ଶ୍ରୀଲଙ୍କା କ୍ରିକେଟର କିମ୍ବଦନ୍ତୀ ସନଥ ଜୟସୁରିଆ ଆଜି ୫୨ ତମ ଜନ୍ମଦିନ ପାଳନ କରୁଛନ୍ତି। ସେ ୯୦ ଦଶକରେରେ ଦୁନିଆର ଅନ୍ୟତମ ବିପଜ୍ଜନକ ବ୍ୟାଟ୍ସମ୍ୟାନ ଥିଲେ। କ୍ୟାରିୟର ଆରମ୍ଭରେ ସେ ଜଣେ ବୋଲର ଥିଲେ କିନ୍ତୁ ୧୯୯୬ ମସିହାରେ ଜୟସୁରିଆଙ୍କୁ ରାତାରାତି ଓପନର୍ କରାଯାଇଥିଲା ଏବଂ ଏହା ପରେ ସମଗ୍ର ବିଶ୍ୱ କ୍ରିକେଟର ଭାଗ୍ୟ ବଦଳିଗଲା। ଜୟସୁରିଆଙ୍କ କ୍ୟାରିୟରର ଏକ ମୋଡ଼ ତାଙ୍କୁ ଜଣେ ବୋଲରଙ୍କଠାରୁ ମହାନ ଓପନର୍ କରିଥିଲା । ଜୟସୁରିୟା ୧୧୦ଟି ଟେଷ୍ଟରେ ୬୯୭୩ ରନ ସଂଗ୍ରହ କରିଥିଲେ। ସେଥିରେ ୧୪ ଶତକ ଅନ୍ତର୍ଭୁକ୍ତ ଥିଲା।
ସନାଥ ଜୟସୁରିଆ ପ୍ରଥମେ ୧୯୮୮ ଅଣ୍ଡର -୧୯ ବିଶ୍ୱକପରେ ଶ୍ରୀଲଙ୍କା ଦଳର ପ୍ରତିନିଧିତ୍ୱ କରିଥିଲେ ଏବଂ ପରେ ପାକିସ୍ତାନ ଗସ୍ତ ପାଇଁ ଶ୍ରୀଲଙ୍କାର ବି ଦଳରେ ମନୋନୀତ ହୋଇଥିଲେ। ପାକିସ୍ତାନ ଯାଇ ସେ ଦୁଇଟି ଦ୍ୱିଶତକ ହାସଲ କରିଥିଲେ ଏବଂ ପରେ ଜୟସୁରିଆ ଶ୍ରୀଲଙ୍କା ଦଳରେ ଖେଳିବାର ସୁଯୋଗ ପାଇଲେ। ୧୯୮୯ରେ ମେଲବର୍ଣ୍ଣ କ୍ରିକେଟ ଗ୍ରାଉଣ୍ଡରେ ଜୟସୁରିଆ ଅଷ୍ଟ୍ରେଲିଆ ବିପକ୍ଷରେ ଡେବ୍ୟୁ କରିଥିଲେ। ସେ ପାଞ୍ଚ ନମ୍ବରରେ ବ୍ୟାଟିଂ କରିବାକୁ ବାହାରି ମାତ୍ର ୩ ରନ ସ୍କୋର କରିବା ପରେ ଆଉଟ୍ ହୋଇଥିଲେ। ଜୟସୁରିୟାଙ୍କ କ୍ୟାରିଅର୍ ବହୁତ ଖରାପ ଆରମ୍ଭ ହୋଇଥିଲା ଏବଂ ଏହି ଚକ୍ର ୪ ବର୍ଷ ପର୍ଯ୍ୟନ୍ତ ଚାଲିଥିଲା। ଜୟସୁରିଆ ୩୩ ଇନିଂସ ପାଇଁ ଗୋଟିଏ ଅର୍ଦ୍ଧଶତକ ହାସଲ କରି ନ ଥିଲେ। ୨୮ ଅକ୍ଟୋବର ୧୯୯୩ ପର୍ଯ୍ୟନ୍ତ ତାଙ୍କର ସର୍ବୋତ୍ତମ ସ୍କୋର ମାତ୍ର ୩୪ ରନ ଥିଲା। ଏହା ପରେ ଶାରଜାଠାରେ ଖେଳାଯାଇଥିବା ଚାମ୍ପିଅନ୍ସ ଟ୍ରଫିରେ ପାକିସ୍ତାନ ବିପକ୍ଷରେ ତାଙ୍କୁ ୩ ନମ୍ବରରେ ବ୍ୟାଟିଂ କରିବାକୁ ପଡ଼ିଆକୁ ଓହ୍ଲାଇଥିଲେ ଏବଂ ତାଙ୍କ କ୍ୟାରିୟରର ପ୍ରଥମ ଅର୍ଦ୍ଧଶତକ ହାସଲ କରିଥିଲେ।
୧୯୯୪ ମସିହାରେ ଶ୍ରୀଲଙ୍କା ଦଳ ଜୟସୁରିଆଙ୍କୁ ଓପନର୍ ଭାବରେ ବ୍ୟାଟିଂ କରିବାକୁ ଆଣିଥିଲା। ପାକିସ୍ତାନ ଦଳ ଶ୍ରୀଲଙ୍କା ଗସ୍ତରେ ଆସିଥିଲା ଏବଂ ଜୟସୁରିଆ ତିନି ମ୍ୟାଚ ବିଶିଷ୍ଟ ସିରିଜର ତିନୋଟି ମ୍ୟାଚରେ ଅର୍ଦ୍ଧଶତକ ହାସଲ କରିଥିଲେ। ତଥାପି ଜୟସୁରିୟା ଶ୍ରୀଲଙ୍କା ଦଳରେ ସ୍ଥାୟୀ ନ ଥିଲେ, ତାଙ୍କ ବ୍ୟାଟିଂ କ୍ରମରେ ପରିବର୍ତ୍ତନ ଆସୁଥିଲା। ଏହା ପରେ, ୮ ଡିସେମ୍ବର ୧୯୯୪ରେ, ଜୟସୁରିଆ ନିଜ ବ୍ୟାଟ ସହିତ ପ୍ରଥମ ବଡ ସ୍କୋର କରିଥିଲେ। ସେ ଦକ୍ଷିଣ ଆଫ୍ରିକା ମାଟିରେ ନ୍ୟୁଜିଲାଣ୍ଡ ବିପକ୍ଷରେ ଓପନର୍ ଭାବରେ ୧୪୦ ରନ ସଂଗ୍ରହ କରିଥିଲେ। ଏହାପରଠାରୁ ତାଙ୍କ ଭାଗ୍ୟ ବଦଳି ଯାଇଥିଲା। ଜୟସୁରିଆ ଦିନିକିଆ କ୍ରିକେଟ ରେ ୩୮୩ ମ୍ୟାଚ ଖେଳିଥିଲେ। ସେ ୧୨ ହଜାରରୁ ଅଧିକ ରନ କରିଥିଲେ। ଲଥିରେ ୨୮ଟି ଶତକ ସାମିଲ ଥିଲା।
