ଚେନ୍ନାଇ,୮।୪: ଆଇପିଏଲ୍ ୨୦୨୧ ଆରମ୍ଭ ହେବାକୁ ଆଉ ମାତ୍ର ଗୋଟିଏ ଦିନ ବାକି ଅଛି। ଏପ୍ରିଲ ୯ରୁ ଏହି ମହାକୁମ୍ଭ ଆରମ୍ଭ ହେବ। ପ୍ରଥମ ମ୍ୟାଚ୍ ମୁମ୍ବାଇ ଇଣ୍ଡିଆନ୍ସ ଏବଂ ରୟାଲ୍ସ ଚ୍ୟାଲେଞ୍ଜର୍ସ ବେଙ୍ଗାଲୁରୁ ମଧ୍ୟ ଖେଳାଯିବ। ଉଭୟ ଦଳ ପ୍ରତିଥର ଟୁର୍ନାମେଣ୍ଟ ଜିତିବାର ପ୍ରବଳ ଦାବିଦାର ଥାନ୍ତି। କିନ୍ତୁ ଆରସିବିରେ ଦମଦାର ଖେଳାଳି ଥିଲେ ମଧ୍ୟ ଦଳ ଗୋଟିଏ ବି ଟାଇଟେଲ୍ ଜିତିବାରେ ସକ୍ଷମ ହୋଇନାହିଁ। ଦଳ ଗତ ଥର ଚତୁର୍ଥ ସ୍ଥାନରେ ଥିଲା। ବିରାଟ କୋହଲି ନେତୃତ୍ୱଧୀନ ଆରସିବି ଏଥର ଟାଇଟେଲ୍ ଜିତିବା ଆଶାରେ ପଡିଆକୁ ଓହ୍ଲାଇବ। ଏହା ପୂର୍ବରୁ ଦଳକୁ ଏକ ମ୍ୟାଚ୍ ଓ୍ବିନର୍ ଖେଳାଳି ମିଳିଯାଇଛି। ଡାହାଣହାତୀ ବ୍ୟାଟ୍ସମ୍ୟାନ୍ ରଜତ ପାଟିଦାର ଅଭ୍ୟାସ ମ୍ୟାଚ୍ରେ ବିସ୍ଫୋରକ ବ୍ୟାଟିଂ କରିଛନ୍ତି। ସେ ଏହି ମ୍ୟାଚ୍ରେ ମାତ୍ର ୪୯ ରନ୍ରେ ୧୦୪ ରନ୍ର ପାଳି ଖେଳିଥିଲେ। ରଜତଙ୍କୁ ଚଳିତ ସିଜିନ୍ରେ ମାତ୍ର ୨୦ ଲକ୍ଷ ଟଙ୍କାରେ କିଣିଛି ଆରସିବି।
