ୍ଗ ଗାଁ ସ୍ଥିତ ବ୍ରାହ୍ମଣୀ ନଦୀରେ ବୁଡି ଜଣେ ଇଞ୍ଜିନିୟରିଙ୍ଗ ଛାତ୍ର ନିଖୋଜ ହୋଇଯାଇଛନ୍ତି। ନିଖୋଜ ଛାତ୍ର...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri