ଆତ୍ମନିର୍ଭରଶୀଳତା ବନାମ ରକ୍ଷଣଶୀଳତା: ବଢୁଛି ‘ସେକ୍ସ ଟୟ’ ଉଦ୍ୟୋଗ

ନୂଆଦିଲ୍ଲୀ, ୨୬ା୬: କରୋନା ପ୍ରଭାବିତ ଦେଶର ଅର୍ଥବ୍ୟବସ୍ଥା ସୁଧାରିବା ଏବଂ ଗ୍ରାମୀଣ ହସ୍ତଶିଳ୍ପ ସହ କ୍ଷୁଦ୍ର ଉଦ୍ୟୋଗଗୁଡ଼ିକୁ ପ୍ରୋତ୍ସାହିତ କରିବାକୁ କେନ୍ଦ୍ରର ନରେନ୍ଦ୍ର ମୋଦି ସରକାର ‘ଆତ୍ମନିର୍ଭର ଭାରତ’ ନାରା ଦେଇଛନ୍ତି। ଏହାପରେ ଦେଶରେ ଲୁକ୍କାୟିତ ଭାବେ ପ୍ରଭାବ ବିସ୍ତାର କରୁଥିବା ‘ସେକ୍ସ ଟୟ’ ବ୍ୟବସାୟ ଆତ୍ମନିର୍ଭରଶୀଳତା ମନ୍ତ୍ରକୁ ନେଇ ବେଶ୍‌ ଉତ୍ସାହିତ। ଅନ୍ୟପଟେ ସଂସ୍କାରୀ ଭାରତ ସ୍ଲୋଗାନ ଏହି ବ୍ୟବସାୟ ଆଗରେ ପ୍ରତିବନ୍ଧକ ସାଜିବା ଆଶଙ୍କା ମଧ୍ୟ ରହିଛି।
ଜନସଂଖ୍ୟାର ବିସ୍ଫୋରଣ କ୍ଷେତ୍ରରେ ଭାରତ ନିକଟ ଭବିଷ୍ୟତରେ ଚାଇନାକୁ ପଛରେ ପକାଇ ଦେବା ସମ୍ଭାବନା ଜଳଜଳ ହୋଇ ଦିଶୁଛି। ପାଶ୍ଚତ୍ୟ ସଂସ୍କୃତିର ବଢୁଥିବା ଚାପ ନୂଆ ବ୍ୟବସାୟ ଲାଗି ପଥ ମଧ୍ୟ ଉନ୍ମୁକ୍ତ କରୁଛି। ଏସବୁ ଭିତରେ ସାରା ପୃଥିବୀକୁ ଯୌନଜୀବନର ସକାରାତ୍ମକ ବାର୍ତ୍ତା ଦେଇଥିବା ଭାରତ ଭଳି ବିଶାଳ ଦେଶରେ ‘ସେକ୍ସ ଟୟ’ ସମ୍ପର୍କିତ ବ୍ୟବସାୟରେ ଅଭିବୃଦ୍ଧି ଘଟିଛି। ହେଲେ ପ୍ରଚଳିତ ପରମ୍ପରା, ସଂସ୍କୃତି ଏହି ବିଜନେସ୍‌ର ପଥରୋଧ କରୁଛି। ତଥାପି ଆଗାମୀ ଦଶନ୍ଧିରେ ଏହି ଉଦ୍ୟୋଗର ଭବିଷ୍ୟତ ବେଶ୍‌ ଉଜ୍ୱଳ ବୋଲି କୁହାଯାଉଛି।
‘ଆଡଲ୍ଟ ଟୟ’ର ପ୍ରମୁଖ ଅନ୍‌ଲାଇନ୍‌ ଷ୍ଟୋର ‘ବେସରମ ଡଟ୍‌ କମ୍‌’ର ପ୍ରତିଷ୍ଠାତା ରାଜ୍‌ ଅର୍‌ମାନୀଙ୍କ ମତରେ ‘ଯେବେଠାରୁ ସରକାରଙ୍କ ଆତ୍ମନିର୍ଭର ଭାରତ ମନ୍ତ୍ର ଶୁଣିବାକୁ ମିଳିଛି, ସେବେଠାରୁ ଏହି ବ୍ୟବସାୟକୁ ଗତି ମିଳିବ ବୋଲି ଅନୁଭବ ହେଉଛି। ଯଦିଓ ଭାରତରେ ‘ସେକ୍ସ ଟୟ’ ବିକ୍ରି ହେଉଛି, ତଥାପି ଅଧିକାଂଶ ମାଲ୍‌ ବାହାରୁ ଆମଦାନୀ ହେଉଛି। ଏବେ ଦେଶରେ ଏହି ଉଦ୍ୟୋଗକୁ ଅଭିବୃଦ୍ଧି କରିବାକୁ ଅନେକ କମ୍ପାନୀ ଉତ୍ସାହିତ ଅଛନ୍ତି। ଅନୁକୂଳ ବାତାବରଣ ସୃଷ୍ଟି ହେଲେ ଡିସେମ୍ବର ସୁଦ୍ଧା ଭାରତୀୟ ବଜାରରେ ‘ମେଡ୍‌ ଇନ୍‌ ଇଣ୍ଡିଆ’ ଟ୍ୟାଗ୍‌ମାର୍କରେ ‘ଆଡଲ୍ଟ ଟୟ’ର ଅନେକ ଉପକରଣ ଉଭୟ ମହିଳା ଏବଂ ପୁରୁଷଙ୍କ ପାଇଁ ଉପଲବ୍ଧ ହେବ।
କରୋନା ପ୍ରଭାବିତ ଲକ୍‌ଡାଉନ୍‌ ସମୟରେ ପର୍ନ ଓ୍ବେବ୍‌ସାଇଟ୍‌ର ଚାହିଦା ବଢ଼ିଛି। ଏହା ପ୍ରମାଣିତ କରୁଛି ଆମ ସାମାଜିକ ବ୍ୟବସ୍ଥାରେ ଉଗ୍ର ଆଧୁନିକତାର ପଦଧ୍ୱନି ଶୁଭିଲାଣି। ଏଥିରେ ଯୁବପିଢ଼ି ସାମିଲ ହେବା ଭିନ୍ନ ଦିଗକୁ ସୂଚାଉଛି। ଫଳରେ ଯୁବବର୍ଗଙ୍କ ମାନସିକତାକୁ ବୁଝିବା ଭଳି ଉପକରଣଗୁଡ଼ିକୁ ନାମିତ କରିବାକୁ ବିଭିନ୍ନ କମ୍ପାନୀ ଯୋଜନା କରୁଛନ୍ତି। ଭାରତୀୟ ବଜାରରେ ‘ସେକ୍ସ ଟୟ’ କାରବାର ସମ୍ପୂର୍ଣ୍ଣ ଭାବେ ଚାଇନା ଉପରେ ନିର୍ଭରଶୀଳ। ହାରାହାରି ୭୦% ମାଲ୍‌ ଚାଇନାରୁ ଆମଦାନୀ ହୋଇଥାଏ। ଏବେ ଚାଇନା ସହିତ ସମ୍ପର୍କ ବିଗିଡ଼ିବା ପରେ ଦେଶରେ ଏହି ଉଦ୍ୟୋଗକୁ ପରିବର୍ଦ୍ଧିତ କରିବାକୁ ବିଭିନ୍ନ କମ୍ପାନୀ ଅଣ୍ଟା ଭିଡ଼ିଲେଣି। ଏହି ଧାଡ଼ିରେ ଆଗରେ ଅଛନ୍ତି ଦାଟ୍‌ସ ପର୍ସନାଲ, ଲଭଟ୍ରିଟ୍‌ସ, ଇଟ୍‌ସପ୍ଲେଜର, ସାୟକାର୍ଟ, ପ୍ରିଭିପ୍ଲେଜର, କିଂକପିନ୍‌ ଭଳି କମ୍ପାନୀ।
‘ଆଡଲ୍ଟ ଟୟ’ର ବ୍ୟବସାୟ କେବଳ ଦିଲ୍ଲୀ, ମୁମ୍ବାଇ ଭଳି ମେଟ୍ରୋ ସହରରେ ସୀମିତ ହୋଇ ରହିନାହିଁ। ‘ଦାଟ୍‌ସ ପର୍ସନାଲ’ ପକ୍ଷରୁ ଦିଆଯାଇଥିବା ତଥ୍ୟ ଅନୁଯାୟୀ, ୪୮% ମେଟ୍ରୋଠାରୁ ଛୋଟ ସହରରେ, ୪୦% ଟିୟର-୨ ଅର୍ଥାତ୍‌ ସାଧାରଣ ସହରରେ ଏବଂ ୧୨% ଛୋଟ ସହରରେ ଏହି ଖେଳଣା ନିଜର ଉପସ୍ଥିତି ଜାହିର କରିସାରିଲାଣି। ସେହିପରି ‘ଅରମାନୀ ଷ୍ଟୋର’ ନିଜର ୩୭% ବ୍ୟବସାୟ କେବଳ ମେଟ୍ରୋଠୁ ଛୋଟ ସହରରେ କରୁଥିବା କହିଛି। ଦିବ୍ୟା ଚୌହାନଙ୍କ କମ୍ପାନୀ ‘ଇଟ୍‌ସ ପ୍ଲେଜର’ ପକ୍ଷରୁ ମିଳିଥିବା ତଥ୍ୟ ଅନୁଯାୟୀ, ପୂର୍ବରୁ କେବଳ ୭୫% ପୁରୁଷ ‘ସେକ୍ସ ଟୟ’ କ୍ରେତା ଥିଲେ। ଏହି ଟ୍ରେଣ୍ଡରେ ଦ୍ରୁତ ପରିବର୍ତ୍ତନ ପରିଲକ୍ଷିତ ହୋଇଛି। ଏବେ ପୁରୁଷ ମହିଳାଙ୍କ ମଧ୍ୟରେ ଏହି ଅନୁପାତ ୫୦:୫୦ ହୋଇଗଲାଣି। ଛୋଟ ସହରରୁ ମେଟ୍ରୋ ଯାଏ ମହିଳାମାନେ ‘ସେକ୍ସ ଟୟ’କୁ ଯୌନଜୀବନର ସାଥୀ ଭାବେ ଗ୍ରହଣ କରିବା ଆରମ୍ଭ କଲେଣି। ମହାରାଷ୍ଟ୍ର, ପଶ୍ଚିମବଙ୍ଗ, ଆନ୍ଧ୍ରପ୍ରଦେଶ, କର୍ନାଟକ, ତାମିଲନାଡୁ, ଗୁଜରାଟ, ଉତ୍ତରପ୍ରଦେଶ, ମଧ୍ୟପ୍ରଦେଶ ଭଳି ରାଜ୍ୟ ସେକ୍ସଟୟର ପ୍ରମୁଖ ବଜାର ପାଲଟିଛି ବୋଲି ସେ ସୂଚନା ଦେଇଛନ୍ତି।

କ’ଣ କହେ ଆଇନ
ଆଇପିସିର ଦଫା ୨୯୨ ଅନୁଯାୟୀ, ଅଶ୍ଳୀଳତାକୁ ପ୍ରୋତ୍ସାହିତ କରୁଥିବା ସାମଗ୍ରୀର ପ୍ରକାଶନ ଉପରେ ପ୍ରତିବନ୍ଧକ ଜାରି କରାଯାଇଛି। ପୁରୁଣା ଆଇନର ପରିଧିରେ ସେକ୍ସଟୟ ଭଳି ଉଦ୍ୟୋଗ ଦୀର୍ଘଦିନ ହେଲା ଅଣନିଃଶ୍ୱାସୀ ହୋଇପଡ଼ିଛି। ତଥାପି ଆଇନର ଛକାପଞ୍ଝା ଭିତରେ ଏହି କାରବାର ନିଜର ବ୍ୟବସାୟିକ ପରିସର ବଢ଼ାଇ ଚାଲିଛି। ଏହି ବ୍ୟବସାୟରେ ଭଲ ଲାଭ ମିଳୁଥିବା ସତ୍ତ୍ୱେ ନିବେଶ ଏବଂ ବିକାଶର ରାସ୍ତା ସମ୍ପୂର୍ଣ୍ଣ ଉନ୍ମୁକ୍ତ ହୋଇନାହିଁ।
ଭାରତରେ କାରବାର ୮୭୦୦କୋଟି
ଦେଶରେ ‘ସେକ୍ସଟୟ’ କାରବାରର ପ୍ରକୃତ ତଥ୍ୟ ଆକଳନ କରିବା କଷ୍ଟକର ବ୍ୟାପାର। ତଥାପି ଏକ ରିପୋର୍ଟ ଅନୁଯାୟୀ ୨୦୨୦ ସୁଦ୍ଧା ଏହି କାରବାର ୮୭୦୦ କୋଟି ପାର୍‌ କରିସାରିଲାଣି। ଅନ୍ୟ ଏକ ରିପୋର୍ଟ ଅନୁଯାୟୀ ଚଳିତବର୍ଷ ଦେଶରେ ସେକ୍ସଟୟ ସମ୍ପର୍କିତ ଉପକରଣର ବ୍ୟବସାୟ ୧୨୦ ବିଲିୟନ ଟଙ୍କା ଟପିବ ବୋଲି ଅନୁମାନ କରାଯାଉଛି। ସେହିପରି ସାରା ଦୁନିଆରେ ଏହାର କାରବାର ୨୯ ବିଲିୟନ ଡଲାର ଟପିବ ବୋଲି କୁହାଯାଉଛି।


Enter your email to get our daily news in your inbox.

All Right Reserved By Dharitri.Com

‘ଭାରତରେ ନାହିଁ ଗୋଷ୍ଠୀ ସଂକ୍ରମଣ’

ନୂଆଦିଲ୍ଲୀ,୧୧ା୪: ବିଭିନ୍ନ ଦେଶରେ କରୋନା ଭୂତାଣୁ ସଂକ୍ରମଣ ସମ୍ପର୍କିତ ‘ସ୍ଥିତି ରିପୋର୍ଟ’ରେ ତ୍ରୁଟି ଥିବା ବିଶ୍ୱ ସ୍ବାସ୍ଥ୍ୟ ସଂଗଠନ (ଡବ୍ଲ୍ୟୁଏଚ୍‌ଓ) ସ୍ବୀକାର କରିଛି। ପୂର୍ବରୁ ପ୍ରକାଶିତ...

କରୋନାରେ ରେଳ ରାଷ୍ଟ୍ରମନ୍ତ୍ରୀ ସୁରେଶ ଅଙ୍ଗାଡିଙ୍କ ପରଲୋକ

ନୂଆଦିଲ୍ଲୀ, ୨୩।୯: କରୋନାରେ ପୀଡ଼ିତ ରେଳ ରାଷ୍ଟ୍ରମନ୍ତ୍ରୀ ସୁରେଶ ଅଙ୍ଗାଡିଙ୍କର ବୁଧବାର ଦିଲ୍ଲୀ ଏମ୍ସରେ ଚିକିତ୍ସାଧୀନ ଅବସ୍ଥାରେ ପରଲୋକ ଘଟିଛି। ମୃତ୍ୟୁବେଳକୁ ତାଙ୍କୁ ୬୫ ବର୍ଷ...

ବିବାହରେ ନିଜ ଓଜନର ବହି ମାଗିଲେ କନ୍ୟା

ଗାନ୍ଧିନଗର,୧୩।୨: ବିବାହରେ ଜଣେ କନ୍ୟା ବାପାଙ୍କୁ କୌଣସି ମୂଲ୍ୟବାନ ଦ୍ରବ୍ୟ ବଦଳରେ ନିଜ ଓଜନର ବହି ମାଗିଛନ୍ତି। ଏଭଳି ଘଟଣା ଗୁଜରାଟରେ ଘଟିଛି। ଏହା ଏବେ...

ଭୋପାଳ ନାବାଳିକାଙ୍କୁ ବଳାତ୍କାର ପରେ ହତ୍ୟା ଘଟଣା: ଅନ୍ତିମ ସଂସ୍କାରରେ ସାମିଲ ହେଲେ ଦିଗ୍‌ବିଜୟ

ଭୋପାଳ, ୧୦।୬: ମଧ୍ୟପ୍ରଦେଶର କମଳାନଗରରେ ଜଣେ ନାବାଳିକାଙ୍କ ବଳାତ୍କାର ପରେ ତଣ୍ଟିଚିପି ହତ୍ୟା କରାଯାଇଛି। ଏଭଳି ଲଜ୍ଜାଜନକ ଘଟଣା ଯୋଗୁ ସାରା ଦେଶରେ ଚାଞ୍ଚଲ୍ୟ ଖେଳିଯାଇଥିବାବେଳେ...

ଆର୍‌ଏସ୍‌ଏସ୍‌ ଖୋଲିବ ସୈନିକ ସ୍କୁଲ

ନୂଆଦିଲ୍ଲୀ,୨୯।୭: ଆର୍‌ଏସ୍‌ଏସ୍‌ ପକ୍ଷରୁ ଉତ୍ତରପ୍ରଦେଶରେ ସୈନିକ ସ୍କୁଲ ଖୋଲାଯିବା ପାଇଁ ଯୋଜନା ପ୍ରସ୍ତୁତ କରାଯାଇଛି। ଏଠାରେ ଶିକ୍ଷାର୍ଥୀଙ୍କୁ ସେନା ଅଧିକାରୀ ହେବା ପାଇଁ ତାଲିମ୍‌ ଦିଆଯିବ।...

ଦେଶବ୍ୟାପି ଏନ୍‌ଆର୍‌ସିକୁ ନେଇ ଶାହ-ମମତା ମୁହାଁମୁହିଁ

ନୂଆଦିଲ୍ଲୀ,୨୦।୧୧: ଦେଶବ୍ୟାପି ଏନ୍‌ଆର୍‌ସି ଲାଗୁହେବ ବୋଲି ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ବୁଧବାର ରାଜ୍ୟସଭାରେ ପ୍ରଶ୍ନକାଳରେ ନିଜର ଉତ୍ତର ରଖିଛନ୍ତି। ଧର୍ମ ବର୍ଣ୍ଣ ନିର୍ବିଶେଷରେ ସଭିଏଁ...

୩୨୫ ଜିଲାରେ ହୋଇନାହିଁ କରୋନା ସଂକ୍ରମଣ

ନୂଆଦିଲ୍ଲୀ,୧୬।୪: ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବଢି ଚାଲିଥିବା ବେଳେ ଏବେ ଏହା ୧୨ ହଜାର ଅତିକ୍ରମ କରି ସାରିଲାଣି। ହେଲେ ଦେଶର ପ୍ରାୟ ୩୨୫...

ଦ୍ୱିତୀୟ ଇନିଂସ୍‌ରେ ପ୍ରଥମେ ମାଲଦିଭିସ୍‌ ଗସ୍ତ କରିବେ ମୋଦି

ନୂଆଦିଲ୍ଲୀ,୨୭।୫: ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଦ୍ୱିତୀୟ ଥର ଲାଗି ଶାସନ ଭାର ସମ୍ଭାଳିବାକୁ ଯାଉଥିବା ବେଳେ ପ୍ରଥମେ ସେ ବିଦେଶ ଗସ୍ତ କାର୍ଯ୍ୟକ୍ରମରେ ମାଲଦିଭିସ୍‌ ଗସ୍ତ...

Play 250+ Trending Games
Archives

Model This Week

Why Dharitri