ନୂଆଦିଲ୍ଲୀ,୨୯ ।୭: ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରିୱାଲ ସିଙ୍ଗାପୁର ଗସ୍ତ କରି ପାରିବେ ନାହିଁ । ଦିଲ୍ଲୀ ସରକାରଙ୍କ ପକ୍ଷରୁ ଜାରି ବୟାନରେ କୁହାଯାଇଛି କେନ୍ଦ୍ର ନିକଟରୁ ଜରୁରୀ ଅନୁମତି ମିଳିବାକୁ ନେଇ ବହୁ ସମୟ ନଷ୍ଟ ହୋଇଯାଇଛି । ୨୦ ଜୁଲାଇ ସୁଦ୍ଧା ସିଙ୍ଗାପୁର ଗସ୍ତ ପାଇଁ ଔପଚାରିକତା ପୂରଣ କରିବାର ସମୟ ଥିଲା । ହେଲେ ଉପରାଜ୍ୟପାଳ ୨୧ ଜୁଲାଇକୁ ଏହି ଗସ୍ତ ସହ ଜଡିତ ଫାଇଲକୁ ଫେରସ୍ତ କଲେ । ଦିଲ୍ଲୀ ସରକାର ଏଥିପାଇଁ କେନ୍ଦ୍ରକୁ ଦୋଷୀ ବୋଲି କହିଛନ୍ତି ।
ଏହାପୂର୍ବରୁ ବୈଦେଶିକ ମନ୍ତ୍ରଣାଳୟର ପ୍ରବକ୍ତା ଅରିନ୍ଦମ ବାଗଚି କହିଥିଲେ ଆୟୋଜକ ଦେଶ ସିଙ୍ଗରାପୁର ନିଜ ନିମନ୍ତ୍ରଣରେ ଅପଡେଟ ଓ ପରିବର୍ତ୍ତନ ଦିଲ୍ଲୀ ସରକାରଙ୍କ ସହ ଶେୟାର କରିଛନ୍ତି । ଏହାର ସୂଚନା ଦିଲ୍ଲୀ ସରକାରଙ୍କ ନିକଟରେ ରହିଛି । ମନ୍ତ୍ରଣାଳୟକୁ ୨୧ ଜୁଲାଇରେ କେଜରିୱାଲଙ୍କ ସିଙ୍ଗାପୁର ଗସ୍ତର ରାଜନୈତିକ ମଞ୍ଜୁରୀର ଆବେଦନ ମିଳିଥିଲା । ବୈଦେଶିକ ମନ୍ତ୍ରଣାଳୟର ବୟାନ ଆସିବା ପରେ ଗୁରୁବାର ବିଳମ୍ବିତ ସନ୍ଧ୍ୟାରେ ଦିଲ୍ଲୀ ସରକାର ଉପରାଜ୍ୟପାଳଙ୍କ ନିକଟରେ ମଞ୍ଜୁରୀ ସହ ଜଡିତ ଫାଇଲ କିଛି ଦିନ ହେବ ପଡି ରହିଥିବା କହିଥିଲେ ।
ଜୁଲାଇକୁ ଦିଆଯାଇଥିବା ଫାଇଲକୁ ପ୍ରାୟ ଦେଢ ମାସ ପରେ ୨୧ ଜୁଲାଇରେ ଉପରାଜ୍ୟପାଳ ଫେରସ୍ତ କରିଥିଲେ । ଯେତେବେଳେ ଯାତ୍ରା ସମ୍ପର୍କିତ ଔପଚାରିକତା ପୂରଣ କରିବାର ସମୟ ସୀମା ୨୦ ଜୁଲାଇରେ ଶେଷ ହୋଇଥିଲା । ଦୋଷ ଦିଆଯାଇଛି କି କେନ୍ଦ୍ର ସରକାରଙ୍କ ଉଦ୍ଦେଶ୍ୟ ହେଉଛି ଶିକ୍ଷା ଓ ସ୍ୱାସ୍ଥ୍ୟ ବ୍ୟତୀତ ଦିଲ୍ଲୀରେ ଅନ୍ତର୍ଜାତୀୟ ସ୍ତରରେ କରାଯାଇଥିବା ବିଶ୍ୱ ସ୍ତରୀୟ କାର୍ଯ୍ୟ ବିଷୟରେ ମୁଖ୍ୟମନ୍ତ୍ରୀଙ୍କୁ ଅଟକାଇବା । ଏହାଦ୍ୱାରା ହୁଏତ କେନ୍ଦ୍ରର ଉଦ୍ଦେଶ୍ୟ ପୂରଣ ହୋଇଥାଇପାରେ ହେଲେ ବିଶ୍ୱ ସମୁଦାୟ ମଧ୍ୟରେ ଦେଶକୁ ଅପମାନିତ କରାଯିବା ପାଇଁ କେନ୍ଦ୍ର ସରକାର ଦାୟୀ ।
