ଆବୁଧାବି, ୨୩।୯: ଆଇପିଏଲ୍ ତ୍ରୟୋଦଶ ସଂସ୍କରଣର ୫ମ ମୁକାବିଲାରେ ବୁଧବାର ଡିଫେଣ୍ଡିଂ ଚାମ୍ପିୟନ ମୁମ୍ବାଇ ଇଣ୍ଡିଆନ୍ସ ଓ କୋଲକାତା ନାଇଟ୍ ରାଇଡର୍ସ ପରସ୍ପର ସାମ୍ନାସାମ୍ନି ହୋଇଛନ୍ତି। ସ୍ଥାନୀୟ ଶେଖ୍ ଜାୟେଦ ଷ୍ଟାଡିୟମରେ ଖେଳାଯାଇଥିବା ଏହି ମ୍ୟାଚ୍ରେ ଟସ୍ ଜିତି କୋଲକାତା ନାଇଟ୍ ରାଇଡର୍ସ ପ୍ରଥମେ ବୋଲିଂ କରିବାର ନିଷ୍ପତ୍ତି ନେଇଛି। ଅପରପକ୍ଷରେ ମୁମ୍ବାଇ ଅଧିନାୟକ ରୋହିତ୍ ଶର୍ମା ଟସ୍ ହାରି ପ୍ରଥମେ ବ୍ୟାଟିଂ ସୁଯୋଗ ପାଇଛନ୍ତି। ଚଳିତ ସିଜନରେ କୋଲକାତାର ଏହା ପ୍ର୍ଥମ ମ୍ୟାଚ୍ ହୋଇଥିବାବେଳେ ମୁମ୍ବାଇର ଦ୍ୱିତୀୟ। ପୂର୍ବରୁ ଉଦ୍ଘାଟନୀ ମ୍ୟାଚ୍ରେ ମୁମ୍ବାଇ ୫ ଉଇକେଟ୍ରେ ଚେନ୍ନାଇ ସୁପର୍କିଙ୍ଗ୍ସ ନିକଟରୁ ମ୍ୟାଚ୍ ହାରିଥିଲା।
ମୁମ୍ବାଇ ଇଣ୍ଡିଆନ୍ସ: ରୋହିତ୍ ଶର୍ମା (ଅଧିନାୟକ), କ୍ୱିଣ୍ଟନ ଡି କକ୍ (ଉଇକେଟ୍କିପର), ସୂର୍ଯ୍ୟକୁମାର ଯାଦବ, ସୌରଭ ତିଓ୍ବାରୀ, ହାର୍ଦ୍ଦିକ ପାଣ୍ଡ୍ୟା, କିରନ ପୋଲାର୍ଡ, କ୍ରୁନାଲ ପାଣ୍ଡ୍ୟା, ଜେମ୍ସ ପାଟ୍ଟିନସନ, ରାହୁଲ ଚହର, ଟ୍ରେଣ୍ଟ ବୋଲ୍ଟ ଓ ଯଶପ୍ରୀତ୍ ବୁମ୍ରା।
କୋଲକାତା ନାଇଟ୍ ରାଇଡର୍ସ: ସୁନୀଲ ନାରିନ, ଶୁଭମନ ଗିଲ୍, ନୀତୀଶ ରାଣା, ଇଅନ ମୋର୍ଗାନ, ଆନ୍ଦ୍ରେ ରସେଲ, ଦିନେଶ କାର୍ତ୍ତିକ (ଅଧିନାୟକ/ଉଇକେଟ୍କିପର), ନିଖିଳ ନାୟକ, ପ୍ୟାଟ୍ କୁମିନ୍ସ, କୁଲଦୀପ ଯାଦବ, ସନ୍ଦୀପ ଓ୍ବାରିୟର ଓ ଶିଭମ ମାଭି।
