Posted inଖେଳ

ଶ୍ରୀଲଙ୍କା-ଆଫଗାନିସ୍ତାନ ଉଦ୍‌ଘାଟନୀ ମ୍ୟାଚ୍‌

ଦୁବାଇ, ୨୬ା୮: ଏସିଆ କପ୍‌ ଟି୨୦ କ୍ରିକେଟ ଶନିବାରଠାରୁ ଆରମ୍ଭ ହେବ। ଶ୍ରୀଲଙ୍କା ଓ ଆଫଗାନିସ୍ତାନ ମଧ୍ୟରେ ଉଦ୍‌ଘାଟନୀ ମ୍ୟାଚ ଖେଳାଯିବ। ଅନ୍ୟ ଥର ତୁଳନାରେ ଏଥର ମ୍ୟାଚଗୁଡ଼ିକ ଅଧିକ ପ୍ରତିଦ୍ୱନ୍ଦ୍ୱିତାମୂଳକ ହେବ ବୋଲି ପାକିସ୍ତାନ କିମ୍ବଦନ୍ତୀ କ୍ରିକେଟର ଓ୍ବାସିମ୍‌ ଆକ୍ରାମ ପୂର୍ବାନୁମାନ କରି କହିଛନ୍ତି। ହଂକଂ ଏକମାତ୍ର ଦଳ କ୍ୱାଲିଫାୟର ହିସାବରେ ଖେଳିବ। ଅନ୍ୟ ଦଳଗୁଡ଼ିକ ହେଲେ ୭ଥର ଚାମ୍ପିୟନ ଭାରତ, ପାକିସ୍ତାନ, ଶ୍ରୀଲଙ୍କା, ଆଫଗାନିସ୍ତାନ ଓ ବାଂଲାଦେଶ। ପରସ୍ପରକୁ ହରାଇବା ସାମର୍ଥ୍ୟ ଏମାନଙ୍କ ନିକଟରେ ରହିଛି। ଟୁର୍ନାମେଣ୍ଟ ୬ ବର୍ଷ ହେଲା ଟି୨୦ ଫର୍ମାଟରେ ଖେଳାଯାଇ ଆସୁଛି। ଆର୍ଥିକ ସଙ୍କଟ ଯୋଗୁ ଶ୍ରୀଲଙ୍କା ଏହାର ଆୟୋଜନ ଲାଗି ନିଜର ଅସାମର୍ଥ୍ୟ ପ୍ରକାଶ କରିବାରୁ ଟୁର୍ନାମେଣ୍ଟକୁ ଶ୍ରୀଲଙ୍କାରୁ ୟୁଏଇକୁ ସ୍ଥାନାନ୍ତର କରାଯାଇଛି। ଅକ୍ଟୋବର-ନଭେମ୍ବରରେ ଅଷ୍ଟ୍ରେଲିଆରେ ଟି୨୦ ବିଶ୍ୱକପ୍‌ ଖେଳାଯିବ। ୟୁଏଇ ଓ ସେଠାକାର ଜଳବାୟୁ ମଧ୍ୟରେ ଯଦିଓ ପ୍ରଭେଦ ରହିଛି, ଏସିଆ କପ୍‌ରେ ଅଂଶଗ୍ରହଣ କରିଥିବା ଦଳଗୁଡ଼ିକ ସେମାନଙ୍କ ଚୂଡ଼ାନ୍ତ ଖେଳାଳି ଚୟନ ଏହି ଟୁର୍ନାମେଣ୍ଟରୁ କରିବେ। ଭାରତ ଏଥିରେ ଏହାର ଉଦ୍‌ଘାଟନୀ ମୁକାବିଲାରେ ରବିବାର ପାକିସ୍ତାନ ବିପକ୍ଷରେ ଖେଳିବ। ଦୀର୍ଘ ଦିନ ଧରି ଖରାପ ସମୟ ଦେଇ ଗତି କରୁଥିବା ବିରାଟ କୋହଲିଙ୍କ ପ୍ରଦର୍ଶନ ଉପରେ ସମସ୍ତଙ୍କ ନଜର ରହିବ। ଏସିଆ କପ୍‌ରେ ଅଧିନାୟକ ରୋହିତ ଶର୍ମା ଓ କେ.ଏଲ୍‌. ରାହୁଲ କିପରି ଖେଳୁଛନ୍ତି ଖେଳପ୍ରେମୀଙ୍କର ସେ ନେଇ ଉତ୍କଣ୍ଠା ରହିବ। ଆଘାତପ୍ରାପ୍ତ ହୋଇଥିବାରୁ ଯଶପ୍ରୀତ ବୁମ୍‌ରା ଏହି ଇଭେଣ୍ଟରେ ଖେଳିବେ ନାହିଁ। ଗତ ଏକ ବର୍ଷ ହେଲା ପାକିସ୍ତାନ ଦଳ ଉପରକୁ ଉଠିବାରେ ଲାଗିଛି। ଟୁର୍ନାମେଣ୍ଟ ଜିତିବା ଲାଗି ଲକ୍ଷ୍ୟ ମଧ୍ୟ ରଖିଥିବ। ପାକିସ୍ତାନ ୧୦ ବର୍ଷ ପୂର୍ବେ ଚାମ୍ପିୟନ ହୋଇଥିଲା। ଅବଶ୍ୟ ସେତେବେଳେ ଏହା ଅନ୍ତର୍ଜାତୀୟ ଦିନିକିଆ ଫର୍ମାଟରେ ଖେଳାଯାଉଥିଲା। ତେବେ ଆଘାତଜନିତ ସମସ୍ୟା ଦଳ ପାଇଁ ଚିନ୍ତାର କାରଣ ହୋଇଛି। ଆଣ୍ଠୁରେ ଆଘାତପ୍ରାପ୍ତ ଯୋଗୁ ଦଳର ଷ୍ଟାର ପେସର ଶାହିନ ଆଫ୍ରିଦୀ ପ୍ରତିଯୋଗିତାରେ ଭାଗ ନେଉନାହାନ୍ତି। ଅନଭିଜ୍ଞ ମିଡ୍‌ଲ ଅର୍ଡର ଯୋଗୁ ଦଳ ବିଶେଷ କରି ଓପନିଂ ଯୋଡ଼ି ବାବର ଆଜାମ ଓ ମହମ୍ମଦ ରିଜଓ୍ବାନଙ୍କ ଉପରେ ନିର୍ଭରଶୀଳ ରହିବ। ଆଫଗାନିସ୍ତାନ ଏହାର ପୁରୁଖା ଖେଳାଳି ମହମ୍ମଦ ନବିଙ୍କ ଅଧିନାୟକତ୍ୱରେ ଖେଳିବ। ଦଳ ଉଚ୍ଚ ର଼୍ୟାଙ୍କିଙ୍ଗପ୍ରାପ୍ତ ଦଳକୁ ପରାସ୍ତ କରିବା ଲକ୍ଷ୍ୟରେ ରହିବ। ବୋଲର ରଶିଦ ଖାଁ ଦଳର ଟ୍ରମ୍ପକାର୍ଡ ରହିବେ। ତେଣୁ ବ୍ୟାଟରମାନଙ୍କୁ ଭଲ ଖେଳିବାକୁ ହେବ। ଶ୍ରୀଲଙ୍କା ଏହାର ନୂଆ ମୁଖ୍ୟ କୋଚ୍‌ ଖ୍ରିସ୍‌ ସିଲଭରଉଡ୍‌ଙ୍କ ଅଧୀନରେ ଉନ୍ନତି କରୁଛି। ଦଳରେ ପ୍ରତିଭା ଖେଳାଳିଙ୍କର ଅଭାବ ନାହିଁ। ଏସିଆ କପ୍‌ରେ ପ୍ରଭାବୀ ପ୍ରଦର୍ଶନ କରି ଷ୍ଟାର ଖେଳାଳି ହେବା ଲାଗି ସୁଯୋଗ ରହିଛି। ଭଲ ଖେଳି ଦେଶରେ ସଂଘର୍ଷ କରୁଥିବା ଲୋକମାନଙ୍କ ମୁହଁରେ ସେମାନେ ହସ ଫୁଟାଇପାରିବେ। ବିଶ୍ୱକପ୍‌ ପରଠାରୁ କ୍ରିକେଟର କ୍ଷୁଦ୍ରତମ ଫର୍ମାଟରେ ବାଂଲାଦେଶ ସଂଘର୍ଷ ଚଳାଇ ଆସୁଛି।


Enter your email to get our daily news in your inbox.

All Right Reserved By Dharitri.Com

Posted inଖେଳ View All

ସବୁଜ, ମେରୁନ୍‌ ଜର୍ସି ବଜାୟ ରଖିବ ଏଟିକେ ମୋହନ ବାଗାନ

କୋଲକାତା,୧୦।୭(ପି.ଟି.): ଏଟିକେ ମୋହନ ବାଗାନ ପୂର୍ବପରି ତା’ର ପ୍ରସିଦ୍ଧ ସବୁଜ ଓ ମେରୁନ୍‌ ଜର୍ସିକୁ ବଜାୟ ରଖିବାକୁ ନିଷ୍ପତ୍ତି ନେଇଛି। ଏହି ଜର୍ସି ମୋହନ ବାଗାନ...

ଭିଜନ୍‌ ୨୦୨୪

ରାଜ୍ୟରେ କ୍ରିକେଟକୁ ଆହୁରି କ୍ରିୟାଶୀଳ କରିବାକୁ ଓସିଏ ପ୍ରୟାସ ଆରମ୍ଭ କରିଛି। ତୃଣମୂଳସ୍ତରରେ କ୍ରିକେଟର ବିକାଶ କରିବାକୁ ଓସିଏ ଭିଜନ ୨୦୨୪ ପାଇଁ ବ୍ଲୁ ପ୍ରିଣ୍ଟ...

ଏଟିକେର କ୍ରମାଗତ ଦ୍ୱିତୀୟ ବିଜୟ

ଚେନ୍ନାଇ, ୩୧।୧୦- ସ୍ଥାନୀୟ ଜବାହାରଲାଲ ନେହରୁ ଷ୍ଟାଡିୟମରେ ବୁଧବାର ଅନୁଷ୍ଠିତ ଇଣ୍ଡିଆନ ସୁପର ଲିଗର ଏକାଦଶ ମ୍ୟାଚରେ ଘରୋଇ ଚେନ୍ନାଇନ ଏଫସିକୁ ୧-୦ ଗୋଲରେ ହରାଇ...

କଠିନ ପରିସ୍ଥିତିର ସମ୍ମୁଖୀନ ହେବାରେ ସିଏସ୍‌କେ ମୋତେ ସାହାଯ୍ୟ କରିଛି: ଧୋନୀ

ଚେନ୍ନାଇ,୪ା୩(ପି.ଟି.)- ଜଣେ ସଫଳ ଖେଳାଳି ଓ କଠିନ ପରିସ୍ଥିତିର ସମ୍ମୁଖୀନ ହେବା ପାଇଁ ଚେନ୍ନାଇ ସୁପର କିଙ୍ଗ୍ସ (ସିଏସ୍‌କେ) ଫ୍ରାଞ୍ଚାଇଜ୍‌କୁ ଶ୍ରେୟ ଦେଇଛନ୍ତି ଭାରତୀୟ ଦଳର...

ସୂର୍ଯ୍ୟକୁମାର ନୁହେଁ ବରଂ ଏହି ଖେଳାଳି ହୃଦୟ ଜିତିଲେ ବୋଲି କହିଲେ ସେହଓ୍ବାଗ୍‌, ଏଭଳି କଲେ ପ୍ରଶଂସା

ନୂଆଦିଲ୍ଲୀ,୧୯।୩: ଗୁରୁବାର ଖେଳାଯାଇଥିବା ଇଂଲଣ୍ଡ ବିପକ୍ଷ ଟି୨୦ର ଚତୁର୍ଥ ମ୍ୟାଚ୍‌ରେ ଭାରତୀୟ କ୍ରିକେଟର ସୂର୍ଯ୍ୟକୁମାର ଯାଦବ ଉଲ୍ଲେଖନୀୟ ପ୍ରଦର୍ଶନ କରିଥିଲେ।  ତାଙ୍କର ୫୭ରନ୍‌ର ପାଳିକୁ ଅନେକ...

ଦୁଇ ଉଇକେଟ ନେବା ପରେ ବି ସଂଘର୍ଷ କରୁଛନ୍ତି

କେପ ଟାଉନ୍‌,୧୨।୧: ନ୍ୟୁଲାଣ୍ଡ୍ସଠାରେ ଚାଲିଥିବା ତୃତୀୟ ତଥା ନିର୍ଣ୍ଣାୟକ ଟେଷ୍ଟରେ ପ୍ରଥମ ଭଳି ଦ୍ୱିତୀୟ ଦିନ ମଧ୍ୟ ବୋଲରଙ୍କ ରାଜୁତି ଦେଖିବାକୁ ମିଳି ନାହିଁ। ଦ୍ୱିତୀୟ...

ଦୂତୀଙ୍କୁ ଏ ବର୍ଷ ମିଳିବ ନାହିଁ ଅର୍ଜୁନ ସମ୍ମାନ

ନୂଆଦିଲ୍ଲୀ,୨୪।୭- ଷ୍ଟାର ସ୍ପିଣ୍ଟର ଦୂତୀ ଚାନ୍ଦ ଚଳିତ ବର୍ଷ ଅର୍ଜୁନ ପୁରସ୍କାର ଅଧିକାରୀ ହୋଇପାରିବେ ନାହିଁ। ତାଙ୍କ ବ୍ୟତୀତ ପୁରୁଷ ୮୦୦ ମିଟର ଦୌଡ଼ରେ ଏସିଆନ...

ମୋଟୋ ଜିପି ଆରମ୍ଭରେ କ୍ୱାର୍ଟାରାରୋଙ୍କ ବିଜୟ

ଜେରେଜ ଡି’ ଲା ଫ୍ରଣ୍ଟେରା (ସ୍ପେନ୍‌), ୨୦।୭ (ଏପି)- କରୋନା ଭାଇରସ୍‌ର ବ୍ୟାପକତା ସତ୍ତ୍ୱେ ମୋଟୋଜିପି ପୁନର୍ବାର ଆରମ୍ଭ ହୋଇଛି। ରବିବାର ଅନୁଷ୍ଠିତ ସ୍ପାନିଶ ଗ୍ରାଁ...

Advertisement
Archives

Model This Week