ହିନ୍ଦୋଳ,୨।୩(ଡି.ଏନ୍.ଏ.): ଢେଙ୍କାନାଳ ଜିଲା ହିନ୍ଦୋଳ ଥାନା ପୁରୁଣା କଟକ ସମ୍ବଲପୁର ରାସ୍ତା ପାର୍ଶ୍ୱ କାଜଲ ଢାବା ନିକଟରୁ ଏକ କାର ମଧ୍ୟରୁ ଜଣେ ଯୁବକଙ୍କ ମୃତଦେହ ଜବତ ହୋଇଛି। ଏହା ଲୋକଙ୍କ ମଧ୍ୟରେ ଆଲୋଡନ ସୃଷ୍ଟି କରିଛିି। ଗତ କାଲିଠାରୁ କାରଟି ଷ୍ଟାର୍ଟରେ ଥିବା ବେଳେ ସେଥିରୁ ଏହି ଯୁବକଙ୍କ ମୃତଦେହ ଜବତ ହୋଇଛି। ଖବର ପାଇ ହିନ୍ଦୋଳ ପୋଲିସ ପହଞ୍ଚି ଗାଡ଼ି କାଚ ଭାଙ୍ଗି ମୃତଦେହ ଜବତ କରିଥିଲା। ଏହା ସହ ମୋବାଇଲ ଏବଂ ବହୁ ଗୁରୁତପୂର୍ଣ୍ଣ କାଗଜପତ୍ର ମଧ୍ୟ ପାଇଥିଲା। ପ୍ରାଥମିକ ତଦନ୍ତରୁ ପୋଲିସ ମହାରାଷ୍ଟ୍ର ନାଗପୁରର ପ୍ରଣବ ପୂର୍ଣ୍ଣଚନ୍ଦ୍ର ପ୍ରଧାନ ବୋଲି ଜାଣିବାକୁ ପାଇଥିଲା । ପରେ ତାଙ୍କ ଘର ଢେଙ୍କାନାଳ ଭୁବନର କାନପୁରକୁ ପୋଲିସ ଜଣାଇଥିଲା। ସେ ମହାରାଷ୍ଟ୍ରର ନାଗପୁରରେ ରହି ମାଇନ୍ସରେ ଅତିରିକ୍ତ ମ୍ୟାନେଜର କାମ କରିବା ସହ ସେଠାରେ ବିବାହ କରିଥିଲେ। ତାଙ୍କର ୨ ବର୍ଷର ଏକ ଝିଅ ଏବଂ ସ୍ତ୍ରୀ ନାଗପୁରରେ ରହନ୍ତି।
