ତାଳଚେର,୨୫।୮(ମନୋଜ ନନ୍ଦ): ଅନୁଗୋଳ ଜିଲା ତାଳଚେର ଚାଇଁପାଳ ଓଭର ବ୍ରିଜ ନିକଟରେ ଏକ ମର୍ମନ୍ତୁଦ ସଡ଼କ ଦୁର୍ଘଟଣା ଘଟିଛି। ଏଠାରେ ଏକ ସ୍କୁଟିକୁ ଧକ୍କା ଦେଇଛି ଟ୍ରକ। ଘଟଣାସ୍ଥଳରେ ସ୍ତ୍ରୀଙ୍କ ମୃତ୍ୟୁ ଘଟିଥିବାବେଳେ ସ୍ବାମୀ ଗୁରୁତର ଆହତ ହୋଇଛନ୍ତି।
ସୂଚନାଯୋଗ୍ୟ, ତାଳଚେରରୁ ଆଜି ସ୍ବାମୀ ଓ ସ୍ତ୍ରୀ ଏକ ସ୍କୁଟି ଯୋଗେ କାମାକ୍ଷାନଗର ଯାଉଥିବାବେଳେ ଚାଇଁପାଳଠାରେ ଏକ ଟ୍ରକ ସ୍କୁଟିକୁ ଧକ୍କା ଦେଇଥିଲା। ଦୁର୍ଘଟଣାରେ ସ୍ତ୍ରୀ ସାବିତ୍ରୀ ବେହେରାଙ୍କର ମୃତ୍ୟୁ ହୋଇଥିବା ବେଳେ ସ୍ବାମୀ ଭୁବନ ବେହେରା ଆହତ ହୋଇଥିବା ଜଣାପଡ଼ିଛି। ଉଭୟ ଦମ୍ପତି ହିନ୍ଦୋଳ କଂସରା ଗାଁର ବୋଲି ସୂଚନା ମିଳିଛି।
ଭୁବନ କାମାକ୍ଷାନଗରର ପଶୁ ଚିକିତ୍ସାଳୟରେ ସହାୟକ ଭାବେ କାର୍ଯ୍ୟରତ ଥିବାବେଳେ ନାତୁଣୀଙ୍କ ଜନ୍ମଦିନରେ ନିଜ ଗାଁକୁ ଯୋଗଦେବାକୁ ଯାଇଥିଲେ ଓ ଗ୍ରାମରୁ କର୍ଯ୍ୟସ୍ଥଳକୁ ଫେରୁଥିବାବେଳେ ଆଜି ଚାଇଁପାଳଠାରେ ଦୁର୍ଘଟଣାର ସମ୍ମୁଖୀନ ହୋଇଥିଲେ। ଦୁର୍ଘଟଣାଗ୍ରସ୍ତ ଟ୍ରକକୁ ଜବତ କରି ତାଳଚେର ପୋଲିସ ଘଟଣାର ଅଧିକ ତଦନ୍ତ ଜାରି ରଖିଛି।
Dharitri – Odisha’s No.1 Odia Daily
