ଭରସା ହରାଉଛି ଅଭିଯୋଗ ବାକ୍ସ

ଭୁବନେଶ୍ୱର,୧୧।୮(ବ୍ୟୁରୋ): ସଂକ୍ରମଣରୁ ଥାନା ଓ ପୋଲିସ କର୍ମଚାରୀଙ୍କୁ ଦୂରେଇ ରଖିବା ପାଇଁ କମିଶନରେଟ ପୋଲିସ ପକ୍ଷରୁ କେତେକ ପଦକ୍ଷେପ ଗ୍ରହଣ କରାଯାଇଛି। ଅଭିଯୋଗକାରୀଙ୍କୁ ଆଉ ଥାନା ଭିତରକୁ ଛଡ଼ାଯାଉନି। ଅନ୍ୟତମ ବିକଳ୍ପ ସ୍ବରୂପ ଥାନା ପରିସରରେ ଅଭିଯୋଗ ବାକ୍ସର ବ୍ୟବସ୍ଥା ହୋଇଛି। ହେଲେ ଏହି ଅଭିଯୋଗ ବାକ୍ସ ଉପରେ ଲୋକଙ୍କର ଭରସା ପାଉନି। ଏହାକୁ ଖୋଲିଲେ କେବଳ ଛୋଟମୋଟ କିଛି ଅଭିଯୋଗ ବାହାରୁଛି। ଏଥିସହ ଅଭିଯୋଗ ପାଇଁ ଅନ୍ୟ ଯେଉଁସବୁ ବ୍ୟବସ୍ଥା କରାଯାଇଛି ତାହା ମଧ୍ୟ ଲୋକଙ୍କୁ ନ୍ୟାୟ ଦେବାରେ ବିଫଳ ହେଉଥିବା ଜଣାଯାଇଛି।
ମିଳିଥିବା ସୂଚନାନୁସାରେ, ରାଜ୍ୟରେ ୮ଶହରୁ ଊର୍ଦ୍ଧ୍ୱ ପୋଲିସ ଅଧିକାରୀ ଓ କର୍ମଚାରୀ କରୋନାରେ ଆକ୍ରାନ୍ତ ହେଲେଣି। ବିଶେଷକରି କଟକ-ଭୁବନେଶ୍ୱର ଟ୍ବିନ୍‌ସିଟିର ଏକାଧିକ ଥାନାରେ କରୋନା ପ୍ରବେଶ କରିସାରିଛି। ଭୁବନେଶ୍ୱର କ୍ୟାପିଟାଲ ଥାନାର ୯ଜଣ, ନୟାପଲୀ ଥାନାର ୮ଜଣ ଓ ଜିଆର୍‌ପି ଥାନାର ଜଣେ ପଜିଟିଭ୍‌ ଚିହ୍ନଟ ହୋଇଛନ୍ତି। ସେହିପରି କଟକର ପୁରୀଘାଟ ଥାନା, ବାଦାମବାଡ଼ି ଥାନା, ମଙ୍ଗଳାବାଗ ମେଡିକାଲ ଫାଣ୍ଡି କର୍ମଚାରୀ ମଧ୍ୟ କରୋନା ଚିହ୍ନଟ ହୋଇଛନ୍ତି। ଅଭିଯୋଗକାରୀ ଓ ଅଭିଯୁକ୍ତଙ୍କଠାରୁ ପୋଲିସ ସଂକ୍ରମିତ ହେଉଥିବା ଜଣାପଡିବା ପରେ ଗତମାସ ୨୮ ତାରିଖରେ ପୋଲିସ ଡିଜି ଅଭୟ ଏକ ଏସ୍‌ଓପି ଜାରି କରିଥିଲେ, ଯେଉଁଥିରେ ଲୋକଙ୍କୁ ଥାନା ଯିବାକୁ ବାରଣ କରାଯାଇଛି। ଅଭିଯୋଗ ପାଇଁ ଥାନା ପରିସରରେ ରିସେପ୍‌ଶନ ସେଣ୍ଟର ଓ ଅଭିଯୋଗ ବାକ୍ସ ରଖିବାକୁ କୁହାଯାଇଛି। ଏହା ପରଠୁ ମଞ୍ଚେଶ୍ୱର ଥାନା ଅଭିଯୋଗ ବାକ୍ସରେ ୨୨ଜଣ ଅଭିଯୋଗ କରିଥିବାବେଳେ ଶହୀଦନଗର ଥାନାରେ ୫୦, ନୟାପଲ୍ଲୀ ୩୨, ଖାରବେଳନଗର ୨୩, କ୍ୟାପିଟାଲ ୩୪, ମହିଳା ଥାନାରେ ୧୦, ଚନ୍ଦ୍ରଶେଖରପୁର ୨୮, ଇନ୍‌ଫୋସିଟି ୨୦, ଖଣ୍ଡଗିରି ୬୦, ତମାଣ୍ଡୋ ୨୪, ଲକ୍ଷ୍ମୀସାଗର ୩୧, ବଡଗଡ଼ ୩୮, ଲିଙ୍ଗରାଜ ୨୭,ଏୟାରଫିଲ୍ଡ ୨୬, ଏୟାରପୋର୍ଟ ୧୮, ବାଲିପାଟଣା ୨୮, ବାଲିଅନ୍ତା ୨୯ ଓ ଚନ୍ଦକା ଥାନାରେ ୧୭ଟି ଅଭିଯୋଗ ହୋଇଥିବା ଥାନା ଅଧିକାରୀଙ୍କ ସୂତ୍ରରୁ ଜଣାପଡିଛି। ଅଧିକାଂଶ ଗାଡ଼ି ଦୁର୍ଘଟଣା, ଗାଳିଗୁଲଜ, ଘରୋଇ
ଭରସା ହରାଉଛି…
ଝଗଡ଼ା, କରୋନା ସନ୍ଦିଗ୍ଧ ବାହାରେ ବୁଲିବା ଆଦି ଛୋଟ ଅଭିଯୋଗ ରହିଛି। ଏନେଇ ଜଣେ ଅଭିଯୋଗକାରୀ ରୋହିତ ସେଠୀ କୁହନ୍ତି, ଥାନାରେ ଝୁଲୁଥିବା ବାକ୍ସରେ ଅଭିଯୋଗ କଲେ ପୋଲିସ କାଳେ ଶୁଣିବେ କି ନାହଁ, ତେଣୁ ଏହା ଉପରେ ଭରସା ପାଉନି। ଯେତେବେଳେ ଅନେକ ସମୟରେ ପୋଲିସକୁ ବାରମ୍ବାର ଭେଟି ଏତଲା ଦେଲେ କାର୍ଯ୍ୟାନୁଷ୍ଠାନ ହେଉନି, ସେତେବେଳେ ଅଭିଯୋଗ ବାକ୍ସରୁ କେମିତି ନ୍ୟାୟ ମିଳିବ ବୋଲି ସେ ପ୍ରଶ୍ନ କରିଛନ୍ତି।
ଅନ୍ୟପକ୍ଷରେ ଥାନା ଅଧିକାରୀ ସୋସିଆଲ ମଡ଼ିଆ ଯଥା ଫେସବୁକ୍‌ ଓ ଟୁଇଟର ମାଧ୍ୟମରେ ଅଭିଯୋଗ ପାଇଁ ସ୍ବତନ୍ତ୍ର ଫୋନ୍‌ ନମ୍ବର ଜାରି କରିବାକୁ କୁହାଯାଇଛି। ଏଥିସହ ପ୍ରତ୍ୟେକ ଥାନାର ଲ୍ୟାଣ୍ଡ୍‌ ଫୋନ୍‌, କ୍ଲୋଜ୍‌ଡ୍‌ ୟୁଜର ଗ୍ରୁପ୍‌ (ସିୟୁଜି) ସହ ଇ-ମେଲରେ ମଧ୍ୟ ଅଭିଯୋଗ ଗ୍ରହଣ ପାଇଁ ଡିଜିପି କହିଛନ୍ତି। ହେଲେ ବାସ୍ତବତା କିନ୍ତୁ ଭିନ୍ନ ରହୁଛି। ଅନେକ ସମୟରେ ଥାନାର ଲ୍ୟାଣ୍ଡ୍‌ଲାଇନ୍‌ ଅଚଳ ହୋଇଯାଉଥିବାବେଳେ ଥାନା ଅଧିକାରୀ ଧରୁଥିବା ସିୟୁଜି ନମ୍ବରକୁ କଲ୍‌ କଲେ ରିସିଭ୍‌ କରୁନାହାନ୍ତି। ଅଭିଯୋଗ ବାକ୍ସ ଉପରେ ରହିଥିବା ଫୋନ୍‌ ନମ୍ବରରେ କଲ୍‌ କଲେ ମଧ୍ୟ ସହଯୋଗ ମିଳୁ ନ ଥିବା ମଧ୍ୟ ଅନେକ ସମୟରେ ଅଭିଯୋଗ ଉଠୁଛି। ଥାନାଧିକାରୀଙ୍କ ଟୁଇଟ୍‌ର ଆକାଉଣ୍ଟ୍‌କୁ କିପରି ଅଭିଯୋଗ ପଠାଇବେ ତାହା ଲୋକେ ଜାଣିପାରୁ ନାହାନ୍ତି।
ଜଣେ ଥାନା ଅଧିକାରୀ ନାମ ଗୋପନ ରଖି କହିଛନ୍ତି, ପ୍ରତି ସନ୍ଧ୍ୟାରେ ଉକ୍ତ ବାକ୍ସ ଖୋଲାଯାଇ ଅଭିଯୋଗକୁ ଦେଖାଯାଉଛି। ଗୁରୁତ୍ୱ ଅନୁସାରେ ମାମଲା ରୁଜୁ ହେଉଛି। ଅଧିକ ଛୋଟ ଅଭିଯୋଗ ଆସୁଥିବାରୁ ଫୋନ୍‌ କରି ସମାଧାନ କରୁଛୁ। ବଡ଼ ଅଭିଯୋଗ ଆମ ନିକଟକୁ ସିଧା ଆସୁଥିବାରୁ ମାମଲା ରୁଜୁ କରି ତଦନ୍ତ କରୁଛୁ। ଭୁବନେଶ୍ୱର ଡିସିପି ଡ. ଉମାଶଙ୍କର ଦାଶ କହିଛନ୍ତି, ଥାନା ଆଗରେ ଝୁଲୁଥିବା ବାକ୍ସରେ ଅଭିଯୋଗ କରିବା ବାଧ୍ୟତାମୂଳକ ନୁହେଁ। ଥାନା କର୍ମଚାରୀଙ୍କୁ ଲୋକଙ୍କ ସଂସ୍ପର୍ଶରେ ନ ଆସିବା ପାଇଁ ଏହି ବ୍ୟବସ୍ଥା କରାଯାଇଛି। ଏହାସହ ଥାନାର କର୍ମଚାରୀ ଗ୍ଲୋବ୍ସ ପିନ୍ଧି ଥାନା ଗେଟ ଭିତରୁ ଅଭିଯୋଗ ଗ୍ରହଣ କରିପାରିବେ। ସେଥିରେ କିଛି ଅସୁବିଧା ନାହିଁ। ଲୋକଙ୍କ ଅଭିଯୋଗକୁ କମିଶନରେଟ ପୋଲିସ ସବୁବେଳେ ଗୁରୁତ୍ୱ ଦେଇ ଆସିଥିବା ଓ ଅଭିଯୋଗ ଗ୍ରହଣ ପାଇଁ ଆବଶ୍ୟକ ବ୍ୟବସ୍ଥା ଗ୍ରହଣ କରାଯାଇଥିବା ସେ କହିଛନ୍ତି।

ତ୍ରିନାଥ ମହାନ୍ତି


Enter your email to get our daily news in your inbox.

All Right Reserved By Dharitri.Com

ଚୋରା ଲୁହାପଥର ଟ୍ରକ ସହିତ କାର ଜବତ: ୫ ଗିରଫ

ଲହୁଣୀପଡା, ୧।୧ (ଡି.ଏନ.ଏ)- ସୁନ୍ଦରଗଡ ଜିଲା ଲହୁଣୀପଡା ଥାନା ଅନ୍ତର୍ଗତ ରାଜାମୁଣ୍ଡା ଛକରୁ ଗୁରୁବାର ଭୋର ଏକ ଚୋରା ଲୁହାପଥର ବୋଝେଇ ଚଉଦ ଚକିଆ ଟ୍ରକ...

ଟିଏଫ୍‌ଏଲ୍‌ ପାଇଁ ଆସିଲା ଯନ୍ତ୍ରାଂଶ

ତାଳଚେର,୨୩ା୭(ନି.ପ୍ର.): ଅନୁଗୋଳ ଜିଲାର ତାଳଚେର ସାର କାରଖାନାଠାରେ ନିର୍ମାଣାଧୀନ ଦେଶର ପ୍ରଥମ କୋଇଲା ଗ୍ୟାସ୍‌ ଭିତ୍ତିକ ସାର କାରଖାନା ତାଳଚେର ଫର୍ଟିଲାଇଜର୍ସ ଲିମିଟେଡ୍‌ (ଟିଏଫ୍‌ଏଲ୍‌) ନିମନ୍ତେ...

ଅଗଷ୍ଟର ପ୍ରତି ଶନିବାର ସରକାରୀ ଅଫିସ୍‌ ବନ୍ଦ

ଭୁବନେଶ୍ୱର,୧।୮(ବ୍ୟୁରୋ): କରୋନା ସଂକ୍ରମଣକୁ ଦୃଷ୍ଟିରେ ରଖି ଅଗଷ୍ଟ ନିମନ୍ତେ ଶୁକ୍ରବାର ରାଜ୍ୟ ସରକାର ଏକ ସ୍ବତନ୍ତ୍ର ନିର୍ଦ୍ଦେଶନାମା ଜାରି କରିଛନ୍ତି। ଅଗଷ୍ଟ ମାସର ପ୍ରତ୍ୟେକ ଶନିବାର...

ମହାମାରୀ ବେଳେ ମୂର୍ତ୍ତି ଗଢ଼ି ସ୍ୱାବଲମ୍ବୀ

କେନ୍ଦୁଝର, ୮।୧୦ (ସ୍ବ.ପ୍ର.): କୋଭିଡ୍‌ ସମୟରେ ରୋଜଗାର ସମ୍ପୂର୍ଣ୍ଣ ଠପ୍‌ ହୋଇଯାଇଥିଲା। କଣ କରିବେ କିଛି ମୁଣ୍ଡକୁ ଢୁକୁ ନ ଥିଲା। ଅର୍ଥ ରୋଜଗାର ଚିନ୍ତାରେ...

ଆଚାର୍ଯ୍ୟ ହରିହର ସ୍ନାତକୋତ୍ତର କର୍କଟ ରୋଗ ଅନୁଷ୍ଠାନରୁ ୬ କରୋନା ପଜିଟିଭ ଚିହ୍ନଟ

କଟକ ଅଫିସ,୨୯।୬: ରାଜ୍ୟରେ ସୋମବାର ୨୪୫ କରୋନା ପଜିଟିଭ ଚିହ୍ନଟ ହୋଇଥିବା ବେଳେ କଟକ ଜିଲାରୁ ଅଛନ୍ତି ୭ଜଣ। ଏମାନଙ୍କ ମଧ୍ୟରେ କଟକସ୍ଥିତ ଆଚାର୍ଯ୍ୟ ହରିହର...

ଧସିଲା ବୈତରଣୀ ନଦୀବନ୍ଧ

ଆରଡ଼ି,୨।୨(ଡି.ଏନ.ଏ.) ଭଦ୍ରକ ଜିଲା ଚାନ୍ଦବାଲି ବ୍ଲକର ବୋଡ଼କ ନିକଟରେ ବୈତରଣୀ ନଦୀ ମଧ୍ୟକୁ ମଙ୍ଗଳବାର ପ୍ରାୟ ୧୦୦ ଫୁଟ ଲମ୍ବର ମାଟି ଅତଡ଼ା ଧସି ଯାଇଛି।...

ରାଧାରାଣୀପଡା ଶୀତଳଷଷ୍ଠୀ ଥାଳଉଠା ଉଠିଲା

ବଲାଙ୍ଗୀର ଅଫିସ, ୨୭ା୪: ବଲାଙ୍ଗୀର ରାଧାରାଣୀପଡା ଶୀତଳଷଷ୍ଠୀ ପୂଜା କମିଟି ପକ୍ଷରୁ ଚଳିତବର୍ଷ ଶୀତଳଷଷ୍ଠୀ ମହୋତ୍ସବ ପାଳନ ପାଇଁ ପ୍ରସ୍ତୁତି ବୈଠକ ଅନୁଷ୍ଠିତ ହୋଇଛି। ପବିତ୍ର...

ବଢୁଛି ଅଲ୍‌ଟ୍ରାଭାଓଲେଟ୍‌ ବିପଦ; ଦିନ ୧୨ରୁ ୨ ଯାଏ ପଦାକୁ ଯିବାକୁ ମନା

ଭୁବନେଶ୍ୱର,୨୬ା୪(ବ୍ୟୁରୋ)- କିଛି ଦିନ ହେବ ତତଲା ତାଓ୍ବାରେ ସିଝୁଛି ସାରା ଓଡ଼ିଶା। ପରିବେଶ ପ୍ରଦୂଷଣ ଏବଂ ସବୁଜ ବଳୟ ନଷ୍ଟ ଗ୍ରୀଷ୍ମର ପ୍ରକୋପକୁ ଆହୁରି ବଢ଼ାଇ...

Advertisement
Archives

Model This Week