ମସ୍କୋ,୧୨।୨ : ରୁଷିଆକୁ ଭଲ ଦେଶ ବୋଲି କହି ନ ଥିବାରୁ ରାଷ୍ଟ୍ରପତି ଭ୍ଲାଦିମିର ପୁଟିନ କ୍ରେମଲିନ ଅଧିକାରୀଙ୍କୁ ତାଗିଦ କରିଛନ୍ତି। ଏହି ଘଟଣାର ଏକ ଭିଡିଓ ସୋସିଆଲ ମିଡିଆରେ ମଧ୍ୟ ଶେୟାର କରାଯାଇଛି ଯେଉଁଥିରେ ପୁଟିନ ଅଧିକାରୀଙ୍କୁ ତାଗିଦ କରୁଥିବା ଦେଖିବାକୁ ମିଳିଛି। ପୁଟିନ କହିଛନ୍ତି ରୁଷିଆ ହେଉଛି ବିଶ୍ୱର ସବୁଠାରୁ ଭଲ ଦେଶ। ମୁଁ ଭାବୁଛି ତୁମେ ଭୁଲ କହିଛି।
ପୁଟିନଙ୍କ ଭର୍ତ୍ସନା ଶୁଣିବା ପରେ ଅଧିକାରୀମାନେ ଲଜ୍ଜିତ ହୋଇଥିଲେ। ଅଧିକାରୀ ଜଣକ ଏହି ବୈଠକରେ କହିଥିଲେ ଯେ ଦୁନିଆରେ ଅନ୍ୟ ଦେଶ ଅଛନ୍ତି, ଯେଉଁମାନେ ସର୍ବୋତ୍ତମ। ଏହି ଅଧିକାରୀ ହେଉଛନ୍ତି କ୍ରେମଲିନ ଏଜେନ୍ସି ଫର ଷ୍ଟ୍ରାଟେଜିକ ଇନିସିଏଟିଭର ମୁଖ୍ୟ ରବର୍ଟ ଉରାଜୋଭ।
ପୁଟିନ ଏବଂ କ୍ରେମଲିନ ଅଧିକାରୀଙ୍କ ମଧ୍ୟରେ ହୋଇଥିବା ବାର୍ତ୍ତାଳାପର ଏହି ଭିଡିଓକୁ ୟୁକ୍ରେନର ଆଭ୍ୟନ୍ତରୀଣ ମନ୍ତ୍ରୀଙ୍କ ପରାମର୍ଶଦାତା ଆଣ୍ଟୋନ ଗେରେଶେଙ୍କୋ ଶେୟାର କରିଛନ୍ତି। ସୂଚନାନୁସାରେ, ପୁଟିନ ରୁଷିଆ କମ୍ପାନୀଗୁଡିକ ପାଇଁ ଏକ ଘରୋଇ ବଜାର ପ୍ରତିଷ୍ଠା ବିଷୟରେ ଅଧିକାରୀଙ୍କ ସହ ଆଲୋଚନା କରୁଥିବାବେଳେ ଏହି ଘଟଣା ଘଟିଥିଲା।
ବୈଠକ ସମୟରେ ପୁଟିନ କହିଛନ୍ତି ଯେ କମ୍ପାନୀଗୁଡିକ ଛାଡିବାକୁ ଚାହୁଁନାହାଁନ୍ତି, କିନ୍ତୁ ୟୁକ୍ରେନ ଯୁଦ୍ଧ ଆରମ୍ଭ ହେବା ପରେ ପାଶ୍ଚାତ୍ୟ କଟକଣା ଯୋଗୁ ରୁଷିଆର କମ୍ପାନୀଗୁଡିକ ଦେଶ ଛାଡିବାକୁ ବାଧ୍ୟ ହୋଇଥିଲେ। ସେମାନେ ଏହା କରିବାକୁ ଚାହୁଁ ନ ଥିଲେ ମଧ୍ୟ ନିଜ ନିଜ ସରକାରଙ୍କ ନିର୍ଦ୍ଦେଶ ଅନୁଯାୟୀ ଏହା କରିଥିଲେ। ସେ କହିଛନ୍ତି, ବୋଧହୁଏ କିଛି ଲୋକ ଭାବିଥିଲେ ଯେ ଏହା ସବୁ ନଷ୍ଟ ହୋଇଯିବ, କିନ୍ତୁ ସେପରି କିଛି ଘଟୁନାହିଁ। ଆମର କମ୍ପାନୀ, ଆମର ବ୍ୟବସାୟୀମାନେ ସଫଳତା ସହିତ ଏହି କାର୍ଯ୍ୟ ଜାରି ରଖିଛନ୍ତି ବୋଲି ପୁଟିନ କହିଛନ୍ତି।
