ପୁରୁଷୋତ୍ତମପୁର,୨।୧(ସିମାଞ୍ଚଳ ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ଅନ୍ତର୍ଗତ ଜଗନ୍ନାଥପୁର ପଞ୍ଚାୟତର ଦାମୋଦରପୁର ଗ୍ରାମ ନିକଟସ୍ଥ ରାସ୍ତାକଡରେ ଥିବା ଏକ ପଡିଆରେ ନବଜାତ ଶିଶୁକନ୍ୟାର ମୃତଦେହ ପଡ଼ିଥିବାବେଳେ ଏହାକୁ କାଉ ଖୁମ୍ପି ଖାଉଥିବାର ଏକ ହୃଦୟବିଦାରକ ଭଳି ଘଟଣା ଗୁରବାର ସକାଳେ ଦେଖିବାକୁମିଳିଛି। ଏହି ଶିଶୁଟି କେଉଁଠୁ ଏଠାକୁ ଆସିଲା, କିଏ ଏପରି ଜଘନ୍ୟ କାମ କରିଛନ୍ତି ତାହା ଗ୍ରାମବାସୀଙ୍କ ମଧ୍ୟରେ ଚର୍ଚ୍ଚାର ବିଷୟ ପାଲଟିଛି। ଏହାକୁ ନେଇ ସନ୍ଦେହ କରି କିଛି ବ୍ୟକ୍ତି କହିଛନ୍ତି, ଅବୈଧ ସମ୍ପର୍କରୁ କେହି ମହିଳା ଶିଶୁଟିକୁ ଜନ୍ମଦେବାପରେ ଲୋକଲଜ୍ଜାକୁ ନେଇ ରାସ୍ତାକଡରେ ଫୋପାଡିଦେଇ ଚାଲିଯାଇଥାଇପାରେ ବୋଲି କହୁଥିବାବେଳେ ଅନ୍ୟକିଛି ବ୍ୟକ୍ତି କହିଛନ୍ତି, କେହି ମହିଳା ମୃତଶିଶୁକୁ ଜନ୍ମଦେବାପରେ ଏପରି ଫୋପାଡିଦେଇଥିବାର ନେଇ କହିଛନ୍ତି। ଏହି ଶିଶୁଟି କାହାର ତାହା ଏଯାବତ ସ୍ପଷ୍ଟ ହୋଇପାରିନାହିଁ। ସ୍ଥାନୀୟ ଲୋକେ ଏହି ଘଟଣାକୁ ନେଇ ପୋଲିସକୁ ଖବର ଦେବାପରେ ଥାନା ଏସଆଇ ଶୁଶାନ୍ତ କୁମାର ମିଶ୍ର ଘଟଣାସ୍ଥଳକୁ ଯାଇ ତଦନ୍ତ କରିବାରେ ଲାଗିଛନ୍ତି।
