Posted inଜାତୀୟ

ଓଆର୍‌ଏଫ୍‌କୁ ଚାନ୍ଦା ଦେଇଛି ଚାଇନା କନ୍‌ସୁଲେଟ

ନୂଆଦିଲ୍ଲୀ,୩୦ା୬: ଗଲଓ୍ବାନ ବିଫଳତାରୁ ଦୃଷ୍ଟି ହଟାଇବା ପାଇଁ ରାଜୀବ ଗାନ୍ଧୀ ଫାଉଣ୍ଡେଶନ ଭାରତରେ ଥିବା ଚାଇନା ଦୂତାବାସରୁ ଚାନ୍ଦା ସଂଗ୍ରହ କରିଥିବା ଭାଜପା ଅଭିଯୋଗ ଆଣିଥିଲା। କଂଗ୍ରେସ ନେତ୍ରୀ ସୋନିଆ ଗାନ୍ଧୀ ଏହି ଫାଉଣ୍ଡେଶନର ଅଧ୍ୟକ୍ଷା ଥିବାବେଳେ ମନମୋହନ ସିଂ, ରାହୁଲ ଗାନ୍ଧୀ, ପି. ଚିଦାମ୍ବରମ ଓ ପ୍ରିୟଙ୍କା ଗାନ୍ଧୀ ଏହାର ବୋର୍ଡ ସଦସ୍ୟ ଅଛନ୍ତି। ତେବେ ଭାଜପା ସହ ସମ୍ପୃକ୍ତ କେତେକ ସଂସ୍ଥାରେ ଚାଇନା ଅର୍ଥ ଲାଗିଥିବା କଥାକୁ ଗୈରିକ ଦଳ ଭୁଲିଯାଇଛି। ବହିର୍ବ୍ୟାପାର ମନ୍ତ୍ରୀ ଏସ୍‌. ଜୟଶଙ୍କରଙ୍କ ପୁଅ ସମ୍ପୃକ୍ତ ଥିବା ବୈଦେଶିକ ନୀତି ଥିଙ୍କ୍‌ଟ୍ୟାଙ୍କ ଅବ୍‌ଜର୍ଭର ରିସର୍ଚ୍ଚ ଫାଉଣ୍ଡେଶନ (ଓଆର୍‌ଏଫ୍‌) ୨୦୧୬ରେ ଚାଇନାର ବାଣିଜି୍ୟକ ଦୂତାବାସରୁ ଅର୍ଥ ସଂଗ୍ରହ କରିଥିଲା। ଓଆର୍‌ଏଫ୍‌କୁ ରିଲାଏନ୍ସ ଇଣ୍ଡଷ୍ଟ୍ରିଜ୍‌ ସହାୟତା କରୁଛି। ଅନ୍ୟ ଏକ ଥିଙ୍କ୍‌ଟ୍ୟାଙ୍କ ବିବେକାନନ୍ଦ ଇଣ୍ଟରନ୍ୟାଶନାଲ ଫାଉଣ୍ଡେଶନ (ଭିଆଇଏଫ୍‌) ବୈଦେଶିକ ନୀତି ଓ ରଣନୀତି ପ୍ରସଙ୍ଗରେ ୯ଟି ଚାଇନା ଅନୁଷ୍ଠାନ ସହ ସମ୍ପର୍କ ରଖି କାର୍ଯ୍ୟ କରୁଥିବା ଏହାର ଓ୍ବେବସାଇଟ୍‌ରେ ଘୋଷଣା କରିଛି। ଜାତୀୟ ସୁରକ୍ଷା ପରାମର୍ଶଦାତା ଅଜିତ ଡୋଭାଲ ଭିଆଇଏଫ୍‌ର ପ୍ରତିଷ୍ଠାତା ନିର୍ଦ୍ଦେଶକ ଅଛନ୍ତି, ଯାହାଙ୍କର ଭାଜପା ନେତା ଏବଂ ଆର୍‌ଏସ୍‌ଏସ୍‌ ସହ ଘନିଷ୍ଠ ସମ୍ପର୍କ ରହିଛି। ଜାତୀୟ ସୁରକ୍ଷା ପ୍ରସଙ୍ଗରୁ ଦୃଷ୍ଟି ହଟାଇବା ଉଦ୍ଦେଶ୍ୟରେ ୨୦୦୫-୦୬ରେ କଂଗ୍ରେସ ଚାଇନା ଲିଙ୍କ୍‌ରୁ ଅର୍ଥ ସଂଗ୍ରହ କରିଥିବା କଥା ଭାଜପା ଉଠାଇ ନ ଥିଲେ, ଏହିସବୁ ଦାତାଙ୍କ ପରିଚୟ ଲୋକଲୋଚନକୁ ଆସି ନ ଥାନ୍ତା।
ବହିର୍ବ୍ୟାପାର ମନ୍ତ୍ରୀଙ୍କ ପୁଅ ଧ୍ରୁବ ଜୟଶଙ୍କର ଗତବର୍ଷ ଓଆର୍‌ଏଫ୍‌ରେ ଆମେରିକା ଉପକ୍ରମ (ୟୁଏସ୍‌ ଇନିସିଏଟିଭ୍‌)ର ନିର୍ଦ୍ଦେଶକ ହୋଇଥିଲେ। ପୂର୍ବରୁ ଚାଇନାରେ ଭାରତର ରାଷ୍ଟ୍ରଦୂତ ଥିବା ଏସ୍‌ ଜୟଶଙ୍କର ଓଆର୍‌ଏଫ୍‌କୁ ନିୟମିତ ଯାଇଥାନ୍ତି ଓ ବିଭିନ୍ନ ବୈଦେଶିକ ନୀତି ସମ୍ପର୍କରେ ଆଲୋଚନା କରିଥାନ୍ତି। ଏହି ସଂସ୍ଥାର ଓ୍ବେବ୍‌ସାଇଟରେ ବିଦେଶୀ ଦାତା ଓ ସେମାନେ ଦାନ କରିଥିବା ଅର୍ଥରାଶି ସମ୍ପର୍କରେ ଉଲ୍ଲେଖ ରହିଛି। ୨୦୧୬ରେ ଓଆର୍‌ଏଫ୍‌ ଚାଇନା କନ୍‌ସୁଲେଟ୍‌ ଜେନେରାଲଙ୍କଠାରୁ ତିନିଥରରେ ୧.୨୫ କୋଟି ଟଙ୍କା ଏବଂ ତା’ ପରବର୍ଷ ୫୦ ଲକ୍ଷ ଟଙ୍କା ସଂଗ୍ରହ କରିଥିଲା। ୨୦୧୬ ଏପ୍ରିଲ୍‌ ୨୯ ଏବଂ ନଭେମ୍ବର ୪ରେ କୋଲକାତାସ୍ଥିତ ଚାଇନା କନ୍‌ସୁଲେଟ୍‌ ଜେନେରାଲଙ୍କଠାରୁ ଯଥାକ୍ରମେ ୭.୭ କୋଟି ଏବଂ ୧୧.୫୫ କୋଟି ସଂଗ୍ରହ କରିଥିବାବେଳେ ସେହିବର୍ଷ ଡିସେମ୍ବର ୩୧ରେ କନ୍‌ସୁଲେଟ ଜେନେରାଲ ଅଫ୍‌ ପିପୁଲ୍ସ ରିପବ୍ଲିକ ଅଫ୍‌ ଚାଇନାଠାରୁ ୧.୦୬୮ କୋଟି ସଂଗ୍ରହ କରିଥିଲା। ସେହିପରି ୨୦୧୭ ଡିସେମ୍ବର ୧ରେ କନ୍‌ସୁଲେଟ ଜେନେରାଲ ଅଫ୍‌ ପିପୁଲ୍ସ ରିପବ୍ଲିକ୍‌ ଅଫ୍‌ ଚାଇନାଠାରୁ ଓଆର୍‌ଏଫ୍‌ ୫୦ ଲକ୍ଷ ଟଙ୍କା ପାଇଥିଲା।
ବିବେକାନନ୍ଦ ଇଣ୍ଟରନ୍ୟାଶନାଲ ଫାଉଣ୍ଡେଶନର ବିଭିନ୍ନ ଚାଇନା ଅନୁଷ୍ଠାନ ସହ ସମ୍ପର୍କ ରହିଥିବା ଏହାର େଓବ୍‌ସାଇଟରୁ ଜଣାପଡ଼ିଛି। ସେହି ଅନୁଷ୍ଠାନଗୁଡ଼ିକ ହେଲା ଚାଇନା ଇନ୍‌ଷ୍ଟିଚ୍ୟୁଟ୍‌ ଅଫ୍‌ ଇଣ୍ଟରନ୍ୟାଶନାଲ ଷ୍ଟ୍ରାଟେଜିକ୍‌ ଷ୍ଟଡିଜ୍‌ (ବେଜିଂ); ଚାଇନା ଇନ୍‌ଷ୍ଟିଚ୍ୟୁଟ ଅଫ୍‌ ଇଣ୍ଟରନ୍ୟାଶନାଲ ଷ୍ଟଡିଜ୍‌ (ବେଜିଂ); ସେଣ୍ଟର ଫର ସାଉଥ୍‌ ଏସିଆ ଷ୍ଟଡିଜ୍‌, ପେକିଂ ୟୁନିଭର୍ସିଟି (ବେଜିଂ); ରିସର୍ଚ୍ଚ ଇନ୍‌ଷ୍ଟିଚ୍ୟୁଟ ଫର ଇଣ୍ଡିଆନ ଓସନ ଇକୋନୋମିକ୍ସ, ୟୁନ୍ନାନ ୟୁନିଭର୍ସିଟି ଅଫ୍‌ ଫାଇନାନ୍ସ ଆଣ୍ଡ ଇକୋନୋମିକ୍ସ, କୁନ୍‌ମିଙ୍ଗ; ନ୍ୟାଶନାଲ ଇନ୍‌ଷ୍ଟିଚ୍ୟୁଟ ଅଫ ଷ୍ଟ୍ରାଟେଜି ଅଫ୍‌ ଚାଇନିଜ୍‌ ଏକାଡେମୀ ଅଫ୍‌ ସୋସିଆଲ ସାଇନ୍ସ, ବେଜିଂ; ସେଣ୍ଟର ଫର ସାଉଥ୍‌ ଏସିଆ ଆଣ୍ଡ ଓ୍ବେଷ୍ଟ ଚାଇନା କୋଅପରେରେଶନ ଆଣ୍ଡ ଡେଭେଲପମେଣ୍ଟ ୟୁନିଭର୍ସିଟି, ଚେଙ୍ଗ୍‌ଡୁ, ଇନ୍‌ଷ୍ଟିଚ୍ୟୁଟ ଅଫ ସାଉଥ୍‌ ଏସିଆନ ଷ୍ଟଡିଜ୍‌, ସିଚୁଆନ ୟୁନିଭର୍ସିଟି, ଚେଙ୍ଗ୍‌ଡୁ, ସିଲ୍କ ରୋଡ ଲିଙ୍କ ଟ୍ୟାଙ୍କ ନେଟ୍‌ଓ୍ବାର୍କ ଡେଭେଲପମେଣ୍ଟ ରିସର୍ଚ୍ଚ କାଉନସିଲ୍‌, ବେଜିଂ ଏବଂ ସେଣ୍ଟର ଫର ଇଣ୍ଡିଆନ ଷ୍ଟଡିଜ୍‌, ଶେନଝେନ୍‌। ନିରାପତ୍ତା ପ୍ରତିଷ୍ଠାନ ସୂତ୍ରରୁ ଜଣାପଡିଛି, ଦୁଇ ଥିଙ୍କ୍‌ଟ୍ୟାଙ୍କର ସଦସ୍ୟମାନଙ୍କର ନର୍ଥ ବ୍ଲକ୍‌ ଓ ସାଉଥ୍‌ ବ୍ଲକ୍‌ ସହ ସମ୍ପର୍କ ରହିଥିଲା। ତେବେ କୌଣସି ଦାନ ସଂଗ୍ରହ କରିବା ଆଇନଗତ ନୁହେଁ ବୋଲି ରିପୋର୍ଟରେ କୁହାଯାଇନାହିଁ।


Enter your email to get our daily news in your inbox.

All Right Reserved By Dharitri.Com

ବିରଳ ଦୁଇ ମୁଣ୍ଡିଆ ସାପ ଜବତ: ଜଣେ ଗିରଫ

ଲକ୍ଷ୍ନୌ,୧୪।୯-ବିରଳ ସାପ ଚୋରାଚାଲାଣ ଅଭିଯୋଗରେ ଉତ୍ତରପ୍ରଦେଶର ଖେରୀ ଜିଲା ମିତୋଲି ଥାନା ପୋଲିସ ସୋମବାର ଜଣେ ଯୁବକଙ୍କୁ ଗିରଫ କରିଛି। ଗିରଫ ଯୁବକ ଜଣକ ହେଲେ...

ବଦାଉନ ଗଣମଳାତ୍କାର, ହତ୍ୟା ମାମଲା : ୨ ଗିରଫ

ଲକ୍ଷ୍ନୌ,୬।୧- ଉତ୍ତର ପ୍ରଦେଶର ବଦାଉନ ଜିଲାରେ ଘଟିଥିବା ଗଣାବଳାତ୍କାର ଓ ହତ୍ୟା ଘଟଣାରେ ଦୁଇ ଜଣଙ୍କୁ ଗିରଫ କରିଛି ପୋଲିସ। ଅନ୍ୟ ଜଣେ ଅପରାଧିକୁ ଧରିବା...

ଘରେ ରାଶନ ପହଞ୍ଚାଇବା ଯୋଜନା ନେଇ ମୋଦି-କେଜରିଓ୍ବାଲ ମୁହାଁମୁହିଁ: କେନ୍ଦ୍ର କାହିଁକି କରୁଛି ଝଗଡ଼ା, ମୁଖ୍ୟମନ୍ତ୍ରୀ କଲେ ପ୍ରଶ୍ନ…

ନୂଆଦିଲ୍ଲୀ,୬।୬: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିଓ୍ବାଲଙ୍କ ଘରେ ଘରେ ରାଶନ ପହଞ୍ଚାଇବା ଯୋଜନାକୁ କେନ୍ଦ୍ରର ଅନୁମତି ମିଳି ନାହିଁ। ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ସରକାର କହିଛନ୍ତି...

ମନ୍ତ୍ରୀ ନିଜେ କରୋନା ପଜିଟିଭ୍‌ ଥାଇ ସଫା କରୁଛନ୍ତି ହସ୍ପିଟାଲ ଓ୍ବାର୍ଡ

ମିଜୋରାମ,୧୬।୫: କରୋନାର ଭୟାବହତା ବର୍ତ୍ତମାନ ପୂରା ଦେଶରେ ଦେଖିବାକୁ ମିଳିଛି। କୌଣସି ହସ୍ପିଟାଲରେ ବେଡ୍‌ ମିଳୁନି କି ଅକ୍ସିଜେନ ସିଲିଣ୍ଡର ନାହିଁ। ଏପରି ଖବର ମଧ୍ୟରେ...

ଜେଲ ହାଜତକୁ ଗଲେ ଦିଶା ରବି

ନୂଆଦିଲ୍ଲୀ,୧୯।୨: ଟୁଲ୍‌କିଟ୍‌ ମାମଲାରେ ୨୨ ବର୍ଷୀୟା ଜଳବାୟୁ କାର୍ଯ୍ୟକର୍ତ୍ତା ଦିଶା ରବିଙ୍କୁ ପଟିଆଲା ହାଉସ କୋର୍ଟ ୩ ଦିନ ପାଇଁ ବିଚାର ବିଭାଗୀୟ ହାଜତକୁ ପଠାଇଛନ୍ତି।...

ନାମର ସରନେମ୍‌ ସ୍ଥାନରେ ରହିବ ଗାଁ ନାମ: ଖାପ୍‌ ପଞ୍ଚାୟତ ନେଲା ନିଷ୍ପତ୍ତି

ଜିନ୍ଦ୍‌,୨୩।୭: ନାମରେ ରହିବନି ଜାତି ଅବା ଧର୍ମର କୌଣସି ସଙ୍କେତ। ସଭିଏଁ ମଣିଷ ଏବଂ ମାନବ ଧର୍ମ ସର୍ବଶ୍ରେଷ୍ଠ। ଏନେଇ ହରିୟାଣାର ଖାପ୍‌ ପଞ୍ଚାୟତ ପକ୍ଷରୁ...

ଡକାୟତଙ୍କୁ ସାମ୍ନା କରିଥିବା ବୃଦ୍ଧ ଦମ୍ପତିଙ୍କୁ ମିଳିଲା ସାହସିକତା ପୁରସ୍କାର

ଚେନ୍ନାଇ,୧୬।୯: ତାମିଲନାଡୁ ମୁଖ୍ୟମନ୍ତ୍ରୀ ଏଡାପାଡି କେ ପଲାନିସ୍ବାମୀ ଗୁରୁବାର ସ୍ବାଧୀନତା ଦିବସରେ ଚେନ୍ନାଇର ବୃଦ୍ଧ ଦମ୍ପତି ଏସ୍‌ ଶାନମୁଗଭେଲ ଓ ସେନ୍ଥାମାରାଇଙ୍କୁ ସାହସିକତା ପୁରସ୍କାର ପ୍ରଦାନ...

୩ ବର୍ଷରେ ମୋଦିଙ୍କ ବିଦେଶ ଗସ୍ତ ପାଇଁ ଚାର୍ଟର୍ଡ ବିମାନ ଖର୍ଚ୍ଚ ୨୫୫ କୋଟି ଟଙ୍କା

ନୂଆଦିଲ୍ଲୀ,୨୨।୧୧: ପ୍ରଧାନମନ୍ତ୍ରୀ ନରେନ୍ଦ୍ର ମୋଦିଙ୍କ ଗତ ତିନି ବର୍ଷରେ ବିଦେଶ ଗସ୍ତ ପାଇଁ ଚାର୍ଟର୍ଡ ବିମାନ ଖର୍ଚ୍ଚ ୨୫୫ କୋଟି ଟଙ୍କା ହୋଇଛି। କେନ୍ଦ୍ର ବର୍ହିିର୍ବ୍ୟାପାର...

Advertisement


Archives

Model This Week

Why Dharitri