ସୁରକ୍ଷିତ ନୁହେଁ ସୁରକ୍ଷା ବ୍ୟବସ୍ଥା

ଅନୁଗୋଳ ଅଫିସ, ୩ା୯ ପୁଣି ପଦାରେ ପଡ଼ିଛି ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟର ସୁରକ୍ଷା ବ୍ୟବସ୍ଥା। ପୂର୍ବରୁ ଡାକ୍ତରଖାନା ମଧ୍ୟରୁ ବିଭିନ୍ନ ସାମଗ୍ରୀ ଚୋରି ହେଉଥିବାବେଳେ ଦଲାଲମାନଙ୍କ କଥାରେ ଚିକିତ୍ସା ସେବା ପରିଚାଳିତ ହେଉଥିବା ବାରମ୍ବାର ଅଭିଯୋଗ ହେଉଥିଲା। କିନ୍ତୁ ଏ ଦିଗରେ ଅଧିକାରୀମାନେ ତତ୍ପରତା ନ ଦେଖାଇବାରୁ ଗତ ବୁଧବାର ଜଣେ ମାନସିକ ରୋଗୀ ୩ୟ ମହଲା ଝରକା ତାଜା ଉପରକୁ ଚଢ଼ି ଆତ୍ମହତ୍ୟା ପାଇଁ ଉଦ୍ୟମ କରିବା ଚର୍ଚ୍ଚାର ବିଷୟ ହୋଇଛି। ଏହି ଘଟଣା ମେଡିକାଲର ସୁରକ୍ଷା ବ୍ୟବସ୍ଥା ଯେ ଆଦୌ ସୁରକ୍ଷିତ ନୁହେଁ ତାହା ଦର୍ଶାଉଛି।
ଅନୁଗୋଳ ଜିଲାରେ ଥିବା ସରକାରୀ ମେଡିକାଲଗୁଡ଼ିକରେ ମୋଟ ୧୭୫ ଜଣ ସୁରକ୍ଷା କର୍ମୀଙ୍କୁ ନିୟୋଜିତ କରାଯାଇଛି। ସେମାନଙ୍କ ମଧ୍ୟରୁ କେବଳ ଜିଲା ମୁଖ୍ୟ ଚିକିତ୍ସାଳୟରେ ୮୩ ଜଣ ସୁରକ୍ଷା କର୍ମୀଙ୍କୁ ମୁତୟନ କରାଯାଇଛି। କିନ୍ତୁ ଏତେ ସଂଖ୍ୟକ କର୍ମଚାରୀ ସୁରକ୍ଷା ଦାୟିତ୍ୱରେ ଥିଲେ ମଧ୍ୟ ଜିଲା ମୁଖ୍ୟ ଚିକିତ୍ସାଳୟରେ ବିଭିନ୍ନ ସମୟରେ ଅଘଟଣମାନ ଘଟୁଛି। ବେଳେ ବେଳେ ବିଭିନ୍ନ ୱାର୍ଡରୁ ରୋଗୀ ବେଡ୍‌ରୁ ଉଠି କେଉଁଆଡ଼େ ପଳାଇ ଯାଉଛନ୍ତି। ଅତୀତରେ ଏପରି ଅନେକ ଘଟଣା ନେଇ ଥାନାରେ ଅଭିଯୋଗ କରାଯାଇଛି। ସେହିପରି ମେଡିକାଲରୁ ଯନ୍ତ୍ରାଂଶ, ରୋଗୀଙ୍କ ଟଙ୍କା, ମୋବାଇଲ ଚୋରି ନିତିଦିନିଆ ଘଟଣାରେ ପରିଣତ ହୋଇଛି। ଦଲାଲମାନେ ବିଭିନ୍ନ ଓ୍ବାର୍ଡ ବୁଲି ରୋଗୀ ଓ ସେମାନଙ୍କ ସମ୍ପର୍କୀୟଙ୍କୁ ନାନା ଉପାୟରେ ଠକେଇ କରୁଛନ୍ତି। ମେଡିକାଲ ଭଲଭାବେ ପରିଚାଳନା ପାଇଁ ଜଣେ ପରିଚାଳକ ନିଯୁକ୍ତି ପାଇଛନ୍ତି। ଜିଲା ମୁଖ୍ୟ ଚିକିତ୍ସାଧିକାରୀଙ୍କ ସହ ଏଡିଏମ୍‌ଓ(ମେଡିକାଲ) ଦାୟିତ୍ୱରେ ଅଛନ୍ତି। କିନ୍ତୁ ସମସ୍ତ ବ୍ୟବସ୍ଥା ଠିକ୍‌ ଭାବେ ତଦାରଖ ହୋଇପାରୁ ନାହିଁ। ମେଡିକାଲରେ ଶହେ ଶଯ୍ୟା ବିଶିଷ୍ଟ ନୂଆ ୱାର୍ଡ ସହ ଆଇସିୟୁ ଗୃହ ନିର୍ମାଣ କାର୍ଯ୍ୟ ଜାରି ରହିଛି। ଠିକା ସଂସ୍ଥା ଅଧାପନ୍ତରିଆ କାର୍ଯ୍ୟ କରି ଛାଡ଼ିଦେଇଛି। ସେହିପରି ମେଡିକାଲ ବଡ଼ ଅଟ୍ଟାଳିକାର ଛାତ କବାଟ ସର୍ବଦା ଖୋଲା ରହୁଛି। ଯେଉଁ ଝରକା ଦେଇ ମାନସିକ ରୋଗୀ ଜଣଙ୍କ ତାଜା ଉପରକୁ ଚଢ଼ିଯାଇଥିଲେ, ତାହା ମଧ୍ୟ ଏଯାଏ ବନ୍ଦ ହୋଇନାହିଁ। ହେଲେ ଏସବୁ ତଦାରଖ ପାଇଁ ମେଡିକାଲ କର୍ତ୍ତୃପକ୍ଷଙ୍କ ନିକଟରେ ଯେପରି ସମୟ ନାହିଁ। ଏହି କାରଣରୁ ଜିଲା ମୁଖ୍ୟ ଚିକିତ୍ସାଳୟ ସର୍ବଦା ବିବାଦରେ ରହୁଥିବା ସଚେତନ ନାଗରିକମାନେ ମତପୋଷଣ କରିଛନ୍ତି।
କଡ଼ା ନଜର ରଖାଯିବ
ଜିଲା ମୁଖ୍ୟ ଚିକିତ୍ସାଳୟ ୩ୟ ମହଲା ଝରକା ତାଜା ଉପରକୁ ଜଣେ ମାନସିକ ରୋଗୀ ଚଢ଼ିଯିବା ଘଟଣା ପରେ ସୁରକ୍ଷା ବ୍ୟବସ୍ଥାକୁ କଡ଼ାକଡ଼ି କରାଯାଉଛି। ପୁନର୍ବାର ଏଭଳି ଘଟଣା ଯେମିତି ନ ଘଟେ, ସେ ନେଇ ବ୍ୟବସ୍ଥା କରାଯାଉଛି। ମେଡିକାଲର ସମସ୍ତ ସୁରକ୍ଷା କର୍ମୀଙ୍କୁ ଡକାଯାଇ କଡ଼ା ନଜର ରଖିବାକୁ କୁହାଯାଇଛି।
– ମାନସ ରଞ୍ଜନ ବିଶ୍ୱାଳ, ଏଡିଏମ୍‌ଓ(ମେଡିକାଲ)
ବ୍ୟବସ୍ଥାରେ ସୁଧାର ଆସୁନାହିଁ
ଜିଲା ମୁଖ୍ୟ ଚିକିତ୍ସାଳୟରେ ଭିତ୍ତିଭୂମି ବଢ଼ିଛି। ଅଧିକାରୀଙ୍କ ଠାରୁ କର୍ମଚାରୀଙ୍କ ଯାଏ, ସଂଖ୍ୟା ବୃଦ୍ଧି ପାଇଛି। କିନ୍ତୁ ମନୋମୁଖୀ ଭାବେ କାର୍ଯ୍ୟ କରାଯାଉଥିବାରୁ ବ୍ୟବସ୍ଥାରେ ସୁଧାର ଅସୁନାହିଁ। ଏ ନେଇ ଅଧିକାରୀମାନେ ସଚେତନ ରହିବା ଆବଶ୍ୟକ। ବିଭିନ୍ନ ୱାର୍ଡର କର୍ମଚାରୀ ଓ ସୁରକ୍ଷା କର୍ମୀ ରୋଗୀଙ୍କ ଉପରେ ନଜର ରଖନ୍ତୁ।
– କଲ୍ୟାଣ କିଶୋର ମହାନ୍ତି, ପୂର୍ବତନ ସଦସ୍ୟ, ରୋଗୀ କଲ୍ୟାଣ ସମିତି
ଉପଯୁକ୍ତ ତଦାରଖ କରାଯାଉ
ଆତ୍ମହତ୍ୟା ଉଦ୍ଦେଶ୍ୟରେ ତାଜା ଉପରକୁ ଜଣେ ମାନସିକ ରୋଗୀ ଚଢ଼ିଯିବା ଘଟଣାରୁ ମେଡିକାଲ କର୍ତ୍ତୃପକ୍ଷ କିଛି ଶିକ୍ଷା ଲାଭ କରିବା ଆବଶ୍ୟକ। କେବଳ ଶୀତତାପ ନିୟନ୍ତ୍ରିତ ଗୃହରେ ବସି ଦାୟିତ୍ୱ ବୁଝିଲେ ହେବ ନାହିଁ। ମେଡିକାଲ ପରିସରରେ କ’ଣ ଘଟୁଛି ତାହାର ଉପଯୁକ୍ତ ତଦାରଖ ଜରୁରୀ।
– ସୁବୋଧ କୁମାର ମିଶ୍ର, ପୂର୍ବତନ ସଦସ୍ୟ, ରୋଗୀ କଲ୍ୟାଣ ସମିତି
ଦଲାଲଙ୍କ କଥାରେ ପରିଚାଳନା
କେବଳ ମୁଖ୍ୟ ଚିକିତ୍ସାଳୟ ନୁହେଁ, ଜିଲାରେ ଥିବା ବିଭିନ୍ନ ସରକାରୀ ସ୍ବାସ୍ଥ୍ୟକେନ୍ଦ୍ରରେ ଅବ୍ୟବସ୍ଥା ରହିଛି। କିନ୍ତୁ ତାହାକୁ ସୁଧାରିନେବା ପରିବର୍ତ୍ତେ କର୍ତ୍ତୃପକ୍ଷ ସର୍ବଦା ତାହାକୁ ଘୋଡ଼ାଇଦେବାରେ ବ୍ୟସ୍ତ ରହୁଛନ୍ତି। ଦଲାଲ୍‌ମାନଙ୍କ କଥାରେ ପରିଚାଳିତ ହୋଇ କାର୍ଯ୍ୟ କରୁଛନ୍ତି।
– ବରଦା ପ୍ରସନ୍ନ ଦାସ, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

ଦରବୃଦ୍ଧିକୁ ବିଜେଡିର ବିରୋଧ

ଭୁବନେଶ୍ୱର,୩୧।୧୦(ବ୍ୟୁରୋ): ପେଟ୍ରୋଲ, ଡିଜେଲ ଓ ଏଲ୍‌ପିଜି ସମେତ ଆବଶ୍ୟକ ସାମଗ୍ରୀର ଅହେତୁକ ଦର ବୃଦ୍ଧି ଘଟିଛି। ଏହା ବିରୋଧରେ ବିଜୁ ଜନତା ଦଳ ଯୁଦ୍ଧଂ ଦେହି...

ସେକେଣ୍ଡାରି ସ୍କୁଲ ଗ୍ରାଣ୍ଟ ହରିଲୁଟ

ଯାଜପୁର ଅଫିସ,୨୫ା୫: ସମଗ୍ର ଶିକ୍ଷା ଯୋଜନାରେ ଯାଜପୁର ଜିଲାରେ ବିପୁଳ ଅର୍ଥ ବ୍ୟୟରେ ଅନେକ ପ୍ରକଳ୍ପ ନିର୍ମାଣ ହେଉଛି। ୨୦୧୭-୧୮ ଏବଂ ୨୦୧୯-୨୦ ବର୍ଷରେ ମାଧ୍ୟମିକ...

୧୭ ୟୁନିଟ୍‌, ମୂଲ୍ୟାୟନ କରିବେ ୩୪୯ ଜଣ

ଅନୁଗୋଳ ଅଫିସ୍‌, ୧୯।୩: ଅନୁଗୋଳ ଜିଲାରେ ଗୁରୁବାରଠାରୁ ମାଟ୍ରିକ୍‌ ପରୀକ୍ଷା ଖାତା ଦେଖା ଆରମ୍ଭ ହେବ। ଅନୁଗୋଳ ଉଚ୍ଚ ବିଦ୍ୟାଳୟରେ ଏହି ମୂଲ୍ୟାୟନ କରାଯିବ ବୋଲି ଜିଲା...

ରାଉରକେଲାର ୩ ନୂଆ ପଜିଟିଭ୍‌ଙ୍କ ତଥ୍ୟ ଦେଲା ସ୍ବାସ୍ଥ୍ୟ ବିଭାଗ: ଆକ୍ରାନ୍ତଙ୍କ ମଧ୍ୟରେ ଜଣେ ପୁରୁଷ, ୨ ମହିଳା

ଭୁବନେଶ୍ୱର,୨୬।୪(ବ୍ୟୁରୋ): ରାଜ୍ୟରେ କରୋନା ଆକ୍ରାନ୍ତଙ୍କ ସଂଖ୍ୟା ଶହେ ପାର କରିଛି। ରବିବାର ଆଉ ୩ ଆକ୍ରାନ୍ତ ଚିହ୍ନଟ ହେବା ପରେ ମୋଟ ସଂକ୍ରମିତଙ୍କ ସଂଖ୍ୟା ୧୦୩ରେ...

ପିଏମ୍‌ଜିଏସ୍‌ଓ୍ବାଇ ରାସ୍ତା ନିର୍ମାଣକୁ ନେଇ ବିଧାନସଭାରେ ଉଦ୍‌ବେଗ

ଭୁବନେଶ୍ୱର,୧୮।୨(ବ୍ୟୁରୋ): ୨୦୧୮-୧୯ ଆର୍ଥିକ ବର୍ଷରେ ପ୍ରଧାନମନ୍ତ୍ରୀ ଗ୍ରାମ ସଡ଼କ ଯୋଜନା-୨(ପିଏମ୍‌ଜିଏସ୍‌ଓ୍ବାଇ)ରେ କେନ୍ଦ୍ର ସରକାର ୬୫୦ଟି ରାସ୍ତାର ଉନ୍ନତୀକରଣ ପାଇଁ ୧୬୧୫.୫୧ କୋଟି ଟଙ୍କା ଅନୁମୋଦନ କରିଛନ୍ତି।...

ରେକର୍ଡ ବିଜୟ ପରେ ମୁଖ୍ୟମନ୍ତ୍ରୀଙ୍କୁ ଭେଟିଲେ ରୀତା, ଜିତିବାର ଶ୍ରେୟ ସଭାପତିଙ୍କୁ ଦେଲେ

ଭୁବନେଶ୍ୱର,୨୫।୧୦(ବ୍ୟୁରୋ): ବରଗଡ଼ ଜିଲା ବିଜେପୁର ଉପନିର୍ବାଚନରେ ବଡ଼ ବ୍ୟବଧାନରେ ବିଜୟ ହାସଲ କରି ରାଜ୍ୟରେ ରେକର୍ଡ ସୃଷ୍ଟି କରିଛନ୍ତି ବିଜେଡି ପ୍ରାର୍ଥୀ ରୀତା ସାହୁ। ଏହି...

ଲୁଣା ନଦୀରୁ ମୃତ ଥଣ୍ଟିଆ କୁମ୍ଭୀର ଉଦ୍ଧାର

ମହାକାଳପଡ଼ା,୫|୪(ଡି.ଏନ୍.ଏ.)- କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ ଜୟଚନ୍ଦ୍ରପୁର ଗ୍ରାମ ନିକଟ ଲୁଣା ନଦୀ ଗାଧୁଆ ତୁଠରୁ ଚାରି ଫୁଟ ଲମ୍ବର ମୃତ ଥଣ୍ଟିଆ କୁମ୍ଭୀରକୁ ଲୋକେ...

‘ଲକ୍‌ଡାଉନରେ ଥାନାକୁ ଆସନ୍ତୁ ନାହିଁ’

ଭୁବନେଶ୍ୱର,୬।୫: ଲକ୍‌ଡାଉନ ସମୟରେ ଥାନାକୁ ଆସିବା ଦରକାର ନାହିଁ। କାହାର କୌଣସି ଅଭିଯୋଗ ଥିଲେ ଫୋନ ଯୋଗେ ଥାନାରେ ରିପୋର୍ଟ କରନ୍ତୁ। ଗୁରୁବାର ଜନସାଧାରଣଙ୍କୁ ଏଭଳି...

Advertisement
Archives

Model This Week