ଚାଇନାରେ ଏକ ଅଦ୍ଭୁତ ଘଟଣା ଘଟିଛି। ଜଣେ କୁନି ଝିଅର ପେଟରୁ ୧୯୦ଟି ଚୁମ୍ବକୀୟ ବଲ ବାହାର କରିଛନ୍ତି ଡାକ୍ତର। ପିଲାଟିର ପେଟ ଯନ୍ତ୍ରଣା ହେବା ପରେ ମାତାପିତା ତାଙ୍କୁ ଡାକ୍ତରଖାନାରେ ଭର୍ତ୍ତି କରିଥିଲେ। ଡାକ୍ତରମାନେ ମଧ୍ୟ ଏକ୍ସ-ରେ ଶିଶୁର ପେଟରେ ଶହ ଶହ ଚୁମ୍ବକୀୟ ବଲ ଦେଖି ଆଶ୍ଚର୍ଯ୍ୟ ହୋଇଯାଇଥିଲେ। ପାଞ୍ଚ ବର୍ଷର ଝିଅଟି ଖେଳିବା ସମୟରେ ଏହି ବଲ୍ଗୁଡିକୁ ଗିଳି ଦେଇଥିଲେ। ପ୍ରାୟ ଦୁଇମାସ ଧରି ଶିଶୁ କନ୍ୟା ପେଟରେ ସେହି ବଲ୍ଗୁଡିକ ଥିଲା। ତାଙ୍କ ମା ଡାକ୍ତରମାନଙ୍କୁ କହିଥିଲେ ଯେ ତାଙ୍କ ଝିଅ ଦୁଇମାସ ପୂର୍ବେ ଖେଳନା ସହିତ ଖେଳୁଥିବାବେଳେ ସେ ପ୍ରାୟ ୫୦ ଚୁମ୍ବକୀୟ ବଲ୍ ଗିଳିଥିଲେ। ଏହା ସତ୍ତ୍ୱେ ଝିଅଟିର ମାତାପିତା ଏଥିପ୍ରତି ଧ୍ୟାନ ଦେଇ ନ ଥିଲେ। ସୂଚନା ଅନୁଯାୟୀ, ସେହି ଛୋଟ ଝିଇଟି ଚୁମ୍ବକୀୟ ବଲ୍ ଗିଳିବା ସମୟରେ କୌଣସି ଅସୁବିଧା କିମ୍ବା ଯନ୍ତ୍ରଣା ଅନୁଭବ କରି ନ ଥିଲା। ଦୁଇମାସ ପରେ ଯନ୍ତ୍ରଣା ହେବାରୁ ଝିଅଟିକୁ ଜିନାମ ହସ୍ପିଟାଲକୁ ପରୀକ୍ଷା ପାଇଁ ନିଆଯାଇଥିଲା। ଏହା ପରେ, ଝିଅର ମା ସୋସିଆଲ ମିଡିଆରେ ଏକ ଭିଡିଓ ପୋଷ୍ଟ କରି ଏହି ଖେଳନାଗୁଡ଼ିକ ଗିଳିବାର ବିପଦ ବିଷୟରେ ଅନ୍ୟମାନଙ୍କୁ ସତର୍କ କରାଇଥିଲେ। ଜରୁରୀକାଳୀନ ଅପରେସନ ପରେ ଚାଇନାର ଡାକ୍ତରମାନେ ଚୁମ୍ବକୀୟ ବଲକୁ ଶିଶୁର ପେଟରୁ ବାହାର କରି ଦେଇଛନ୍ତି।
