ଦେଶୀ ବନ୍ଧୁକ କାରଖାନା ଚଢ଼ାଉର ସ୍ବଚ୍ଛତାକୁ ନେଇ ପ୍ରଶ୍ନ

ନୟାଗଡ଼ ଅଫିସ,୧୬।୩:ଗଞ୍ଜାମ ଜିଲାର ଜଗନ୍ନାଥପ୍ରସାଦ ଥାନା ପୋଲିସ ନୟାଗଡ଼ ଜିଲା ଓଡ଼ଗଁା ଥାନା ବାହାଡାଝୋଲା ଫାଣ୍ଡି ଡିମିରିପଲ୍ଲୀ ଆଦିବାସୀ ସାହି ଉପରେ ଚଢ଼ାଉ କର ଦେଶୀ ବନ୍ଧୁକ କାରଖାନା ଠାବ କରିବା ଘଟଣା ନୂଆ ମୋଡ ନେଇଛି । ଚଢ଼ାଉ ପୂର୍ବ ଓ ଚଢ଼ାଉ ପରେ ଓଡ଼ଗଁା ଥାନା ପୋଲିସକୁ ଜଗନ୍ନାଥ ପ୍ରସାଦ ଥାନା ପୋଲିସ ଅବଗତ କରିନି । ପୁଣି ଅଭିଯୁକ୍ତଙ୍କଠାରୁ ଲାଇସେନ୍ସ ପ୍ରାପ୍ତ ବନ୍ଧୁକ ନେଇଥିଲେ ମଧ୍ୟ ସେନେଇ ଗଣମାଧ୍ୟମକୁ ସେ ସମ୍ପର୍କରେ ସୂଚନା ଦେଇନି । ଜଣେ କାଠ କାରିଗରକୁ ଦେଶୀ ବନ୍ଧୁକ କାରିଗର ଦର୍ଶାଇ ଗିରଫ କରି କୋର୍ଟ ଚାଲାଣ କରାଯାଇଥିବା ଅଭିଯୋଗ ଉଠିଛି। ଦେଶୀ ବନ୍ଧୁକ କାରଖାନା ଉପରେ ଚଢ଼ାଉକୁ ଅନୁଧ୍ୟାନ କଲେ ଜଗନ୍ନାଥପ୍ରସାଦ ଥାନା ପୋଲିସର କାର୍ଯ୍ୟ ସନ୍ଦେହଘେରକୁ ଆସିଛି।
ଜଗନ୍ନାଥପ୍ରସାଦ ଥାନା ପୋଲିସର ଗଣମାଧ୍ୟମକୁ ଦେଇଥିବା ସୂଚନା ଅନୁସାରେ ଗତ ୨୬ ତାରିଖ ରାତିରେ ପାଟ୍ରୋଲିଂ ବେଳେ ଖଇରପଟି ଗଁାରେ ସୁଶାନ୍ତ ନାୟକଙ୍କୁ ସନ୍ଦେହରେ ଅଟକ ରଖି ପଚରାଉଚୁରା କରାଯାଇଥିଲା। ସୁଶାନ୍ତଙ୍କଠାରୁ ହାତହତିଆର ଓ ବନ୍ଧୁକ ଜବତ ହୋଇଥିଲା। ପଚରାଉଚୁରା ପରେ ବନ୍ଧୁକଟି ଓଡ଼ଗଁା ଥାନା ବାହାଡାଝୋଲା ଫାଣ୍ଡି ଡିମିରିପଲ୍ଲୀର ମୋହନ ମଳିକଙ୍କଠାରୁ କିଣିଥିବା ସୁଶାନ୍ତ କହିଥିଲେ । ସୁଶାନ୍ତଙ୍କ ସୂଚନାକୁ ଆଧାର କରି ଜଗନ୍ନାଥପ୍ରସାଦ ଥାନା ପୋଲିସ ଗତ ୧୨ ତାରିଖ ରାତିରେ ଡିମିରିପଲ୍ଲିରେ ଚଢ଼ାଉ କରି ଦେଶୀ ବନ୍ଧୁକ କାରଖାନା ଠାବ କରିଥିଲା । ଏପରିକି ୩ଟି ବନ୍ଧୁକ ଜବତ କରି ମୋହନ ମଳିକଙ୍କୁ ଗିରଫ କରିଥିଲା । ଅନ୍ୟପକ୍ଷେ ବାପ ପୁଅ ବନ୍ଧୁକ ତିଆରି କରୁଥିବା କହୁଥିବାବେଳେ କେବଳ ବାପାଙ୍କ ନଁାରେ ୧୨୬/୨୩ରେ ମାମଲା ରୁଜୁ କରିଥିଲା । ଡିମରିପଲ୍ଲୀରେ ୩୦ ବର୍ଷ ହେଲା ବନ୍ଧୁକ ନିର୍ମାଣ ହେଉଥିଲା । ବନ୍ଧୁକ ନୟାଗଡ, ଦଶପଲ୍ଲା, ଗଞ୍ଜାମ, କନ୍ଧମାଳକୁ ଚାଲାଣ ହେଉଥିଲା ବୋଲି କହିଥିଲା । ସେହିପରି ଅଭିଯୁକ୍ତ ମୋହନ ମଳିକଙ୍କ ପରିବାର ଲୋକଙ୍କ ସୂଚନା ଅନୁସାରେ ୧୨ ତାରିଖ ରାତିରେ ଜଗନ୍ନାଥପ୍ରସାଦ ଥାନା ପୋଲିସ ଅତର୍କିିତ ଚଢ଼ାଉ କରିଥିଲେ। ୧୧ ଜଣ ପୋଲିସ ଘରେ ପଶି ତନଖି କରି ଧମକଚମକ ଦେବା ସହ ପରିବାର ଲୋକଙ୍କୁ ଭୟଭୀତ କରିଥିଲେ। ପରବର୍ତ୍ତୀ ପର୍ଯ୍ୟାୟରେ ଘରୁ କେବଳ ଏକ ଲାଇସେନ୍ସ ପ୍ରାପ୍ତ ବନ୍ଧୁକ ଓ ତାର କାଗଜପତ୍ର ନେଇଥିଲେ।
ପଚରାଉଚୁରା ପାଇଁ ଥାନାକୁ ନିଆଯାଉଥିବା କହି ବନ୍ଧୁକ ନିର୍ମାଣ କରିବା ଅଭିଯୋଗରେ କୋର୍ଟ ଚାଲାଣ କରାଯାଇଥିବା ଜଣାପଡିଛି କହି କାନ୍ଦି ପକାଇଥିଲେ। ଅନ୍ୟପକ୍ଷେ ମୋହନଙ୍କ ପରିବାର ଲୋକେ କାଠ କାମ କରି ପେଟ ପୋଷୁଥିଲେ ବୋଲି କହିଛନ୍ତି।
ଅଭିଯୁକ୍ତ ପରିବାର ଓ ଜଗନ୍ନାଥପ୍ରସାଦ ଥାନା ପୋଲିସର ସୂଚନାକୁ ଅନୁଧ୍ୟାନ କଲେ ଅନେକ ପ୍ରଶ୍ନ ଉଙ୍କି ମାରୁଛି।
କେଉଁଠି ନଁା କେଉଁଠି ତଦନ୍ତରେ କେଁ ରଖାଯାଇ ତଦନ୍ତକୁ ଜାଣିଶୁଣି ବାଟବଣା କରାଯାଉଛି ବୋଲି ଅଭିଯୋଗ ଉଠିଛି । ବାପ ପୁଅ ବନ୍ଧୁକ ତିଆରି କରୁଥିବାବେଳେ ମକଦ୍ଦମାରୁ ପୁଅକୁ କାହିଁକି ବାଦ୍‌ ଦିଆଗଲା।
ପୁଅ କାହିଁକି ତଦନ୍ତ ପରିସର ଭୁକ୍ତ ହେବନି। ଘଟଣା ସମ୍ପର୍କରେ ଓଡ଼ଗଁା ଥାନା ପୋଲିସ ଜାଣିଥିଲେ ପୁଅ ମଧ୍ୟ ଗିରଫ ହୋଇଥାନ୍ତା ।
ଦେଶୀ ବନ୍ଧୁକ କାରଖାନା ଠାବ କରିବାରେ ଯଦି ଓଡ଼ଗଁା ଥାନା ପୋଲିସର କାର୍ଯ୍ୟକଳାପ ଉପରେ ଜଗନ୍ନାଥପ୍ରସାଦ ପୋଲିସର ସନ୍ଦେହ ହେଲା ଗିରଫ ପରେ ନିଜ ଥାନାକୁ ଯାଇ ଘଟଣା ସମ୍ପର୍କରେ ଓଡ଼ଗଁା ଥାନା ପୋଲିସକୁ ଅବଗତ କରାଯାଇ ପାରିଥାନ୍ତା।
ଅଭିଯୁକ୍ତ ଗିରଫ ହେବାର ୪ଦିନ ବିତି ଯିବାକୁ ବସିଥିବାବେଳେ ଓଡ଼ଗଁା ପୋଲିସକୁ ଏଯାବତ ଜଗନ୍ନାଥପ୍ରସାଦ ଥାନା ପୋଲିସ ସୂଚନା ନଦେବା ସ୍ବଚ୍ଛତା ଉପରେ ଦାଗ ଲଗାଇଛି । ଦେଶୀ ବନ୍ଧୁକ କାରଖାନା ଠାବ ଓ ଅଭିଯୁକ୍ତ ଗିରଫ ଘଟଣାର କେତେ ସତ୍ୟାସତ୍ୟ ରହିଛି ଘଟଣାର ପୁଙ୍ଖାପୁଙ୍ଖ ତଦନ୍ତ କରାଯିବାକୁ ପରିବାର ଲୋକେ ଦାବି କରିଛନ୍ତି । ଏନେଇ ଓଡ଼ଗଁା ଥାନା ଆଇଆଇସି ପୂର୍ଣ୍ଣଚନ୍ଦ୍ର ପଟ୍ଟାୟତଙ୍କୁ ପଚାରିବାରୁ କହିଥିଲେ ବାହାଡାଝୋଲା ଫାଣ୍ଡିର ଡିମିରିପଲ୍ଲୀ ଗଁାରେ ଦେଶୀ ବନ୍ଧୁକ କାରଖାନା ଠାବ ଓ ଜଣେ ଗିରଫ ସମ୍ପର୍କରେ ଆମକୁ ଜଗନ୍ନାଥପ୍ରସାଦ ଥାନା ପୋଲିସ ଅବଗତ କରିନି । ଏନେଇ ଆମେ କେବଳ ଶୁଣିଛୁ । ଘଟଣାର ସତ୍ୟାସତ୍ୟ ଜାଣି ନାହୁଁ ।
ଏସ୍‌ପି ଅଲେଖ ଚନ୍ଦ୍ର ପହିଙ୍କୁ ପଚାରିବାରୁ କହିଥିଲେ ଚଢ଼ାଉ ପରେ ଅଥବା ପୂର୍ବରୁ ସୂଚନା ଦେବାର ଆବଶ୍ୟକତାା ଥିଲା। ତେବେ ଜଗନ୍ନାଥପ୍ରସାଦ ଥାନା ପୋଲିସ ଆମକୁ ଏନେଇ ଅବଗତ କରାଇନି ବୋଲି କହିଛନ୍ତି ା


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?