ଚେନ୍ନାଇ, ୧୮।୧୦: ଡିଆର୍ଡିଓକୁ ରବିବାର ପୁଣି ଏକ ସଫଳତା ମିଳିଛି। ବ୍ରହ୍ମୋସ୍ ସୁପରସୋନିକ୍ କ୍ରୁଏଜ୍ କ୍ଷେପଣାସ୍ତ୍ରର ସଫଳ ପରୀକ୍ଷଣ ସମ୍ପନ୍ନ ହୋଇଛି। ଆଇଏନ୍ଏସ୍ ଚେନ୍ନାଇରେ ଏହାର ପରୀକ୍ଷଣ କରାଯାଇଛି। ଆରବ ସାଗରରେ ଏହା ଲକ୍ଷ୍ୟଭେଦ କରିଥିବା ଡିଆର୍ଡିଓ ପକ୍ଷରୁ ସୂଚନା ଦିଆଯାଇଛି। ଏହାର ଲକ୍ଷ୍ୟଭେଦ କ୍ଷମତା ୪୦୦ କିମି ରହିଛି। ଏହାକୁ ବୁଡ଼ାଜାହାଜ, ଯୁଦ୍ଧପୋତ ଏବଂ ଯୁଦ୍ଧବିମାନ ସହାୟତାରେ ଶତ୍ରୁ ଶିବିର ଉପରେ ମାଡ଼ କରାଯାଇପାରିବ। ଭାରତ ଏବଂ ରୁଷ୍ର ମିଳିତ ସହଯୋଗରେ ବ୍ରହ୍ମୋସ୍ ସୁପରସୋନିକ୍ କ୍ଷେପଣାସ୍ତ୍ରକୁ ନିର୍ମାଣ କରାଯାଇଛି। ପୂର୍ବରୁ ଏହାର ଲକ୍ଷ୍ୟଭେଦ କ୍ଷମତା ୨୯୦ କିମିଥିଲା। ତେବେ ପରବର୍ତ୍ତୀ ସମୟରେ ଏହାକୁ ବିକଶିତ କରାଯାଇ ଲକ୍ଷ୍ୟଭେଦ କ୍ଷମତାକୁ ୪୦୦ କିମି ପର୍ଯ୍ୟନ୍ତ ବୃଦ୍ଧି କରାଯାଇଛି। ଏହାଦ୍ୱାରା ଭାରତର ପ୍ରତିରକ୍ଷା ଶକ୍ତି ବହୁଗୁଣା ବୃଦ୍ଧି ପାଇବ ବୋଲି କୁହାଯାଉଛି। ବ୍ରହ୍ମୋସ୍ କ୍ଷେପଣାସ୍ତ୍ର ପରୀକ୍ଷଣ ନେଇ ଚାିନାର ଚିନ୍ତା ବଢ଼ିବାରେ ଲାଗିଛି।
