୮ ମାସ ହେଲା କାମ ନ କରି ଦରମା ପାଉଛନ୍ତି ସହକାରୀ ଯନ୍ତ୍ରୀ

ରାୟଗଡ଼ା ଅଫିସ, ୨ା୯:ରାୟଗଡ଼ା ଜିଲା ବିଷମକଟକ ବ୍ଲକ ଉନ୍ନୟନ ବିଭାଗରେ ବିଭିନ୍ନ ଅବ୍ୟବସ୍ଥା ଲାଗିରହିଛି। ଜାନୁୟାରୀ ୧୯ରେ ସହକାରୀ ନିର୍ବାହୀ ଯନ୍ତ୍ରୀ ଭାବେ ପ୍ରତ୍ୟୁଷ କୁମାର ତ୍ରିପାଠୀ ଯୋଗଦେଇଥିଲେ ମଧ୍ୟ ସହକାରୀ ଯନ୍ତ୍ରୀ ପ୍ରଶାନ୍ତ କୁମାର ପାଣିଗ୍ରାହୀ ତାଙ୍କୁ ଦାୟିତ୍ୱ ହସ୍ତାନ୍ତର କରୁନାହାନ୍ତି। ଦୀର୍ଘ ୭ ମାସ ପରେ ସହକାରୀ ଯନ୍ତ୍ରୀ(ଅପ୍‌ଗ୍ରେଡେଶନ) ପ୍ରଶାନ୍ତ କୁମାର ପାଣିଗ୍ରାହୀଙ୍କୁ ବିଡିଓ ଚିଠି ସଂଖ୍ୟା ୨୦୮୨/ତା୨୬ା୦୭ା୨୦୨୨ରେ ବ୍ଲକର ଦୁର୍ଗୀ, ଡୁମୁରିଲେଲି, ଚଞ୍ଚରାଗୁଡ଼ା ପଞ୍ଚାୟତର କନିଷ୍ଠ ଯନ୍ତ୍ରୀ ଦାୟିତ୍ୱ ତତ୍କାଳୀନ କନିଷ୍ଠ ଯନ୍ତ୍ରୀ ପି.ଏସ୍‌. ରାଓଙ୍କଠାରୁ ଗ୍ରହଣ କରିବା ପାଇଁ ନିର୍ଦ୍ଦେଶ ଦେଇଥିଲେ। ହେଲେ ଯନ୍ତ୍ରୀ ପାଣିଗ୍ରାହୀ ମାସେ ହେଲା ଉକ୍ତ ୩ ପଞ୍ଚାୟତର ଦାୟିତ୍ୱ ନ ନେବା ନେଇ ବ୍ଲକ ଅଞ୍ଚଳରେ ଅସନ୍ତୋଷ ବଢ଼ୁଛି।
ଅପରପକ୍ଷେ ବିଡିଓଙ୍କ ନିର୍ଦ୍ଦେଶ ପରେ ତତ୍କାଳୀନ କନିଷ୍ଠ ଯନ୍ତ୍ରୀ ରାଓ କନିଷ୍ଠ ଯନ୍ତ୍ରୀ ନିରଞ୍ଜନ ବେହେରାଙ୍କୁ ତିନୋଟି ପଞ୍ଚାୟତର ଦାୟିତ୍ୱ ହସ୍ତାନ୍ତର କରିଛନ୍ତି। ପୁନଶ୍ଚ ବିଡିଓ ପତ୍ର ସଂଖ୍ୟା ୨୨୧୧/ତା୬ା୮ା୨୦୨୨ ରେ ସହକାରୀ ଯନ୍ତ୍ରୀ ପାଣିଗ୍ରାହୀଙ୍କୁ କୌଣସି ପଞ୍ଚାୟତ ଦାୟିତ୍ୱ ନ ଦେଇ ଅନ୍ୟ ୩ ଯନ୍ତ୍ରୀଙ୍କୁ ଉକ୍ତ ପଞ୍ଚାୟତ ଦାୟିତ୍ୱ ପ୍ରଦାନ କରିଛନ୍ତି। ଏବେ ୧ ମାସରୁ ଊଦ୍ଧର୍‌ବ ସମୟ ଧରି ସହକାରୀ ଯନ୍ତ୍ରୀ ପ୍ରଶାନ୍ତ ପାଣିଗ୍ରାହୀ ବ୍ଲକରେ ବିନା କାମରେ ବସିରହି ଦରମା ନେଉଥିବା ଅଭିଯୋଗ ହୋଇଛି।
ସୂଚନାଯୋଗ୍ୟ, ସହକାରୀ ଯନ୍ତ୍ରୀ ପାଣିଗ୍ରାହୀ ୩ ବର୍ଷ ତଳେ ବିଷମକଟକ ବ୍ଲକରେ ଯୋଗଦେଇଥିଲେ। ଏଠାରେ କାର୍ଯ୍ୟ ମଧ୍ୟରେ ବ୍ୟାପକ ଦୁର୍ନୀତି, ଅନିୟମିତତା କରିଥିବା ନେଇ ଅଭିଯୋଗ ହୋଇଛି। ରାଜ୍ୟ ପଞ୍ଚାୟତିରାଜ ଓ ପାନୀୟ ଜଳ ବିଭାଗ ପକ୍ଷରୁ ଜାନୁୟାରୀ ମାସରେ ସହକାରୀ ନିର୍ବାହୀ ଯନ୍ତ୍ରୀ ଭାବେ ପ୍ରତ୍ୟୁଷ କୁମାର ତ୍ରିପାଠୀଙ୍କୁ ବ୍ଲକରେ ଅବସ୍ଥାପିତ କରାଯାଇଥିଲା। ଜାନୁୟାରୀ ୧୯ ରେ ସେ ଯୋଗଦେଇଥିଲେ। ହେଲେ ସହକାରୀ ଯନ୍ତ୍ରୀ ପାଣିଗ୍ରାହୀ ଦୀର୍ଘ ମାସ ଧରି ତାଙ୍କୁ ଦାୟିତ୍ୱ ହସ୍ତାନ୍ତର କରୁନାହାନ୍ତି। ଏମିତିକି ୬ ମାସ ଧରି ଅଫିସ ଚାମ୍ବର ଏବଂ ଗାଡ଼ି ହସ୍ତାନ୍ତର ନ କରିବାରୁ ଜୁନ୍‌ ୨୫ରେ ସହକାରୀ ଯନ୍ତ୍ରୀଙ୍କ ପ୍ରକୋଷ୍ଠ ଚାବି ଭଙ୍ଗାଯାଇ ସହକାରୀ ନିର୍ବାହୀ ଯନ୍ତ୍ରୀ ତ୍ରିପାଠୀଙ୍କୁ କାର୍ଯ୍ୟାଳୟରେ ବସି କାମ କରିବା ପାଇଁ ଦିଆଯାଇଥିଲା। ତେବେ ଜାନୁୟାରୀରୁ ସହକାରୀ ନିର୍ବାହୀ ଯନ୍ତ୍ରୀ ବ୍ଲକରେ ଯୋଗଦେଇଥିଲେ ମଧ୍ୟ ବିଡିଓ ୮ ମାସ ଧରି ସହକାରୀ ଯନ୍ତ୍ରୀ ପାଣିଗ୍ରାହୀଙ୍କୁ କାହିଁକି ପଞ୍ଚାୟତ ଦାୟିତ୍ୱ ଦେଇ ନ ଥିଲେ ବୋଲି ପ୍ରଶ୍ନ ଉଠିଛି। ଉକ୍ତ ସମୟରେ ସହକାରୀ ଯନ୍ତ୍ରୀ ପାଣିଗ୍ରାହୀ କେଉଁ ଦାୟିତ୍ୱରେ ଥିଲେ ତାହାର ତଦନ୍ତ ପାଇଁ ଦାବି ହୋଇଛି। ସହକାରୀ ନିର୍ବାହୀ ଯନ୍ତ୍ରୀ ତ୍ରିପାଠୀଙ୍କୁ ବଦଳିକରି ପୁଣି ସହକାରୀ ଯନ୍ତ୍ରୀ ପାଣିଗ୍ରାହୀଙ୍କୁ ଉକ୍ତ ସ୍ଥାନରେ ଦାୟିତ୍ୱ ଦେବାକୁ ଚକ୍ରାନ୍ତ କରାଯାଉଥିବା ମଧ୍ୟ ଚର୍ଚ୍ଚା ହେଉଛି। ତେଣୁ ଜିଲାପାଳ ତୁରନ୍ତ ଏହି ଘଟଣାରେ ହସ୍ତକ୍ଷେପ କରି ତଦନ୍ତ କରିବା ସହ କାର୍ଯ୍ୟାନୁଷ୍ଠାନ ଗ୍ରହଣ ନିମନ୍ତେ ଅଞ୍ଚଳବାସୀଙ୍କ ମଧ୍ୟରେ ଦାବି ହେଉଛି। ଏ ବିଷୟରେ ବିଡିଓ ଆଲବର୍ଟ ଲାକ୍ରାଙ୍କୁ ପଚାରିବାରୁ ତାଙ୍କ କଥାରେ ତାଳମେଳ ରହୁନାହିିିିିିିିିିିିିିିିଁ। ଯନ୍ତ୍ରୀ ପାଣିଗ୍ରାହୀ ୩ ପଞ୍ଚାୟତର ଦାୟିତ୍ୱ ଗ୍ରହଣ କରିବେ ବୋଲି ପୂର୍ବରୁ କହୁଥିଲେ। ଏବେ ସେ କହିଛନ୍ତି, ସହକାରୀ ଯନ୍ତ୍ରୀ ପାଣିଗ୍ରାହୀ ଅସୁସ୍ଥ ଥିବାରୁ ଦାୟିତ୍ୱ ଗ୍ରହଣ କରିପାରୁ ନ ଥିଲେ। ସେ ପୁଣି ୩ ପଞ୍ଚାୟତର ଦାୟିତ୍ୱ ଗ୍ରହଣ କରିବେ ବୋଲି ବିଡିଓ କହିଛନ୍ତି। ହେଲେ ଯନ୍ତ୍ରୀ ପାଣିଗ୍ରାହୀ କେତେଦିନ ଛୁଟିରେ ଥିଲେ ସେ ନେଇ ବିଡିଓ କୌଣସି ପ୍ରତିକ୍ରିୟା ରଖିପାରି ନାହାନ୍ତି। ସେହିପରି ସହକାରୀ ନିର୍ବାହୀ ଯନ୍ତ୍ରୀ ତ୍ରିପାଠୀଙ୍କୁ ପଚାରିବାରୁ ସେ କହିଛନ୍ତି, କନିଷ୍ଠ ଯନ୍ତ୍ରୀମାନେ କୌଣସି କେସ୍‌ ରେକର୍ଡ ବିଲ୍‌ ଆଣୁ ନାହାନ୍ତି। ଏ ପର୍ଯ୍ୟନ୍ତ ମାତ୍ର ୬ଟି ବିଲ୍‌ରେ ସେ ଦସ୍ତଖତ କରିଥିବା କହିଛନ୍ତି। ବିଲ୍‌ ଚେକ୍‌ ମେଜରମେଣ୍ଟ କିଏ କରୁଛନ୍ତି ଜାଣିନାହାନ୍ତି ବୋଲି ତ୍ରିପାଠୀ କହିଛନ୍ତି। ଅନ୍ୟପକ୍ଷରେ ପୂର୍ବତନ କନିଷ୍ଠ ଯନ୍ତ୍ରୀ ପି.ଏସ୍‌. ରାଓଙ୍କୁ ପଚାରିବାରୁ ସହକାରୀ ଯନ୍ତ୍ରୀ ବେଆଇନ କାର୍ଯ୍ୟ କରିବା ପାଇଁ ଚାପ ପକାଇଲେ। ତାହା ନ କରିବାରୁ ଚକ୍ରାନ୍ତ କରି ବଦଳି କରିଦେଲେ ବୋଲି ରାଓ କହିଛନ୍ତି। ଏ ନେଇ ସହକାରୀ ଯନ୍ତ୍ରୀ ପ୍ରଶାନ୍ତ ପାଣିଗ୍ରାହୀଙ୍କୁ ଫୋନ୍‌ରେ ଯୋଗାଯୋଗ କରାଯାଇଥିଲେ ମଧ୍ୟ ସମ୍ଭବ ହୋଇପାରିନାହିଁ ।


Enter your email to get our daily news in your inbox.

All Right Reserved By Dharitri.Com

ରେଳ ଧାରଣାରୁ ମହିଳାଙ୍କ ମୃତଦେହ ଉଦ୍ଧାର

ବାଲେଶ୍ୱର ଅଫିସ,୧୯।୧: ବାଲେଶ୍ୱର ଷ୍ଟେଶନ ପାଖ ଅଡ଼ର ବଜାର ନିକଟ ରେଳ ଧାରଣାରୁ ରବିବାର ସକାଳେ ପୋଲିସ ଜଣେ ମହିଳାଙ୍କ ମୃତଦେହ ଉଦ୍ଧାର କରିଛି। ମୃତକ...

ଶ୍ରମିକ, ଚାଷୀଙ୍କୁ ସହାୟତା ଯୋଗାଇ ଦିଅନ୍ତୁ କେନ୍ଦ୍ର, ରାଜ୍ୟ ସରକାର

ଜୟପୁର ,୨୮ା୫(ଡି.ଏନ.ଏ./ନି.ପ୍ର. )- କୋରାପୁଟ ଜିଲା ଜୟପୁର ବିଧାୟକ ତାରା ପ୍ରସାଦ ବାହିନୀପତି ଗୁରୁବାର ଜିଲା କଂଗ୍ରେସଭବନଠାରେ ଏକ ଖବରଦାତା ସମ୍ମିଳନୀରେ ବାହାର ରାଜ୍ୟରୁ ଫେରିଥିବା...

ରକ୍ତତୀର୍ଥ ଇରମରୁ ବାହାରିଲା ମଶାଲ ଶୋଭାଯାତ୍ରା

ବାସୁଦେବପୁର, ୧୧।୧୨(ଡି.ଏନ.ଏ.)- ତ୍ୟାଗଭୂମି ସାଂସ୍କୃତିକ ସମ୍ମେଳନ-୨୦୧୯ର ଉଦ୍‌ଘାଟନୀ ଉତ୍ସବ ଲାଗି ବାସୁଦେବପୁରର ରକ୍ତତୀର୍ଥ ଇରମରୁ ବୁଧବାର ଅପରାହ୍ନରେ ମଶାଲ ଶୋଭାଯାତ୍ରା ବାହାରି ଭଦ୍ରକରେ ପହଞ୍ଚିଥିଲା। ଲୁଙ୍ଗା...

ସ୍ତ୍ରୀଙ୍କୁ ଟାଙ୍ଗିଆରେ ହାଣି ହତ୍ୟାକଲେ ସ୍ବାମୀ

ଧାମନଗର,୯।୮(ଡି.ଏନ୍‌.ଏ) : ଭଦ୍ରକ ଜିଲା ଧୁଷୁରୀ ଥାନା କୋଠାର ଦାସ ସାହିର ସଞ୍ଜୟ ଦାସ ତାଙ୍କ ସ୍ତ୍ରୀ ରଶ୍ମିତାଙ୍କୁ ଟାଙ୍ଗିଆରେ ହାଣି ଦେବାରୁ ତାଙ୍କୁ ମୁମୂର୍ଷୁ...

ବିଜେଡିର ୨୩ତମ ପ୍ରତିଷ୍ଠା ଦିବସ: ବିଜୁ ବାବୁଙ୍କ ନୀତି ଆଦର୍ଶରେ ଅନୁପ୍ରାଣୀତ ହେବାକୁ କର୍ମୀଙ୍କୁ ପରାମର୍ଶ

ସେମିଳିଗୁଡ଼ା,୨୬।୧୨(ସ୍ବ.ପ୍ର.) : କୋରାପୁଟ ଜିଲା ସେମିଳିଗୁଡ଼ାର ଦାମନଯୋଡ଼ି ଛକ ନିକଟସ୍ଥ ୨୬ ନମ୍ବର ଜାତୀୟ ରାଜପଥ ପାର୍ଶ୍ୱରେ ବିଜୁ ଜନତା ଦଳ ପକ୍ଷରୁ ପଟ୍ଟାଙ୍ଗି ନିର୍ବାଚନ...

ପ୍ରଶାସନ-ପଥର ମାଫିଆ ଛକାପଞ୍ଝା

ଢେଙ୍କାନାଳ ଅଫିସ, ୨୦।୯ – ପ୍ରଶାସନ ଆଖିରେ ଧୂଳିଦେଇ ସୁରକ୍ଷିତ ଭାବେ ପଥର ଚୋରା ଚାଲାଣ କରିବାକୁ କରାଯାଇଛି ହ୍ବାଟ୍‌ସ ଆପ୍‌ ଗ୍ରୁପ୍‌। ତହସିଲ କର୍ମଚାରୀଙ୍କ...

କୌଳିକ ବୃତ୍ତି ଦେଇଛି ସମ୍ମାନ: ଗୋପାଳନରୁ ଛେନାପୋଡ଼ ବ୍ୟବସାୟୀ

ଭାପୁର,୫।୧(ଶୁଭେନ୍ଦ୍ର କୁମାର ପଟ୍ଟନାୟକ): ଅଭାବ ଅନଟନ ସତ୍ତ୍ୱେ ନିଜର କୌଳିକ ବୃତ୍ତିକୁ ଆଦରି ଗୁଜୁରାଣ ମେଣ୍ଟାଉଥିବା ୨ ପରିବାର ନିଷ୍ଠା ଓ ପରିଶ୍ରମ ବଳରେ ଆଜି...

ଯୋଡ଼ାରେ ବନ୍ଦ ପାଳନର ପ୍ରଭାବ

ଯୋଡ଼ା,୮।୧(ଡି.ଏନ୍‌.ଏ.): କେନ୍ଦୁଝର ଜିଲା ଯୋଡ଼ା ଖଣି ଅଞ୍ଚଳରେ ବନ୍ଦର ପ୍ରଭାବ ପଡ଼ିଛି। ବାମ ଦଳ ପକ୍ଷରୁ ଦିଆଯାଇଥିବା ବନ୍ଦ ଡାକରାରେ ଯୋଡ଼ା ଖଣି ମଣ୍ଡଳରେ ଥିବା...

Advertisement
Archives

Model This Week