ଲକ୍ଷ୍ନୌ,୭।୬ : ଉତ୍ତରପ୍ରଦେଶ ଉପମୁଖ୍ୟମନ୍ତ୍ରୀ କେଶବ ପ୍ରସାଦ ମୌର୍ଯ୍ୟ କଂଗ୍ରେସ ନେତା ରାହୁଲ ଗାନ୍ଧୀଙ୍କ ସମ୍ପର୍କରେ ଏକ ବିବାଦୀୟ ବିବୃତ୍ତି ଦେଇଛନ୍ତି। କେଶବ ପ୍ରସାଦ କହିଛନ୍ତି ରାହୁଲ ଗାନ୍ଧୀଙ୍କ ମାନସିକ ସନ୍ତୁଳନ ଭଲ ନୁହେଁ, ତାଙ୍କୁ ଆଗ୍ରା ଡାକ୍ତରଖାନାରେ ଭର୍ତ୍ତି କରାଯିବା ଉଚିତ। କେନ୍ଦ୍ର ସରକାରଙ୍କ ୯ ବର୍ଷ ପୂରଣ ଅବସରରେ କେଶବ ପ୍ରସାଦ ଆଗ୍ରା ଠାରେ ବ୍ୟବସାୟୀ ସମ୍ମିଳନୀରେ ପହଞ୍ଚିଥିଲେ। ଏହି ସମୟରେ ରାହୁଲଙ୍କ ଆମେରିକା ଗସ୍ତ ବିଷୟରେ ପଚରାଯାଇଥିବା ଏକ ପ୍ରଶ୍ନର ଉତ୍ତରରେ ରାହୁଲଙ୍କୁ ଆଗ୍ରା ଡାକ୍ତରଖାନାରେ ଭର୍ତ୍ତି କରାଯିବା ଆବଶ୍ୟକ। ଏହା ସହିତ ସେ ଅଖିଳେଶ ଯାଦବଙ୍କୁ ଗୁଣ୍ଡାଙ୍କ ସର୍ଦ୍ଦାର ବୋଲି ସେ କହିଛନ୍ତି।
ସମାଜବାଦୀ ପାର୍ଟି ସହିତ ଗୁଣ୍ଡା, ଅପରାଧୀ ଏବଂ ମାଫିଆ କିପରି ସାମିଲ ହେବେ, ଲୋକମାନଙ୍କୁ କିପରି ଅସୁବିଧାରେ ପକାଯିବ। ଏଥିପାଇଁ କାର୍ଯ୍ୟ କରାଯାଉଛି। ସମାଜବାଦୀ ପାର୍ଟିର କ୍ୟାଡର ଅର୍ଥ ହେଉଛି ଗୁଣ୍ଡା, ମାଫିଆ ଏବଂ ଅପରାଧୀଙ୍କ କ୍ୟାଡର। ସେମାନଙ୍କର ମାନସିକତା ହେଉଛି ରାଜ୍ୟରେ କିପରି ଅପରାଧବ ବୃଦ୍ଧି ପାଇବ। କିନ୍ତୁ ଆମେ ଏହାକୁ ବଢ଼ିବାକୁ ଦେବୁ ନାହିଁ। ଯେଉଁମାନେ ଏଭଳି କରିଛନ୍ତି, ଯେଉଁମାନେ ଜମି ଦଖଲ କରିଛନ୍ତି ଏବଂ ଯେଉଁମାନେ ଦଙ୍ଗା ବିସ୍ତାର କରିଛନ୍ତି ସେମାନେ ଜେଲରେ ସ୍ଥାନ ପାଇଛନ୍ତି। ଗଣମାଧ୍ୟମ ସହ କଥାବାର୍ତ୍ତା କରି ଉପମୁଖ୍ୟମନ୍ତ୍ରୀ ଦାବି କରିଛନ୍ତି ଏଥର ଆମେ ୨୦୧୪ ର ଆକଳନ ଅତିକ୍ରମ କରିବୁ। ୨୦୧୪ ରେ, ଆମେ ଉତ୍ତରପ୍ରଦେଶରେ ୭୩ ଏମପି ସିଟ ପାଇଥିଲୁ। ୨୦୨୪ ରେ, ସମସ୍ତ ୮୦ ଏମପି ସିଟ ଭାଜପା ହାତେଇବ।
ସେ କହିଛନ୍ତି ଦେଶର ଲୋକ ଏହି ସଂକଳ୍ପ ସହିତ ଛିଡା ହୋଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି ୨୦୧୯ ତୁଳନାରେ ଅଧିକ ସଂଖ୍ୟାରେ ସରକାର ଗଠନ କରିବା ଉଚିତ ଏବଂ ଦେଶକୁ ବିଶ୍ୱରେ ଅଗ୍ରଣୀ କରାଇବା ଆବଶ୍ୟକ। ଉତ୍ତରପ୍ରଦେଶରେ ପୌରରସଂସ୍ଥା ନିର୍ବାଚନରେ ଆମେ ସମସ୍ତ ୧୭ ଟି ସିଟ ଜିତିଛୁ। ଏହିପରି ଭାବରେ ଆମେ ଲୋକସଭା ନିର୍ବାଚନରେ ଜିତିବୁ। ରାଜ୍ୟରେ ଡବଲ ଇଞ୍ଜିନ ସରକାର କାର୍ଯ୍ୟ କରୁଛନ୍ତି। କେନ୍ଦ୍ରରେ ପ୍ରଧାନମନ୍ତ୍ରୀ ମୋଦି ଏବଂ ମୁଖ୍ୟମନ୍ତ୍ରୀ ଯୋଗୀ ଆଦିତ୍ୟନାଥଙ୍କ ନେତୃତ୍ୱରେ ଭଲ କାର୍ଯ୍ୟ କରାଯାଉଛି। ରାଜ୍ୟରେ ଅଖିଳେଶଙ୍କ ସାଇକେଲ ଲିକ୍ ହେବ। ରାଜ୍ୟରେ ପଦ୍ମ ପୁଣି ଫୁଟିବ।
