ସାଉଥାମ୍ପଟନ,୩।୭(ପି.ଟି.): ଇଂଲଣ୍ଡ ଅଲରାଉଣ୍ଡର ସାମ୍ କୁରାନଙ୍କର କୋଭିଡ୍-୧୯ ଟେଷ୍ଟ କରାଯାଇଛି। ଅସୁସ୍ଥ ଅନୁଭବ କରିବା ପରେ ତାଙ୍କର ଏହି ଟେଷ୍ଟ କରାଯାଇଛଇ ବୋଲି କୁହାଯାଇଛି। ସେ ଇଣ୍ଟ୍ରା- ସ୍କାଡ୍ ଓ୍ବାର୍ମ- ଅପ୍ ମ୍ୟାଚ୍ରେ ଅଂଶଗ୍ରହଣ କରିବେ ନାହିଁ। ଗୁରୁବାର ସେ ତାଙ୍କ ନମୁନା ପ୍ରଦାନ କରିଥିଲେ। ଅଗେସ୍ ବାଉଲ୍ସ୍ଥିତ ନିଜ ହୋଟେଲ ରୁମ୍ରେ ସେ ସେଲ୍ଫ ଆସୋଲେଶନରେ ରହିଛନ୍ତି। ଏବେ ସେ ଆଉ କୌଣସି ଅଭ୍ୟାସ ମ୍ୟାଚ୍ରେ ଖେଳିବେ ନାହିଁ ବୋଳି ଇଂଲଣ୍ଡ ଓ ଓ୍ବେଲ୍ସ କ୍ରିକେଟ ବୋର୍ଡ (ଇସିବି) ସୂଚନା ଦେଇଛି। ଡାକ୍ତରଙ୍କୁ ନେଇ ଏକ ଟିମ୍ ତାଙ୍କ ଦେଖାଶୁଣା କରୁଛନ୍ତି।
ଇଂଲଣ୍ଡର ପ୍ରଥମ ଇଣ୍ଟ୍ରା- ସ୍କାଡ୍ ଓ୍ବାର୍ମ- ଅପ୍ ମ୍ୟାଚ୍ରେ କୁରାନ ଅପରାଜିତ ୧୫ ରନ ସ୍କୋର କରିଥିଲେ। ଜୁଲାଇ ୮ ତାରିଖରୁ ଆରମ୍ଭ ହେବାକୁ ଯାଉଥିବା ଓ୍ବେଷ୍ଟଇଣ୍ଡିଜ ବିପକ୍ଷ ୩ ମ୍ୟାଚ୍ ବିଶିଷ୍ଟ ଟେଷ୍ଟର ପ୍ରସ୍ତୁତି ତଥା ଅଭ୍ୟାସ ପାଇଁ ଓ୍ବାର୍ମ ମ୍ୟାଚ୍ ଖେଳାଯାଉଛି।
