ମହାମାରୀ କରୋନା ଯୋଗୁ ଜାରି ରହିଥିବା ଲକ୍ଡାଉନ୍ରେ ପ୍ରବାସୀ ଶ୍ରମିକଙ୍କ ଠାରୁ ଆରମ୍ଭ କରି ଅସହାୟ ବ୍ୟକ୍ତିଙ୍କୁ ସାହାର୍ଯ୍ୟ କରିଚାଲିଥିବା ବଲିଉଡ୍ ଅଭିନେତା ସୋନୁ ସୁଦ ଏବେ ଗରୀବଙ୍କ ଭଗବାନ ପାଲଟିଯାଇଛନ୍ତି। ଏପରି ଆମେ କହୁନାହିଁ, ବରଂ ଲୋକମାନେ ତାଙ୍କୁ ଭଗବାନଙ୍କ ମାନ୍ୟତା ଦେଇଛନ୍ତି। ତେଲେଙ୍ଗାନାରେ ଡୁବ୍ବା ଟାଣ୍ଡା ଗାଁର ଲୋକମାନେ ୪୭ ବର୍ଷୀୟ ସୋନୁ ସୁଦଙ୍କ ନାମରେ ଏକ ମନ୍ଦିର ନିର୍ମାଣ କରିଛନ୍ତି। ଉକ୍ତ ମନ୍ଦିରରେ ସେମାନେ ସୋନୁଙ୍କ ଏକ ମୂର୍ତ୍ତି ସ୍ଥାପନା କରିଛନ୍ତି। ସିଦ୍ଦିପେଟ ଜିଲାର ଅଧିକାରୀଙ୍କ ସହାୟତାରେ ଗ୍ରାମବାସୀ ଏହି ମନ୍ଦିର ନିର୍ମାଣ କରିଥିବା ଜଣାପଡ଼ିଛି।
ସ୍ଥାନୀୟ ଲୋକଙ୍କ ଉପସ୍ଥିତିରେ ରବିବାର ଦିନ ଏହି ମନ୍ଦିରର ଉଦ୍ଘାଟନ କରାଯାଇଥିଲା। ଏହି ସମୟରେ ଆରତୀ ମଧ୍ୟ ହୋଇଥିଲା। ଏହି ଅବସରରେ ସେଠାକାର ମହିଳାମାନେ ପାରମ୍ପରିକ ଗୀତ ମଧ୍ୟ ଗାଇଥିଲେ।
ଏ ନେଇ ଜିଲା ପରିଷଦ ସଦସ୍ୟ ଜିରୀ କଣ୍ଡେଲ କୁହନ୍ତି, କରୋନା ସମୟରେ ସୋନୁ ଗରୀବ ଲୋକଙ୍କ ପାଇଁ ଭଲ କାମ କରିଛନ୍ତି।
ସେହିପରି ମନ୍ଦିର ନିର୍ମାଣର ଯୋଜନା ସଂଗଠନରେ ଜଡିତ ରମେଶ କୁମାର କୁହନ୍ତି, ସୋନୁଙ୍କ ଭଲ କାମ ଯୋଗୁ ସେ ଭଗବାନଙ୍କ ସ୍ଥାନ ନେଇସାରିଛନ୍ତି। ସେ ହେଉଛନ୍ତି ଆମର ଭଗବାନ ବୋଲି ରମେଶ କହିଛନ୍ତି।
