ମୁମ୍ବାଇ: ବଲିଉଡ୍ ସେଲିବ୍ରିଟିମାନେ ପ୍ରାୟ ସବୁ ସମୟରେ ନିଜର ଅଭିନୟ, ଷ୍ଟାଇଲ, ଫଟୋ, ଭିଡିଓ ଏମିତିକି ପର୍ସନାଲ ଲାଇଫକୁ ନେଇ ଆସିଥାଆନ୍ତି ଚର୍ଚ୍ଚାକୁ । ନିକଟରେ ବଲିଉଡ୍ ବିୟୁଟି ସୋନମ କପୁର ପ୍ରେଗନାନ୍ସିକୁ ନେଇ ଆସିଥିଲେ ଚର୍ଚ୍ଚାକୁ । ଶୁଣିବାକୁ ମିଳିଥିଲା କି ସେ ମା’ ହେବାକୁ ଯାଉଛନ୍ତି । ହେଲେ ପରେ ସୋନମ ଏହାକୁ ଖଣ୍ଡନ କରିଥିଲେ । ଏହାର ମାତ୍ର କିଛିଦିନ ମଧ୍ୟରେ ଏକ ନୂଆ ଅବତାରରେ ସ୍ପଟ ହୋଇଛନ୍ତି ଏହି ନାୟିକା । ନିକଟରେ ବ୍ଳାକ ଆଉଟ ଫିଟରେ ମୁମ୍ବାଇ ବିମାନ ବନ୍ଦରରେ ଦେଖିବାକୁ ମିଳିଥିଲା ସୋନମ କପୁରଙ୍କୁ । ସେ ଲଣ୍ଡନରୁ ମୁମ୍ବାଇ ଫେରିଥିବା ଜଣାପଡିଛି । ଫିଲ୍ମ ଦୁନିଆଠାରୁ କିଛିଦିନ ହେବ ଦୂରେଇ ରହି ସେ ଏବେ ବିବାହ ପରଠାରୁ ସ୍ୱାମୀ ଆନନ୍ଦ ଆହୁଜାଙ୍କ ସହ ଲଣ୍ଡନରେ ରହୁଛନ୍ତି । କରୋନା ମହାମାରୀ ଭିତରେ ବେଶ୍ କିଛିଦନ ହେବ ମୁମ୍ବାଇ ଆସି ନ ଥିବା ସୋନମ ଏବେ ମୁମ୍ବାଇ ଫେରିଛନ୍ତି । ତେବେ ବିମାନ ବନ୍ଦରରେ ତାଙ୍କୁ ବ୍ଲାକ ଆଉଟ୍ଫିଟରେ ଦେଖିବାକୁ ମିଳିଛି । ଏହାସହ ସେ ବ୍ଲାକ କଲର ମାସ୍କ ବି ପିନ୍ଧିଛନ୍ତି । ବ୍ଲାକ ଡ୍ରେସରେ ଖୁବ୍ ସୁନ୍ଦର ଲାଗୁଥିବା ସୋନମଙ୍କର କିଛି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି । ଶେଷଥର ପାଇଁ ୨୦୧୯ରେ ତାଙ୍କୁ ମୁଭି ‘ଦ ଜୋୟା ଫ୍ୟାକ୍ଟର’ ରେ ଦେଖିବାକୁ ମିଳିଥିଲା । ତେବେ ପ୍ରଥମଥର ପାଇଁ ସୋନମଙ୍କ ଫଟୋ ସୋସିଆଲ ମିଡିଆରେ ଭାଇରାଲ ହୋଇନାହିଁ । ବରଂ ଅନେକ ଥର ତାଙ୍କ ପ୍ରଶଂସକ ସୋନମଙ୍କ ଫଟୋ ଓ ଭିଡିଓ ଦେଖି ଦିୱାନା ହୋଇଛନ୍ତି ।
