୨୦୨୨ରେ ଭୋଟ୍‌ ପ୍ରଚାର କରିବ ରୋବୋ

ନୂଆଦିଲ୍ଲୀ, ୨୧।୬: ଗତ ମାର୍ଚ୍ଚ, ଏପ୍ରିଲରେ ୫ଟି ରାଜ୍ୟରେ ବିଧାନସଭା ନିର୍ବାଚନ ଅନୁଷ୍ଠିତ ହୋଇଥିଲା। କୋଭିଡ୍‌ ମହାମାରୀ ସମୟରେ ବିଭିନ୍ନ ରାଜନୈତିକ ଦଳ ପକ୍ଷରୁ ଆୟୋଜିତ ପ୍ରଚାର ସଭାରେ ଲକ୍ଷାଧିକ ଲୋକଙ୍କ ସମାବେଶ ହେବାରୁ ସଂକ୍ରମଣ ବଢ଼ିଥିଲା। ନେତାମାନଙ୍କ ନିର୍ବାଚନୀ ସଭା ଏକପ୍ରକାର ସୁପରସ୍ପ୍ରେଡରରେ ପରିଣତ ହୋଇଥିଲା। ଏଭଳି ବିପଦରୁ ରକ୍ଷା ପାଇବା ପାଇଁ ଆସନ୍ତା ବର୍ଷ ହେବାକୁ ଥିବା ବିଭିନ୍ନ ରାଜ୍ୟ ବିଧାନସଭା ନିର୍ବାଚନରେ ନେତାମାନଙ୍କ ତରଫରୁ ରୋବୋ ପ୍ରଚାର ଅଭିଯାନରେ ସାମିଲ ହୋଇପାରେ। ଏଥିପାଇଁ ଓ୍ବାନ୍‌ଷ୍ଟାଣ୍ଡ ଇଣ୍ଡିଆ ପ୍ରାଇଭେଟ ଲିମିଟେଡ୍‌ ‘ଦୂତ୍‌’ ନାମରେ ଏକ ରୋବୋ ବିକଶିତ କରିଛି। ମାନବ ସଦୃଶ ଏହି ରୋବୋ ବିଭିନ୍ନ ନେତାଙ୍କ କଣ୍ଠସ୍ବରରେ କଥା ହେବା ସହ ବିଭିନ୍ନ ଅଙ୍ଗଭଙ୍ଗୀ କରି ଜନସାଧାରଣଙ୍କୁ ପ୍ରଭାବିତ କରିପାରିବ।
ଉତ୍ତରପ୍ରଦେଶ, ଉତ୍ତରାଖଣ୍ଡ, ପଞ୍ଜାବ, ହିମାଚଳପ୍ରଦେଶ, ଗୋଆ ଏବଂ ଗୁଜରାଟରେ ବିଧାନସଭା ନିର୍ବାଚନ ହେବାକୁ ଥିବାବେଳେ ସେଥିରେ ଉକ୍ତ ରୋବୋକୁ ପ୍ରଚାର କାର୍ଯ୍ୟରେ ସାମିଲ କରିବା ଲାଗି ବିଭିନ୍ନ ଦଳ ସହ କଥାବାର୍ତ୍ତା ଚାଲିଛି। ଗତ ଏପ୍ରିଲ୍‌ରେ ତାମିଲନାଡୁ ବିଧାନସଭା ନିର୍ବାଚନରେ ନବଗଠିତ ରାଜନୈତିକ ଦଳ ଇଣ୍ଡିଆ ମକ୍କଲ ମୁନ୍ନେତ୍ରା କାଟ୍‌ଚି (ଆଇଏମ୍‌ଏମ୍‌କେ) ପ୍ରଚାରରେ ପ୍ରଥମ ଥର ପାଇଁ ମାନବାକୃତି ରୋବୋ ବ୍ୟବହାର ଆରମ୍ଭ କରିଥିଲା। ଦୁଜି ନାମକ ଏହି ୪ ଫୁଟ ଉଚ୍ଚତା ବିଶିଷ୍ଟ ରୋବୋ କେବଳ ଲୋକଙ୍କୁ ଆକୃଷ୍ଟ କରିବା ପାଇଁ ଉଦ୍ଦିଷ୍ଟ ଥିଲା। ତେବେ ମହାମାରୀ ସମୟରେ ଦୂତ୍‌ ନିର୍ଦ୍ଦିଷ୍ଟ ଦଳ ତଥା ପ୍ରାର୍ଥୀଙ୍କ ସପକ୍ଷରେ ଭୋଟ ଦେବାକୁ ନେତାମାନଙ୍କ ବାର୍ତ୍ତା ନେଇ ଲୋକମାନଙ୍କର ସୀମିତ ସମାବେଶକୁ ପ୍ରବର୍ତ୍ତାଇ ପାରିବ।
ଉକ୍ତ ରୋବୋର ରୋଭରରେ ଏକ ହୁଇଲ୍‌ବେସ୍‌ ଓ ଅଲ୍‌ହ୍ବିଲ୍‌ ଡ୍ରାଇଭ୍‌ ଗିଅରବକ୍ସ ରହିଛି, ଯାହା ସହାୟତାରେ ଏହା ବିଭିନ୍ନ ପୃଷ୍ଠରେ ସହଜରେ ଗତି କରିପାରିବ। ଆର୍ଟିଫିସିଆଲ ଇଣ୍ଟେଲିଜେନ୍ସ (ଏଆଇ) ସମର୍ଥିତ ଭଏସ୍‌ ରେକଗ୍‌ନାଇଜେଶନ ଜରିଆରେ ଏହା ରାଜନେତାଙ୍କ ତରଫରୁ ଜନସମାବେଶକୁ ସମ୍ବୋଧନ କରିବ ବୋଲି ଓ୍ବାନ୍‌ଷ୍ଟାଣ୍ଡ ଇଣ୍ଡିଆର ନିର୍ଦ୍ଦେଶକ କୁମାର କହ୍ନେୟା ସିଂ କହିଛନ୍ତି। ଏହି ରୋବୋ ଲୋକମାନଙ୍କ ସହିତ ଭାବ ବିନିମୟ କରିବା ସହ ବିଭିନ୍ନ ପ୍ରଶ୍ନର ଉତ୍ତର ଦେଇପାରିବ। ଏଥିରେ ଥିବା ସର୍ଭୋ ମୋଟର ରୋବଟକୁ ବିଭିନ୍ନ ଅଙ୍ଗଭଙ୍ଗୀ କରିବାରେ ସହାୟକ ହେବ। ରୋବୋର ମୁଣ୍ଡରେ ଲାଗିଥିବା ଏଚ୍‌ଡି କ୍ୟାମେରା ସହାୟତାରେ ଏହା ଶ୍ରୋତାଙ୍କ ଉପରେ ନଜର ରଖିବା ସହ ସେମାନଙ୍କ ପ୍ରତିକ୍ରିୟାକୁ ଜାଣିପାରିବ। ସ୍ବଦେଶୀ ଜ୍ଞାନକୌଶଳରେ ନିର୍ମିତ ଚତୁର୍ଥ ପିଢ଼ିର ସର୍ଭୋ ମୋଟର ବିଭିନ୍ନ ଶବ୍ଦ କରିବା ସହ ଭାରତର ଉଷ୍ମ ଜଳବାୟୁରେ ଦୀର୍ଘ ସମୟ ପର୍ଯ୍ୟନ୍ତ କାର୍ଯ୍ୟ କରିବାକୁ ସମର୍ଥ।
ମହାମାରୀ ସମୟରେ ନେତାମାନେ ଦଳୀୟ କର୍ମୀମାନଙ୍କୁ ଭେଟି ପାରୁ ନ ଥିବାବେଳେ ରୋବୋ ପ୍ରଚାରକ ଏକ ସମୟରେ ଏକାଧିକ ସ୍ଥାନରେ ନିର୍ବାଚ ପ୍ରଚାର କରିବା ସହ ନେତାମାନଙ୍କ ମୂଲ୍ୟବାନ ସମୟ ବଞ୍ଚାଇପାରିବ। ଉକ୍ତ ମାନବାକୃତି ରୋବୋରେ ୧୦ଟି ଖଞ୍ଜା ରହିଥିବାରୁୂ ଏହା ଲୋକମାନଙ୍କୁ ହାତ ହଲାଇବା ସହ ବିଭିନ୍ନ ଭାବଭଙ୍ଗୀ କରିପାରିବ। ଓ୍ବାନଷ୍ଟାଣ୍ଡ ଇଣ୍ଡିଆ ସହ ମୁମ୍ବାଇର ଇନୋଭେଟର ସନ୍ତୋଷ ହୌଲାଓ୍ବାଲେ ମିଳିତ ଭାବେ ଏହି ମାନବାକୃତିର ରୋବୋକୁ ବିକଶିତ କରିଛନ୍ତି।

 


Enter your email to get our daily news in your inbox.

All Right Reserved By Dharitri.Com

ଶବାନାଙ୍କ ଡ୍ରାଇଭରଙ୍କ ନାଁରେ ଆସିଲା ଅଭିଯୋଗ

ମୁମ୍ବାଇ,୧୯।୧: ବଲିଉଡ୍‌ ଅଭିନେତ୍ରୀ ଶବାନା ଆଜମୀ ଶନିବାର ଏକ କାର୍‌ ଦୁର୍ଘଟଣାରେ ଗୁରୁତର ଆହତ ହୋଇଥିବା ଖବର ମିଳିଥିଲା। ଏଥିରେ ତାଙ୍କ ଡ୍ରାଇଭର ମଧ୍ୟ ଆହତ...

ବିନା ବାଧାରେ ଅତ୍ୟାବଶ୍ୟକ ମାଲ ପରିବହନ ଯାନ ଚଳପ୍ରଚଳକୁ ନିଶ୍ଚିତ କର: ଜିଲାପାଳ, ଏସ୍‌ପିଙ୍କୁ  ନିର୍ଦ୍ଦେଶ

ଭୁବନେଶ୍ୱର,୨୬ା୩(ବ୍ୟୁରୋ)- କରୋନା ଭୂତାଣୁ(କୋଭିଡ୍‌-୧୯)କୁ ନିୟନ୍ତ୍ରଣ କରିବା ଅତ୍ୟନ୍ତ ଜଟିଳ ହୋଇପଡ଼ିଛି। ସମଗ୍ର ଦେଶରେ ଲକ୍‌ଡାଉନ୍‌ ଚାଲିଛି। ଜନସାଧାରଣଙ୍କ ନିକଟରେ କିଭଳି ଅତ୍ୟାବଶ୍ୟକ ସାମଗ୍ରୀ ପହଞ୍ଚତ୍ବ ତାହା...

ହନିଟ୍ରାପ୍‌ରେ ୧୩ ଆଇଏଏସ୍‌ ଅଧିକାରୀ

ଭୋପାଳ,୨୭।୯:ମଧ୍ୟପ୍ରଦେଶ(ଏମ୍‌ପି)ରେ ହନିଟ୍ରାପ୍‌ ମାମଲା ସବୁ ସରହଦ ପାର୍‌ କରିଯାଇଛି। ଏହି ମାମଲାରେ ୧୩ ଆଇଏଏସ୍‌ ଅଫିସର ସମ୍ପୃକ୍ତ ଥିବା ଘଟଣା ଲୋକଲୋଚନକୁ ଆସିଛି। ଏହି ଆଇଏଏସ୍‌ମାନେ...

୩ କିଲୋମିଟର ଦୂର କାନ୍ଧରେ ବସି କନ୍ୟାଙ୍କ ଘରେ ପହଞ୍ଚିଲେ ବର, କାରଣ ଜାଣିଲେ…

ପାଟଣା,୭ା୬: ବିହାରର ବକ୍ସର ଜିଲାସ୍ଥିତ ଡୁନମରାଓ ଗାଁରେ କିଛିଦିନ ତଳେ ବର୍ଷା ହୋଇଥିଲା। ଗାଁ ରାସ୍ତାର ଅବସ୍ଥା ସମ୍ପୂର୍ଣ୍ଣ ବିଗିଡ଼ି ଯାଇଥିଲା। ଫଳରେ ଜଣେ ବର...

ଲାଲୁଙ୍କ ପରିବାରରେ ଜନ୍ମାଷ୍ଟମୀ ବିବାଦ, ପୋଷ୍ଟରରେ ଅଛନ୍ତି କୃଷ୍ଣ ନାହାନ୍ତି ଅର୍ଜୁନ…

ପାଟନା,୩୦।୮: ବିହାରରେ ଲାଲୁ ପ୍ରସାଦ ଯାଦବଙ୍କ ଘରେ ଜନ୍ମାଷ୍ଟମୀ ବିବାଦ ଦେଖାଦେଇଛି। ଜନ୍ମାଷ୍ଟମୀ ଅବସରେ ପାଟନା ସହରରେ ପୋଷ୍ଟର ଲଗାଯାଇଛି। ପୋଷ୍ଟରରେ ଲାଲୁଙ୍କ ସହିତ ରାବ୍ରି...

ମୋଦିଙ୍କ ଜନ୍ମଦିନ ପାଇଁ ଚାଲିଛି ପ୍ରସ୍ତୁତି, ଏଥର ଏମିତି କରାଯିବ ପାଳନ

ନୂଆଦିଲ୍ଲୀ,୨୬।୮:ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ଆଗାମୀ ସେପ୍ଟେମ୍ବର ୧୭ରେ ୭୦ ବର୍ଷରେ ପଦାର୍ପଣ କରିବେ। ଏହି ଦିନ ଭାରତୀୟ ଜନତା ପାର୍ଟି ପକ୍ଷରୁ ଏକ ଭିନ୍ନ ଢଙ୍ଗରେ...

ପରିବର୍ତ୍ତନ ନା ଧ୍ରୁବୀକରଣ

କୋଲକାତା/ନୂଆଦିଲ୍ଲୀ,୬ା୨: ତାରିଖ ଘୋଷଣା ହୋଇନି, ବିଗୁଲ ବଜାରୁ ତାତି କାହିଁରେ କ’ଣ । ଏପ୍ରିଲ-ମେ’ରେ ପଶ୍ଚିମବଙ୍ଗ ବିଧାନସଭା ନିର୍ବାଚନ ହେବାକୁ ଥିବାବେଳେ ଶାସକ ଟିଏମ୍‌ସିର ଉଇକେଟ...

ମୁଖ୍ୟମନ୍ତ୍ରୀଙ୍କ ଭାଇଙ୍କ ଘରେ ଇଡ଼ି ଚଢ଼ାଉ: ଫର୍ଟିଲାଇଜର ଦୁର୍ନୀତି କନେକଶନ୍‌

ଜୟପୁର, ୨୨।୭: ରାଜସ୍ଥାନରେ ମୁଖ୍ୟମନ୍ତ୍ରୀ ଅଶୋକ ଗେହଲଟ ସରକାରଙ୍କ ପାଇଁ ପୁଣି ଏକ ନୂଆ ସମସ୍ୟା ଦେଖାଦେଇଛି। ଇଡ଼ି ପକ୍ଷରୁ ମୁଖ୍ୟମନ୍ତ୍ରୀଙ୍କ ଭାଇ ଅଗ୍ରସେନ ଗେହଲଟଙ୍କ...

Advertisement


Archives

Model This Week