ନୂଆଦିଲ୍ଲୀ, ୨୧।୮ : ଦିଲ୍ଲୀର ଗାଜିପୁର ବର୍ଡରରେ ଭାରତୀୟ କିଷାନ ୟୁନିଅନ(ବିକେୟୁ)ର ଜାତୀୟ ମୁଖପାତ୍ର ଚୌଧୁରୀ ରାକେଶ ଟିକାଏତଙ୍କୁ ଗିରଫ କରାଯାଇଛି। ତାଙ୍କ ଗିରଫ ହେବା ପରେ ସମସ୍ତ ବିକେୟୁ ସଦସ୍ୟଙ୍କୁ ପରବର୍ତ୍ତୀ ନିର୍ଦ୍ଦେଶ ପର୍ଯ୍ୟନ୍ତ ସତର୍କ ରହିବାକୁ କୁହାଯାଇଛି।
ସୂଚନା ଅନୁଯାୟୀ, ରବିବାର ଅପରାହ୍ନରେ ଦିଲ୍ଲୀର ଗାଜିପୁର ବର୍ଡରରୁ ଟିକାଏତଙ୍କୁ ଗିରଫ କରାଯାଇଛି। ତାଙ୍କୁ ପୋଲିସ ଷ୍ଟେଶନରେ ରଖାଯାଇଛି। ଏଥି ସହିତ ପଶ୍ଚିମ ଉତ୍ତରପ୍ରଦେଶରେ ଏହାକୁ ନେଇ ବିକେୟୁ ସଦସ୍ୟଙ୍କ ମଧ୍ୟରେ ଉତ୍ତେଜନା ପ୍ରକାଶ ପାଇଛି।
କୌଣସି କାର୍ଯ୍ୟକର୍ତ୍ତାଙ୍କୁ ତାଙ୍କ ସହ ଯୋଗାଯୋଗ କରିବାକୁ ଦିଆଯାଉ ନାହିଁ ବୋଲି ଟିକାଏତ କହିଛନ୍ତି। ଟିକାଏତଙ୍କ ସହ ଅନ୍ୟ କେତେକ ବିକେୟୁ ସଦସ୍ୟଙ୍କୁ ମଧ୍ୟ ପୋଲିସ ଷ୍ଟେଶନରେ ଅଟକ ରଖାଯାଇଛି। ଏହା କୁହାଯାଇଛି ଯେ ଟିକାଏତ ବେକାରୀମାନଙ୍କ ଧାରଣାରେ ଯୋଗଦେବା ପାଇଁ ଜନ୍ତର ମନ୍ତର ରେ ଯାଇଥିଲେ। ଏହି ସମୟ ରେ ତାଙ୍କୁ ବାଟରେ ଗିରଫ କରାଯାଇଥିଲା।
ଏହି ଖବରକୁ ନିଶ୍ଚିତ କରିବା ସହିତ ମୁଜାଫରନଗରରେ ବିକେୟୁ ଜିଲା ଅଧ୍ୟକ୍ଷ ଯୋଗେଶ ଶର୍ମା କହିଛନ୍ତି ଯେ ଦିଲ୍ଲୀ ପୋଲିସ ଟିକାଏତଙ୍କୁ ଗିରଫ କରିଛି। ଏଥି ସହିତ, ପଶ୍ଚିମ ଉତ୍ତରପ୍ରଦେଶର ସଂଗଠନର ସମସ୍ତ ସଦସ୍ୟଙ୍କୁ ଯେ କୌଣସି ଅଗ୍ରୀମ ଆଦେଶ ପାଳନ କରିବାକୁ ପ୍ରସ୍ତୁତ ରହିବାକୁ କୁହାଯାଇଛି।
