ନୂଆଦିଲ୍ଲୀ,୬।୭: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ତିନିଟି ରାଷ୍ଟ୍ର ଗସ୍ତରେ ଅଛନ୍ତି। ଗସ୍ତର ପ୍ରଥମ ପର୍ଯ୍ୟାୟରେ ସେ ଇଣ୍ଡୋନେସିଆରେ ପହଞ୍ଚିଛନ୍ତି। ଏଠାରେ ତାଙ୍କୁ ରାଜଧାନୀ ଜାକର୍ତ୍ତାରେ ଜୋରଦାର ସ୍ବାଗତ କରାଯାଇଛି। ରାଷ୍ଟ୍ରପତି ପ୍ରବୋଓ ସୁବିଆଣ୍ଟୋ ବିମାନବନ୍ଦରରେ ତାଙ୍କୁ ସ୍ବାଗତ କରିଥିଲେ। ଆଜିକାଲି ସୋସିଆଲ ମିଡିଆରେ ଏକ ଭିଡିଓ ଭାଇରାଲ ହୋଇଛି। ଭିଡିଓରେ ପ୍ରଧାନମନ୍ତ୍ରୀ ମୋଦିଙ୍କ ବିମାନ ଯାଉଥିବା ସମୟରେ ଇଣ୍ଡୋନେସିଆର ବାୟୁସେନାର ଲଢ଼ୁଆ ବିମାନ ସବୁ ଏସ୍କର୍ଟ କରୁଥିବା ଦେଖାଯାଇଥିଲା। ମୋଦି ମଧ୍ୟ ଝରକା ପଟେ ସେଗୁଡିକୁଦେଖୁଥିଲେ।
ପ୍ରଧାନମନ୍ତ୍ରୀ ମୋଦି ଜୁଲାଇ ୬ରୁ ଜୁଲାଇ ୮ ପର୍ଯ୍ୟନ୍ତ ଇଣ୍ଡୋନେସିଆରେ ରହିବେ। ଏହି ଗସ୍ତ ସମୟରେ ସେ ବିଭିନ୍ନ କ୍ଷେତ୍ରରେ ଦୁଇ ରାଷ୍ଟ୍ର ମଧ୍ୟରେ ସହଭାଗୀତାକୁ ଆହୁରି ଗଭୀର କରିବା ଉପରେ ଧ୍ୟାନ ଦେବେ। ଏହା ସହିତ, ସେ ଭାରତୀୟ ସମ୍ପ୍ରଦାୟର ସଦସ୍ୟମାନଙ୍କ ସହିତ ସାକ୍ଷାତ କରିବେ। ପ୍ରଧାନମନ୍ତ୍ରୀ ମୋଦିଙ୍କ ଇଣ୍ଡୋନେସିଆ ଗସ୍ତ ଗୁରୁତ୍ୱପୂର୍ଣ୍ଣ। ଏହାର ଉଦ୍ଦେଶ୍ୟ ହେଉଛି ଦୁଇ ଦେଶ ମଧ୍ୟରେ ବ୍ୟାପକ ରଣନୈତିକ ସହଭାଗୀତାକୁ ମଜଭୁତ କରିବା। ଏହା ପ୍ରଧାନମନ୍ତ୍ରୀଙ୍କ ଚତୁର୍ଥ ଗସ୍ତ ଏବଂ ମେ ୨୦୧୮ ରେ ସମ୍ପର୍କକୁ ଏକ ବ୍ୟାପକ ରଣନୈତିକ ସହଭାଗୀତାସ୍ତରକୁ ଉନ୍ନୀତ କରାଯିବା ପରଠାରୁ ପ୍ରଥମ ଦ୍ୱିପାକ୍ଷିକ ଗସ୍ତ।
ଭାରତ ଏବଂ ଇଣ୍ଡୋନେସିଆ ମଧ୍ୟରେ ସହଭାଗୀତାର ପରିସର ପାରମ୍ପରିକ ସମ୍ପର୍କ ବାହାରେ ବିସ୍ତାରିତ। ଆଜି ଇଣ୍ଡୋନେସିଆ ଭାରତକୁ କେବଳ ଏକ ରଣନୈତିକ ଅଂଶୀଦାର ଭାବରେ ନୁହେଁ ବରଂ ପ୍ରଯୁକ୍ତିବିଦ୍ୟା, ନୀତି ଏବଂ ବିକାଶ ସମ୍ପର୍କରେ ସଫଳ ମଡେଲର ଏକ ବିଶ୍ୱସ୍ତ ଉତ୍ସ ଭାବରେ ମଧ୍ୟ ଦେଖେ। ଖାଦ୍ୟ ସୁରକ୍ଷା, ଡିଜିଟାଲ ଶାସନ, ସ୍ବାସ୍ଥ୍ୟ, କୃଷି ଏବଂ ପ୍ରତିରକ୍ଷା ଭଳି କ୍ଷେତ୍ରରେ ଭାରତର ସଫଳ ସାର୍ବଜନୀନ ନୀତି ମଡେଲ ଇଣ୍ଡୋନେସିଆର ନିଜସୱ ବିକାଶ ଯାତ୍ରା ପାଇଁ ପ୍ରମୁଖ ଉଦାହରଣ ହୋଇପାରୁଛି।
ଇଣ୍ଡୋନେସିଆ ଏବେ ଡିଜିଟାଲ ପେମେଣ୍ଟ କ୍ଷେତ୍ରରେ ଭାରତର ବିଶେଷଜ୍ଞତାକୁ ବ୍ୟବହାର କରୁଛି। ପ୍ରସ୍ତାବିତ UPI-QRIS ଲିଙ୍କେଜ ଉଭୟ ଦେଶର ଯାତ୍ରୀ ଏବଂ ବ୍ୟବସାୟୀଙ୍କ ପାଇଁ ସୀମାପାର ପେମେଣ୍ଟକୁ ସକ୍ଷମ କରିବ। ଏହି ପଦକ୍ଷେପ ପର୍ଯ୍ୟଟନ, ବାଣିଜ୍ୟ ଏବଂ ଡିଜିଟାଲ ବାଣିଜ୍ୟକୁ ବୃଦ୍ଧି କରିବ ବୋଲି ଆଶା କରାଯାଉଛି।
#WATCH | PM @narendramodi just landed in Jakarta. He was accorded a warm welcome by Indonesia.
President Prabowo Subianto welcomed him at the airport.
Fighter jets from the Indonesia Air Force accompanied PM’s plane from the time PM entered their air space.@MEAIndia… pic.twitter.com/0RVFloYl7h
— DD News (@DDNewslive) July 6, 2026
