ଭାରତୀୟ କ୍ରିକେଟ ଟିମ୍ର ସୁପରଷ୍ଟାର ଖେଳାଳି ହେଲେ ଯୁବରାଜ ସିଂହ। ବିଶ୍ୱକପ୍ରେ ସେ ପ୍ଲେୟାର ଅଫ୍ ଦ ଟୁର୍ନାମେଣ୍ଟ ପୁରସ୍କାର ଜିତିଥିଲେ। ତେବେ ଯୁବରାଜ ଯେତିକି ନିଜର ଖେଳ ପାଇଁ ପରିଚିତ ସେତିକି ନିଜର ଜୀବନଚର୍ଯ୍ୟା ପାଇଁ । ବହୁତ କମ୍ ଲୋକ ଜାଣନ୍ତି ଯୁବରାଜ ନିଜ ବାପା ଯୋଗରାଜ ସିଂହଙ୍କଠାରୁ ଦୂରରେ ରୁହନ୍ତି। ମୁମ୍ବାଇରେ ତାଙ୍କର ସୁନ୍ଦର ଘର ରହିଛି।
ବର୍ଲିରେ ଯୁବରାଜଙ୍କ ୧୯୭୩ ଟାଓ୍ବାର୍ସ ନାମରେ ଆପାର୍ଟମେଣ୍ଟ ରହିଛି। ଏହି ଆପାର୍ଟମେଣ୍ଟ ସି ବିଗ୍ରେ ୨୯ ମହଲାରେ ରହିଛି। ଏହି ବିଲ୍ଡିଂରେ ଅଧିନାୟକ ବିରାଟ କୋହଲିଙ୍କର ମଧ୍ୟ ଏକ ଫ୍ଲାଟ ରହିଛି। ବିରାଟ ୩୫ତମ ମହଲାରେ ରୁହନ୍ତି। ତେବେ ଯୁବରାଜ ୨୯ତମ ମହଲାକୁ ପୁରା କିଣିଛନ୍ତି। ଏହି ମହଲାରେ ଦୁଇଟି ଫ୍ଲାଟ୍ ରହିଛି। ୪୦ହଜାର ବର୍ଗଫୁଟ ଅଞ୍ଚଳରେ ଏହି ଆପାର୍ଟମେଣ୍ଟ ରହିଛି। ୨୦୧୫ରେ ୬୪ କୋଟି ଟଙ୍କାରେ ଏହାକୁ ସେ କିଣିଥିଲେ। ବିରାଟଙ୍କ ଘର ୩୦ କୋଟିର ଥିବା ବେଳେ ଦୁଇଗୁଣା ଅଧିକ ଟଙ୍କାରେ ଯୁବରାଜ ଏହାକୁ କିଣିଛନ୍ତି। ସ୍ତ୍ରୀ ହେଜଲଙ୍କ ସହ ଏଠାରେ ଯୁବରାଜ ରୁହନ୍ତି। କ୍ରିକେଟର ସମସ୍ତ ଫର୍ମାଟରୁ ଅବସର ନେବା ପରେ ସେ ଏବେ ଏଠାରେ ସମୟ କାଟୁଛନ୍ତି।
