କେନ୍ଦ୍ରମନ୍ତ୍ରୀ ସ୍ମୃତି ଇରାନୀ ସୋସିଆଲ ମିଡିଆରେ ବେଶ୍ ଆକ୍ଟିଭ୍ ରହିଥାନ୍ତି। ପ୍ରାୟ ସମୟରେ ସେ ପ୍ରଶଂସକଙ୍କ ସହ ମଜାଳିଆ ଓ ଆକର୍ଷଣୀୟ ଫଟୋ ଏବଂ ଭିଡିଓମାନ ଶେୟାର କରିଥାନ୍ତି। ମଙ୍ଗଳବାର ସ୍ମୃତି ଇରାନୀ ନିଜ ଫଲୋଅର୍ସଙ୍କ ସହ ଏକ ମନମୋହିବା ଭଳି ଫଟୋ ଶେୟାର କରିଛନ୍ତି। ଯେଉଁଥିରେ ଜଣେ କୋମଳମତି ଶିଶୁ ଭକ୍ତ ବର୍ଷା ହେଉଥିବା ବେଳେ ଭଗବାନଙ୍କ ମୂର୍ତ୍ତି ଉପରେ ଛତା ଟାଣି ଠିଆ ହୋଇଥିବାର ଦୃଶ୍ୟ ନଜର ଆସିଛି। ଏହି ଫଟୋ ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ଫଟୋକୁ ଶେୟାର କରିବା ସହ ସ୍ମୃତି ଇରାନୀ କ୍ୟାପସନ୍ରେ ଲେଖିଛନ୍ତି, ହ୍ୟାଶଟାଗ୍ ‘ଭକ୍ତି’। ଏହି ପୋଷ୍ଟକୁ ଏପର୍ଯ୍ୟନ୍ତ ୩୨ହଜାରରୁ ଊର୍ଦ୍ଧ୍ୱ ଲାଇକ୍ ମିଳିଥିବା ବେଳେ ଅନେକ ୟୁଜର୍ସ କମେଣ୍ଟ ମଧ୍ୟ ଦେଇଛନ୍ତି। ଅନେକ ସମୟରେ ସ୍ମୃତି ଇରାନୀ ମୂଲ୍ୟବାନ ଓ ଗୁରୁତ୍ୱପୂର୍ଣ୍ଣ ବାର୍ତ୍ତା ସହିତ ଭିଡିଓ ଓ ପୋଷ୍ଟମାନ ଶେୟାର କରିଥାନ୍ତି। ଏହାପୂର୍ବରୁ ସେ ଏକ ଛୋଟ ଝିଅର ଏକ ସୁନ୍ଦର ଆନିମେଟେଡ୍ ଫଟୋ ଶେୟାର କରିଥିଲେ। କେନ୍ଦ୍ରମନ୍ତ୍ରୀ ତାଙ୍କ ପୋଷ୍ଟ ମାଧ୍ୟମରେ ସମସ୍ତଙ୍କୁ ନିଜ ଝିଅମାନଙ୍କୁ ଶିକ୍ଷା ଦେବା ପାଇଁ ଅନୁରୋଧ କରିଥିଲେ।
