ନୂଆଦିଲ୍ଲୀ,୧୫।୯: ଭାରତରେ ବହୁତ କମ୍ କ୍ରିକେଟ ଖେଳାଳି ଅଛନ୍ତି ଯେଉଁମାନଙ୍କ ଜୀବନସାଥୀ ମଧ୍ୟ କ୍ରିକେଟଜଗତ ସହ ଡଡ଼ିତ। ସେଭଳି ଗୋଟିଏ ଦମ୍ପତ୍ତି ହେଲେ ଷ୍ଟୁଅର୍ଟ ବିନ୍ନି ଏବଂ ମୟନ୍ତି ଲାଙ୍ଗର। ୨୦୧୨ରେ ମୟନ୍ତୀଙ୍କୁ ବିବାହ କରିଥିଲେ ଷ୍ଟୁଅର୍ଟ। ଉଭୟଙ୍କ ଲଭ୍ଷ୍ଟୋରୀ କୌଣସି ଫିଲ୍ମକାହାଣୀଠାରୁ କମ୍ ନୁହେଁ।
ମୟନ୍ତି ନିଜର କ୍ରିକେଟ କ୍ୟାରିୟରର ପ୍ରଥମ ସାକ୍ଷାତକାର ବିନ୍ନିଙ୍କର ନେଇଥିଲେ। ଏଥିରେ ସେ ନିର୍ବନ୍ଧକୁ ନେଇ ପ୍ରଶ୍ନ କରିଥିଲେ। ଯାହାର ଉତ୍ତରରେ ବିନ୍ନି ଏହା ମିଥ୍ୟା ଖବର ବୋଲି କହିଥିଲେ। ପରେ ଉଭୟ ହସିବାରେ ଲାଗିଥିଲେ। ବାସ୍ ସେବେଠାରୁ ଉଭୟଙ୍କ ମଧ୍ୟରେ ବନ୍ଧୁତା ହୋଇଥିଲା।
ତେବେ ବାଙ୍ଗାଲୋରରେ ଜନ୍ମଗ୍ରହଣ କରିଥିଲେ ବିନ୍ନି। ତାଙ୍କ ବାପା ସ୍କୁଲରେ କ୍ରିକେଟ କୋଚ୍ ଥିବାରୁ ବିନ୍ନିଙ୍କର ଖେଳପ୍ରତି ଆଗ୍ରହ ବଢ଼ିଥିଲେ। ହେଲେ କୌଣସି ରାଷ୍ଟ୍ରୀୟ ଟିମ୍ରେ ତାଙ୍କୁ ସୁଯୋଗ ମିଳୁ ନ ଥିଲା। ଏହାପରେ ସେ ଆଇସିଏଲ୍ରେ ଖେଳି ଭଲ ପ୍ରଦର୍ଶନ ଦେଇଥିଲେ। ବିସିସିଆଇ ଭାରତୀୟ ଖେଳାଳିଙ୍କ ଉପରେ ଆଇସିଏଲ୍ରେ ଖେଳିବା ଉପରେ ରୋକ ଲଗାଇଥିଲା। ଫଳରେ ବିନ୍ନିଙ୍କୁ କ୍ଷମା ମାଗିବାକୁ ପଡ଼ିଥିଲା। ଏହାର କିଛି ସମୟ ପରେ ତାଙ୍କୁ ଇଣ୍ଡିଆ-ଏରେ ସାମିଲ୍ କରାଯାଇଥିଲା।
୨୦୧୪ରେ ସେ ଭାରତୀୟ କ୍ରିକେଟ୍ ଟିମ୍ରେ ସାମିଲ ହୋଇଥିଲେ। ୨୦୧୫ରେ କିନ୍ତୁ ବିଶ୍ୱକପ୍ ଟିମ୍ର ସଦସ୍ୟ ହେବା ସତ୍ତ୍ୱେ ସେ ନିଜ ସ୍ଥାନ ବଜାୟ ରଖିପାରି ନ ଥିଲେ। ମାତ୍ର ରାଜସ୍ଥାନ ରୟାଲ୍ସ ଏବଂ ବାଙ୍ଗାଲୋର ରୟାଲ ଚ୍ୟାଲେଞ୍ଜର୍ସ ପାଇଁ ଖେଳି ସାରିଛନ୍ତି ବିନ୍ନି। ଅପରପକ୍ଷେ ତାଙ୍କ ଧର୍ମପତ୍ନୀ ମୟନ୍ତି ମ୍ୟାଚ୍ ହୋଷ୍ଟ କରିଥାନ୍ତି। ମୟନ୍ତୀଙ୍କ ୭୮୨ ହଜାର ଫଲୋଅର୍ସ ଥିବା ବେଳେ ବିନ୍ନିଙ୍କ କେବଳ ୩୪୪ ହଜାର ଫଲୋଅର୍ସ ଅଛନ୍ତି।
ମୟନ୍ତି ଦିଲ୍ଲୀ ବିଶ୍ୱବିଦ୍ୟାଳୟରୁ ବିଏ କରିଥିଲେ। କଲେଜ ଦିନରେ ସେ ଫୁଟବଲ୍ ଖେଳୁଥିଲେ। ଖେଳରେ ରୁଚି ଥିବା ହେତୁ ୨୦୧୦ରେ ସେ ଫିଫା ବିଶ୍ୱକପ୍ ଏବଂ କମନଓ୍ବେଲ୍ଥ ଗେମ୍ସକୁ ହୋଷ୍ଟ କରିଥିଲେ। ୨୦୧୧ ଓ ୨୦୧୫ ବିଶ୍ୱକପ୍ରେ ମଧ୍ୟ ତାଙ୍କୁ ହୋଷ୍ଟ ଏବଂ ଆଙ୍କରିଙ୍ଗ କରୁଥିବା ଦେଖାଯାଇଥିଲା।
