ମୁମ୍ବାଇ: ବଲିଉଡ୍ ନାୟିକା ସୁସ୍ମିତା ସେନ୍ ନିଜ ଫିଟ୍ନେସ୍ ପାଇଁ ସବୁବେଳେ ଚର୍ଚ୍ଚାରେ ରହୁଥିବା ବେଳେ ଏବେ କିନ୍ତୁ ଆଉ ଏକ କାରଣ ପାଇଁ ଆସିଛନ୍ତି ଚର୍ଚ୍ଚାକୁ। ବେଶ୍ କିଛି ବର୍ଷ ପରେ ସେ ପୁଣିଥରେ ଅଭିନୟ ଦୁନିଆକୁ ଫେରିଛନ୍ତି। ତାହା ପୁଣି ଓ୍ବେବ ସିରିଜ ମାଧ୍ୟମରେ। ନିକଟରେ ରିଲିଜ୍ ହୋଇଛି ସୁସ୍ମିତାଙ୍କ ଧମାକାଦାର ଓ୍ବେବ ସିରିଜ ‘ଆର୍ଯ୍ୟା’। ଏହାକୁ ନେଇ ବଲିଉଡ୍ ଭାଇଜାନ ସଲମାନ ଖାଁ ସୁସ୍ମିତାଙ୍କର ଖୁବ୍ ପ୍ରଶଂସା କରିଛନ୍ତି। ଆଉ ସଲମାନଙ୍କ ପ୍ରଶଂସା ଦେଖିବା ପରେ ରି ଟୁଇଟ୍ କରି ସୁସ୍ମିତା ଏହାର ଉତ୍ତର ରଖିଛନ୍ତି। ଏଥିରେ ସେ ‘ବିବି ନମ୍ବର ୧’ର ଏକ ଡାଇଲଗ ମଧ୍ୟ ଶେୟାର କରିଛନ୍ତି। ଏହା ପୂର୍ବରୁ ସଲମାନ ଏକ ପୋଷ୍ଟର ଶେୟାର କରି ଲେଖିଥିଲେ,ଭରସା ସେହିମାନେ ହରାନ୍ତି ଯାହାଙ୍କ ଉପରେ ଭରସା କରାଯାଏ। ଆପଣଙ୍କୁ ସୁସ୍ମିତାଙ୍କର ଏହି ଡାଏଲଗ କିପରି ଲାଗିଲା। ଏମିତି ଆଉ କିଛି ଡାଏଲଗ ଶୁଣିବାକୁ ଚାହୁଁଥିଲେ ସ୍ବାଗତ କରନ୍ତୁ ଓ୍ବେବ ସିରିଜ ‘ଆର୍ଯ୍ୟା’କୁ। ପୁଣିଥରେ ସୁସ୍ମିତା ଅଭିନୟ ଦୁନିଆକୁ ଫେରିଥିବାରୁ ସଲମାନ ତାଙ୍କର ପ୍ରଶଂସା କରିଛନ୍ତି। ଏହା ସୁସ୍ମିତାଙ୍କ ଠିକ୍ ନିଷ୍ପତ୍ତି ବୋଲି ସେ କହିଛନ୍ତି। ସୂଚନାଯୋଗ୍ୟ, ୧୯୯୯ରେ ସୁସ୍ମିତା ‘ବିବି ନମ୍ବର ୧’ରେ ସଲମାନଙ୍କ ସହ କାମ କରିଥିଲେ। ଆଉ ଏମାନଙ୍କ ଯୋଡିକୁ ଦର୍ଶକେ ବେଶ୍ ପସନ୍ଦ କରିଥିଲେ।
