ମୁମ୍ବାଇ: ବଲିଉଡ୍ ବିୟୁଟି ସାରା ଅଲି ଖାଁ ଏବେ ସମସ୍ତଙ୍କ ଦୃଷ୍ଟି ଆକର୍ଷଣ କରୁଛନ୍ତି । ସେ ଆଜିକାଲି ଭକ୍ତ ଭାବେ ଯେମିତି ଉଭା ହୋଇଛନ୍ତି ଏହି ନାୟିକା । ଲଗାତାର ଭାବେ ସାରା ମନ୍ଦିର ଓ ମସଜିଦ ଯିବାର ଫଟୋ ସୋସିଆଲ ମିଡିଆରେ ଶେୟାର କରୁଛନ୍ତି । ନିକଟରେ ସେ ଏକ ସୁନ୍ଦର ଫଟୋ ଶେୟାର କରିଥିଲେ । ଯାହାପରେ ତାଙ୍କୁ ଟ୍ରୋଲର ସାମ୍ନା କରିବାକୁ ପଡିଛି । ସାରା କାମାକ୍ଷା ମନ୍ଦିର ଦର୍ଶନ କରିବାର ଏକ ଫଟୋ ସୋସିଆଲ ମିଡିଆରେ ଶେୟାର କରିଥିଲେ । ହ୍ୱାଇଟ କଲର ସାଲୱାରେ ଖୁବ୍ ସୁନ୍ଦର ଲାଗୁଥିଲେ ଏହି ନାୟିକା । ଏହାସହ କ୍ୟାପଶନରେ ଲେଖିଥିଲେ ଶାନ୍ତି, ଧନ୍ୟ ଓ କୃତଜ୍ଞ । ହେଲେ ଏହି ଫଟୋ ଦେଖିବା ପରେ ସୋସିଆଲ ମିଡିଆ ୟୁଜର୍ସ ତାଙ୍କୁ ଟ୍ରୋଲ କରିଛନ୍ତି । ଅର୍ଥାତ୍ ତାଙ୍କ ଧର୍ମକୁ ନେଇ ପ୍ରଶ୍ନ ଉଠାଇଛନ୍ତି । ଜଣେ ୟୁଜର୍ସ ଲେଖିଛନ୍ତି ସାରା ଆପଣ କେଉଁ ଧର୍ମ ଫଲୋ କରୁଛନ୍ତି, ହିନ୍ଦୁ ନା ମୁସଲିମ । ଅନ୍ୟ ଜଣେ ଲେଖିଛନ୍ତି ଆପଣ ହିନ୍ଦୁ ନା ମୁସଲିମ । ଆଉ ଜଣେ ଲେଖିଛନ୍ତି, ତୁମେ ମୁସଲିମ ହୋଇ ନ ପାର । ଯାହା ବି ହେଉ ନିକଟରେ ସାରା ‘ଅତରଙ୍ଗି’ରେ ନଜର ଆସିବେ । ଏଥିରେ ଅକ୍ଷୟ କୁମାର ଓ ଧନୁଷଙ୍କୁ ମଧ୍ୟ ଦେଖିବୁ ମିଳିବ ।
