ଟେନ୍‌ସନ୍‌ ବଢ଼ୁଛି, ପାରିଶ୍ରମିକ ନାହିଁ

ନୟାଗଡ଼ ଅଫିସ,୨୯।୧୨: ନଭେମ୍ବର ୨୧ରୁ ଭୁବନେଶ୍ୱରରେ ଅଙ୍ଗନୱାଡି କର୍ମୀ ଅଲ ଓଡ଼ିଶା ଲେଡିଜ ୱାର୍କରସ ଆସୋସିଏଶନ ନେତୃତ୍ୱରେ ୮ ଦଫା ଦାବି ପୂରଣ ନେଇ କାର୍ଯ୍ୟବନ୍ଦ କରି ବିକ୍ଷୋଭ ଜାରି ରଖିଛନ୍ତି। ୩୭ ଦିନର ବିକ୍ଷୋଭ ପରେ ସରକାର ଅଙ୍ଗନୱାଡି କର୍ମଚାରୀଙ୍କ ଦାବି ପୂରଣ କରୁ ନାହାନ୍ତି। ଏଭଳିସ୍ଥଳେ ଅଙ୍ଗନୱାଡି କର୍ମୀ ନିରାଶ ନ ହୋଇ ଆନ୍ଦୋଳନର ତରିକା ବଦଳାଇବା ସହ ଆନ୍ଦୋଳନକୁ ଶାଣିତ କରିବାରେ ଲାଗିଛନ୍ତି। ଅଲ୍‌ ଓଡ଼ିଶା ଲେଡିଜ ୱାର୍କରସ ଆସୋସିଏଶନର ସୂଚନା ଅନୁସାରେ ସରକାର ଅଙ୍ଗନୱାଡି କର୍ମଚାରୀଙ୍କୁ କାମ ପରେ କାମ ଦେଇ ଟେନ୍‌ସନ୍‌ ବଢ଼ାଇ ଚାଲିଛନ୍ତି। ତେବେ ସେମାନଙ୍କୁ ନିୟମିତ କରିବା ଅଥବା ନିୟମିତ ପୂର୍ବରୁ ପାରିଶ୍ରମିକ ବଢ଼ାଇବାର ଚିନ୍ତା କରୁ ନାହାନ୍ତି। ସ୍ବଳ୍ପ ପାରିଶ୍ରମିକ ଦେଇ ଅଧିକ ଖଟାଇ ଚାଲିଛନ୍ତି। ଏଭଳି ସ୍ଥଳେ ନିଜର ହକ୍‌ ପୂରଣ କରିବାକୁ ଯାଇ ୨୦୧୭ରେ ଭୁବନେଶ୍ୱରରେ ଆନ୍ଦୋଳନ କରି ରାଜ୍ୟର ୬ଜଣ ଅଙ୍ଗନୱାଡି କର୍ମୀ ବହିଷ୍କୃତ ହୋଇଛନ୍ତି। ସେମାନଙ୍କୁ ପୁନଃ ଚାକିରିରେ ଅବସ୍ଥାପିତ କରାଯାଉନି। ଅନ୍ୟପକ୍ଷେ ଆନ୍ଦୋଳନକୁ ପ୍ରତ୍ୟାହାର ପାଇଁ ଚାପ ବଢ଼ିବାରେ ଲାଗିଛି। କେତେବେଳେ ବହିଷ୍କୃତ କରାଯିବାର ଧମକ ମିଳୁଛି ତ ଆଉ କେତେବେଳେ ଦରମା କାଟ ହେବାର ଚେତାବନୀ ମିଳୁଛି। ତେବେ ଅଙ୍ଗନୱାଡି କର୍ମୀ ଗୋଟିଏ ଦାବିରେ ଅଡି ବସିଛନ୍ତି ସରକାର ଦାବି ପୂରଣ ନ କଲେ ଆନ୍ଦୋଳନ ପ୍ରତ୍ୟାହୃତ ହେବ ନାହିଁ।

ସ୍ବତନ୍ତ୍ର ଦୋକାନ ପାଇଁ ଦାବି: ବଜାର ଦର ହୁ ହୁ ହୋଇ ବଢ଼ିଚାଲିଛି। ହେଲେ ଶିଶୁଙ୍କ ପାଇଁ କରାଯାଇଥିବା ମେନୁ ସରକାର ୨୦୧୭ ପରେ ଆଉ ପରିବର୍ତ୍ତନ କରୁ ନାହାନ୍ତି। ଶିଶୁଙ୍କ ଖାଇବା ପାଇଁ ସରକାର ଯେଉଁ ମେନୁ ଧାର୍ଯ୍ୟ କରିଛନ୍ତି ସେଇଥିପାଇଁ ଏକ ସ୍ବତନ୍ତ୍ର ଦୋକାନ ଖୋଲି ସରକାରୀ ଦରରେ ସାମଗ୍ରୀ ଯୋଗାଇବାକୁ ଅଙ୍ଗନୱାଡି କର୍ମୀ ଅନୁରୋଧ କରିଛନ୍ତି। ଅଙ୍ଗନୱାଡିରେ ଜଣେ ଶିଶୁ ପିଛା ସରକାର ଜଳଖିଆ ଓ ମିଲସ୍‌ ପାଇଁ ୭ଟଙ୍କା ୭୦ ପଇସା ଯୋଗାଉଛନ୍ତି। ଏଥିରୁ ୧ ଟଙ୍କା ୨୪ ସକାଳ ଜଳଖିଆ ଓ ୬ଟଙ୍କା ୪୬ ପଇସା ରୋଷେଇ ପାଇଁ ଖର୍ଚ୍ଚ କରିବାକୁ କହିଛନ୍ତି। ସକାଳ ଜଳଖିଆରେ ସୋମ ଓ ଶୁକ୍ରବାର ବେସନ ଓ ଅଟା ମିଶ୍ରିତ ଲଡୁ, ବୁଧ ଓ ଶନିବାର ଗଜା ମୁଗ, ମଙ୍ଗଳବାର ଓ ଗୁରୁବାର ଚୁଡ଼ା ମୁଆଁ ଦେବା ପାଇଁ କୁହାଯାଇଛି। ହେଲେ ୧ ଟଙ୍କା ୨୪ରେ ଏ ସବୁ କରିବାରେ ଅଧିକ ଖର୍ଚ୍ଚ ହେଉଛି ବୋଲି ଅଙ୍ଗନୱାଡି କର୍ମୀ କହି ଆସୁଛନ୍ତି। ସେହିପରି ୬ଟଙ୍କା ୪୬ ପଇସାରେ ଅଣ୍ଡା, ପନିପରିବା, ତେଲ, ଲୁଣ ଓ ମସଲା ରହିଛି। ସରକାର ମାଗଣା ଗ୍ୟାସ ଦେଲେ ଶିଶୁ ପିଛା ୫୦ ପଇସା କଟିଯିବ। ଶିଶୁଙ୍କୁ ସୋମବାର ଡାଲମା, ଅନ୍ୟ ୫ଦିନ ଅଣ୍ଡା ତରକାରୀ। ଅଣ୍ଡା ଆଇଟମ ମଧ୍ୟରେ ବୁଧ ଓ ଶନିବାର ଅଣ୍ଡା ଝୋଳ ହେଉଛି।ମଙ୍ଗଳ, ଗୁରୁ ଓ ଶୁକବାରରେ ତରକାରୀ ଏବଂ ସନ୍ତୁଳାରେ ଅଣ୍ଡା ପକାଇ ଶିଶୁଙ୍କୁ ଗୋଟେ ଲେଖାଏଁ ଦିଆଯିବ। ପୁଣି ଲେମ୍ବ ବି ଦିଆଯିବ। ୬ଟା ୪୬ ପଇସା ମଧ୍ୟରେ ଅଣ୍ଡାକୁ ୫ଟଙ୍କା, ଫୁଟଣ ୩୦ ପଇସା, ଜାଳେଣୀ ୫୦ ପଇସା ଖର୍ଚ୍ଚ କରିବାକୁ ପଡିବ। ପୁଣି ପନିପରିବା ଶିଶୁଙ୍କୁ ଦେଖି ପକାଇବାକୁ ପଡିବ। ୭୫ ଟଙ୍କା ଲିଟର ଥିବା ଖାଇବା ତେଲ ଓ ୬୫ ଟଙ୍କା କେଜି ଥିବା ଡାଲି କିଣିବାକୁ ପରାମର୍ଶ ରହିଛି। ବଜାରରେ ଅଣ୍ଡା ଗୋଟିକୁ ୭ଟଙ୍କା ପଡୁଥିବାବେଳେ ୬ଟଙ୍କା ୪୬ ରେ କିପରି ଶିଶୁଙ୍କୁ ରୋଷେଇ କରି ଦିଆଯିବବୋଲି ଅଙ୍ଗନୱାଡି କର୍ମୀ ପ୍ରଶ୍ନ କରିଛନ୍ତି। ଏନେଇ ଅଙ୍ଗନୱାଡି ନେତ୍ରୀ ଜ୍ୟେତ୍ସ୍ନା ପଣ୍ଡା କୁହନ୍ତି, ଅଙ୍ଗନୱାଡି କର୍ମୀ ଆନ୍ଦୋଳନ କରିବାକୁ ଆଗ୍ରହୀ ନୁହନ୍ତି। ତେବେ ସରକାରୀ କର୍ମଚାରୀଙ୍କ ଦରମା ବଢ଼ୁଛି। ପୁଣି ଅସ୍ଥାୟୀ କର୍ମଚାରୀଙ୍କୁ ସ୍ଥାୟୀ କରାଗଲା। ହେଲେ ଅଙ୍ଗନୱାଡି କର୍ମଚାରୀଙ୍କ କୌଣସି ଦାବି ପୂରଣ ହେଉନି। ଜଳଖିଆ ଓ ମିଲସ୍‌ ପାଇଁ ଜଣେ ଶିଶୁଙ୍କୁ ୭ଟଙ୍କା ୭୦ଦେଲେ ଅଙ୍ଗନୱାଡି କର୍ମଚାରୀ କିପରି ଏହାକୁ ପରିଚାଳନା କରିବେ। ଆମ ପାଇଁ ଏକ ସ୍ବତନ୍ତ୍ର ଦୋକାନ କରି ଶିଶୁଙ୍କ ପାଇଁ ଆବଶ୍ୟକ ସାମଗ୍ରୀ ଯୋଗାଇ ଦିଅନ୍ତୁ ବୋଲି ସେ କହିଛନ୍ତି। ପେଟରେ ଭୋକ ଥାଇ କିପରି କାମ କରିବ କହି କ୍ଷୋଭ ପ୍ରକାଶ କରିଥିଲେ। ମେନକା ଦଳେଇ କୁହନ୍ତି, ସରକାର ୮ ଦଫା ଦାବୀ ପୂରଣ ନ କେଲ ଆନ୍ଦୋଳନ ପ୍ରତ୍ୟାହୃତ ହେବାର ପ୍ରଶ୍ନ ଉଠୁନି।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?