ଶିଶୁଙ୍କୁ ବଣ୍ଟନ ହେଉଥିବା ଛତୁଆରେ ବାଲି, ଗୁଣବତ୍ତାକୁ ନେଇ ଉଠିଲା ପ୍ରଶ୍ନ

ନୟାଗଡ଼ ଅଫିସ,୪।୮: ନୟାଗଡ଼ ଜିଲାର ବିଭିନ୍ନ ଅଙ୍ଗନୱାଡି କେନ୍ଦ୍ରକୁ ଯୋଗାଣ ହେଉଥିବା ଛତୁଆର ଗୁଣବତ୍ତା ଉପରେ ପ୍ରଶ୍ନ ଉଠିଛି। ଏହାର ମାନ ଭଲ ନ ଥିଲେ ମଧ୍ୟ ଏହାକୁ ଛୋଟ ଛୋଟ ଶିଶୁ ଓ ଗର୍ଭବତୀଙ୍କୁ ଦିଆଯାଉଛି। ମାଙ୍କପଲ୍ଲୀ ଅଙ୍ଗନୱାଡି କେନ୍ଦ୍ର ପକ୍ଷରୁ ବଣ୍ଟନ ହୋଇଥିବା ଛତୁଆ ବାଲିଆ ଲାଗିବା ପରେ ଏହାର ମାନ ନେଇ ସୃଷ୍ଟ ସନ୍ଦେହ ସତ୍ୟ ବୋଲିି ପ୍ରମାଣିତ ହୋଇଛି। ଏ ସଂକ୍ରାନ୍ତରେ ସ୍ଥାନୀୟ ଅଞ୍ଚଳର କେତେଜଣ ଅଭିଭାବକ ଜିଲା ସମାଜ ମଙ୍ଗଳ ଅଧିକାରୀ(ଡିଏସ୍‌ଡବ୍ଲୁଓ)ଙ୍କୁ ବୁଧବାର ଫେରାଦ୍‌ ହୋଇଛନ୍ତି। ଜିଲା ସମାଜ ମଙ୍ଗଳ ଅଧିକାରୀ ଅଭିଯୋଗ ପାଇବା ପରେ ଏହାର ତଦନ୍ତ ନିର୍ଦ୍ଦେଶ ଦେଇଛନ୍ତି।

ଅଭିଯୋଗ ଅନୁଯାୟୀ, ନୟାଗଡ଼ ଜିଲାରେ ରହିଛି ୧୫୮୪ ଅଙ୍ଗନୱାଡି କେନ୍ଦ୍ର। ଏଥିରୁ ଭାପୁର ବ୍ଲକରେ ୧୫୩, ଦଶପଲ୍ଲା ବ୍ଲକରେ ୨୨୯, ଗଣିଆ ବ୍ଲକରେ ୮୨, ଖଣ୍ଡପଡା ବ୍ଲକରେ ୧୬୯, ନୟାଗଡ଼ ବ୍ଲକରେ ୨୩୦, ନୂଆଗଁା ବ୍ଲକରେ ୧୬୮, ଓଡଗଁା ବ୍ଲକରେ ୨୩୦, ରଣପୁର ବ୍ଲକରେ ୩୨୩ କେନ୍ଦ୍ର ରହିଛି। ଜିଲାରେ ୬ମାସ ଠାରୁ ୩ ବର୍ଷର ଶିଶୁ ୧୫୮୪, ୩ରୁ ୬ ବର୍ଷର ଶିଶୁ ୩୧ ହଜାର ୬୭୨, ଗର୍ଭବତୀ ମହିଳା ଓ ପ୍ରସୂତି ମା ୧୨ ହଜାର ୨୬ ଏପରି ମୋଟରେ ୮୦ ହଜାର ୩୩୫ ଥିବା ସରକାରୀ ରେକର୍ଡ କହୁଛି। ଏମାନଙ୍କ ପାଇଁ ଯୋଗାଣ ହେଉଥିବା ଛତୁଆର ମାନ ଠିକ୍‌ ନୁହେଁ ବୋଲି ବିଭିନ୍ନ ସମୟରେ ଅଭିଯୋଗ ହୋଇ ଆସୁଛି। ଏନେଇ ଗଣିଆର ସୌଦାମିନୀ ନାୟକ କୁହନ୍ତି, ଛତୁଆ ସ୍ବାଦିଷ୍ଟ ରହୁନି। ଏହା ଶିଶୁ ଓ ଗର୍ଭବତୀଙ୍କ ପାଇଁ ଆସୁଥିବାବେଳେ ଅଧିକାଂଶ ଏହାକୁ ନ ଖାଇ ଗୋରୁ ଗାଈଙ୍କୁ ଖାଇବାକୁ ଦେଇଛନ୍ତି। ଅଭିଯୋଗ କଲେ କେହି ଶୁଣୁ ନାହାନ୍ତି। ଏଣୁ ଚୁପ ହୋଇ ରଖିବାକୁ ବାଧ୍ୟ ହେଉଛୁ। ରଣପୁରର ମନିଷା ସାହୁ କୁହନ୍ତି, ଗୁଣବତ୍ତା ନ ଥାଇ ଛତୁଆ ଶିଶୁ ଓ ଗର୍ଭବତୀଙ୍କୁ ଦେବା ଠିକ୍‌ ନୁହେଁ। ଛତୁଆ ଯେଉଁମାନେ ଖାଉଛନ୍ତି ତାହା କାମରେ ଲାଗିବନି। ଯଦି ସରକାର ଛତୁଆ ଦେଉଛନ୍ତି ତା’ହେଲେ କ୍ୱାଲିଟି ରଖୁ ନାହାନ୍ତି କାହିଁକି। ଓଡ଼ଗଁାର ରାମଚନ୍ଦ୍ର ସାହୁ କୁହନ୍ତି, ୨ ପ୍ରକାର ଛତୁଆ ଅସୁଛି। କ୍ୱାଲିଟି ଟେଷ୍ଟ ପାଇଁ ଉନ୍ନତମାନର ଛତୁଆ ଦେଇ ଗୁଣବତ୍ତା ହାସଲ କରାଯାଉଛି। ତେବେ ମାନ ଭଲ ନ ଥିବା ଛତୁଆ ଶିଶୁ ଓ ଗର୍ଭବତୀ ମହିଳାଙ୍କୁ ଦେଇ ସେମାନଙ୍କୁ ରୋଗିଣା କରାଯାଉଛି। ଏହା କେତେଦୂର ଠିକ୍‌ ସେନେଇ କେହି ମୁହଁ ଖୋଲୁ ନାହାନ୍ତି। ଯେଉଁ ଅଙ୍ଗନୱାଡି ଏହି ଛତୁଆ ଦେଉଛନ୍ତି ତାଙ୍କୁ ଖାଇବାକୁ ଦେଲେ ସେମାନେ ଖାଇବେନି ବୋଲି ସେ କହିଛନ୍ତି। ମାଙ୍କପଲ୍ଲୀର ଜଣେ ମହିଳା ନିଜ ନାମ ଗୋପନ ରଖି କହିଛନ୍ତି, ଛତୁଆ ବାଲିଆ ଲାଗିଲା। ଚଲାରେ ଚଲାଇବା ପରେ ବାଲି ବାହାରିଲା। ଜାଣି ଶୁଣି ନିମ୍ନମାନର ଛତୁଆ କିପରି ଛୋଟ ଶିଶୁଙ୍କୁ ଦେବୁ। ଗତ ମାସରେ ଛତୁଆରୁ ଗୋଡ଼ି ବାହାରିଥିଲା। ଏଣୁ ଛତୁଆର ମାନ ପରୀକ୍ଷଣ ପାଇଁ ଅତର୍କିିତ ଭାବେ ଚଢ଼ାଉ କରାଯିବା ଦରକାର। ହେଲେ ଦୁର୍ନୀତିରେ ତଳୁ ଉପରସ୍ତର ପର୍ଯ୍ୟନ୍ତ ସାମିଲ୍‌ ଥିବାରୁ ମାଙ୍କପଲ୍ଲୀ ଛତୁଆ ପ୍ରସଙ୍ଗ ଶୀତଳ ଭଣ୍ଡାରକୁ ଚାଲିଯିବ। ଏହା କେବଳ ଲୋକ ଦେଖାଣିଆ ତଦନ୍ତ ହେଉଛି। ତଦନ୍ତ ଆରମ୍ଭରୁ ଚାପ ପଡିବା ଆରମ୍ଭ ହୋଇଗଲାଣି। ଏହାକୁ ଚପାଇ ଦେବାକୁ ଚେଷ୍ଟା ଚାଲିଛି ବୋଲି କହିଛନ୍ତି। ଜିଲା ସମାଜ ମଙ୍ଗଳ ଅଧିକାରୀ ମମତା ରାଣୀ ପାତ୍ର କୁହନ୍ତି, ମାଙ୍କପଲ୍ଲୀ ଛତୁଆରୁ ବାଲି ବାହାରିବା ଘଟଣାର ଲିଖିତ ଅଭିଯୋଗ ମିଳିନି। ତେବେ ମୌଖିକ ଅଭିଯୋଗ ରହିଛି। ନାଗଡ ସିଡିପିଓ ଏହାର ତଦନ୍ତ କରୁଛନ୍ତି। ତଦନ୍ତ ରିପୋର୍ଟ ମିଳିବା ପରେ ପଦକ୍ଷେପ ନେବି। ଅନ୍ୟ କେଉଁଠାରେ ଛତୁଆର ମାନ ନେଇ ଅଭିଯୋଗ ମିଳିନି ବୋଲି କହିଛନ୍ତି।


Enter your email to get our daily news in your inbox.

All Right Reserved By Dharitri.Com

ବନ୍ୟାଜଳ ପରିଚାଳନାରେ ଅବହେଳା ଅଭିଯୋଗ: ଦୋଷୀଙ୍କ ବିରୋଧରେ କାର୍ଯ୍ୟାନୁଷ୍ଠାନ ଦାବିରେ ଥାନାରେ ଏତଲା

ଭଞ୍ଜନଗର, ୧୭/୧୧ (ବାବୁଲା ପ୍ରଧାନ): ଗତ ଅକ୍ଟୋବର ୨୯ ତାରିଖରେ ଭଞ୍ଜନଗର ଅଞ୍ଚଳରେ ଘଟିଥିବା ଭୟାବହ ବନ୍ୟା ପାଇଁ ବିଭିନ୍ନ ଜଳଭଣ୍ଡାରର ଜଳ ପରିଚାଳନାରେ ଅବହେଳା ଏବଂ…

ତିକ୍ଷୀରିରେ ବୁଲିଲା ବୁଲଡୋଜର୍: ୧୨୪ ଜବରଦଖଲ ଗୃହ ଉଚ୍ଛେଦ ଅଭିଯାନ

ମହାକାଳପଡ଼ା, ୧୭/୧୧ (ପ୍ରତାପ ଚନ୍ଦ୍ର ସ୍ୱାଇଁ): କେନ୍ଦ୍ରାପଡ଼ା ଜିଲା ମହାକାଳପଡ଼ା ବ୍ଲକ୍‌ ଅନ୍ତର୍ଗତ ବହୁଚର୍ଚ୍ଚିତ ତିକ୍ଷୀରି ପଞ୍ଚାୟତର ଟିଖିରୀ ମୌଜାରେ ସରକାରୀ ଜମି ଜବରଦଖଲ କରି ନିର୍ମାଣ…

ବାତ୍ୟାକୁ ନେଇ ୨ଦିନ ସ୍କୁଲ ଛୁଟି ଘୋଷଣା, ଜାଣନ୍ତୁ କେଉଁଠି?

ଭୁବନେଶ୍ୱର, ୧୭।୧୧: ଆସୁଛି ବାତ୍ୟା ଅକୱାନ୍ । ଆଜି ରାତି ସୁଦ୍ଧା ଭୀଷଣ ବାତ୍ୟାରେ ପରିଣତ ହୋଇପାରେ ବାତ୍ୟା । ବାତ୍ୟାର ନୂଆ ଟ୍ରାକ୍ ମଧ୍ୟ ଜାରି…

କଣ୍ଟିଲୋ ନୀଳମାଧବ ଜୀଉଙ୍କ ପୀଠରେ ଧୁମ୍‌ଧାମ୍‌ରେ ପାଳିତ ହେଲେ ଗୋଷ୍ଠାଷ୍ଟମୀ

ଖଣ୍ଡପଡ଼ା,୧୭ା୧୧(ଅଜୟ କୁମାର ମହାରଣା): ନୟାଗଡ଼ ଜିଲା ଖଣ୍ଡପଡା, ଖଳିସାହି, କୋସକା, ଜଗନ୍ନାଥପ୍ରସାଦ, ବେଣାଗାଡିଆ, ସିଧାମୂଳା, ଶାଳଝରିଆ ଆଦି ଅଞ୍ଚଳରେ ମଙ୍ଗଳବାର ଗୋଷ୍ଠାଷ୍ଟମୀ ଉତ୍ସବ ପାରମ୍ପରିକ ରୀତିରେ ଅନୁଷ୍ଠିତ…

ଦାରିଙ୍ଗବାଡ଼ି ପର୍ଯ୍ୟଟନରେ ଯୋଡ଼ିହେଲା ନୂଆ ଫର୍ଦ୍ଦ, ଉଦ୍‌ଘାଟିତ ହେଲା ‘ରୁରାଲିଆ’

ଦାରିଙ୍ଗବାଡ଼ି, ୧୭/୧୧ (ଅରୁଣ ସାହୁ): ଓଡ଼ିଶାର କାଶ୍ମୀର ଭାବେ ପରିଚିତ ଦାରିଙ୍ଗବାଡ଼ିର ପ୍ରାକୃତିକ ସୌନ୍ଦର୍ଯ୍ୟ ଓ ମନୋରମ ପରିବେଶ ରାଜ୍ୟ ତଥା ରାଜ୍ୟ ବାହାରର ପର୍ଯ୍ୟଟକଙ୍କୁ ସର୍ବଦା…

ଚରିତ୍ରକୁ ସନ୍ଦେହ କରି ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା: ସ୍ବାମୀଙ୍କୁ ମଳିଲା ଏହି ଦଣ୍ଡ, ଜାଣନ୍ତୁ…

କେନ୍ଦୁଝର,୧୭।୧୧(ନରେଶ ଚନ୍ଦ୍ର ପଟ୍ଟନାୟକ): ସ୍ତ୍ରୀଙ୍କୁ କୁରାଢ଼ିରେ ହାଣି ହତ୍ୟା ମାମଲାର ବିଚାର କରି କେନ୍ଦୁଝର ଜିଲା ଓ ଦୌରାଜଜ ଗୋପାଳ ଚନ୍ଦ୍ର ବେହେରା ମଙ୍ଗଳବାର ରାୟ ପ୍ରକାଶ…

ବାତ୍ୟା ମୁକାବିଲା ପାଇଁ ଗଞ୍ଜାମ ବ୍ଲକରେ ସିଡିଓଙ୍କ ସମୀକ୍ଷା, ସ୍ଥାନାନ୍ତର ପାଇଁ ପ୍ରଶାସନର ପ୍ରସ୍ତୁତି

ଗଞ୍ଜାମ,୧୭।୧୧ (ବିଦ୍ୟାଧର ସାହୁ): ସମ୍ଭାବ୍ୟ ବାତ୍ୟା ‘ଅକ୍ୱାନ’କୁ ନେଇ ସଜାଗ ହୋଇଉଠିଛି ଗଞ୍ଜାମ ଜିଲ୍ଲା ପ୍ରଶାସନ। ବାତ୍ୟାର ମୁକାବିଲା ଓ ଜନସାଧାରଣଙ୍କ ସୁରକ୍ଷା ପାଇଁ ପ୍ରଶାସନ ପକ୍ଷରୁ…

ପୂଜାରୀବମ୍ବୁ ଗ୍ରାମକୁ ଚାଲି ଚାଲି ଗଲେ ବିଡିଓ: ରାସ୍ତା ନିର୍ମାଣ ଦାବିରେ ଗ୍ରାମବାସୀଙ୍କ ଚେତାବନୀ

ରାୟଗଡ଼ା, ୧୭।୧୧ (ଜଗନ୍ନାଥ ଗୌଡ଼): ରାୟଗଡ଼ା ସଦର ମହକୁମାଠାରୁ ମାତ୍ର ୬ କିଲୋମିଟର ଦୂରରେ ଥିବା ବାଇସି ପଞ୍ଚାୟତର ପୂଜାରୀବମ୍ବୁ ଗ୍ରାମକୁ ଏଯାଏଁ ରାସ୍ତା ନିର୍ମାଣ ହୋଇନାହିଁ।…

Advertisement

ଧରିତ୍ରୀ କାର୍ଟୁନ

Archives

 

Dharitri-Rashifala


ଛୁଟିଦିନ
ପିଲାଙ୍କ ଧରିତ୍ରୀ
Trending
Let's Pledge For A 'Plastic Free' Odisha Join The Movement Of 'Plastic Free' Odisha

Akash Das Nayak, supports a Plastic Free Odisha. Do you?