ବାରିପଦା ଅଫିସ,୨୧ା୮- ବାରିପଦା ସହରକୁ ବୁଢ଼ାବଳଙ୍ଗ ନଦୀ ବନ୍ୟା ଦାଉରୁ ରକ୍ଷା କରିବା ପାଇଁ ମୟୂରଭଞ୍ଜ ଜଳସେଚନ ବିଭାଗ ପକ୍ଷରୁ ତପତ୍ରତା ପ୍ରକାଶ ପାଇଛି। ରିଂ ରୋଡ୍ ସହ ଆଡ଼ିବନ୍ଧ ଓ ସ୍ବୟଂଚାଳିତ ସୁଇସ ଗେଟ ନିର୍ମାଣ ପାଇଁ ବିଭାଗ ପକ୍ଷରୁ ସର୍ଭେ କାର୍ଯ୍ୟ ଆରମ୍ଭ ହୋଇଛି।
ବିଗତ ଫାଇଲିନ ବାତ୍ୟା ସମୟରେ ବାରିପଦା ସହର ମଧ୍ୟରେ ଉଦ୍ବୃତ୍ତ ବନ୍ୟାଜଳ ପ୍ରବେଶ କରିଥିଲା। ଘରଦ୍ୱାର, ଦୋକାନ ବଜାର ଓ ରାସ୍ତା ଘାଟ ଜଳମୟ ହୋଇପଡ଼ିଥିଲା ା ମୁଖ୍ୟ ଚିକିସତ୍ାଳୟ ମଧ୍ୟରେ ୧୦ଫୁଟ ଉଚ୍ଚରେ ପାଣି ପ୍ରବେଶ କରିବାରୁ ରୋଗୀମାନେ ଦୁର୍ଦ୍ଦଶା ଭୋଗିଥିଲେ ା ଜୀବନ ହାନି ଘଟିବା ସହ ବହୁ ଧନସମ୍ପତ୍ତି ନଷ୍ଟ ହୋଇଥିଲା। ଏହି ପ୍ରାକୃତିକ ବିପର୍ଯ୍ୟୟ ପାଇଁ ସହରବାସୀଙ୍କ ମେରୁଦଣ୍ଡ ଦୋହଲି ଯାଇଥିବା ବେଳେ ବନ୍ୟା ବିପର୍ଯ୍ୟୟକୁ ରୋକିବା ପାଇଁ ନଦୀରେ ଆଡ଼ିବନ୍ଧ ଓ ରିଂ ରୋଡ୍ ନିର୍ମାଣ କରାଯିବାକୁ ୨୦୧୯ରେ ମୁଖ୍ୟମନ୍ତ୍ରୀ ନବୀନ ପଟ୍ଟନାୟକ ବାରିପଦା ଗସ୍ତରେ ଆସି ନିର୍ବାଚନୀ ସଭାରେ ଘୋଷଣା କରିଥିଲେ। ତଦନୁଯାୟୀ ୧୧୭ତମ ଟେକନିକାଲ ଆଡ୍ଭାଇଜର କମିଟି(ଟିଏସି) ବୈଠକରେ ଦାମୋଦରପୁର ଘାଟରୁ ସୁନାମୁହିଁ ଦାମୋଦର ପର୍ଯ୍ୟନ୍ତ ୩ଟି ପର୍ଯ୍ୟାୟରେ ଆଡ଼ିବନ୍ଧ ନିର୍ମାଣ କରାଯିବା ନେଇ ଆଲୋଚନା ହୋଇଥିଲା ା ଏଥିପାଇଁ ପ୍ରାଥମିକ ପର୍ଯ୍ୟାୟରେ ୬୨କୋଟି ୩୪ଲକ୍ଷ ଟଙ୍କା ଅନୁଦାନ ମଞ୍ଜୁର କରିବା ପାଇଁ କମିଟି ସୁପାରିଶ କରିଥିଲା ା ଫାଇଲିନକୁ ୮ବର୍ଷ ବିତିଲା ପରେ ରିଂରୋଡ୍ ସହିତ ନଦୀରେ ଆଡ଼ିବନ୍ଧ ଓ ସୁଇସ ଗେଟ ନିର୍ମାଣ ପାଇଁ ବିଭାଗ ପକ୍ଷରୁ ସର୍ଭେ କରାଯାଉଛି ା ସହରରେ ଥିବା ଜରାଳୀ, ସରାଳୀ, ଶୁକଯୋଡି ଓ ବିଭିନ୍ନ ନାଳ ସହିତ ବୁଢ଼ାବଳଙ୍ଗ ନଦୀର ସଙ୍ଗମ ସ୍ଥଳ ଗୁଡ଼ିକରେ ୭/୮ଟି ସୁଇସ ଗେଟ ନିର୍ମାଣ ପାଇଁ ରିପୋର୍ଟ ପ୍ରସ୍ତୁତ କରାଯାଉଛି ବୋଲି ବିଭାଗୀୟ ସହକାରୀଯନ୍ତ୍ରୀ ପ୍ରକାଶ କରିଛନ୍ତି ା
୭ କି.ମି. ଦୈଘ୍ୟ ବିଶିଷ୍ଟ ରିଂ ରୋଡ୍ ନିର୍ମାଣ ପାଇଁ ଆବଶ୍ୟକ ଜମି ନିମନ୍ତେ ସର୍ଭେ ଆରମ୍ଭ ହୋଇଛି ା ତେବେ ଦୀର୍ଘ ଦିନର ଦାବି ପୂରଣ ହେଲେ ତଟବର୍ତ୍ତୀ ଅଞ୍ଚଳରେ ଥିବା ୱାର୍ଡ ନଂ. ୧,୪,୫,୭,୮,୯,୧୧,୧୨ ଓ ୨୦ର ହଜାର ହଜାର ଜନସାଧାରଣ ସୁରକ୍ଷିତ ରହିପାରିବେ ା ଏହି ପ୍ରକଳ୍ପ ପାଇଁ ମଧୁବନ ଉନ୍ନୟନ ପରିଷଦ ପକ୍ଷରୁ ବାରମ୍ବାର ଦାବି ହୋଇ ଆସୁଥିବା ବେଳେ ସହରବାସୀଙ୍କୁ ସୁରକ୍ଷା ଯୋଗାଇ ଦେବାରେ ଜିଲା ପ୍ରଶାସନ ବିଳମ୍ବ କରୁଛି ବୋଲି ପରିଷଦର ସମ୍ପାଦକ ବିକ୍ରମ କେଶରୀ ଜେନା ଅଭିଯୋଗ କରିଛନ୍ତି ା ପ୍ରତିବର୍ଷ ବୁଢ଼ାବଳଙ୍ଗର ବନ୍ୟାଜଳ ସହର ମଧ୍ୟକୁ ପ୍ରବେଶ କରୁଥିବାରୁ ବହୁ ଲୋକ ପ୍ରଭାବିତ ହୋଇଥାନ୍ତି ା ମୁଖ୍ୟମନ୍ତ୍ରୀ ଦେଇଥିବା ପ୍ରତିଶ୍ରୁତି ପୂରଣ ପାଇଁ ୨ବର୍ଷ ବିତିଯାଇଥିଲେ ମଧ୍ୟ ଅଦ୍ୟାବଧି କୌଣସି ପଦକ୍ଷେପ ଗ୍ରହଣ କରାଯାଉ ନ ଥିବାରୁ ବର୍ଷାଦିନେ ଅଞ୍ଚଳବାସୀ ଆତଙ୍କିତ ଅବସ୍ଥାରେ ଦିନ କାଟୁଛନ୍ତି। ପ୍ରଶାସନିକ ଓ ରାଜନୈତିକ ସ୍ତରରେ ଆନ୍ତରିକାତା ଅଭାବରୁ ସରକାରଙ୍କ ପ୍ରଦତ୍ତ ଯୋଜନା ଠିକ୍ ସମୟରେ କାର୍ଯ୍ୟକାରୀ ହୋଇପାରୁ ନାହିଁ ବୋଲି ତଳିଆ ଅଞ୍ଚଳର ବସନ୍ତ କୁମାର ଦାସ, ଅଜିତ ମହାପାତ୍ର, ନରୋତ୍ତମ ସାହୁ କହିଛନ୍ତି। ତେବେ ଆଗକୁ ପୌର ଓ ପଞ୍ଚାୟତ ନିର୍ବାଚନକୁ ଦୃଷ୍ଟିରେ ରଖି ବିଭାଗ ପକ୍ଷରୁ ଲୋକଦେଖାଣିଆ ଭାବେ ଏଭଳି ଘୋଷଣା କରାଯାଇଛି ବୋଲି ଆଦିବାସୀ ନେତା ରାକେଶ ସିଂ, ଦୀପକ ସିଂ କହିଛନ୍ତି।
ଫଟୋ-
ବୁଢ଼ା ବଳଙ୍ଗ ନଦୀ।
