ମୁମ୍ବାଇ,୩୧।୩: କୋଲକାତା ନାଇଟ ରାଇଡର୍ସ (କେକେଆର୍) ଏବଂ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ (ଆରସିବି) ମଧ୍ୟରେ ଖେଳାଯାଇଥିବା ଆଇପିଏଲ ମ୍ୟାଚରେ ଏକ ରୋଚକ ଦୃଶ୍ୟ ଦେଖିବାକୁ ମିଳିଥିଲା। ରନ ନେବାକୁ ଚେଷ୍ଟା କରୁଥିବା ଦୁଇ ଆରସିବି ବ୍ୟାଟ୍ସମ୍ୟାନ କ୍ରିଜ୍ର ଗୋଟିଏ ପଟରେ ପହଞ୍ଚି ଯାଇଥିଲେ। କୌତୁହଳର ବିଷୟ କୋଲକାତା ନାଇଟ ରାଇଡର୍ସ (କେକେଆର୍) ର ଫିଲ୍ଡରମାନେ ତାଙ୍କୁ ଆଉଟ କରିବାରେ ବିଫଳ ହୋଇଥିଲେ।
ଏହି ଘଟଣା ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁର (ଆରସିବି)ର ୧୯ତମ ଓଭରରେ ଘଟିଥିଲା। ଭେଙ୍କଟେଶ ଆୟର ଆରସିବି ଇନିଂସରେ ୧୯ତମ ଓଭରରେ ବୋଲିଂ କରିବାକୁ ଆସିଥିଲେ। ଏହି ଓଭରର ଦ୍ୱିତୀୟ ବଲରେ ଦୀନେଶ କାର୍ତ୍ତିକ ଅଫ ସାଇଟରେ ଏକ ସଟ ଖେଳି ରନ ନେବାକୁ ଚାହୁଁଥିଲେ। ରନ ନେବା ପାଇଁ ସେ ଅନ୍ୟ ପଟେ ଠିଆ ହୋଇଥିବା ହର୍ଷଲ ପଟେଲଙ୍କୁ ମଧ୍ୟ ଡାକିଥିଲେ, କିନ୍ତୁ ପରବର୍ତ୍ତୀ ମୁହୂର୍ତ୍ତରେ ସେ ଅନୁଭବ କରିଥିଲେ ଯେ ବଲ ଫିଲ୍ଡରଙ୍କ ହାତରେ ଅଛି ଏବଂ ଏହି ରନ ଚୋରି କରିବା ମହଙ୍ଗା ପଡିପାରେ। ଏହା ପରେ ଦୀନେଶ କାର୍ତ୍ତିକ ହର୍ଷଲ ପଟେଲ ରନ୍ ନେବାକୁ ଅଧାରୁ ମନା କରିଦେଇଥିଲେ, କିନ୍ତୁ ସେତେବେଳକୁ ବହୁତ ଡେରି ହୋଇଯାଇଥିଲା। ହର୍ଷଲ ପଟେଲ ଅଧା ବାଟରେ ଥିଲେ। ଏଭଳି ପରିସ୍ଥିତିରେ ଉଭୟ ବ୍ୟାଟ୍ସମ୍ୟାନ ଗୋଟିଏ ପଟରେ ପହଞ୍ଚିଯାଇଥିଲେ।
ଏହି ସମୟରେ ଫିଲ୍ଡର ଉଇକେଟ ଉପରେ ସିଧା ଥ୍ରୋ ମାରିବାକୁ ଚେଷ୍ଟା କରିଥିଲେ, କିନ୍ତୁ ଏହା ବାଜି ନ ଥିଲା। କାର୍ତ୍ତିକଙ୍କୁ ଅନ୍ୟ ପଟରେ ପହଞ୍ଚିବାକୁ ସମୟ ମିଳିଥିଲା। କାର୍ତ୍ତିକ ତୁରନ୍ତ ବୋଲରଙ୍କ ଆଡକୁ ଦୌଡ଼ି ଏକ ରନ ସମାପ୍ତ କରିଥିଲେ। ଏବେ ଘଟଣାର ଭିଡିଓ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି। ଏହି ମ୍ୟାଚ୍ରେ ରୟାଲ ଚ୍ୟାଲେଞ୍ଜର୍ସ ବେଙ୍ଗାଲୁରୁ କୋଲକାତା ନାଇଟ ରାଇଡର୍ସକୁ ୩ ଉଇକେଟରେ ପରାସ୍ତ କରିଛି।
https://twitter.com/SportsHustle3/status/1509229430786629632
