ପୀଡ଼ା ଭୋଗୁଛନ୍ତି ପ୍ରାଣୀଧନ

ବଇଣ୍ଡା, (ପରିକ୍ଷିତ ସାହୁ) ୩୦ା୮: କୃଷି ଅର୍ଥନୀତିର ପ୍ରମୁଖ ଅଙ୍ଗ ପ୍ରାଣୀ ସମ୍ପଦ। ଗୃହପାଳିତ ପ୍ରାଣୀଙ୍କ ଉପରେ ନିର୍ଭର କରେ ଚାଷୀଙ୍କ ସମୃଦ୍ଧି। ସେଥିପାଇଁ ଚାଷ ସହିତ ପଶୁପାଳନକୁ ଦିଆଯାଉଛି ଗୁରୁତ୍ୱ। ଏହାକୁ ଠିକଣା ଢଙ୍ଗରେ କାର୍ଯ୍ୟକାରୀ କରିବାକୁ ଅନେକ ଯୋଜନା ବି ଅଛି। ହେଲେ ବିଭାଗୀୟ ଅବହେଳା ପାଇଁ ଅନୁଗୋଳ ଜିଲା ଆଠମଲ୍ଲିକ ଉପଖଣ୍ଡରେ ପୀଡ଼ା ଭୋଗୁଛନ୍ତି ଗୃହପାଳିତ ଜୀବଜନ୍ତୁ। ପ୍ରାଣୀ ଚିକିତ୍ସାଳୟରେ ଆବଶ୍ୟକ କର୍ମଚାରୀ ନ ଥିବାରୁ ଠିକ୍‌ ସମୟରେ ରୋଗଣା ଜୀବଙ୍କୁ ମିଳୁନି ସେବା। ତେଣୁ ଗୋ-ମହିଷାଦି ପାଳନରୁ ଚାଷୀ ମୁହଁ ଫେରାଉଥିବା ଅଭିଯୋଗ ହୋଇଛି।
ଉପଖଣ୍ଡର ବହୁ ଚାଷୀ ଜୀବିକା ପାଇଁ ଗୃହପାଳିତ ପ୍ରାଣୀ ଉପରେ ନିର୍ଭରଶୀଳ। ହେଲେ ଗୋରୁଙ୍କଠାରେ କୌଣସି ରୋଗ ବ୍ୟାପିଲେ ସେମାନଙ୍କ ଚିନ୍ତା ବଢିଯାଉଛି। ଉପଖଣ୍ଡରେ ଥିବା ପ୍ରାଣୀଧନ ଚିକିତ୍ସାଳୟରେ ଆବଶ୍ୟକ ପ୍ରାଣୀ ଚିକିତ୍ସା ଅଧିକାରୀ, ପ୍ରାଣୀଧନ ନିରୀକ୍ଷକ (ଏଲ୍‌ଆଇ), ଭେଟେରିନାରି ସର୍ଜନ ପ୍ରମୁଖ ପଦବୀ ଫାଙ୍କା ପଡିଥିବାରୁ ରୋଗରେ ପଡୁଥିବା ପ୍ରାଣୀକୁ ଚିକିତ୍ସା ମିଳିପାରୁ ନ ଥିବା ଚାଷୀ ଅଭିଯୋଗ ଆଣିଛନ୍ତି। ସେବା ଯୋଗାଇବାକୁ ଥିବା ଅଧିକାଂଶ ପ୍ରାଣୀଧନ ଚିକିତ୍ସାଳୟରେ ତାଲା ଝୁଲୁଛି। ଅନେକ ଖାଲି ପଦବୀକୁ ଦୀର୍ଘ ଦିନ ହେଲା ପୂରଣ କରାଯାଉ ନ ଥିବାରୁ ଚାଷୀ ଘରୋଇ ପ୍ରାଣୀ ଡାକ୍ତରଙ୍କ ନିକଟକୁ ଯାଇ ଖର୍ଚ୍ଚାନ୍ତ ହେଉଛନ୍ତି। ସୂଚନା ଅନୁଯାୟୀ, ଉପଖଣ୍ଡର ୬ ପ୍ରାଣୀ ଚିକିତ୍ସାକେନ୍ଦ୍ରରେ ପ୍ରାଣୀଧନ ନିରୀକ୍ଷକ ପଦବୀ ଖାଲି ଅଛି। ଉପଖଣ୍ଡ ପାଇଁ ୬୨ କର୍ମଚାରୀଙ୍କ ଆବଶ୍ୟକତା ଥିବାବେଳେ ମାତ୍ର ୩୬ ଜଣ କାମ ଚଳାଉଛନ୍ତି। ଆହୁରି ୨୬ ପଦବୀ ପାଇଁ କୌଣସି ନିଯୁକ୍ତି ବ୍ୟବସ୍ଥା କରାଯାଉ ନାହିଁ। କିଶୋରନଗର ବ୍ଲକର ୮ଟି ପ୍ରାଣୀ ଚିକିତ୍ସାକେନ୍ଦ୍ରରୁ କିଆକଟା, ଲୁହାସିଂହା, କୃତ୍ତିବାସପୁରରେ ପ୍ରାଣୀଧନ ନିରୀକ୍ଷକ ନ ଥିବାବେଳେ ଉପଖଣ୍ଡ ପ୍ରାଣୀ ଚିକିତ୍ସା ଅଧିକାରୀ, ହଣ୍ଡପା ଭେଟେରିନାରି ଆସିଷ୍ଟାଣ୍ଟ ସର୍ଜନ, ଆଠମଲ୍ଲିକ ଓ କିଶୋରନଗରର ଅତିରିକ୍ତ ଆଟେଣ୍ଡାଣ୍ଟ, ୩ ଜଣ ଚୌକିଦାର ପଦବୀ ଖାଲି ପଡିଛି। ପ୍ରାଣୀ ସମ୍ପଦ ବିଭାଗ ଆବଶ୍ୟକ ପଦକ୍ଷେପ ନେଉ ନ ଥିବାରୁ ସମସ୍ୟା ସୁଧୁରୁ ନ ଥିବା ଅଭିଯୋଗ ହୋଇଛି। ଚିକିତ୍ସା ସହ ସରକାରୀ ବ୍ୟବସ୍ଥାରେ ଥିବା ଅନ୍ୟ ମାଗଣା ସୁବିଧା ମଧ୍ୟ ଚାଷୀ ପାଉନାହାନ୍ତି। ଗୋରୁ, ଛେଳି, ମେଣ୍ଢାଙ୍କଠାରେ ତଣ୍ଟିଚିପା, ଫାଟୁଆ, ବଜବଜିଆ ବ୍ୟାପୁଥିବାବେଳେ ଚିକିତ୍ସିତ ହୋଇ ନ ପାରି ଅନେକଙ୍କ ମୃତ୍ୟୁ ଘଟୁଛି। ଖାଲି ପଦବୀରେ ନିଯୁକ୍ତି ପାଇଁ କୃତ୍ତିବାସପୁର ଗ୍ରାମବାସୀ ଉଭୟ ପ୍ରଶାସନ ଏବଂ ଜନପ୍ରତିନିଧିଙ୍କ ଦୃଷ୍ଟି ଆକର୍ଷଣ କରିଥିଲେ ମଧ୍ୟ କୌଣସି ସୁଫଳ ମିଳୁ ନ ଥିବା ଅଭିଯୋଗ ହୋଇଛି। ଅନ୍ୟପକ୍ଷରେ ବଇଣ୍ଡାଠାରେ ଥିବା କିଶୋରଗଞ୍ଜ ପ୍ରାଣୀ ଚିକିତ୍ସା କେନ୍ଦ୍ରଟିକୁ ୨୦୧୮ରେ ୫୫ନଂ. ଜାତୀୟ ରାଜପଥ ସମ୍ପ୍ରସାରଣ ବେଳେ ଭାଙ୍ଗି ଦିଆଯାଇଛି। ଏ ପର୍ଯ୍ୟନ୍ତ ନୂତନ ଚିକିତ୍ସା କେନ୍ଦ୍ର ନିର୍ମାଣ କରାଯାଉ ନ ଥିବାରୁ ଅଞ୍ଚଳବାସୀଙ୍କ ମଧ୍ୟରେ ତୀବ୍ର ଅସନ୍ତୋଷ ଦେଖାଦେଇଛି।
ଏ ସମ୍ପର୍କରେ ଉପଖଣ୍ଡର ଭାରପ୍ରାପ୍ତ ପ୍ରାଣୀଧନ ଚିକିତ୍ସା ଅଧିକାରୀ ଡା. ତପନ ବେଉରା କୁହନ୍ତି, ଖାଲି ପଡ଼ିଥିବା ପଦବୀ ପୂରଣ ପାଇଁ ବିଭାଗର ଉଚ୍ଚ ଅଧିକାରୀଙ୍କୁ ଜଣାଯାଇଛି। ସମସ୍ତ ଗ୍ରାମରେ ଗୃହପାଳିତ ପ୍ରାଣୀଙ୍କୁ କିପରି ଠିକ୍‌ ଭାବେ ଚିକିତ୍ସା କରାଯାଇପାରିବ ସେ ଦିଗରେ ଗୁରୁତ୍ୱ ଦିଆଯାଉଛି।
ମିଳୁନି ସରକାରୀ ଚିକିତ୍ସା ସୁବିଧା
ଗୃହପାଳିତ ପ୍ରାଣୀଙ୍କୁ ସଂକ୍ରାମକ ରୋଗ ହେଲେ ସରକାରୀ ଚିକିତ୍ସା ମିଳୁନାହିଁ। ବହୁ ହଇରାଣ ହୋଇ ଘରୋଇ ଡାକ୍ତରଙ୍କୁ ଦେଖାଇବାକୁ ପଡୁଛି। ବିଭିନ୍ନ ସ୍ଥାନରୁ ଔଷଧ ଆଣି ଦେଉଛୁ। ବଇଣ୍ଡାରେ ପ୍ରାଣୀ ଚିକିତ୍ସାକେନ୍ଦ୍ର ନିର୍ମାଣ ଜରୁରୀ।

ଗୋମହିଷାଦି ସଂଖ୍ୟା ୧ ଲକ୍ଷ ୧୭ ହଜାର ୪୪୬
୨୦୨୦ ଜୁଲାଇ ସୁଦ୍ଧା ଆଠମଲ୍ଲିକ ଉପଖଣ୍ଡରେ ଗୃହପାଳିତ ପ୍ରାଣୀ ଗଣନା କରାଯାଇଛି। ତଦନୁଯାୟୀ ୬୪ ହଜାର ୪ଶହ ୭୧ ବଳଦ, ୪୯ ହଜାର ୨ଶହ ୧୯ ଗାଈ, ୩ ହଜାର ୭ଶହ ୫୬ ମଇଁଷି, ୨୯ ହଜାର ୭ଶହ ୮୬ ମେଣ୍ଢା, ୬୭ ହଜାର ୨୮୦ ଛେଳି, ୧୧୦ ବିଦେଶୀ କୁକୁର ଅଛନ୍ତି। ସେହିପରି ୫୮ ହଜାର ୧୩୪ ଦେଶୀ କୁକୁଡ଼ା, ୯୨ ହଜାର ୩୪୦ ବ୍ରଏଲର, ୩୦ ହଜାର ୫୦୦ ଲେୟର କୁକୁଡା ରହିଛି। ଏଥିସହ ଆଠମଲ୍ଲିକ ବ୍ଲକରେ ୨୮ ଏବଂ କିଶୋରନଗର ବ୍ଲକରେ ୬୦ ବ୍ରଏଲର ଫାର୍ମ ଥିବା ବିଭାଗ ସୂତ୍ରରୁ ଜଣାପଡ଼ିଛି।
-ଲିଙ୍ଗରାଜ ବିଶ୍ୱାଳ, ଧୁଣ୍ଡିଗ୍ରାମ

ପଦବୀ ପୂରଣ ହେଉନାହିଁ
କିଆକଟାରେ ପ୍ରାଣୀଧନ ଚିକିତ୍ସା କେନ୍ଦ୍ର ଅଛି। ତେବେ ପ୍ରାଣୀ ଚିକିତ୍ସା ଅଧିକାରୀ ପଦବୀ ଖାଲି ପଡ଼ିଛି। ଏହି କେନ୍ଦ୍ର ଉପରେ ୨ ପଞ୍ଚାୟତର ୧୫ ଗ୍ରାମର ଚାଷୀ ସେବା ପାଇବାରୁ ବଞ୍ଚତ୍ତ ହେଉଛନ୍ତି। ତୁରନ୍ତ ଏଥିପ୍ରତି ଦୃଷ୍ଟି ଦିଆଯାଉ।
-ସରୋଜ କୁମାର ପ୍ରଧାନ, କିଆକଟା

ଦୀର୍ଘବର୍ଷ ହେଲା ବନ୍ଦ ପଡ଼ିଛି
ଲୁହାସିଂହା ପ୍ରାଣୀଧନ ଚିକିତ୍ସାକେନ୍ଦ୍ର ଉପରେ ୩ ପଞ୍ଚାୟତର ଚାଷୀ ନିର୍ଭରଶୀଳ। ଦୀର୍ଘବର୍ଷ ହେଲା ଏଠାରେ ତାଲା ଝୁଲୁଛି। ଫାଟୁଆ ଭଳି ସଂକ୍ରାମକ ରୋଗ ବ୍ୟାପିବା ସମୟରେ ଗୋରୁଙ୍କ ଚିକିତ୍ସା ହୋଇପାରୁନାହିଁ। ପ୍ରାଣୀ ଚିକିତ୍ସା ଅଧିକାରୀଙ୍କୁ ନିଯୁକ୍ତି ଦେଲେ ସମସ୍ୟା ସମାଧାନ ହୋଇପାରନ୍ତା।
-ରାଧାମୋହନ ସାହୁ, କୁସୁମକୁହୁରୀ

ହୀନସ୍ତା ହେଉଛନ୍ତି ୪ ପଞ୍ଚାୟତର ଚାଷୀ
ବଇଣ୍ଡାରେ ଥିବା କିଶୋରଗଞ୍ଜ ଚିକିତ୍ସାକେନ୍ଦ୍ରକୁ ୨ବର୍ଷ ତଳେ ଭାଙ୍ଗି ଦିଆଯାଇଛି। ଏଥିଲାଗି ୪ ପଞ୍ଚାୟତର ଚାଷୀ ନାହିଁ ନ ଥିବା ହୀନସ୍ତା ହେଉଛନ୍ତି। ପ୍ରଶାସନକୁ ଅବଗତ କରାଯିବା ସତ୍ତ୍ୱେ ନୂତନ ପ୍ରାଣୀ ଚିକିତ୍ସାକେନ୍ଦ୍ର ନିର୍ମାଣ କରାଯାଉନାହିଁ।
-ଜଳଧର ସାହୁ, ନୁନୁକାପଶି

ଘରୋଇ ଚିକିତ୍ସାରେ ଖର୍ଚ୍ଚ ବାଧୁଛି
ଚାଷୀମାନେ ବିଭିନ୍ନ ସଂସ୍ଥାରୁ ଋଣ ଆଣି ଗାଈ, ଛେଳି ପାଳୁଛନ୍ତି। କିନ୍ତୁ ଦେୟମୁକ୍ତ ଚିକିତ୍ସା, ଔଷଧ ମିଳୁ ନ ଥିବାରୁ ସେମାନେ ଘରୋଇ ଡାକ୍ତରଙ୍କ ଦ୍ୱାରସ୍ଥ ହେବାକୁ ବାଧ୍ୟ ହେଉଛନ୍ତି। ଏହାଦ୍ୱାରା ଖର୍ଚ୍ଚ ବାଧୁଛି। ହିମିତିରା ଚିକିତ୍ସାକେନ୍ଦ୍ରରେ ପ୍ରାଣୀ ଚିକିତ୍ସା ଅଧିକାରୀଙ୍କୁ ନିଯୁକ୍ତି ଦେଲେ ଚାଷୀମାନେ ଉପକୃତ ହୋଇପାରନ୍ତେ।
-ସୁଶାନ୍ତ ଦାସ, ଚୁଡାଖାଇ


Enter your email to get our daily news in your inbox.

All Right Reserved By Dharitri.Com

ବଙ୍ଗୋପସାଗରରେ ପୁଣି ସୃଷ୍ଟି ହୋଇପାରେ ଘୂର୍ଣ୍ଣିବଳୟ: ଆଇଏମ୍‌ଡି ଡିଜି

ଭୁବନେଶ୍ୱର,ସମ୍ୱଲପୁର,୨୨ା୧୧(ବନ୍ଦନା ସେଠୀ/ପ୍ରମୋଦ ବହିଦାର): ବଙ୍ଗୋପସାଗରରେ ପ୍ରତିବର୍ଷ ୫ଟି ବାତ୍ୟା ସୃଷ୍ଟି ହୋଇଥାଏ ଏବଂ ଏହାର ପ୍ରଭାବ ଓଡ଼ିଶାରେ ପଡ଼େ। ଚଳିତବର୍ଷ ଅକ୍ଟୋବର-ନଭେମ୍ୱର ମଧ୍ୟରେ ଏପର୍ଯ୍ୟନ୍ତ ୩ଟି ବାତ୍ୟା…

ଖାକି ପୋଷାକ ପଛରେ ଅକୁହା ଯନ୍ତ୍ରଣା: ୧୩ ବର୍ଷରେ ୩୦ରୁ ଅଧିକଙ୍କ ଗଲାଣି ଜୀବନ

ଭୁବନେଶ୍ୱର,୨୨ା୧୧(ତ୍ରିନାଥ ମହାନ୍ତି): ଓଡ଼ିଶାରେ ପ୍ରାୟ ୬୦ ପ୍ରତିଶତ ପୋଲିସ କର୍ମଚାରୀ ୧୬ ଘଣ୍ଟାରୁ ଅଧିକ ଏବଂ ୨୨ପ୍ରତିଶତ କର୍ମଚାରୀ ଦିନକୁ ୧୩ ଘଣ୍ଟାରୁ ଅଧିକ କାମ କରନ୍ତି।…

ବନ୍ୟା ରୋକିବାକୁ ଦୀର୍ଘମିଆଦୀ ରୋଡ୍‌ମ୍ୟାପ୍‌: ମନ୍ତ୍ରୀ ପୂଜାରୀ

ଭୁବନେଶ୍ୱର,୨୨ା୧୧(ସୁନିତ୍‌ ମିଶ୍ର): ବନ୍ୟା ରୋକିବାକୁ ରାଜ୍ୟ ସରକାର ଦୀର୍ଘମିଆଦୀ ଯୋଜନା କରିବା ସହ ପ୍ରଥମ ପର୍ଯ୍ୟାୟରେ ୮ଟି ନଦୀ ସିଷ୍ଟମର ଭିତ୍ତିଭୂମି ବିକାଶ ପାଇଁ ରୋଡ୍‌ ମ୍ୟାପ୍‌…

ନବୀନ, ପାଣ୍ଡିଆନ, ରବିକାନ୍ତଙ୍କ ବିଦେଶ ଗସ୍ତର ତଦନ୍ତ ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୨।୧୧(ସୁନିତ୍‌ ମିଶ୍ର): ପୂର୍ୱତନ ମୁଖ୍ୟମନ୍ତ୍ରୀ ତଥା ବିରୋଧୀ ଦଳ ନେତା ନବୀନ ପଟ୍ଟନାୟକ, ଅବସରପ୍ରାପ୍ତ ଆଇଏଏସ୍‌ ଅଫିସର ଭି.କେ ପାଣ୍ଡିଆନ ଏବଂ ଆଇପିଏସ୍‌ ଅଫିସର ରବି…

ରାଜନୀତି ମଇଦାନରେ କ୍ରିକେଟର ୟୁଜବେନ୍ଦ୍ର ଚହଲ; ଭାଜପାରେ ହେଲେ ସାମିଲ, ମିଳିଲା ବଡ଼ ଦାୟିତ୍ୱ

ନୂଆଦିଲ୍ଲୀ,୨୨।୧୧: ଭାରତୀୟ କ୍ରିକେଟର ୟୁଜବେନ୍ଦ୍ର ଚହଲ ତାଙ୍କର ରାଜନୈତିକ ଇନିଂସ ଆରମ୍ଭ କରିବାର ଘୋଷଣା କରିଛନ୍ତି। ସେ ଶନିବାର ଭାରତୀୟ ଜନତା ପାର୍ଟିରେ ସାମିଲ ହୋଇଛନ୍ତି। ତାଙ୍କୁ…

ପୁଣି ତେଜିଲା ଓଡ଼ିଶା-ଆନ୍ଧ୍ର ସୀମା ବିବାଦ: କୋଟିଆର ତଳ ଗଞ୍ଜେଇପଦର ପାଇଁ ଆନ୍ଧ୍ରରେ ପ୍ରାର୍ଥୀପତ୍ର ଦାଖଲ କଲେ ଦୁଇ ପ୍ରାର୍ଥୀ

ପଟ୍ଟାଙ୍ଗି,୨୧।୧୧(ଶରତ କୁମାର ଧଳ): କୋରାପୁଟ ଜିଲା ପଟ୍ଟାଙ୍ଗି ବ୍ଲକ ଅନ୍ତର୍ଗତ ବିବାଦୀୟ କୋଟିଆ ପଞ୍ଚାୟତର ତଳ ଗଞ୍ଜେଇପଦର ଗ୍ରାମ ପାଇଁ ଦୁଇ ଜଣ ସରପଞ୍ଚ ପ୍ରାର୍ଥୀ ନାମାଙ୍କନ…

‘ଅକ୍ୱାନ’ ବର୍ଷାରେ ଉଜୁଡ଼ି ଗଲା ପାଚିଲା ଧାନ, ଚିନ୍ତାରେ ଚାଷୀ

ଦିଗପହଣ୍ଡି,୨୧।୧୧(ଅଶେଷ ନାଥ ମିଶ୍ର): ବାତ୍ୟା ‘ଅକ୍ୱାନ’ ପ୍ରଭାବରେ ଲଗାଣ ବର୍ଷା ଯୋଗୁ ଗଞ୍ଜାମ ଜିଲା ଦିଗପହଣ୍ଡି ସହର ସମେତ ଗ୍ରାମାଞ୍ଚଳର ଶହ ଶହ ଏକର ପାଚିଲା ଧାନ…

ବାଳିଆ ମାଛ ଧରିବାକୁ ପକାଇଥିଲେ ବନିସୀ, ଲାଗିଲା ସାଢ଼େ ଚାରି ଫୁଟିଆ କୁମ୍ଭୀର: ଚିକିତ୍ସା ପରେ ଉଦ୍ଧାର କଲା…

ଆଳି,୨୧।୧୧(ବନମାଳୀ ସେନାପତି ): ନଦୀରେ ମାଛ ଧରିବା ପାଇଁ ପକାଯାଇଥିବା ବନିସୀ କଣ୍ଟାରେ ମାଛ ବଦଳରେ ଲାଗିଛି ଏକ ସାଢ଼େ ଚାରି ଫୁଟିଆ କୁମ୍ଭୀର। କେନ୍ଦ୍ରାପଡ଼ା ଜିଲା…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?