ନୂଆଦିଲ୍ଲୀ, ୫।୯: ଭାରତୀୟ କ୍ରିକେଟ୍ ଦଳର ଷ୍ଟାର୍ ଅଲ୍ରାଉଣ୍ଡର ରବୀନ୍ଦ୍ର ଜାଡେଜାଙ୍କ ସ୍ତ୍ରୀ ରିଭବାଙ୍କ ଶନିବାର ୩୦ତମ ଜନ୍ମଦିନ ଥିଲା। ଏହି ଅବସରରେ ରିଭାବା ଏକ ବଡ଼ ନିଷ୍ପତ୍ତି ନେଇଛନ୍ତିି। ସେ ତାଙ୍କ ଆଖି ଦାନ କରିବାକୁ ନିଷ୍ପତ୍ତି ନେଇଛନ୍ତି, ଯାହା ଫଳରେ ଆଖି ନ ଥିବା ଲୋକ ଉପକୃତ ହୋଇପାରିବ ବୋଲି ସେ କହିଛନ୍ତି। ‘ଭଗବାନଙ୍କ କୃପାରୁ ମୋ ଶରୀରରେ ସମସ୍ତ ଅଙ୍ଗ ରହିଛି। ସେଥିପାଇଁ ମୁଁ ଦୃଷ୍ଟିବାଧିତ ଲୋକଙ୍କ ଯନ୍ତ୍ରଣା ବୁଝିପାରୁନାହିଁ। କିନ୍ତୁ ମୁଁ ଯଦି କୌଣସି ପ୍ରକାର ତାଙ୍କ ସହାୟତା କରିପାରିବି ତାହାଲେ ଏହା ମୋ ପାଇଁ ସମ୍ମାନର ବିଷୟ ହେବ। ମୁଁ ବର୍ତ୍ତମାନ କ’ଣ ଅନୁଭବ କରୁଛି ତାହା କହିପାରିବି ନାହିଁ। କିନ୍ତୁ ଏହା ମୋ ପାଇଁ ଅତ୍ୟନ୍ତ ସନ୍ତୋଷଜନକ ମୁହୂର୍ତ୍ତ। ଏଥିପାଇଁ ମୁଁ ସମସ୍ତଙ୍କୁ ଅନୁରୋଧ କରୁଛି କି, ଆପଣମାନେ ଅନ୍ୟମାନଙ୍କୁ ସହାୟତା କରିବା ସହ ନିଜ ମୃତ୍ୟୁକୁ ସ୍ମରଣୀୟ କରିଦିଅନ୍ତୁ।’ ଏଠାରେ ଉଲ୍ଲେଖଯୋଗ୍ୟ, ରିଭାବାଙ୍କ ସ୍ବାମୀ ରବୀନ୍ଦ୍ର ଜାଡେଜା ବର୍ତ୍ତମାନ ଆଇପିଏଲ୍ ଖେଳିବା ଲାଗି ୟୁଏଇ ଗସ୍ତରେ ରହିଛନ୍ତି। ଜାଡେଜା ଚେନ୍ନାଇ ସୁପର୍ କିଙ୍ଗ୍ସ ପକ୍ଷରୁ ପ୍ରତିନିଧିତ୍ୱ କରୁଛନ୍ତି।
