ଭୁବନେଶ୍ୱର,୩ା୯(ବ୍ୟୁରୋ): ରାଜ୍ୟ ସରକାର ଓଏଏସ୍ ଅଫିସର ସ୍ତରରେ ଅଦଳବଦଳ କରିଛନ୍ତି। ଏ ନେଇ ଶନିବାର ସାଧାରଣ ପ୍ରଶାସନ ବିଭାଗ ଓ ସାଧାରଣ ଅଭିଯୋଗ ପକ୍ଷରୁ ବିଜ୍ଞପ୍ତି ପ୍ରକାଶ କରାଯାଇଛି। ତଦନୁଯାୟୀ ବ୍ରହ୍ମପୁର କନ୍ସୋଲିଡେଶନ ଆଣ୍ଡ ସେଟଲମେଣ୍ଟ ଅତିରିକ୍ତ କମିଶନର ସୂର୍ଯ୍ୟମାଧବ ପାଣିଗ୍ରାହୀଙ୍କୁ ଭୁବନେଶ୍ୱର କନ୍ସୋଲିଡେଶନ ଆଣ୍ଡ ସେଟଲମେଣ୍ଟ କମିଶନର ଭାବେ ବଦଳି କରାଯାଇଥିବା ବେଳେ ଓଡ଼ିଶା ରାଜ୍ୟ ପରିବହନ ନିଗମ(ଓଏସ୍ଆରଟିସି) ଜେନେରାଲ ମ୍ୟାନେଜର ବ୍ରଜଗୋପାଳ ଆଚାର୍ଯ୍ୟଙ୍କୁ ମତ୍ସ୍ୟ ଓ ପ୍ରାଣୀସମ୍ପଦ ସ୍ବତନ୍ତ୍ର ସଚିବ, ଓଡ଼ିଶା ହାଉସିଂ ବୋର୍ଡ ଲ୍ୟାଣ୍ଡ ଅଫିସର ଆରାଧନା ଦାସଙ୍କୁ ଏସ୍ସି/ଏସ୍ଟି ବିଭାଗର ଅତିରିକ୍ତ ସଚିବ, ଭୁବନେଶ୍ୱର ଆଡିଶନାଲ ରିଭିଜନାଲ କୋର୍ଟ ଭୁବନେଶ୍ୱର ଅତିରିକ୍ତ କମିଶନର ସ୍ମିତା ବିଶ୍ୱାଳଙ୍କୁ ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅତିରିକ୍ତ ସଚିବ, ସ୍ବାସ୍ଥ୍ୟ ଓ ପରିବାର କଲ୍ୟାଣ ବିଭାଗ ଅତିରିକ୍ତ ସଚିବ ବିଶିକେଶନ ଦେହୁରୀଙ୍କୁ ଓଡ଼ିଶା ରାଜ୍ୟ ପରିବହନ ନିଗମ(ଓଏସ୍ଆରଟିସି) ଜେନେରାଲ ମ୍ୟାନେଜର ଭାବେ ବଦଳି କରାଯାଇଛି।
ସେହିପରି ଖୋର୍ଦ୍ଧା ଅତିରିକ୍ତ ଉପଜିଲାପାଳ ଥିବା ରଶ୍ମିତା ରାଣୀ ତରସିଆଙ୍କୁ ଓଡ଼ିଶା ରାଜ୍ୟ ହାଉସିଂବୋର୍ଡ ସେକ୍ରେଟାରି ଭାବେ ବଦଳି କରାଯାଇଥିବା ବେଳେ ବଣାଇ ଆଇଟିଡିଏ ପି.ଏ. ଲଲାଟ କୁମାର ଲୁହାଙ୍କୁ ବରଗଡ଼ ଉପଜିଲାପାଳ, ନବରଙ୍ଗପୁର ଆଇଟିଡିଏ ପି.ଏ. ଅଭିମନ୍ୟୁ ମାଝିଙ୍କୁ ସୁନ୍ଦରଗଡ଼ ପାନପୋଷ ଉପଜିଲାପାଳ, ନୟାଗଡ଼ ଡିଆରଡିଏ ଆଡିଶନାଲ ପିଡି ଅକ୍ଷୟ କୁମାର ରାଉତଙ୍କୁ ଖୋର୍ଦ୍ଧା ଉପଜିଲାପାଳ, ସୋର ବିଡିଓ ସୁଶାନ୍ତ କୁମାର ବାରିକଙ୍କୁ ମୟୂରଭଞ୍ଜ ଡିଆରଡିଏ ଆଡିଶନାଲ ପିଡି ଏବଂ ରାୟଗଡ଼ା ଜିଲା ରାମନଗୁଡ଼ା ବିଡିଓ ବେଣୁଧର ଶବରଙ୍କୁ ନବରଙ୍ଗପୁର ଆଇଟିଡିଏ ପି.ଏ. ଭାବେ ବଦଳି କରାଯାଇଛି।
ସେହିପରି ୨ ଜଣ ବରିଷ୍ଠ ଓଏଏସ୍ ଅଧିକାରୀ ପୁଷ୍ପଲତା ସାହୁ ଏବଂ ପ୍ରକାଶ ଚନ୍ଦ୍ର ବେହେରାଙ୍କୁ ସୁପରିୟର ଆଡ୍ମିନିଷ୍ଟ୍ରେଟିଭ ଗ୍ରେଡ୍କୁ ପଦୋନ୍ନତି ଦିଆଯାଇଥିବା ବେଳେ ଭିନିସିଏଣ୍ଟ ପୋନମକାନ୍ତ ଏକ୍କା ଓ ପ୍ରଦୀପ କୁମାର ମିଶ୍ରଙ୍କୁ ସ୍ପେଶାଲ ସେକ୍ରେଟାରି ର଼୍ୟାଙ୍କ୍କୁ ପଦୋନ୍ନତି ଦିଆଯାଇଛି।
