କୋରାପୁଟ,୭।୮(ସ୍ବ.ପ୍ର.): ଲଘୁଚାପ ପ୍ରଭାବରେ କୋରାପୁଟ ଜିଲାରେ ପ୍ରବଳ ବର୍ଷା ଲାଗି ରହିଛି। ଗତ ୨୪ ଘଣ୍ଟା ମଧ୍ୟରେ କୋରାପୁଟ ଜିଲାରେ ୪୮୬.୩ ମି.ମି. ବର୍ଷା ରେକର୍ଡ କରାଯାଇଛି। ହେଲେ ଜିଲାର କୋଟପାଡ଼ ବ୍ଲକରେ ସର୍ବାଧିକ ୭୬ ମି.ମି. ବର୍ଷା ହୋଇଥିବା ବେଳେ ପଟ୍ଟାଙ୍ଗି ବ୍ଲକରେ ସର୍ବନିମ୍ନ ୮ ମି.ମି. ବର୍ଷା ହୋଇଥିବା ଜିଲା ଜରୁରୀ ବିଭାଗ ପକ୍ଷରୁ ଏହି ସୂଚନା ଦିଆଯାଇଛି।
ସେହିପରି ଜିଲାର ବନ୍ଧୁଗାଁ ବ୍ଲକରେ ୫୦ ମି.ମି. ବର୍ଷା ରେକର୍ଡ କରାଯାଇଥିବା ବେଳେ ଲମତାପୁଟ ବ୍ଲକରେ ୪୯.୩ ମି.ମି. ବର୍ଷା ହୋଇଛି। କୋରାପୁଟ ବ୍ଳକରେ ୩୧.୬ ମି.ମି, କୁନ୍ଦ୍ରା ବ୍ଳକରେ ୧୬.୨ ମି.ମି., ସେମିଳିଗୁଡ଼ା ବ୍ଳକରେ ୩୨ ମି.ମି. ନାରାୟଣପାଟଣା ବ୍ଲକରେ ୨୩.୪ ମି.ମି., ନନ୍ଦପୁର ବ୍ଳକରେ ୪୮ମି.ମି., ଜୟପୁର ବ୍ଳକରେ ୨୩.୪ ମି.ମି., ଦଶମନ୍ତପୁର ବ୍ଳକରେ ୬୩ ମି.ମି, ଲକ୍ଷ୍ମୀପୁର ବ୍ଲକରେ ୨୩ ମି.ମି., ବୈପାରିଗୁଡା ବ୍ଲକରେ ୧୫.୪ ମି.ମି., ବୋରିଗୁମ୍ମା ବ୍ଲକରେ ୧୫.୪ ମି.ମି. ବର୍ଷା ହୋଇଥିବା ସୂଚନା ମିଳିଛି।
କୋରାପୁଟ ଜିଲାରେ ଗତ ୨ ଦିନ ଧରି ପ୍ରବଳ ବର୍ଷା ଜାରି ରହିଥିବା ବେଳେ ତେଲେଙ୍ଗିରି ଜଳ ଭଣ୍ଡାରର ଜଳସ୍ତର ୬୨୬.୮୦ ମିଟରକୁ ବୃଦ୍ଧି ପାଇଛି। ସେହିପରି କୋଲାବ ଜଳଭଣ୍ଡାର ଜଳସ୍ତର ୮୪୮.୨୫ ମିଟର ପହଞ୍ଚିଥିବା ବେଳେ ଅପର ଇନ୍ଦ୍ରାବତୀ ଜଳଭଣ୍ଡାରର ଜଳସ୍ତର ୬୩୩.୦୮ ମିଟରକୁ ବୃଦ୍ଧି ପାଇଛି।
