Odisha Elections 2024

ପୁଣି ଝୁଲିଲା ରଜନୀକାନ୍ତଙ୍କ ଭାଗ୍ୟ

ଅନୁଗୋଳ,୧୨।୪(ଅମିତ କୁମାର ସାମଲ): ଅନୁଗୋଳ ବିଧାନସଭା ନିର୍ବାଚନମଣ୍ଡଳୀରୁ ଦଳ କାହାକୁ ପ୍ରାର୍ଥୀ କରିବ ତାହା ୪ର୍ଥ ପର୍ଯ୍ୟାୟ ପ୍ରାର୍ଥୀ ଘୋଷଣା ପରେ ମଧ୍ୟ ସ୍ପଷ୍ଟ ହୋଇନାହିଁ। ଏପରି କି ଅନୁଗୋଳ ବିଧାୟକ ରଜନୀକାନ୍ତଙ୍କ ଭାଗ୍ୟ ପୁଣି ଥରେ ଆଶଙ୍କା ମଧ୍ୟକୁ ଠେଲି ହୋଇଯାଇଥିବା ଆଲୋଚନା ହେଉଛି। ଅନୁଗୋଳ ପାଇଁ ପ୍ରାର୍ଥୀ ତାଲିକା ଘୋଷଣାରେ ଯେତିକି ବିଳମ୍ବ ହେଉଛି, ବିଧାୟକଙ୍କ ସମର୍ଥକ ଓ ସ୍ଥାନୀୟ ନେତା, କର୍ମୀଙ୍କ ମନରେ ସେତିକି ଛନକା ପଶୁଛି। ଗତ ୨ ଦିନ ତଳେ ଭୁବନେଶ୍ୱରରେ ରଜନୀକାନ୍ତ ସିଂହଙ୍କ ଶୁଭେଚ୍ଛୁମାନେ ମେଳି ହୋଇ ଟିକେଟ୍‌ ତୁରନ୍ତ ପ୍ରଦାନ କରିବାକୁ ଦାବି କରିଥିଲେ ହେଁ ଗୁରୁବାର ଟିକେଟ୍‌ ଘୋଷଣା ହୋଇ ନ ଥିବାରୁ ରଜନୀଙ୍କ ଶେଷ ଅସ୍ତ୍ର କାମ କଲାନି ବୋଲି ଅନୁଗୋଳରେ ଚର୍ଚ୍ଚା ଜୋର ଧରିଛି। ଏହି ଘଟଣା ପରେ ଅନୁଗୋଳ ବିଜେଡିରୁ ଆଶାୟୀ ଥିବା ଅନ୍ୟ ନେତାମାନଙ୍କ ମନରେ ଆଶା ସୃଷ୍ଟି ହୋଇଥିବା ରାଜନୈତିକ ସମୀକ୍ଷକମାନେ ପ୍ରକାଶ କରିଛନ୍ତି।
ସମୀକ୍ଷକମାନଙ୍କ କହିବା ଅନୁଯାୟୀ, ଅନୁଗୋଳ ନିର୍ବାଚନମଣ୍ଡଳୀକୁ ଦୀର୍ଘ ୨୪ ବର୍ଷ ହେଲା ବିଧାୟକ ସିଂହଙ୍କ ପରିବାର ଅକ୍ତିଆରରେ ରଖି ଆସିଛନ୍ତି। ହେଲେ ଦଳୀୟ ଟିକେଟ୍‌ ପାଇଁ ପ୍ରଥମ ଥର କରି ବିଧାୟକ ସିଂହଙ୍କୁ ଏତେ କଳ, ବଳ ଓ କୌଶଳ ଆପଣାଇବାକୁ ପଡ଼ୁଛି। ଏପରି କି ରଜନୀଙ୍କ ୨୦ ବର୍ଷର ରାଜନୈତିକ ଜୀବନରେ ପ୍ରଥମ ଥର ଏହା ଦେଖିବାକୁ ମିଳୁଛି। ଗତ ୨୦୧୯ ସାଧାରଣ ନିର୍ବାଚନରେ ଶେଷ ମୁହୂର୍ତ୍ତରେ ରଜନୀକାନ୍ତଙ୍କୁ ଟିକେଟ୍‌ ମିଳିଥିଲା। କିନ୍ତୁ ଏଥର ପରିବାରବାଦ୍‌ ବିରୋଧରେ ଅନୁଗୋଳରେ ଜୋର୍‌ଦାର ସ୍ବର ଉତ୍ତୋଳନ ହେଉଥିବାରୁ ଏବଂ ରଜନୀକାନ୍ତଙ୍କ ଲୋକପ୍ରିୟତା ସହ ଭୋଟ୍‌ ହାର କ୍ରମାଗତ ହ୍ରାସ ପାଉଥିବା ଦେଖି ବିଜେଡି ଟିକେଟ୍‌ ନିଷ୍ପତ୍ତି ନେବାରେ ଅଧିକ ସମୟ ନେଉଛି। ଇତିମଧ୍ୟରେ ରଜନୀଙ୍କ ସ୍ଥାନରେ ତାଙ୍କ ପୁଅ ଅରୁଣାଭ କିମ୍ବା ସ୍ତ୍ରୀ ସଂଯୁକ୍ତାଙ୍କୁ ଟିକେଟ୍‌ ଦେବାକୁ ଯେଉଁ ଦାବି ହେଉଥିଲା ତାହା ମଧ୍ୟ ଥମିଯାଇଥିବା ଦେଖିବାକୁ ମିଳୁଛି। ଭୁବନେଶ୍ୱରସ୍ଥିତ ସରକାରୀ ବାସଭବନରେ ସମର୍ଥକମାନଙ୍କୁ ନେଇ ମେଳି କରିବା ସହ ତାଙ୍କୁ ଟିକେଟ୍‌ ପ୍ରଦାନ କରିବାକୁ ରଜନୀକାନ୍ତ ଖୋଲାଖୋଲି ଦାବି କରିଥିଲେ। ତାଙ୍କ ନାମରେ ଆପରାଧିକ ମାମଲା କିମ୍ବା କୌଣସି ଅଭିଯୋଗ ନ ଥିବା ଗଣମାଧ୍ୟମକୁ କହିଥିଲେ। ତେଣୁ ତାଙ୍କ ପରିବାରର କାହାକୁ ନହେଁ, ବରଂ ତାଙ୍କୁ ଟିକେଟ୍‌ ପାଇଁ ସେ ଲବି କରିଥିଲେ। ଟିକେଟ୍‌ ପ୍ରଦାନ କରିବାରେ ବିଳମ୍ବ ଯୋଗୁ ତାଙ୍କୁ ଓ କର୍ମୀଙ୍କୁ ସାମାଜିକ ଗଣମାଧ୍ୟମରେ ଟାଇ ଟପରା ଶୁଣିବାକୁ ପଡ଼ୁଛି ବୋଲି ସେ ସଫେଇ ଦେଇଥିଲେ। କିନ୍ତୁ ୪ର୍ଥ ପର୍ଯ୍ୟାୟରେ ତାଳଚେର ପାଇଁ ଟିକେଟ୍‌ ଘୋଷଣା ପରେ ରଜନୀଙ୍କ ପାଇଁ ଅନୁଗୋଳ ଟେନ୍‌ସନ୍‌ ବଢ଼ିବାରେ ଲାଗିଛି। ଅନ୍ୟପଟେ ଆଦର୍ଶ ଗ୍ରୁପ୍‌ ମୁଖ୍ୟ ମହେଶ ଧଳ ମଧ୍ୟ ବିଜେଡିି ବିଧାୟକ ଟିକେଟ୍‌ ଦୌଡ଼ରେ ରହିଛନ୍ତି। ସେ ନୂଆ ମୁହଁ ଓ ଟିକେଟ୍‌ ପାଇଁ ଅନ୍ୟତମ ଦାବିଦାର ହୋଇଥିବାରୁ ତାଙ୍କୁ ଦଳ କିଭଳି ଗୁରୁତ୍ୱ ଦେବ ସେ ନେଇ ମଧ୍ୟ ଅଙ୍କକଷା ଚାଲିଛି। ବସୁଧା ଯୋଜନାର ଉପଦେଷ୍ଟା ତଥା ଜିଲା ଯୁବ ବିଜେଡି ସଭାପତି ଦିନେଶ ପ୍ରଧାନ ମଧ୍ୟ ଏହି ଟିକେଟ୍‌ ଦୈଡ଼ରେ ରହିଛନ୍ତି। ତେଣୁ ଦଳ ନିକଟରେ ବିକଳ୍ପ ଥିବାରୁ ଶେଷ ପର୍ଯ୍ୟାୟରେ ଅନୁଗୋଳର ପ୍ରାର୍ଥୀଙ୍କ ନାମ ଘୋଷଣା ହେବ ବୋଲି ରାଜନୈତିକ ସମୀକ୍ଷକମାନେ କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ଚନ୍ଦନ ଯାତ୍ରା ସମୟରେ ନରେନ୍ଦ୍ର ପୋଖରୀରେ ବାଣ ବିସ୍ଫୋରଣ ଘଟଣା : ଉଦବେଗ ପ୍ରକାଶ କଲେ ମୁଖ୍ୟମନ୍ତ୍ରୀ

ଭୁବନେଶ୍ୱର, ୨୯l୫: ଚନ୍ଦନ ଯାତ୍ରା ସମୟରେ ନରେନ୍ଦ୍ର ପୋଖରୀ ଦେବୀଘାଟରେ ଘଟିଥିବା ଦୁର୍ଭାଗ୍ୟଜନକ ବାଣ ଦୁର୍ଘଟଣାରେ ବହୁ ଲୋକ ଆହତ ହୋଇଛନ୍ତି l ଏନେଇ ମୁଖ୍ୟମନ୍ତ୍ରୀ...

ନରେନ୍ଦ୍ର ପୁଷ୍କରିଣୀରେ ଚାପ ଖେଳ ବେଳେ ଅଘଟଣ, ବାଣ ନିଆଁ ପଡ଼ି ୨୦ରୁ ଉର୍ଦ୍ଧ ଆହତ

ପୁରୀ,୨୯।୫: ନରେନ୍ଦ୍ର ପୁଷ୍କରିଣୀରେ ଚାପ ଖେଳ ବେଳେ ଏକ ବଡଧରଣର ଅଘଟଣ ଘଟିଛି। ବାଣ ନିଆଁ ପଡ଼ି ୨୦ରୁ ଉର୍ଦ୍ଧ ଗୁରୁତର ଆହତ ହୋଇଛନ୍ତି। ମହାପ୍ରଭୁ...

ଗ୍ୟାସ୍‌ ଚୁଲାରୁ ନିଆଁ ଲାଗି ମହିଳାଙ୍କ ଜୀବନ ଗଲା, ବଞ୍ଚାଇବାକୁ ଯାଇ ସ୍ବାମୀ-ପୁଅ ଆହତ

ଖଲ୍ଲିକୋଟ,୨୯ା୫(ପ୍ରଶାନ୍ତ କୁମାର ମିଶ୍ର): ଗଞ୍ଜାମ ଜିଲା ପୁରୁଷୋତ୍ତମପୁର ଥାନା ସିକୁଳା ଗ୍ରାମର ଜଣେ ମହିଳା ଗ୍ୟାସ୍‌ଚୁଲାରୁ ନିଆଁ ଲାଗି ଗୁରୁତର ଅବସ୍ଥାରେ ଖଲ୍ଲିକୋଟ ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରକୁ...

ସପ୍ତାହକରେ ବନ୍ଧାହେଲେଣି ଶହେରୁ ଅଧିକ ଅସାମାଜିକ

ଛତ୍ରପୁର,୨୯ା୫(ଦିଲ୍ଲୀପ ସାମଲ): ଗଞ୍ଜାମ ପୋଲିସ ଜିଲା ପକ୍ଷରୁ ଏକ ସ୍ବତନ୍ତ୍ର ଡ୍ରାଇଭ ଜାରି ରହିଛି। ଗଞ୍ଜାମ ଏସ୍‌ପି ଜଗମୋହନ ମୀନାଙ୍କ ନିର୍ଦ୍ଦେଶ କ୍ରମେ ବିଭିନ୍ନ ଥାନାରେ...

ଗଛତଳେ ଆଶ୍ରୟ ନେଇଥିବା ବେଳେ ହେଲା ବଜ୍ରପାତ, ଚାଲିଗଲା ଦୁଇ ଯୁବକଙ୍କ ଜୀବନ

କୋକସରା,୨୯ା୫(ଦୁଷ୍ମନ୍ତ କୁମାର ପାଟ୍ଟଯୋଷୀ): କଳାହାଣ୍ଡି ଜିଲା କୋକସରା ଥାନା ଧଅଁରପୁର ପଞ୍ଚାୟତ ତେନ୍ତୁଳିପଡ଼ାରେ ବଜ୍ରପାତ ଘଟି ଦୁଇ ଯୁବକଙ୍କ ଜୀବନ ଯାଇଛି। ଧଅଁରପୁର ଗ୍ରାମକୁ ମିସ୍ତ୍ରୀ...

ଜୁନ୍‌ ୧ ଭୋଟଗ୍ରହଣ ପାଇଁ ୩୦ ତାରିଖ ସନ୍ଧ୍ୟାରୁ ୧୪୪ ଧାରା ଜାରି,୧୦୦ ମିଟର ମଧ୍ୟରେ ଫୋନ୍‌ ବ୍ୟବହାର ନିଷେଧ

କଟକ,୨୯ା୫ (କାର୍ତ୍ତିକ ସାହୁ): ଅନ୍ତିମ ପର୍ଯ୍ୟାୟ ଜୁନ୍‌ ୧ ତାରିଖ ଭୋଟ ପାଇଁ କଟକ ଜିଲାର ନିଆଳି, ସାଲେପୁର ଏବଂ ମାହାଙ୍ଗା ବିଧାନସଭା ନିର୍ବାଚନ ମଣ୍ଡଳୀର...

ଲୋକପ୍ରିୟ ମୃଦୁ ପାନୀୟରେ କଣ୍ଡୋମ୍, କଡ଼ା କାର୍ଯ୍ୟାନୁଷ୍ଠାନ ଦାବି

ପାରଳାଖେମୁଣ୍ଡି, ୨୯।୫(ଗିରିଧାରୀ ପରିଛା): ସାରା ରାଜ୍ୟରେ ଗ୍ରୀଷ୍ମ ପ୍ରବାହ ବଢ଼ିଥିବା ବେଳେ ଗଜପତି ଜିଲାରେ ମଧ୍ୟ ଅସହ୍ୟ ଗରମ ଅନୁଭୂତ ହେଉଛି। ସାଧାରଣ ଜନତା ହୁଅନ୍ତୁ...

ରାସ୍ତାକଡ଼କୁ ଓଲଟି ପଡ଼ିଲା ଯାତ୍ରୀବାହୀ ବସ୍‌

କାମାକ୍ଷାନଗର,୨୯।୫: ଢେଙ୍କାନାଳ ଜିଲା କାମାକ୍ଷାନଗର ଥାନା ମହୁଲପାଳ ଗ୍ରାମ ନିକଟରେ ବୁଧବାର ସାରେ ଏକ ଯାତ୍ରୀବାହୀ ବସ ଭାରସାମ୍ୟ ହରାଇ ରାସ୍ତା କଡ଼କୁ ଓଲଟି ପଡିଛି।...

Advertisement

ଧରିତ୍ରୀ କାର୍ଟୁନ

Archives
Model This Week

ପିଲାଙ୍କ ଧରିତ୍ରୀ

Why Dharitri